影片
谂住试下，点知真系有稍稍惊喜🤩🤩葱油猪扒双强魬🍛𠮶块猪扒大过个面盘，𩠌嘅份量都好大，猪扒炸到金黄酥脆葱油嘅𠮶阵香气浓郁到极点，完美咁渗入猪扒入面，每啖都好有味道，食到停唔到口，欲罢不能。而且套餐仲送热饮，加多 💰$3 可以换冷饮🌟🌟🍫朱古力奶西多呢个朱古力奶西多真系招牌名副其实🌟阵阵朱古力同牛奶嘅浓香扑鼻而来香到痹。炸过嘅吐司，外皮脆卜卜，入面软绵绵，再配上浓郁嘅牛奶同埋幼滑嘅朱古力粉，甜度啱啱好，一啲都唔会过甜腻口。食嘅时候一定要趁热，咬落去嘅口感，简直就系钟意食甜嘢嘅人嘅天堂💓食量唔大嘅朋友，两个人点一份饭就够食，个份量真系多得吓人🥢🥢
继续阅读
去餐厅食嘢，除咗食物质素要好，服务都好紧要。 服务差，随时食到一肚气。话说新年假期去食， 一坐低就睇下有咩餐啦 ，个阿姊仲走嚟话， 边个边个餐今日冇， 之后就走开咗，咁就自己手机落单啦。结果上到嚟，乜咁清呀，块多士去咗边？？？ 咁就叫返个阿姐埋嚟，问系咪上漏咗呀？ 个阿姐答：无呀，今日无面包，乜包都无呀。 咁我哋问：咁你换啲咩畀我？ 阿姐再答：无呀，乜包都无，冇嘢可以换俾你。 咁我哋就问啦：咁𠮶餐系咪会平啲？？？ 你餐牌写明有嘅嘢，依家无咗㖞。 阿姐话：无平呀，咁今日无面包呀嘛，冇㗎啦。 其实个面包同蛋系送㗎嘛，送少样啰。 真系厉害嘅说法呀，餐牌写明嘅嘢，原来系送嘅。 咁真系无嘢好讲。首先餐牌有嘅嘢，你畀唔到我，有否违反商品说明条例？第二，由入餐厅，同事带位到话畀我听边个餐今日无，都无人话过今日无面包。 如果有讲，我哋仍叫，咁就完全无问题。但系无被通知而无咗，仲要俾个咁嘅答法，好无言。倒返转嚟讲，如果我要求个餐加多块面包， 系咪免费？ 点解少咗食物，就大条道理，无货就大晒？？？食物质素一般， 唔系特别出色，咁样嘅服务态度， 唔会再帮衬啰。
继续阅读
今日（6-12-2024 Fri）又同老公请假整嘢，回收咗啲嘢后，老公都攰喇，揾个地方食啲嘢休息吓，我提议去今年年头嚟过嘅neighbor(https://www.openrice.com/zh/hongkong/r-%E9%84%B0%E5%B1%85-%E8%8D%83%E7%81%A3-%E7%BE%8E%E5%9C%8B%E8%8F%9C-%E6%BC%A2%E5%A0%A1%E5%8C%85-r739252)，上次食评系2024年1月27日刊登嘅呢篇：https://www.openrice.com/zh/hongkong/review/yeah-%E8%A5%BF%E5%86%B7%E5%B7%AE%E5%92%97%E5%95%B2-e5264984，但老公话贵，咁下次至再帮趁啦。咁去边喥食？佢话嚟呢间。啊，咁去啦，嚟到时都有几张卡位，坐低后研究menu，研究咗一段时间，都唔知食乜好，女侍应行过，指住墙话有午餐，我望望，见有$62.00嘅XO酱三丝炒银针粉，加$8.00就有椰汁红豆冰，于是我要呢个。老公睇中$38.00嘅沙爹牛肉公仔面，就要呢个。咁落单啦，我哋讲咗要呢三样嘢，再要杯热柠水，女侍应就指住$56.00嘅沙爹牛肉公仔面常餐，佢亦有问我哋要中汤定罗宋汤？我答中汤。落完单，椰汁红豆冰，热柠水同中汤都到嚟，之后男侍应放低单俾我哋，叫我哋check check，我睇吓，咦？！点解沙爹牛肉公仔面落咗有炒蛋同多士嘅常餐？于是同佢哋讲返我哋唔要常餐，佢哋肯改，但提醒饮品会收正价。佢哋再俾张单我哋，睇到椰汁红豆冰收$28.00，唔系加$8.00同热柠水$21.00咩？于是又问男侍应，男侍应答已经自动计咗最平。啊，咁照食啦。我先饮啖椰汁红豆冰，椰汁味好淡，好失望，红豆就正常腍好味。1.5分热柠水正常冇问题。3分老公嘅沙爹牛肉公仔面都中规中矩，冇乜问题。3分最后上嘅XO酱三丝炒银针粉，食落唔太辣，银针粉爽口弹牙，唔错。5分我最后至饮中汤，系花生眉豆木瓜煲鸡脚，花生眉豆木瓜煲鸡脚味道都几清，唔错。4分抵食系2.7分上次食评系2024年10月15日刊登嘅呢篇：https://www.openrice.com/zh/hongkong/review/%E9%81%B8%E6%93%87%E5%A4%9A-e5729578
继续阅读
出席熊猫酒店的座谈会前，午餐选择了附近的「红豆冰室」。这家港冰室方便快捷，非常适合快速解决一餐。我点了一份番茄浓汤猪润通粉，加了少许辣，再搭配餐包和滑蛋作为套餐配搭 🍞🍅番茄浓汤的味道较为普通，酸甜适中但稍嫌欠缺层次，汤底的浓郁感不算突出，但好在热腾腾送上，非常暖胃。猪润的处理还算不错，口感爽口。通粉煮得软硬适中，整体表现中规中矩，符合一般茶餐厅的水准。搭配的餐包稍微加热后送上，外表松软但未带脆感，配上滑蛋一起吃味道算是和谐，但也并没有特别出彩之处 🤔整体而言，红豆冰室的食物表现普通正常。以方便快捷为主，环境舒适而简单，适合作为忙碌中的一顿快速午餐。若没有太高期待，这里仍是个解决温饱的地道选择 🌟🌟
继续阅读
好耐冇去荃湾， 都隔咗几个月， 今晚约咗2个friend去行千色店， 去返上次嚟过的这间千色汇商场内的冰室， 记得之前好似系新开业冇几耐， 当时食的小菜款式记得都几好味，茶记嚟讲有水准👍。 今晚再试，仍然有水准， 见有家常便饭套餐，确系扺食，$168 拣一条豉汁蒸鱼，配一个小炒菜式的𩠌，有中汤，有白饭，仲有埋饮品，扺到呀， 热辣辣的， 最惊喜系碟蒸鱼的豉油汁好鬼好味，蒸的鱼的热度够，好嫩滑， 成份蒸鱼差唔多我一个人ko晒。 呢间如果近我附近就好啰， 唔使煮饭，悭水悭力。
继续阅读
您可能会有兴趣的...