糖食雪花冰甜品屋 (已結業)

前兩食飯後同朋友想搵地方食糖品，經過這間糖水店，人都唔少，等左一陣，試左呢個好耐都冇食嘅傳統甜點- 糖不甩，非常不錯，我朋友食咗個明目桂圓糕，清香桂圓菊花味，超好味，雖然飯後有點飽，但係見到咁多甜品選擇，為食既我，終於忍唔住，最後我又再點多個，因為好耐未食過台灣嘅芋圓和地瓜圓，雖然香港食呢種台灣甜品都有好幾個地方有得食，但係呢但係老闆娘親手人手做的，口感非常口感煙韌，感覺落了十足，今晚非常満足，下次一定再嚟。

Visited this dessert restaurant on Sunday night, but not very enjoyable experience.Firstly we found the dishes a bit expensive in terms of the small size. The mango is a bit sour and 芋圓 taste good but rather in small size vs the above HK$40price...I understand that rent is high nowadays but at least please satisfy the clients expecting pleasant food at a dessert place... Secondly the waiter madam said the store doesn't accept 50 cents when we made the payment. I wonder if Inflation in HK is that

係附近食完飯，行過見到呢間有台式糖水，雙眼即時發光，入內點了呢碗名叫雙雄嘅甜品！經店員講解，雙雄係指芋圓及地瓜，而配襯以牛奶湯底，有冷熱食法！我選擇熱食，兩種芋圓都份量不少，口感QQ，唔太甜，反而甜味來自紅豆，幾綿口，吃一口芋圓，飲一啖牛奶，兩者幾夾，唔錯！

東西毫無新意，老公試左芒果豆腐花，酸酸甜甜，賣相又唔好，睇落好隨便。我試左一個雙雄，又係得啖笑，有地瓜同芋頭湯圓，地瓜無味，芋頭有少少味，另外有紅豆，加d鮮奶就話一個甜品，無創意就算，真係一d都唔好食

好簡單一個凍芝麻湖湯圓 ，食落好似用芝麻粉開咁.....都算..但係最接受唔到係兩粒湯圓，完全同無煮過無分別....湯圓裏面仍然係凍既芝麻粉...（湯圓係一粒一粒計錢）完全不能接受三十幾蚊一碗咁難食糖水

本應打算搵地方宵夜，不過好多鋪頭都閂左，醒起之前行過呢頭，有間糖水鋪，叫左芝麻雙雄$43，因有芋圓，本人鐘意食，睇相好靚，好吸引下，就order左，10分鐘就送到，一開始猶豫左下(呢碗就係？視覺上差千丈遠)，但呢d自家制野，係唔可以已賣相來講，黑芝麻胡，眼看濃郁，食落麻麻，無驚喜；芋圓絕對稱唔上好食，只可話不過不失，口感還是凐銀，但就唔太食得出芋頭味，同蕃薯味，失望朋友就order左黑糖雙雄，同一樣，唔多提，只係可讚既係黑糖味夠特出！不化算，好細碗，絕不再去！

未食過糖食,今次純粹係食飽飯想食下糖水繼續傾計.不過對我黎講間間糖水店都一樣,應該都搵到岩食GE野嫁啦(掛去到個時大約1.30,冇咩人,一入到去就有位.間野賣點好似係食冰?咁就要叫下個冰黎食下啦.<蜜桃仙子>$40睇個樣真係好芒果,反正都係黃色.d冰係好味ge,個底仲有d啫喱物,同罐頭蜜桃.不過我覺得佢太甜,淨係得甜味,冇酸味.如果係酸酸甜甜就最好啦~!碟野都吾細,又吾會話好抵食個d好大碟,不過會食厭,兩個人share會好d.<鮮芒汁椰果西米露>$30西米露吾係好多西米,如果可以冇咁稀就好.後悔叫左椰果,其實個日吾想食椰果.個椰汁好味!好香椰味,吾會太甜,好味好味.不過諗住坐耐d ge時候,佢就話關門了...原來吾同地區的糖水店會有吾同關門時間.

行完花墟有點累，就到附近甜點食下綿花冰解解渴，降降温最愛芒果的我，當然也是選擇芒果味既綿花冰黃金戰士個名好強，其實係芒果味既綿花冰但配以2款生果， 有火龍果同芒果粒， 還有三色蒟蒻綿花冰跟普通沙冰不同的是沒有粗粒的冰粒， 一口一啖十分順滑， 芒果味也十分濃，不帶酸 簡直十級解暑而水果也不錯，也很甜， 不然如跟綿花冰一塊兒吃就很大對比, 而蒟蒻就很Q,很有咬感有空在附近走走, 都會再回來試其他款式

外賣一碗棉花冰，一碗芝麻豆腐花，等左45 分鐘，遲過我去堂食有兩枱食完走埋都未有得攞。外賣棉花冰得一球雪糕咁多，芝麻豆腐花既芝麻糊一 pat pat，豆腐花又冇瓊水，碗野一半水，一半係一pat pat 既芝麻糊。最後等到我同老公都火滾，45 分鐘都冇貨就回水，個待應話唔好意思就黎有，我老公話等多5 分鐘冇就算數，過左3 分鐘左右終於有。芝麻糊應該唔會係即磨，豆腐花亦唔會係叫先撞，棉花冰用機刨再唧d 醬，唔明點解要等咁耐。

價錢有少少偏貴，明明唔似滿記果d做曬宣傳，但價錢就差唔多甚至貴過d連鎖店，所以都係叫左d普通糖水算。椰汁楊枝甘露。 Er…. 就係椰汁、芒果、柚子同西米露，無楊枝甘露咁酸lu,但係椰汁同一大堆算野其實唔夾^^||| 囧左，食左一啖之後好想叫佢幫我分翻來椰汁西米露 同 楊枝甘露 plz。燉蛋西米布甸，呢個反而唔錯，d燉蛋好有奶味同蛋既香味，上面有一層焦糖，食落脆卜卜，但唔會癡牙，幾好wo又。但係草莓明顯系for好睇用，因為佢酸既，同下面燉蛋唔夾，同埋點會系焦糖上面撒糖粉嫁？哭出來，呢個扣左d分。腐竹糖水，咦，呢個真係唔錯，腐竹煮到好冧，有種入口即化既快感。其他糖水覺得硬系有d野唔夾，呢個就好match。又幾飽肚，又唔貴，可以考慮。

呢排熱左咁多，要搵返d野食黎消暑，有咩好飯後甜品選擇？除左雪糕，我會揀佢 …棉棉冰：D有食過既都知棉棉冰味度好多，講得出都有，但我比較鐘意食呢間既益芒果益力多棉棉冰。(另一個鐘意呢間既原因係佢大件夾抵食, 2個人share 就啱啱好)我鐘意食甜品，但成日都怕太甜，但呢間既就唔會啦，益力多味酸酸甜甜，但又唔會太重，真係會食到芒果汁既味。棉棉冰夾埋芒果果爆珠，入囗後，果汁爆出黎果下真係好爽，超級消暑！而夾埋椰果食就好有咬囗，同涼粉條食就芒果味勁出！夏天食個冰，真係會開心d架😍 佢d熱食糖品，下次冬天再黎試啦

呢間有每人最底消費16蚊既，其實都幾多種類可以揀。 我就叫左碗喇，聞落都幾香既，蕃薯都大大舊，又粉粉地咁，幾好咬。 不過我就覺得太重薑味喇，每一啖都係濃濃既薑味，我自己就一般般喇。 仲有其他朋友食既圖。

今晚同朋友食完餐晚飯後，仲味夠飽，結果去左離間甜品店食。其實，離間甜品店並唔係我第一次食了，離間甜品店無論起味道同質數方面都能夠keep住一定水準，都唔錯的。今晚我試左佢地既鴛鴦湯圓(牛奶湯底)。可能聽到既人會話：吓？食湯圓要配牛奶湯底？得唔得架？食完會唔會有問題架？但我可以講，唔單只無問題，仲好好味添！花生湯圓+芝麻湯圓，再配上牛奶湯底，唔單只令到湯底無左一種好掛既感覺，仲令到湯圓本身更香滑。但香滑得黎，不失湯圓本身原有味道，真係值得一試的。我朋友食左個燉蛋，燉蛋味道本身都唔錯的，不過唔知點解總覺得唔係太夠熱...，我意思係話，唔係唔熱，只係唔係果種熱到真係辣手既地步，食既時候都仲係暖熱的。(或者可能係我咀尖掛...)至於店舖環境方面都唔錯，坐得幾舒服，職員服務態度亦唔錯，價錢方面亦屬合理，分分鐘真係好食過大集團既連所甜品店，係值得各位尚未試過的可去試，試過覺唔錯的可再去食。值得一讚！總結：每次起到食完甜品後，總會有一種滿足既感覺，今次都唔例外！

同幾個朋友係九龍塘食完野，話想去食甜品喎，有個人話太子有間幾好味既甜品店，咁我地一行6人就由九龍塘行到去呢間甜品店啦。 由於我地人數都唔少既關係，我地都大概等左3個字位先有得入去。黎到呢間雪花冰甜品屋，當然要試下呢度既雪花冰啦，結果我地就叫左兩個唔同口味既雪花冰同一個木槺布甸。先講唔記得影相既木槺布甸 - 一個字形容 - 硬，真係要擺番一段時間先進食到，唔推介。之後當然到主角雪花冰啦。首先講下蜜桃雪花冰先，蜜桃汁屬於比較淡的一種汁，令到個味唔會太濃，適合啲鐘意食淡味啲既人食。汁既份量好足夠，水果亦唔少，幾好味!而呢個幻彩寶寶更加係癲峰之作，有住唔同既爆珠伴住個雪花冰，食冰既同時可以感受到爆珠既汁，實在無得彈。仲要有唔同既汁，汁既份量十分足夠，配合埋啲爆珠同個冰一齊食真係一重享受，必試!總括而言，呢間既冰真係幾好味!

小友一向最愛甜食了。和他一同去吃甜品，看到他吃時的一臉饞相，真不知是好嬲還是好笑....最近他久咳未愈，能選擇的甜食種類就只限於所有熱的出品。故此來到這間以做棉棉雪花冰作主打的小店，所有冰凍過的甜品他便是不能叫了。在這情況之下，最穩陣的選擇便莫過於眼前的這碗燉蛋了....和他分享試了一點，質感竟有點偏"硬"不夠軟滑，不過蛋香倒是有的；蛋的顏色是偏深黃的感覺是有點不太自然....吃過後也只能要說一句 : "我曾嚐過更好的燉蛋"....自己叫了一碗連名稱也忘記的凍杏仁霜，裡頭加了不少的雪耳及蓮子。雪耳是十分的爽口；蓮子有預先浸過糖水是既鬆化又甜；杏霜的杏味也突出但香味反倒不夠.....但總括來說水準還是可以的....那個阿華田木槺布甸給人的第一個印象就是 --- "硬到不堪"....很老實說就算是剛從冰箱拿出來也不用那麼硬的話吧，好像是放在雪櫃內好幾天似的....太太最後真的忍不住吩咐侍者拿回去讓它變軟才吃得到...不過平心而論，這布甸的味道還是可以的 --- 甜度控制得不錯；滑度亦是可以的；嗒落亦真的嚐得到阿華田之味....一連吃三份甜食，癮亦已過足了....是時候打道回府啦....