影片
以上资料只供参考，请与餐厅确认详情
第一次系尝试香港食潮汕牛肉火锅。黎间牛肉都好新鲜，海鲜都好食，值得一试。服务态度都唔错，推荐约埋朋友一起来试下。除咗场地细咗少少，其他都唔错嘅。人均200几文有咁新鲜牛肉食真系低。
继续阅读
因上次食过念念不忘，今次五个人再次光顾，五个人拣咗两个汤底，叫咗个花胶鸡，一个牛杂锅，佢哋虽然做放题，但汤底出嚟嘅质素唔比单点差，今次嘅牛肉感觉比上次仲好，更有牛味更嫩滑，海鲜种类多同好新鲜，今次仲有Häagen-Dazs雪糕值得一赞，仲可以无限时任食比上次体验更加好。
继续阅读
放工约咗朋友揾食，之前系影音号刷到牛姐呢间店，见佢拍拣牛肉嘅视频好认真，就话一定要过嚟试下。六点几到店，门面虽则唔算好大，但入到去好阔落，冇街市嘅挤迫感，灯光够柔和，张张枱之间空位够多，坐得好舒服，墙上仲有牛肉部位图解，细节做得几贴心。早几日打电话订台，听讲有送海鲜头盘，坐低冇几耐，侍应就捧咗上嚟——鲜虾同蚬仔，虾大只到虾膏都凸出嚟，蚬仔吐得干干净净冇沙，朋友即时话「呢个头盘够晒诚意」！汽水饮料选择真系多，除咗常见嘅可乐、雪碧，仲有维他奶、冻柠茶，连少见嘅咸柠七都有，自家制酸梅汤甜甜地，解腻一流，基本上想饮嘅都齐全。食材区更是丰富到眼花：牛肉区最吸睛，吊龙切得薄到透光，匙柄肥瘦均匀，听话系牛姐朝早去街市拣嘅，新鲜到灼8秒就够嫩，肉汁咬开会喷出来。仲有本地菜心（绿到发光，应该系朝早摘嘅）、手打虾滑（咬落有整只虾粒），仲有几款新鲜丸滑，品质都几好。成班人由六点食到九点几，边涮边倾，完全唔使赶，环境松动又舒服，埋单时仲惊讶咗下——人均先百几蚊，仲有头盘送，抵到喊！朋友话下次聚会仲要嚟，食材新鲜、选择又多，最重要系坐得自在，住旺角附近嘅真系可以试下，绝对冇伏！
继续阅读
呢间餐厅几抵赞㖞！电话订位仲送海鲜头盘，虾蟹新鲜捞起够弹牙，开胃又抵食～服务态度亲切有礼，落单后冇拖拖拉拉，上菜速度够爽快。牛肉类超齐全，牛颈脊、牛舌、雪花肥牛样样有，切得厚薄适中，烧完爆汁又香口！啤酒汽水款式多到眼花，冰镇后解腻一流～唯一小可惜系冇刺身类，不过小朋友最钟意嘅肥牛都有供应，啱晒一屋人开心食餐饱～
继续阅读
满心期待！同朋友一齐去试一下！旺角潮汕牛肉火锅！4人同行！服务态度系可以，所以呢个唔细讲！主题黎啦！4个人坐底就叫左个花胶鸡汤底！水滚我哋就谂住试一试个汤底啦！点知个汤底系无味😂咁以为啱啱水滚，所以啲味未出嚟！之后食足一个半钟头！神奇嘅事发生咗！个半钟头个汤都仲系冇味😂！汤呢到就系咁..到D牛肉啦！我地一开始叫齐M5和牛、吊龙、匙柄、雪花等！神奇嘅事再度发生！咁多款牛肉嘅牛味！同我喺街市买雪花肥牛冇分别！甚或可能喺街市买嘅雪花肥牛都好味过佢😅至于个海鲜拼盘！无特别😛但最神奇嘅事发生咗！我摆个粟米入去烚左1个钟！点知都系无味..系连栗米本身既甜味都无😂所以应该唔会返转头
继续阅读