紅磡雞蛋仔

营业中

休息中

 沙律淨芒果班戟 $19 8.5/10芒果🥭份量超級多🤩芒果新鮮，味道清甜、無渣無酸味👍🏻加埋沙律醬同口感軟糯既班戟🥞一齊食，口感豐富，好食！ 原味雞蛋仔 $14 6/10同沙律淨芒果班戟相比略為失色。雞蛋仔🧇雖然新鮮整起，但做唔到外脆內軟既口感🙊個人認為好似食緊內層較為空心既雞蛋糕🥧雞蛋🥚香氣亦唔算好突出下次都係食返班戟就夠🥞👌🏻  

成日喺黃埔紅磡呢頭附近嘅我，聽紅磡雞蛋仔就聽得多，但食就真係第一次食🤦🏻‍♀️好後悔點解我唔早啲發現呢個地方，呢度無論係雞蛋仔格仔餅定係班戟都非常高質，而且價錢非常親民！我鍾意呢度嘅程度係，我一個禮拜之內食咗四次！！我自己個人就比較鍾意食啲cakey啲嘅雞蛋仔，所以可以大膽講句，係我覺得係香港我食過口感最滿意最好嘅雞蛋仔！！其實除咗鍾意食佢嘅小食之外，都好鍾意好親切嘅老闆，我每一次去企係側邊食嘅時候佢都會主動問我好唔好食！叫我下次去試吓唔同嘅嘢～係小店先會有嘅人情味🥺雖然我四次去嘅時間都唔同，但係人流都一樣咁多，大家要預少少時間排隊同等呀～.《三色雞蛋仔》$20 😋😋嚟咗幾次觀察到呢度嘅雞蛋仔除咗原味之外，其他味道都係即叫即整嘅。唔知係咪因為太多人嘅關係，覺得我食三色雞蛋仔嗰嘅呢一次攤凍得唔夠耐，拎上手嘅時候都仲係好熱。同埋感覺上有少少窿咗嘅感覺，影出嚟唔係好睇得好三種顏色咁，特別係抹茶嗰一邊。個人覺得三隻味最好食係朱古力！！而原味都好香蛋味，係唔錯嘅。抹茶味都唔差，幾濃，但濃得來又唔會話好假嗰種化學抹茶味🤣長氣都要講多一次，呢度嘅雞蛋仔口感真係好正！！.《朱古力雞蛋仔》$19 😋😋😋雖

成日喺黃埔紅磡呢頭附近嘅我，聽紅磡雞蛋仔就聽得多，但食就真係第一次食🤦🏻‍♀️好後悔點解我唔早啲發現呢個地方，呢度無論係雞蛋仔格仔餅定係班戟都非常高質，而且價錢非常親民！我鍾意呢度嘅程度係，我一個禮拜之內食咗四次！！我自己個人就比較鍾意食啲cakey啲嘅雞蛋仔，所以可以大膽講句，係我覺得係香港我食過口感最滿意最好嘅雞蛋仔！！其實除咗鍾意食佢嘅小食之外，都好鍾意好親切嘅老闆，我每一次去企係側邊食嘅時候佢都會主動問我好唔好食！叫我下次去試吓唔同嘅嘢～係小店先會有嘅人情味🥺雖然我四次去嘅時間都唔同，但係人流都一樣咁多，大家要預少少時間排隊同等呀～.Been coming to Whampoa for the past 20 years of my life 😔 and i didnt even know this egg puff GEM existed💎 i wished i found this place a lot sooner 😆 its not just the egg puff, waffle 🧇 and pancake 🥞 are both absolutely amazing

來得紅磡冇理由唔搵出名嘅雞蛋仔, 不過今次我就叫咗格仔餅, 因為完全唔使等, 老闆落咗好多醬料, 好豐富, 格仔餅又夠厚身又脆， 食完已經好飽，晚餐都可以唔使食其實我見好多人買 班戟，有甜有鹹選擇， 下次都要試下

這一天亦是在紅磡有事做，忽然心思思想食阿叔雞蛋仔，便走到上一次吃不到的紅磡雞蛋仔整番底食吓先，早幾年已幫襯過笑容滿面叔叔的美味雞蛋仔經常想重溫，今天終於有機會重溫來吃喇！！                                                                                                                                                                                                                                                                                                                                       我揀了最喜歡原味雞蛋仔只須＄14價錢親民到一個點啊！最重要是好味道，口感香脆得來不會空心又唔太甜，絕對是一貫的美味。 持著車爸爸在多來一客奶油甜班戟＄8解饞，吃這個班戟

由小就幫親開既紅磡雞蛋仔店，從明安街搬來大沽街都係大排長龍，但不會影響到要食既決心搬去將軍澳住之後也食不到街坊美食了，來紅磡平時都是家姐買回家給我品嚐今次我終於來親自購買，老闆也認得我家人真係幫親好多年啦原味班戟 $9一定要order多醬，配上花生醬和煉奶 班戟鬆軟，一定要親熱食格仔餅 $15厚厚的一片格仔餅配上了白沙糖和花生醬，脆脆的外殼加軟軟的內心原味雞蛋仔 $14即叫即整的雞蛋仔，外脆內軟食落好似蛋糕仔，好足料味道 賣相 衞生 服務 抵食 推介

以前朋友話黎紅磡一定要食紅磡雞蛋仔，但係我從來都未食過，咁今次就試下啦，結果好有驚喜，好正，超爆多料呀！叫左個榨菜肉鬆pancake，吓，榨菜加肉鬆？放落pancake度？ 無諗過原來係咁夾！Pancake好鬆化，好綿，一啲都唔油或者滯，中間夾住超多肉鬆，好香，啲榨菜切成四方形cubes，一粒粒勁大粒，唔係死硬果一種，而係咬落冧冧地但好有彈性，成個組合係有勁多種口感，一個字 正！ 5個字，難以形容咁正！# 榨菜肉鬆pancake # ***** ***** 10/10

排長龍 電視播完之後去食 人龍排到街尾 睇黎好多人都係好似我咁 睇完節目覺得好吸引就去朝聖雖然都唔係排左好耐 半小時左右但種種因素令我對佢好有期望今日試左最普通$15既原味格仔餅脆口但味道可以更好 好厚身 個人鐘意食薄身小小 方便入口勝在價錢便宜 食街坊人情味 有機會試埋佢個雞蛋仔先（唔洗排隊嗰陣）見店主叔叔一直望條人龍有幾長 有街坊好好笑回應：「唔洗望啦，有排都未到隊尾啊！」希望2叔姪繼續將呢樣傳統小食同工藝傳承落去啦☺️

冇經東張西望訪問過，難得我今天放假，由港島區搭巴土過來紅磡試下是否食評介紹咁好味，一來到大概有10位市民等候，但不夠5分鐘已經有得食，而且保留傳統有砂糖的原味格仔餅，是我食過暫時全港最好味頭3位排行榜，同埋伯伯好好人……有講有笑，哄到每位市民的親切笑容！！下次有時間再來食其他口味 班戟或雞蛋仔……期待！！😊😊

朋友介绍这网红店给我很久，今天才第一次有机会试食。因为店在小巷裏，原先还怕找不到他。但一转到大路口，便看见长长的人龙。我猜.....就是你了。人龙裏有不同的年纪，但大都是来打卡的。老板也很好玩，虽然忙到头晕，每次看见人家拍照，他都做反应去配合。很想了解为何在很短的時间內便变成网红，所以点了两个招牌食物-鸡蛋仔和格仔饼。这种食物是从小吃大，东西一到手便知龙与凤。他的脆格仔饼是暖暖和软软的，酱料混得很配合，入口鬆化绝对没有一坨面粉在口中的感觉。他便鸡蛋仔烤完后便放凉一下，外皮变得非常鬆脆蛋味很浓，真是难得的体验。

◽️今次要介紹嘅係位於紅磡嘅紅磡雞蛋仔，唔好睇少佢店面唔大，短短幾分鐘嘅時間入面已經好多食客光顧。◾️芒果班戟 $18班戟即叫即製，所以送到客人手中依然熱辣辣同時又唔會因為擺得耐而變軟。班戟底相比一般嘅煙韌，芒果用作咗呂宋芒而且好新鮮，配落班戟到好鮮甜可口，令到班戟極之開胃，係一個又好食又抵食嘅小食。◽️朱古力雞蛋仔 $18叫得紅磡雞蛋仔當然要試下雞蛋仔，朱古力味都尚算突出，但係濃度唔係好足夠，而且可能煮得耐咗所以有部分嘅雞蛋仔有少少苦味。除了有少少失誤之外，都係一款值得食嘅小食，但我哋嘅首選都係芒果班戟。◾️紅磡雞蛋仔📍紅磡大沽街寶利閣2號舖

黃埔寶其利街附近唔少小食店，雞蛋仔都兩三間，不過我覺得紅磡雞蛋仔最夾我口味同選擇❤就算好多等緊，嚟到呢間一定要試到沙律淨芒pancake，唔信望下人地會嗌啲咩😆出名唔係冇原因，你會見老闆即場將芒果切粒同烤一底pancake，幫你加翻啲汁最後先比客人，係原汁原味嘅芒果黎！

雞蛋仔係代表香港既本土小食，呢一句我相信大家都會同意。周街好易搵到雞蛋仔食，不過係咪間間都係咁好食呢？呢個答案個個香港人都知道。對於我黎講，只有兩間雞蛋仔舖頭我會推介，其中一間就係呢間喇!!呢間小店，小本經營，沒有分店，完完全全代表左香港本土文化。沒有華而不實既裝潢，只有真材實料，以及濃濃人情味，呢一樣就係多年紮根香港既味道，無可取代，大家一定要支持呢類小店呀！今次我揀左朱古力抹茶雞蛋仔，門口有唔少人等候，所以件件都係即叫即整。食落外面脆口，內裡厚實有咬口，仲有少少流心效果，就好似係脆皮流心蛋糕，製作起來難度高好多，味道亦都比起某d得個外層脆口，內裡空洞既雞蛋仔，層次感豐富，好食得多！呢間舖頭既雞蛋仔、格仔餅以及班戟，質素一樣咁高，特登去食都值呀！

紅磡雞蛋仔算是區內名店，很多街坊已食多年，其實不需要作特別多的評價了。但特別想一提的是，這個mango pancake，落料十分滿，整個pancake裡面都是芒果粒。雖然芒果粒不算甜，而且帶微酸，但夾在稍有甜品的pancake裡面反而酸甜兩種味道配合得很好，至於是有意還是無意，就不得而知了。

芒果班戟✨✨✨班戟皮好軟熟🤤芒果粒粒好多 足料🤓芒果粒粒夠甜 完全唔酸☺️多汁💦加埋秘製沙律醬 酸酸甜甜既配搭 幾好食😍呢間紅磡雞蛋仔好出名，好多人慕名而來😋大家行街經過就一定要試下啦😆