影片
以上资料只供参考，请与餐厅确认详情
好多食评皆指女店主HARD SALE + 无礼貌, 我感受佢黑口黑面的原因是小家+发钱寒. 食物过份咸, 尤其炸鸡翼咸到入骨, 幸及时吐出. 我觉得青衣城二期小食店 D 职员态度正常得多.
继续阅读
青怡花园附近有好多学校，补习社，琴行etc, 所以其实都很多客源(中小学生，家庭主妇，菲佣etc) 但得一间小食店独市。独市都算，一年内加几次价，铺头入面d人态度超级恶劣。长期唔耐烦，d客问多两句已经黑面，想加多d调味酱又俾说话你听，态度超恶劣。食物方面都系超级麻麻：糖水又淡又稀，水汪汪无味；炒米粉/面就超咸，铺头写火腿炒米粉/面，但有时系无火腿丝架。烧卖肠粉就正常发挥偏麻麻地。态度太恶劣，唔友善，d 野又难食，完全唔建议再帮衬。
继续阅读
街坊成日话呢间嘢态度差，有时我觉得都算，快d买完快d走，又唔系同佢做朋友，冇力气同佢计较咁多。但今日真系嬲猪左。首先佢不嬲都好hard sell，买肠粉问你要唔要鱼蛋烧卖、买鱼蛋烧卖又问要唔要肠粉、买米粉问要唔要粥，买粥又问要唔要鸡髀。如果只系服务体贴问一句就算我都算，次次去到都要问几次，仲要问晕晒一round佢有卖嘅嘢。今日买三份肠粉，佢能本事唔落酱唔包肠粉hold住一样一样问我呢样要唔要𠮶样要唔要，而我一开始就表达清楚我净系要肠粉。佢都仲系要- 烧卖要唔要？（唔需要）- 鱼蛋要唔要？（净系肠粉就得）- 今日有炒米粉。（我净系要肠粉）- 粥呢？有冇兴趣？（唔洗）- 香肠呢？（我唔要𠮶d喇，你帮我包d肠粉啦）- 我地d鸡髀新鲜炸出嚟你要唔要一只？（真系唔洗）😒😒😒😒😒😒买肠粉，钟意食酱所以叫佢多酱，讲左3次都依然系求其落少少。我讲第4次唔该我想要多酱，佢竟然话：听到。跟住只手依然唔肯落，食几十年肠粉冇见过咁白雪雪豉油又冇酱又唔够嘅肠粉。好贵咩d酱？就算真系贵，都已经系咁加价㗎喇㖞！唔好又赖covid，covid唔系加价同时偷工减料嚟做生意再态度差嘅合理解释。同埋不嬲都系做开外卖㗎啦，co唔covid关你咩事啫。
继续阅读
今朝打算食下传统啲既早餐，就行左过去试下呢间野，虽然已经听过训好多话呢间野态度差，啲嘢又难食，不过唔系自己亲身体验都唔可以下定论，于是就买左烧卖、粉果、肠粉、同线豆沙⋯⋯第一次食到有腥味既粉果、烧卖。肠粉就好难难食既⋯不过袋野就净系得豉油，其实知唔知个酱先系重点⋯跟手食埋个绿豆沙⋯哗！顶⋯完全唔甜嘅糖水，直头同水一样冇味，应该直头叫绿豆水⋯可以做到咁差都算系劲！可唔可以比少少心思去经营，做野完全求求其其，唔可能再帮衬，应该好快执。唔好再害人，谢谢☹️
继续阅读
其实住附近都唔系成日食，又唔系最平，又唔系最好食，纯粹赶时间贪方便都可以食下，平时食都系食烧卖牛肉粉果，上海黐饭味道ok但细旧又唔平，不过唔知点解成日都排队。。。
继续阅读