紅螞蟻 (已結業)

今日去食lunch， 其實之前呢間紅螞蟻都同朋友嚟食過， 咁今日我就再試下 ， 我叫咗個黑椒洋蔥汁焗牛扒飯， 呢個焗飯其實覺得唔錯， 牛肉 軟滑， 個洋蔥黑椒汁亦都唔會話算太鹹或太辣， 但份量其實都好細， 得三塊牛肉咁大把， 個碟其實都細。 所以其實唔係太夠飽， 同價錢都唔係話太平， 可以有更好嘅選擇。…查看更多

同同事食lunch，見到呢一間紅螞蟻唔使等位，又好耐冇食過，決定試一試，點知原來係一個惡夢的開始。價錢唔平唔貴，勝在唔使加一，有中日泰韓式嘅飯累，選擇唔算少叫了一個粟米忌廉汁焗牛脷飯，老實地說，份量比較少，如果比較細食的，還可以，但普通一個標準中國籍男子，似乎應該要為下午茶做好準備牛脷只有兩塊，忌廉汁味道較淡，炒飯底沒有味，整個飯就像白飯加上兩片牛脷一樣午餐包括一杯免費西瓜汁，味道比較自然，沒有很濃的甜味，清清的，但比較恐怖的一點，使這杯西瓜汁是室溫的，感覺怪怪總括來說，價錢相對合理，勝在唔使等位，但千萬別對食物抱有期望…查看更多

今日喺九龍灣lunch同同事一行三人行到去MegaBox發現有間叫紅螞蟻鋪頭見唔多人就攞位等左5分鐘就入得去俾咗個卡位我哋近窗口可以望到廣闊嘅靚景價錢雖然平但食物質素好西西里甜椒茄汁焗牛肉飯 醬汁美味牛肉鬆軟一食就知唔係普通牛秘制去骨海南雞飯 雞有雞味油飯有油味買啲雞胸肉又唔會太un 個醬汁都唔錯香檳芥末汁燴羊仔肉天使麵 菇同羊肉好好味天使麵都夠鬆軟最正就係有得揀餐飲係西瓜汁，西瓜汁係真係鮮榨非常鮮甜，一飲就知道依間鋪頭好有誠意…查看更多

今日要買啲家庭用品，便想起好耐無去MegaBox了，因為喜歡呢度有間大型嘅商店😂，大家都知係邊間啦！😂呢度真係可以消磨成日㗎！不過首先係醫下個肚先，便去了紅螞蟻食個下午茶餐。地方都幾大，環境也算唔錯，侍應生做嘢好快手呢！因為是第一次幫襯，都要慢慢睇下食乜嘢！後來侍應生話雙拼好低食，係自由配搭的，我哋揀咗兩個雙拼都係$43😁😁蜜汁豬軟骨配日式雞中翼米粉~~豬軟骨好淋雞翼炸得好香口，配埋酸辣湯，辣辣地好開胃。😁😁南薑牛腩香茅豬扒髮絲麵~~牛腩比較少不算太淋，豬扒只係兩小舊還有點硬添，髮絲麵望落去真係有啲似米粉㗎，我覺得淋咗少少😂😂加六蚊有一碟時菜添，兩杯凍飲唔少得。侍應生真係好介紹👍超抵和好飽。😁😁米粉~髮絲麵~日式雞中翼好香口，味道甜蜜味…查看更多

最近又被公司安排返一排九龍灣，我之前好少來這區，對於我來説真的有點陌生，不過唯一返九龍灣有好處就係又可試多一些新餐廳。 初來報到就當然要同事帶帶路，今天就到這間紅螞蟻吃吃。 去到時剛巧看著有一大批客吃飽走了，所以不用等就即可安排座位。門口已放有大餐牌，方便等位客人睇定menu 選定餐。Lunch 時間大部分餐廳也full，所以也不會平，但這間價錢也算ok 更包飲品。胡椒肉丸酸辣湯底，味道調得份量足又大大碗。…查看更多

返工放飯，係下午茶時間，有下午茶餐，連野飲免加一。叫左個日式滑蛋汁吉烈豬扒飯，啲豬扒炸得幾好，仁食落d肉酸既，勁懷疑壞左，但又趕時間，只好唔食d肉食下飯。飯又冇小小凍左咁，叫人點食。呢碟野成碟都唔似日式，蛋汁真係汁，幾乎冇日式果種感覺。全唔知得冇咩人，在場既人都食面，可能面先係佢地主打？最後成碟飯只係食左幾啖就冇食，而且賣相不討好，得杯華田飲得落。碟飯賣相唔好就沒影了貼上單據證明係真係黎過！！！！…查看更多

以前，好耐以前，覺得紅螞蟻既餐，就系西餐廳咁，無乜特別，就系可以久唔久食下，味道品錯，價錢又唔貴。後來搬到淘大既紅螞蟻，亦因爲距愈黎愈貴，性價比愈黎愈遠，就愈少再去食距，一個普通餐，由五十可以賣到七十。。後來，距執左笠。今次再黎食紅螞蟻，羊鞍扒喜岀望外！熱！軟熟！咬口！實正彈牙有肉汁既肉質！有厚度！有肉汁！醃香料入味！有三舊！仲要食晒啲飯，都仲有肉未食！份量夠量皮！我就叫左個 無骨海南雞飯，我好鐘意尤其無骨不過同時無骨海南雞都系撞彩先有好野食，好多店都系胸肉，或者鞋肉，似白烚。今舖真系博下。。。可惜，都系同岀面啲海南雞一樣，偏鞋同烚既感覺不過算啦。人地都無骨囉。70分啦~ 不過我心目中就已經有兩間海南雞好食過距。😒另外個湯咸到😂⋯⋯我以為自己舌頭有問題，飲左三分一去試真啲，點知系成淡味精！湯咁另外個紅湯😂，我以為一碗辣椒油黎。。。個樣。不過我無飲過。咖啡就。。。偏苦。總括！羊鞍扒爆分！海南雞唔使再叫。下次叫奶茶。仲未計加一😩。…查看更多

星期日夜晚，間間餐廳都排隊本身諗住mega box會少人d想打邊爐，不過都係太多人so放棄見紅螞蟻唔駛等位，當然直接入服務唔錯，安排座位後即刻送上2杯水套餐種類都好多，望落都吸引一個set有沙律+主菜+飲品板煎加拿大黑毛豬柳定食，份量對男性黎講適中有3塊豬柳，豬柳有肉汁而且唔太瘦仲有南瓜茄子做配菜，唔錯滑蛋海蝦花枝片雞粒火燜飯叫完之後等左好耐，催左1次先到好食，海蝦都有4隻，而且新鮮花枝片得1塊而雞粒都比較少食落好香口，有飯焦，煲仔飯feel份量對女姓黎講ok，男性就可能唔夠食…查看更多

星期六黎mega box行街夜晚本身想去打邊勞但食開個間竟然執左唯有逐層搵野食見到有間紅螞蟻，係吉之島個層餐牌都算多野食，就入左去食叫左兩個set同一個意粉另外魷魚鬚同沙嗲鷄串燒天婦羅既魷魚鬚，個汁幾惹味，份量略小沙嗲鷄串燒，汁偏濃忌廉汁蟹棒三文魚天使麵份量好足夠，忌廉汁濃清燉牛肋骨，牛肋骨燉到好林湯汁清甜，而且有個爐興住，暖住食雜扒餐，全部扒都好林，也不乏juicy個薯蓉也是驚喜之作，好有薯味另外雜扒餐跟三文魚沙津沙律份量好多，扒餐來說十分抵食…查看更多

自從紅螞蟻開得越來越多分店，食物質素及價錢就開始有明顯對比！當然明白，香港寸金尺土也是當中的重要影響 😔我個人認為依家嘅紅螞蟻唔係唔好食，但係價錢已經加到貴價茶餐廳嘅價格😞，即係太x果類。而我覺得最值得欣賞嘅地方係用餐環境😀，光線充足，舖內夠寬敞，坐得舒適！👩‍👩‍👧‍👦方便帶同小朋友用膳，而且不容易打擾到其他食客！💑情侶約會亦是不錯選擇 ❤侍應服務也值得一讚😁，反應迅速而且有禮🙏。…查看更多

晚餐點選了炆燉美國牛肋骨定食， 點知送嚟嘅係台灣牛肉麵嘅湯同埋牛腩， 牛肋骨欠奉。 侍應話佢都唔知 一pack pack嘢嚟嘅時候係點， 似乎食物唔係喺佢哋個廚房度準備。 侍應叫我點過第二個菜， 似乎對於貨不對辦呢樣嘢， 輕描淡寫好似冇事發生一樣。 佢哋似乎冇留意咁樣已經犯咗商品法罪。…查看更多

#小秘書 自從早幾日睇完 叱咤樂壇 流行榜頒獎典禮，#古天樂 首 #飲歌 #男朋友 就開始喺我個腦 #無限loop🎧 琴日仲特登約埋班朋友去K撐 #古仔🤩 因為明知下晝去K一定無啖好食，所以我哋都寧願喺商場食啲嘢先上去。我哋喺商場左兜右兜行到嚟 #紅螞蟻 Red ant 🦟 因為當時實在太肚餓，所以大家都唔想繼續行，諗住入去簡簡單單食個 #下午茶餐 就開咪，但係最終不敵魔鬼誘惑，齊齊叫個 #焗飯 嚟填肚🤣 仲加咗兩杯 #冬日特飲 嚟補補身❤️ #紅螞蟻 #焗飯 嘅質素係點應該唔使多講啦！我要推介嘅係佢哋嘅 #冬日特飲 ☕️ 我要嘅係 #桂圓杞子百合茶 ☕️ 真係無諗過喺餐廳都可以飲到咁足料嘅飲品，啖啖 #桂圓肉、#杞子、#百合、#蓮子、#蛋白🥰 就連我呢個唔識嘢嘅小女人，都覺得佢夠哂補！至於我朋友要嗰杯 #決明子桑寄生茶，齋係見到隻蛋都知係好嘢嚟啦🤩 好想再嚟一杯呀！…查看更多

聖誕夜， 今晚一家人出去搵好嘢食， 點知行咗好耐成個商場都係人， 行到接近八點， 因為已經好攰， 所以直接入咗去紅螞蟻食晚餐。我哋一行三人點咗兩個set dinner 及一客意粉， 老公揀咗 燒羊架配蒜蓉汁， 忌廉素鮑魚湯及熱咖啡， 釀㗎剛好六成熟， 入口淋淋地， 不過個蒜蓉汁的賣相就有啲似豆豉醬， 醬汁味道一般， 經理話個湯有懷舊風格， 都幾特別。 我自己就點咗荷蘭 西冷牛扒 配燒汁、 羅宋湯配凍檸茶， 平時食開的牛扒多數來自美國及紐西蘭， 諗住試下荷蘭品種， 口感還是美國的比較好吃。 阿仔點了德國香腸溫泉蛋肉醬意粉， 意粉份量十分多， 我一個大人都未必食得曬， 所配的德國香腸 同平時食開的有很大的差異， 口感怪怪的。…查看更多

我去Megabox行街，行完仲要買外賣比家中老幼晚餐，肥髀又有要求嘅，所以揀咗呢間餐廳，門口放咗桌椅，又有餐牌，揀咗之後入店內落單，收銀女店員爽手，叫我10分鐘後到，我坐在門外桌椅邊等邊玩電話，店內男店員見到我，親手攞外賣出來比我，幾nice西班牙汁焗牛脷飯（$57.5）外賣自取有折扣（原價$68）錫紙盒，包裝企理，焗得微燶，牛脷淋身唔腥有咬口，好味，汁酸酸地，撈鬆軟白飯開胃好味！配菜有蕃茄、菇片，同洋蔥，已經淋晒，同西班牙汁幾夾！好味！店員有禮斯文焗飯係外賣最好選擇…查看更多

小秘書月中會同屋企人返大陸玩幾日，點知原來回鄉已經過期， 匆匆忙忙走去九龍灣排隊換証。因為嚟得太突然，做唔到網上登記，唯有親身去攞籌😫 望望張飛，要等差唔多200個先到我，又成日未食過嘢，襯中段時間走去Megabox搵嘢食。去到Aeon，遠遠望到「紅螞蟻」，見星期六都有下午茶餐，就諗住快快趣趣入去食啲嘢再返去中旅社辦証。我諗因為我太大食啦，想叫個牛腩雞排麵，點知阿侍應姐姐好愕然咁望住我，搞到小秘書好尷尬[懵逼] 問佢係咪唔可以雙併，佢笑住話「唔係呀，想問清楚啫」[呵呵] 車.. 理得我食咩wow!廚師手勢都好快，碗麵無五分鐘就到，湯底總算熱辣辣幾好味，不過牛腩就唔多似牛腩，我就話似牛肉多啲🤭 雞排味道都ok嘅，飲埋杯奶茶...飽哂👌🏻…查看更多