影片
话说两年前入过嚟食，唔记得食咗乜，只记得系「唔好食」，「落错单」，同「服务差」。当时已经将呢间嘢blacklist咗。琴晚见到佢隔离开咗间「恒河咖哩屋」（试业中），又想食咖哩，就入咗去试吓啦。点知入到去，先知两间嘢系一齐的，已感中伏。不过，即管试试啦。装修ok 嘅。同两年前一样。有温暖家庭feel，又几细心有挂钩响墙上俾客人挂褛挂袋咁。不过张布sofa啲布好污糟，有好多渍。唉，心谂：食完即走，算啦。叫咗个晚餐set: 羊肉咖哩（叫咗大辣），跟印度饼。包餐汤（叫咗白汤）嘢飮（叫咗冻鸳鸯）。再另外叫咗一客samosa (印度咖哩角）。**我张抬隔离就系印度哥哥整饼的地方。这个容后再谈。**眼镜高瘦男侍应哥哥先来俾碗白汤我。首先，碗西汤竟然用大排挡白色胶饭碗嚟装，已觉非常之唔professional。试谂吓如果你食spaghetti 但系用云吞面胶碗.... 算罢。饮啦。噢，冻的。唔好味唔紧要。但系「唔好味」加「唔热」就真系唔得。举手叫侍应，冇人嘅。只见到洗碗姐姐坐响度玩手机。唯有起身自己揾侍应。「唔该，可唔可以帮我热番个汤呀？」「你等等啦。」坐番低。好快嚟咗个samosa, 连薄荷酱。呢个几好味, 不过个皮好厚。如果咖哩味重啲，个馅多啲就好啦。杯冻鸳鸯都上枱啦。冇鸳鸯味的。似冻奶茶多啲。之后个咖哩羊都嚟埋啦。呢个时候，我碗汤都未翻热番。个印度哥亦未有出现整饼俾我。我已经feel到唔对路。就快食完个samosa，碗汤返嚟啦！噢no, 点解系加咗水嘅？又唔热，根本冇帮我加热返！此时心中有点火，唔饮啦！我已经冇心机叫佢地跟跟个印度饼，我斋食个咖哩。真心好味㖞！系啲羊肉有啲嚡。我本人喜欢辣，佢又真系够辣的！这个可以一赞。我食咗九成咖哩，个印度哥哥先慢慢响后台行出嚟整饼。我继续食埋啲咖哩。之后行去收银处。「你可以叫师傅唔洗整个饼啦。」「噢！唔好意思呀！帮你做返外卖吖。」（此刻我feel到佢有「唔好意思」之意，即系佢都知衰啦）。「唔洗啦。」「咁我俾个折你啦。」我冇答佢。张单由$115 变成$105。对有冇折我完全「零感觉」。但系呢餐晚饭我食完觉得好嬲。打咗成个礼拜工，想食餐饭啫⋯ 我唔会再去呢间嘢。《完》
继续阅读
午饭时又黎到大角咀揾野食,今日一行6人揾间餐厅坐下先～未到午饭时间就有同事急急脚落左去揾位,点解?一黎大角咀午饭时间其实都几多人,尤其是近澳运果边,咁有同事拎左枱,我地都随后跟上啦～去左呢间red rice储印仔,呢间餐厅中西合璧,应有尽有,有人叫铁板餐,有all day breakfast,而我今日叫左蛋包饭,呢个蛋包饭正就正在,佢入面系西炒饭底黎,一开头食落去仲惊,西炒饭咁红会唔会好酸,不过又唔会㖞,西炒饭都算炒得干身,一餐满足左2个食法,正👍🏻
继续阅读
在这里和同事吃个午饭, 餐牌的食物款式有很多, 他们也有午市套餐供应, 而且价钱亲民, 食物分量又多。这里的点餐速度快，食物很快便送到上枱。日式甜薯温泉蛋沙律份量多, 沙律可以配上胡麻酱或千岛酱。里面的迷你日式甜薯很软熟和鲜甜。上面的温泉蛋是流心的，蛋黄汁可以捞沙律菜吃。功夫海南鸡饭套餐会跟上海南鸡三式酱、昆布清鸡汤、小唐菜、海南鸡一客、秘制鸡油饭。套餐还会跟上迷你沙律、餐汤、蒜蓉包。我没想到一间小型餐厅也能提供好味的海南鸡。海南鸡肉质也挺嫩滑, 配鸡油饭一起吃，不错。另外，我们亦点了上汤杞子浸娃娃菜, 它的汤底带杞子味，里面亦有杞子粒，娃娃菜很甜。
继续阅读
好耐无嚟红米, 今日同同事去帮衬下, 点知... 都几失望 ... ...半年无嚟, 餐厅格局变左, menu 转左 (多左嘢食但贵左)待应转晒人, 态度都几令人却步.Study 完个新 menu, 我叫左个 set lunch "香草白汁烩鸡扒拼双腿意大利粉"跟个菜汤+热柠茶 $39点解失望 :个意粉上得快过个汤 ...意粉汁无味 ...鸡扒我估佢煎到黏底, 因为个面无左一挞挞 ...可取 :意粉够林, ok火腿烚嘅, 正常个菜汤最好, 味道够 (我果碗热, 但同事个忌帘汤吾热...)热柠茶正常.
继续阅读
又到咗打工仔lunch时间，今次去咗Red Rice，谂住求其叫个set lunch，入到去揭餐牌先知原来有好多嘢拣！见到隔离枱叫咗个蛋包饭几靓，我又叫返个鸡扒蛋包饭，估唔到连汁都有得拣，我就拣咗茄酱汁。等咗5分钟就有，一见到真系忍唔住哗咗一声！估唔到大角咀一间外表普通嘅餐厅都可以整到个咁靓嘅蛋包饭！个蛋面竟然有蛋汁，卖相成朵玫瑰咁，厨师真系功架十足！鸡扒大大件，厚肉到我要用力先切到，咬落去好juicy，好味！蛋包饭系西炒饭底，西炒饭炒得够干身，饭亦唔系一旧旧嘅烂饭，配有蛋汁嘅蛋食落简直完美！仲配有少少沙律菜，感觉健康d！不过饭份量唔算多，男士可能会觉得唔够，但对OL嚟讲就好饱喇！推介！
继续阅读