紅蜻蜓 (已結業)

午餐時間寫11點開始， 我地11點入去，入到去叫佢比午餐餐牌，又話轉頭比，叫左幾次都冇比，仲要話都要等陣，我見其他枱有餐牌，到我自己攞，佢又話攞比我，但到最後都冇比，跟著我地走人， 仲話我地冇品，我地咩都冇叫，咁叫冇品？請問你有咩損失呢？咁既服務態度，搵鬼食！！！！！…查看更多

不知所謂! 店員的服務態度勁惡劣,會俾說話客人聽, 發難渣, 明顯希望少d客, 吾洗做 叫左個炒飯, 勁吾掂, 超級油膩, 勁難食奶茶很苦, 勁難飲.以前一家常光顧, 香港仔一帶不錯的選擇.自從裝修過後, 變得越來越差, 明顯不多客昨晚深信是最後一次…查看更多

香港仔食乜好，諗唔到就食紅蜻蜓啦。我特別推介午餐😑是日同友人去食lunch，叫左個肉醬意粉同咖喱焗雞扒飯佢仲要送餐湯餐飽同野飲只係四十幾蚊真係抵食到爆😋而呢一到lunch 既時候就好多人排隊架啦所以如果可以就早啲12點40分前到就有位架啦，唔係就等下啦。佢地既上餐時間都好快，點完等10分鐘左右就有啦。肉醬意粉勁多醬😆包你每一口既意粉都會沾到醬，一定唔怕dry 👍🏻而咖喱焗雞扒飯，咖喱夠香雞又嫩只係略咸少少。不過總括黎講午餐真係平靚正值得推介👍🏻而我見到好多人都點海南雞飯唔知係咪都好好味呢🤔等我下次試下先…查看更多

浪子與友人到了香港仔避風塘，行到晚上才發覺我們行耐咗一點點。行耐咗一點點的意思就是遲了大約半小時才回到香港仔中心，各大食肆都已經人山人海，要等位。本來我們打算到緬泰皇宮的，但那邊等位的人多得很厲害，轉到隔離街的兩家日本菜，又發覺一間滿座另一間沒有甚麼人，令我們也不敢去"無乜人"嗰間。最後我們遊蕩到有Pizza hut和甘味的那個商場，友人卻忽然說想吃鐵板餐，於是就走到了紅蜻蜓。鐵板餐就沒有吃到，最後我們選了精選晚餐，又叫了一個咖喱雞飯。價錢十分便宜，鐵板加$6。汽水不用加錢，而且是罐裝+冰杯，非常有誠意。先嚟餐包和餐湯。餐包叮翻熱，配一個微辣的羅宋湯，十分開胃。雜扒餐有豬扒，牛扒，雞中翼，煙肉和香腸。其實每樣嘢的價值都不高，但大堆頭，每樣嘢都味道很好，這樣雜扒餐就變得很抵食。其中薄牛扒煎得最好，食下去也很鬆軟。配黑椒汁十分好味。這兒的咖喱雞是很神奇。個飯很大碟，配這個香滑的咖喱汁是十分好的。神奇的是內裡只有一件是薯仔，其餘全部都是雞肉。雞肉很稔，不算最嫩滑但也不俗。兩個飯餐都跟飲品，加一才不過$140元，非常超值。…查看更多

去了海洋公園一整天，我倆拖著疲乏的身軀來到香港仔已是晚上八時，在這裡吃過晚餐才回家。因不想吃快餐店，見多人在這餐廳門外排隊，結果加入了等位行列，約等了十分鐘便有位。檯上有一大疊餐牌，有扒類，粉麵，咖喱等，太座點了芝士焗海鮮意粉，我點了班球燴意粉，有餐湯和熱飲。最先送來的是熱檸水，而羅宋湯很不錯，味道濃郁，沒有加水開淡的現狀，餐包也暖和。然而好景不常，主菜與餐湯的水準相差甚遠，像出自兩個不同的廚房，先說芝士焗海鮮意粉，意粉超腍，相信連初生嬰兒也可吃，但對於我們來說是噩夢，我們不會期望會是al dente，但不致於軟腍至此，焗的芝士是沒味的，白汁像漿糊，當然海鮮料也不用多說也知是普通料。「沒有最差，只有更差！」，這句話用在我的餐是最貼切，班球燴意粉，沒想過名字和實物相差太遠，一大堆茨汁覆蓋著意粉，茄汁茨比漿糊更漿糊，極膩口，也不可口，像加了漿粉，從茨汁堆中尋找「班球」，可隱約找到像手指頭般大小上了粉團炸過的魚粒，但也許這些炸過的物體曾在醬汁中浸淫了一段長時間，已經沒有輪廓，味道和本質，變成了一堆濕粉團，極度難吃！意粉也是超腍，像吃漿糊！其實已預期不會有甚麼高水準，但想不到低至如此吧了！下次也許找間燒臘店吃碟燒味飯，或是魚蛋粉，相信會較可靠。…查看更多

今日同媽咪去食早，就入呢間嘢…媽咪話想唔要自己拎先入去。之後我見架位，啲侍應見我就問幾多個人，答兩個就迫人坐唔係架位。見其他架都係兩個坐，我覺得唔公平。呢間嘢唯一好只係上菜時間快，一個字都唔洗就上哂。先講個通粉，多火腿，而通粉係夠淋:熱力係唔太熱。算係無味精嘅。味道都比較淡味。另外魚柳煎蛋，隻蛋煎得過哂火，無汁支出嚟:魚柳炸到過左少少火，慶幸舊魚仲有少少水份。如果太乾，就好似食柴。…查看更多

又到三點三tea time，同老細夠鐘蛇一蛇。對於我地嚟講最緊要一個字 "近"！呢度地方闊落，都幾好坐，下午茶人流唔多，岩晒偷偷蛇下。叫左個豬排包加熱奶茶茶餐，價錢$30附近。 佢做得唔錯既係將包切成四份，方便好似我呢d小咀進食，包皮位夠脆，豬排size都可以。唯一要改善既地方係脂肪位冇處理好，結果我食到果個位既時間要吐番出嚟。不過整體係一個唔錯既下午茶餐，係快餐店既水準之上！…查看更多

店名：紅蜻蜓地址：香港仔成都道38號利港中心2樓209號舖好味指數：7.8/10價錢：(上)皇牌咖喱牛腩飯 $45（左下）美國肉眼扒配薯菜$45（左下）跟餐配餐湯，麵包及熱飲肉眼扒選了黑椒汁，醬汁結而濃味。薯角不夠脆，肉眼扒很滑。咖喱汁香濃美味，撈飯一流。牛腩質地嫩滑，炆得夠腍，有兩件牛筋。份量亦很大，足夠食用。湯有紅白兩種選擇，我選了紅湯，即羅宋湯。味道不太濃蕃茄味，但仍然夠味，最重要的是夠熱辣辣,好味！ …查看更多

爹哋生日去了吃鐵板餐。他選了平時愛到的紅蜻蜓吃扒餐。每個餐都有餐湯跟麵包。媽咪點的白湯比較鹹，我們點的紅湯還可以，很典型的港式豉油西餐廳味道。餐包微暖，牛油放在包底焗熱，所以也溶得非常徹底，很容易塗。我最喜歡鼓油西餐，上鐵板時叫你拿著紙巾，然後侍應把黑椒汁倒上鐵板，"咋”的一聲，黑椒汁呯呯啪啪彈到四處都是，這就是由細到大吃扒餐最開心的時刻。阿妹和我都叫了肉眼扒餐，$68，牛排非常薄，吸汁力非常高，所以有點偏鹹。鬆肉粉份量不算強，尚算吃到牛肉的質感。爹哋叫的自選扒餐較貴，$88。即改了雙拼扒，多了意粉和餐飲，不太實用。媽咪最喜歡點什扒餐，$68，什麼都有而且她又不吃牛排。這裡的什扒餐除了雞扒豬扒腸仔，還有煙肉。媽咪說黑椒汁味道偏鹹，平時比較好一點。服務尚算ok，姐姐們一直笑面迎人。滿足的一餐就是一家人開開心心的吃晚飯！…查看更多

不知所謂!店員的服務態度差,會俾說話客人聽.我叫左個香草豬肉撈檬,點知D豬肉和檬粉各自發展,完全不夾!我自己整出前一叮都仲比佢好食.熱檸茶的檸檬好酸!完全唔掂~連呢D小事都做唔好,點期望佢D野好食呢?睇來呢度的廚師都幾易做,有人想做廚師但冇經驗的不妨去呢度見工.…查看更多

本身去譚仔吃米線，由於排隊關係轉移隔離紅蜻蜓。叫了鐵板燒套餐，HKD88，選了羊扒+豬扒，肉都好好吃，黑椒汁有點太鹹，其他都可以。餐湯-羅宋湯，比較咸，一般般溫度！海鮮拉沙，好咸，好“杰”，海鮮好少料，湯很濃，香味不夠！總結就是味道偏咸！！:(…查看更多

以往因工作的關係，常到香港仔，可見近來已經沒有踏足香港仔，最近也開始踏足這區。是晚心大心細的來到利港中心的紅蜻蜓餐廳，好壞參半，在沒有甚麼期望下，就進入餐廳試試看。餐廳以西餐廳的格，多為梳化座位，亦有二人的座位，不過座位擺設感覺上好似迷宮似的。看看餐牌，食物種類真的很多，有馬來喇沙，鐵板餐，也有韓式食品，咖哩飯和茶餐廳的碟頭飯也有，種類繁多，當中鐵板餐和西餐由五十八個大洋起，至百來個大洋不等，其餘都以四十多個大洋便有交易，可謂豐儉由人。由於女友已經吃了東西，故不用點餐。麵包鬆軟，沒有烘過，亦較為普通。羅宋湯表面較為多油，蔬菜也頗多，喝一口較濃稠，沒有辛辣感覺，主要材料為紅蘿蔔及芹菜。點來一個豉椒班腩炒河，豉椒班腩炒河豉椒頗多，班腩炸粉不厚亦夠軟腍，豉椒和班腩一起炒來雖然有點惹味，但是可以炒得更好。飯品為熱鮮奶，在下沒有喝過，而給了女友喝呢！在毫無預期下。在這餐廳用餐，反而有點勝過預期的感覺，雖然未至於很好，但是不至於差吧！…查看更多

很久沒有到香港仔了，很懷念以前家住香港仔的回憶。今天由於做義工的關係，所以便到香港仔，順便吃個下午茶。紅蜻蜓不經不過都應該開了三年左右，我搬家前一年左右才開業的，跟普通的茶餐廳差不多，但座位尚算是寛敞。下午茶的款式比一般的茶餐廳多，價錢亦相應的貴了幾元，最便宜的都要30元，假日還要加一，所以最低消費盛惠33元正！焗芝士肉醬意粉($32): 吃意粉前，摸一摸碟邊，很熱，證明真的是放進焗爐的，不錯！香濃的蕃茄醬味迎面而來，芝士的份量則略為不夠，但醬汁非常之多。最怕茶餐廳的意粉煮得太稔，但這個意粉則煮得剛剛好，而且非常熱辣辣。香濃的蕃茄醬混和著意粉，算是茶餐廳裡比較出色的肉醬意粉，值得推介！馬來雞扒喇沙米粉($30): 喇沙的湯頭沒有香濃的椰味，外表雖然看似非常濃郁，實際卻有點淡，但吃得出有很多的蝦米，跟我平常喜歡吃的有點不同。魚片只是一般，不是特別帶有魚鮮味的那種，當然更不會是有點彈牙的魚片。雞扒是比較薄的，不是即時煎的雞扒，味道一般。點這道米粉前帶有點期望，希望會有些香濃的味道，可惜最後吃到的不是我想吃的。整體還可以吧，保持著一般茶餐廳的質素，雖然價錢是貴了幾元，但份量卻很大，絕不是真的下午茶份量，所以性價比還是可以的！由於喇沙只是一般的關係，所以我只是評OK。…查看更多

港式西餐廳格局，舒適度普通。食物款式多樣化，價錢不貴。餐包外購款式，無乜特別。是日中湯木瓜豬肉湯，味濃甜美，幾好味噃！雞扒餐肉意粉份量足，雞扒OK，餐肉質素稍遜，意粉略腍身，但茄汁酸甜味道不錯。焗龍脷柳意粉，水準和預期差不多，白汁則不及紅汁味佳。…查看更多

今日原本同屋企人食 Pizza Hut"不過見太多人等位..就過隔離是但搵 D 野食算"我地經過見到呢度又唔洗等位" 又未試過.就諗住近近地食呢間"入到去睇完 Menu 都冇咩大問題" 我地叫左 3份扒餐" 黎到既時候我地用黎浸刀叉杯水倒瀉左.捧餐既o個位先生係正常情況下"唔係應該有最基本既禮貌"唔清潔都算"竟然只係講句 " 唔好放 D 餐具落去牙嘛.會跌架"就放低左 D 野食走左去!!!!仲要事後先知.. 個捧餐既先生睇住我地倒瀉水之餘.佢手上面O個2份 << 新鮮"既扒餐既位置係係我家姐個頭隔離"搞到 D 汁彈到落我家姐隻眼!!!我知佢地唔夠人" 要搵係廚房做既呢位捧餐先生上前線捧扒餐出黎"呢位先生既服務我就真係唔會再領教"仲有一樣係當我家姐要 Order 一杯香芋奶茶"個 Waitress 行開左去問佢其他同事有冇"轉個頭返黎同我地講..."冇珍珠,冇呢樣飲品"我同我家姐眼都凸埋" 甚麼? 我地何時要香芋珍珠奶茶"?當我家姐 repeat 左一次杯香芋奶茶. 佢又行開左再問"今次...終於有喇!!!呢一次既體驗就真係多謝晒"難怪隔離譚仔. Pizza Hut 爆晒棚"惟一呢間唔洗等位之餘" 8pm 已經冇人啦!! 原來有原因架!!! …查看更多