影片
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
外卖嘅得一个，整好又唔讲，要我主动见到个外卖袋先入去问，出面太阳晒到傻又睇唔到入边咩样，喺门口又见唔到个外卖，同店员你眼望我眼之后又走咗😅平心而论个早餐系冇问题，之前堂食出餐都快，明明之前外卖都会走出个餐厅叫人，而家叫都唔叫，要个客通灵，唔想做我生意可以出声唔使放我喺太阳下曝晒30分钟
继续阅读
之前嚟食嘅感觉很好，确实同意红茶系近年茶记质素标竿，亦都睇到市场接受程度，令呢个品牌成功不断开舖。今日有时间去食一份早餐，嗌嘅系沙爹牛肉通粉+丹麦酥配炒蛋+冻鸳鸯。沙爹牛肉通粉 - 之前香浓嘅金宝鸡汤底明显淡了、沙爹牛肉嘅香浓亦退却了不少。丹麦酥配炒蛋 - 丹麦酥质素系保持到，但系份炒蛋已经唔再有嫩滑嘅感觉，只属粗制滥造嘅一般货色。冻鸳鸯 - 一摆低嘅时候我以为自己睇错，白雪雪到好似好立克咁，搅匀咗之后先至似返啲样。味道方面啡味唔够、茶味太淡，系成个早餐入面最失望。
继续阅读
平时见好多游客去尖沙咀分店，其实作为本地人都未去过，今次见九龙湾有就食下。好多茶记通常11点就无早餐，呢到去到11:30认真唔错。试左佢个招牌沙嗲牛面，$40有嘢饮、面、丹麦多士同炒蛋算唔错，而且食落味道都好浓同埋好食，有啲明点解咁多人帮衬！
继续阅读
我一直都好想试红茶冰室，平时lunch time无论几多点都系排晒长龙，总系觉得机会唔会轮到我。今日因为返工，终于有机会可以试吓食红茶嘅早餐，$40早餐大大份，饱到我连lunch都唔使食。今日嘅早餐我拣咗沙嗲牛肉米粉、丹麦包、炒蛋再加奶茶。沙嗲牛肉米粉真系好好食，忍唔住食晒，争啲连汤都想饮晒，丹麦包超好食，炒蛋就中规中矩。不过我期待嘅奶茶有少许失望，觉得茶味唔够，不过$40有咁多嘢食，我都要赞吓嘅。
继续阅读
同朋友嚟呢间红茶食下午茶，知道呢间茶餐厅好多内地人钟意帮衬，有啲分店会见到排晒长龙，尤其是尖沙咀分店，所以都好少入去食。今日经过九龙湾分店，估唔到呢间原来又唔会太多人，一入去就有位。叫咗两份下午茶餐，朋友食星洲炒米，好大碟，佢话好正。我自己就食咗个猪扒包配沙律，猪扒包都OK ，不过猪扒唔算好厚，同埋好多酱，沙律就真系麻麻哋，又系一大pat沙律酱配上细细粒红萝卜青瓜粒𠮶种沙律，如果我知道系呢种沙律应该食炸薯角仲好啲。两个餐共93元唔算贵唔算平，整体可以。
继续阅读