紅磡冰室 (已結業)

第一次去紅磡冰室，叫份常餐B,HK$51, 我要炒蛋，凍奶茶⋯⋯我未講完，個侍應極不耐煩，黑口黑面，發晒老脾，「咁係咪雞翼公仔麵唔要呀，多士要不要呀，又唔講？！」後生仔，其實唔想做樓面，就找第份工啦！基本上，叫凍茶，出錯咖啡，雞翼撈公仔麵過咸，唔得。「澳洲牛奶公司午餐仲忙啦，它們侍應專業好多，有問有答」

出到Tst係早上嘅11:15，好多地方11點早餐已經暫定供應，唔想食午餐餐牌甘heavy，又想慳番十零蚊，有冇人話我知邊度仲有早餐呀！？終於，俾我貢左去呢間紅磡冰室，早餐原來到11:30，坐底立即落單先！呢度都幾旺場下～坐位都算多但差不多full～目測地方乾淨企理，濶落光猛～有好多卡位，我就最like坐卡位架喇！封面紅色甘shape呀～早餐選擇都幾多～我係鮮茄湯控，冇思考下選左C餐！鮮茄芝士通～茄湯濃郁，芝士同香草喺薯仔面幾香，通粉唔會太林～那個配角，冰室奶油酥更出色！微溫的奶油酥外脆內軟，牛油香味很重，內面塗有練奶，好match好香甜！呢個酥好大隻，份量好強大架！正！

紅磡冰室我多數幫襯開炮台山個間，可能成日去，我覺得啲伙計幾好，粗佬啲但都好幫手，例如加水加淡奶拎紙巾之類。今日去左尖沙咀個間食下午茶，評價如下：食物：❤❤❤正正常常，都可以既，餐蛋治幾好味，不過下午茶款式好少，無公仔麵，湯米粉個啲，得包同炒野。另外奶茶完全唔夠奶。份量：❤❤❤都可以，下午茶唔會特別多。環境：❤❤❤茶記嚟講算幾好，好多卡位間餐廳又夠大，而且裝修都唔差除咗個地板，理解唔到天花點解咁靚地板反而慳。價錢：❤❤❤唔平，但係尖沙咀嚟講算可以，下午茶種類太少，三文治30蚊其實唔算貴，唔知有公仔麵又會set幾多。服務： ☠☠伙記無乜禮貌，叫親都無反應，唔知係咪定位問題，我自己行埋水吧問個服務員拎多少少淡奶，佢黑黑地面話等陣拎比你啦就完全無理我走咗去，正常做法唔係都同水吧講聲或者問我坐邊？佢其實想我企係水吧口等佢定番埋位等佢？ 我見佢拎住野唔知行去邊就自己問水吧拎啲淡奶，完全唔洗等已經拎到番埋位。總括而言：唔會再幫襯『尖沙咀』分店，其他既分店可考慮。真係唔太明#foodie #foodies #hkfoodies #hkfoodie #hkfoodieyiki

紅冰真係食極都唔會厭由學生時代到依家都好鐘意食晏就時間最鐘意食常餐瑞士雞翼/豬扒撈丁 兩個都一樣咁岀色而夜晚既小菜都一樣唔錯今晚就食左蕃茄豬扒蛋整體幾好 係蛋太碎感覺唔太好另一樣就叫左茄子炆䱽魚 味道正常 魚煎得幾香口食落又唔覺太熱氣題外話: 大家留意下 收銀成日有兩個好似經理既人 成日好大聲講野 好好笑 有時又會嘈下交

星期日朝早滂沱大雨，喺尖沙咀浸信會對面上完主日學，又十分之肚餓，見到最近對面有間紅磡冰室就衝入去。平時晚市都幫襯過幾次，知佢餸菜份量毫不吝嗇，估唔到早餐都好大份！由於電話放咗喺教會，冇影相。早餐C盛惠＄34包咗白腸蕃茄湯通粉加奶油牛角酥同熱飲。先叫咗杯茶走，係正宗茶餐廳奶茶，濃郁香醇又唔太澀，飲完一啖會好貪婪想飲落去。而茄湯通就好多茄肉但唔酸嘅！幾飽肚！最後上嘅奶油牛角酥真係畫龍點睛，熱辣辣又香牛油味，唔洗落牛油同煉奶都得！

好中意食佢D lunch sets, 大份又抵食!我地通常4個女仔叫3個sets, 其實都夠食架啦有時如果唔太肚餓, 甚至會食唔晒tim 架!!!!!0個日我地叫左一碟芝士雞皇飯, 一個菠蘿炒排骨, 同埋一碟"是"椒炒肉片跟乾麵3碟都好好味~~ 尤其中意0個個芝士雞皇飯呀佢配埋d 西式香草來調味, 幾好味, 唔係一般茶餐廳會食到的味道!另外個"是"椒炒肉片跟乾麵都好好味d 麵鋪0係底, 好脆, 都幾邪惡下架!!!!

同我班死黨睇戲前總會先食餐飯聚聚舊. 今次就揀咗嚟紅磡冰室啦，港式野。貪佢d餸夠大碟一定夠飽，卡位好坐又唔會趕人走。麻甩仔都係鍾意d排檔野，對住個牌篤咗幾款小菜就搞掂跟餐中湯還好啦⋯⋯三個餸1.椒絲腐乳炒通菜，炒得夠鑊氣。2.中式牛柳，大大舊又淋，都幾好，只是醬汁有點太酸。3.咸魚雞粒豆腐㷛，拎來送飯就最啱，份量又多，咸魚味沒有過量，雞粒同豆腐份量比例差不多。三個人食到飽坐多陣講陣笑就去下場了。

瑞士雞翼撈公仔麵$48-紅磡冰室位於尖沙嘴的分店, 大面就覺得跟紅磡的質素都相差幾遠! 瑞士汁不夠濃稠, 味道偏淡, 公仔麵毫不入味, 質感亦相當乾, 雞翼雪味亦略重, 失望☹️☹️還是紅磡的分店質素最好!rating:4/10

Great quality and heart for food. The Quality of food is out standing comparing to other competitors. Also, the presentation of the food is good. Doesn't look sloppy at all. Respecting food in an inexpensive local diners are rare. Also, needs to mention about the staff, very efficient and attentive. Great job! Hope they will keep up the quality and make Hong Kong proud.

我地都幾經常去呢間食，大件夾抵食，佢碟碟都係勁大碟，好多，完全唔怕唔夠食。三個share兩碟，一個係是日蒸魚，呢個真心次次等好耐，今次食哂都未蹤影。另外就叫左菜心，好大碟，煮得好好味。我個日無乜胃口都食到就知唔差啦。條魚都唔係好差，係耐左啲啫。男生表示自私食一定夠飽，下下炒出黎我地都會忍唔住嘩一聲。如果幾個人想食小小嘢share或者真係好肚餓，呢間都可以揀。價格唔算平，晚餐都要80元一份，好似無茶餐，平均都偏貴。裝修係幾特別嘅，坐都算ok。

喜尖沙咀的紅磡冰室，外觀 非常吸引， 出面用咗好多燈飾，燈飾嘅燈光效果令人身罝拍戲般一樣的場景早餐叫一個厚厚厚厚的餐肉， 同埋每次一都煎得好靚的太陽🐔蛋令我們都當他是我們的飯堂了！

係TST 返工, LUNCH食黎食去都係個幾間, 食到悶今次特登行遠D, 去左間紅磡冰室, LUNCH 都幾FULL等左一陣位, 揀左個常餐A, 鮮茄牛肉通炒, 有得揀煎蛋或炒蛋 +蒜蓉包/多士+飲品, 價錢都OK諗住呢類常餐特餐等無咁易中伏, 點知就中個茄底望落都OK, 但竟然完全無味, 唔期望係由新鮮蕃茄煮, 但諗住最底限度都應該有茄膏味掛個牛肉又係無味既, 要靠落鹽&胡椒黎食, 唔知個粉真係咁淡味呀, 定係個廚唔記得落調味呢多士又淋左唯一比較好既係炒蛋, 蛋味幾濃, 都算滑

上星期，同K先生去完太空館睇北極光之後，大家有d餓，想食過宵夜，突然想起之前試過喺尖沙咀食嗰間冰室嘅常餐，都幾好食，想帶K先生去試吓，由於去到都九點半後，仲要係星期曰，入到去有卡位坐，幾舒適。本來想食常餐，打開menu先知道，原來晚市不供應。所以我地就叫咗兩碟炒粉麵，有我最鐘意食嘅星州炒米同K先生最鐘意食豬扒炒烏冬。份量超多，而且d餸好足料，比平時喺茶餐廳食嘅星州炒米多好多，平時係要搵得好辛苦先搵都餸，但呢間冰室好足料，而且吾太油。雖然，價錢比一般茶餐廳貴少少，但味道真係不錯。

依家香港地食個午餐閒閒地都要5、60蚊，仲要隨時都中伏，所以通常會揀啲食開嘅餐廳，呢間紅磡冰室我由紅磡，食到佢來尖沙咀開舖，裝修比紅磡寬敞華麗，冷氣又夠，夏天來就最好！呢間餐廳賣嘅食物，似牛奶公司加翠華，因為牛奶公司嘅主打，而家退步晒，而且成日見到D港人食到面黑黑咁出嚟，翠華仲衰地方又迫啲夥計有惡，所以呢幾年都無去過呢2間餐廳！門面以黑色裝修為主，都幾in兩個人都俾你坐4個人位，坐得舒服下午茶都好大蝶，炒得少油又香又乾身尖沙咀靚裝修、坐得舒服，價錢算係咁

星期日去食早餐，當時係無咩人，但叫左好耐都無人理，終於有位女仕行埋嚟問食咩，我話：要個沙嗲牛麵（但佢一直望住個門口，亦無寫到單），佢又再問我食咩，我再講左一次沙嗲牛麵，佢依然都無理到我，我就問佢：我可以落單未？佢居然答我：（用態度係極差嘅語氣）我好忙架，我唔只落單，仲要睇埋門口啲人，最後攪五分鐘先可以落完單，我一邊食嘢一邊留意佢，都係一直同收銀個女仔吹水，就算開始人多都依然繼續吹……