影片
港铁锦上路站 B 出口, 步行约11分钟
继续阅读
营业时间
星期一至日
18:30 - 22:30
以上资料只供参考，请与餐厅确认详情
食家推介
周日參加朋友研發產品開幕儀式，一伙人柴娃娃走到元朗來，山長水遠自然多找個節目，活動領導就把大家帶到紅磗屋十號吃晚飯。大宅位於紅磚屋跳蚤市場側，古色古香大宅風範，從前富貴人家之遺產。石牆大樹，門前花園，圓拱門，陰暗燈火，若不內進，倘以為是私人大屋。走進見介紹，方知道有私房菜。圓拱木門，古裝鐵鎖，推門便可直進。門外亦有桌椅，相信秋涼可以用餐。室內裝潢雅緻，書畫裝飾，水墨畫，字畫，亦有小酒吧。私房菜單，每位$330有十道菜及水果盆，份量豐富，可惜味道一般，如住家之家常便飯。蟲草花燉螺頭老火燉湯，醇美香甜，蟲草花有多種保健功效，多吃有益，清湯內附有連骨豬件及雞腳，未有煲糜爛至失味，可吃，這道我喜歡。百花煎焗蟹拑每只脹卜，灑上青蔥，外型討好，味道豐富，略帶鮮甜蝦香，但嚐到是蝦膠蝦肉多於蟹肉，我認為該名為蝦拑，口感軟嫩；配以的西籣花白烚但新鮮，配合炸物作平衡亦適合，我覺得味道不俗。美味炸鱔有新意，鱔皮塗上薄薄炸漿，確實炸至香脆惹味，而鱔肉保持嫩滑有汁，蘸的酸甜醬，水準接受，但個人口味，並不欣賞鱔皮炸至硬塊之口感，而且較喜歡蜜汁燒風鱔的蜜味。配以微辣爽脆的大豆芽，韓國燒烤前菜的風味。此道雖不俗，但未有如期望中出色！XO醬炒大海蝦中規中矩，大海蝦並不怎麼樣鮮香，也許被X0醬蓋過，肉質尚算爽嫩，伴以翠綠的四季豆，無出錯，但印象不深刻。正海上鮮新鮮蒸魚，掌握蒸時恰當，鼓油調味亦可以，欣賞用雙魚，因為斤多以上的魚容易蒸得過火；魚是我的至愛，無怨言。生炒骨配椒鹽鮮魷鮮魷跟生炒骨配，有些格格不合之感，兩種味道南轅北轍，乾身鹽味配黏稠酸甜，大家可以想像，始終各自精彩，何必同牀共寢！鮮魷新鮮，炸醬無過厚，交足功課。生炒骨不過不失。鹽焗雞也許是元朗新鮮雞，肉嫩有些雞味，據說是獨門袐方處理，朋友告知胸肉不嚡，味道平均，讚口不絕，我的近骨位肉件卻有些過鹹；同意，比起市區吃到的雪雞出色，但非吃過的本地雞中最出色，是否肉質欠些靱力！上湯浸時菜難以出錯，農場直送無難道，翠綠鮮嫩，以上湯浸，清而不淡。金枝炒飯米飯粒粒分明，味道淡淡，已經太飽，淺嚐後沒有什麼印象。川貝燉雪耳清甜可口，雪耳燉至軟滑，川貝腍身，燉物合格。果盤是西瓜火龍果配，新鮮甜美。點選了來自阿根廷的紅洒，三百多元一枝，順喉沒出錯。古式大宅同膳，鄕材風味有特色，有被大戶人家邀請家宴之感，環境寬敞舒適，聚友不錯，價錢合理，但環境相比食味出色，可以說是麻麻地，若要有回頭，需要多一點功夫。
继续阅读
看了有線電視的小店大廚,讓我知道原來錦上路有一間隱世的私房菜.二話不說,便訂了位來嘗嘗這隱世傳統粵菜的味道.餐廳的內裏不大,應只可容納三十多人.有別於一般中式私房菜,兩位起便可訂枱,很是貼心.還有,不要以為兩位只能嘗到少一些種類的菜式,非也,我當晚二人來到,足足吃了十道菜(連湯和甜品),實在非常滿足.這味湯品不錯吃,但並非驚喜之作這味半煎煑蟹鉗,跟我們一般吃的炸蟹鉗不同.首先,它一點都不油膩,半煎煑的做法讓你只會隱隱約約吃到一點香口的味道.然後,一咬開,蝦的鮮甜味道便會湧入嘴裏.咀嚼間你會吃到一粒粒的蝦肉,背景是彈牙的蝦膠.但這道菜的調味偏淡,不要期望有如日本菜的牡丹蝦或海膽一般霸道的海鮮味,它,是優雅而內斂的.這味是我覺得全晚最精彩的一味菜.大豆芽微辣,很爽口,有點兒像韓國小菜.這個脆鱔,我只可以說,不.得.了.如果你問我因為什麼會回頭再光顧這間私房菜,這味菜可能佔40%原因.它的外層粉漿很薄,很脆,很香口.電視上師傅說要用秘製的醬料醃制過.真的好.好.吃!外邊脆而不油,裏邊還是濕潤的.一流!大蝦很新鮮.但竟然蜜糖豆是驚喜.翠綠爽口.因為我較遲訂位,沒有蒸魚吃.不打緊,代替是一味更罕有的帶子炒魚扣.魚扣很鮮味爽口,加了黑椒,味覺更為刺激.帶子炸過,外層脆脆的,內裡帶子的熟成道剛好.這個釀豆腐是比較家庭式的,但也好好吃.這味菜是我唯一有點失望的.我知道師傅是用古法炮制的,但可能我吃慣的鹽焗雞的味道是比較濃一點的,所以有點不如預期.不要看這炒飯其貌不揚,但是它很乾身,飯一粒一粒的,瑤柱不多但剛好,咀嚼間一口鹹香,一口飯香,配合得剛剛好.誠意甜品,在九道菜之後,你會感激它不是什麼糕點.總括來說,這頓飯絶對是物超所值的.賣的是傳統手工,心機誠意.賣相未必是一流的,但,又如何?新鮮,味道,心思,功夫,已經贏盡人心.
继续阅读
同一班朋友老遠入到錦田食飯,真係食到一肚火.收得$330/人頭,但食埋大排檔都不如的菜式,就連好懶寫食評的我都忍唔住花時間去寫一寫,因為朋友話食時,真係無人寫呢間野食咩-無得參考.完全唔覺有咩係有機同所謂藥膳湯水.服務員唔做野,碗唔叫唔換.食到10:30仲要清場,訂位時無提示幾點收.如果無帶幾支酒都好難食埋餐飯,糖水好似賣剩唔夠分咁,連影都唔想.就算免開瓶都唔會再去.
继续阅读
因為要farewell同事，所以我地約埋成班一行三十人去食飯。甘多人搵地方有啲麻煩，有個住元朗嘅同事就提議去食紅磚屋十號喇！ 今次係我第一次去，原來呢度好靚架。架私房茶入面嘅裝修同報緻都有心機，坐得好舒服。不過枱就唔多，外面好似有兩張大枱，入面就兩大一細。 坐低冇耐就上左個燉湯，入面好多料，因為加左啲元貝，所以個湯好鮮甜。 古法燒鱔 呢個係我最欣賞嘅一味餸。佢將條鱔切開，做到好似鰻魚甘，再攞去穌炸。啲鱔炸得啱啱好，滑得嚟又爽，唔會淰。最值得一提係佢個秘製醬汁，酸酸甜甜好特別！ XO 醬大蝦 啲蝦好大隻好爽口彈牙，但食落去唔會好似出面甘有啲硼砂味，隻蝦係好新鮮先做到呢個效果，再點埋佢自家制嘅XO醬真係好夾！！！ 百花蟹鉗 啲蝦膠好爽滑，好足料，食得出冇加其他粉落去。 黃金骨拼召鹽鮮魷 呢味因為我行開左，轉個頭返來已經俾人食晒。。。但佢地話個黃金過好香口，入面又唔乾！好想試下 古法鹽焗雞 相比其他餸呢味就普普通通啦 蒸海虎斑 有兩條，啲肉都嫩滑嘅 炒飯 炒得幾乾身，食落去有啲微辣，不過我個人嚟講就覺得鹹左啲囉 糖水 份量有點少，有啲雪耳喺入面，感覺都幾滋潤最後因為個XO醬太好味,所以買左一樽返屋企攞嚟撈麪一流!!!啲野食幾特別, 環境好啱一大班人嘅聚會! 值得一試呀!
继续阅读
今次由友人帶路試新野 ~ 錦田紅磚屋10號! 我打去 book 位時, 講完幾位幾點之後接聽果位哥哥就同我講價錢每位 $300起,同埋介紹大約有d咩食, 八餸一湯再加甜品! Ok 咩都無問題! 反正我地試新野, 咩都好!! Hahahaha環境:第一次到錦田食飯, 完全無諗過環境會係點。一去到見到原來係大屋一間, 推門入去有2大檯, 數張小檯, 檯椅之間頗闊落, 而且樓底算高, 兩大檯同一時間食飯都唔會好嘈。牆上掛滿古董畫, 根據店員介紹全部都好值錢!! 都係遠觀算嘞 XDDD 由於本身係大屋關係, 所以有獨立洗手間。洗手間好乾淨、大間, 而且點了香薰同埋有少量擺設! 唔錯唔錯!! 食物: 先來一碗粉葛靚湯, 無影相! 老火湯, 沒有味精! Good百花釀帶子本人好喜歡, 成舊脹卜卜咁, 蝦膠中混了馬蹄, 好爽口!海鮮卷海鮮卷內有大量洋蔥, 加上酸酸的千島汁, 食落清新不油膩。芥茉牛仔粒牛仔粒很軟又大粒, 牛味濃, 唯獨沒有芥茉味, 跟菜名有啲距離, 如果呢一道菜叫 鮮露荀牛仔粒 就非常good !!古法鹽焗雞呢個大個人頭嘅砂煲一上檯就非常觸目! 古法鹽焗雞用走地雞製作, 很有雞味而且肉質彈口又入味! 很快就食晒了 XD珊瑚炒班球呢一味上檯時未覺有什麼特別, 但食過後無一不讚!! 班片很滑, 配上黃耳很爽口, 底下一層滑滑的蛋白原來係保溫作用, 一班朋友飲飲酒、傾傾計、慢慢食…班片黃耳都唔會好快凍! 好細心!!鮑魚鵝掌呢一道菜係用鮮鵝掌製成, 不是急凍貨! Good !椒鹽骨腩好香、好可口!! 配埋紅磚屋10號特製沙爹醬、泰式醬或 XO醬真係一流!!!圍村豆卜店員介紹一定要連上湯一齊食。 豆卜內原來有8種材料製成, 當中果皮味最突出! 還有炒菜、炒飯最後到甜品 – 我哋張檯係蛋白杏仁露, 味道不錯!! 而隔離檯係雪蛤紅蓮, 我點解會知人哋食咩呢?? 就係因為樓面哥哥話廚房多左份雪蛤紅蓮, 佢送咗俾我食!!! 呵呵 ~~~~ 雪蛤紅蓮好清甜, 原來廚師知道而家多數客人都食得健康, 所以另上百花蜜俾客人自行調較甜度, 讚!!我哋仲帶了兩支紅酒去, 人生最愉快事莫過於同一班老友飲飽食醉吹吹水 ~~ 好滿足 ^o^
继续阅读