糖糛

营业中

休息中

食完飯準備落樓散散步，突然之間好想食甜品，見到呢間舖頭嘅裝修幾靚就入咗嚟。一入到嚟店員非常熱情同主動咁招呼我哋坐低，向我哋推介咗幾款佢哋舖頭嘅招牌甜品，我本身係榴槤控超級鍾意食榴槤，就叫咗佢哋必食嘅特純榴槤冰，一啖食落去超級驚喜佢有一大嚿榴槤肉喺最面頭，真係啖啖肉而唔係平時食開嗰啲打爛咗嘅榴槤蓉，而且佢嘅榴槤冰唔會成口都係冰渣，你只係會食到唔同口感同層次嘅榴槤，入邊仲加咗少少其他配料，榴槤味超級超級重，好正！另外要大贊嘅就係佢個燉湯，好驚喜地原來有跟飯一齊上，我試咗用少少燉湯嚟撈飯，佢個湯火候好足，而且燉得好入味，烏雞肉都燉到冧晒，落咗好多料落去煲，熱辣辣好好飲。

特純榴槤冰，成球榴槤蓉最吸晴，周圍仲鋪滿椰果、底層仲有榴槤冰，呢個天氣食就最啱！榴槤味都幾強烈，味甜口感smooth，榴槤控必試！桃膠蓮子紅豆沙，焦點一定係起沙嘅紅豆，香甜又軟綿，加埋爽滑桃膠、軟稔飽滿蓮子，成個甜品適中唔膩！當中仲加入果皮，成個紅豆沙味加乘咗！紅豆、蓮子大小適中，如果要挑剔，桃膠可以細粒啲，配對番其他配料。椰皇蛋白燉湯圓最好食，椰香蛋滑，黑芝麻湯圓煙韌又有流心。蛋白有少少散，但搭配新鮮椰子肉，口感豐富同時好消暑！榴蓮飄香主打榴槤肉，配合椰果、豆花，口感層次豐富！但如果中意夠凍、消暑，榴槤冰就適合啲！

奧海城新開左間甜品店「糖糛」，佢哋除左招牌甜品外，仲有唔同嘅燉湯，價錢都好抵食。 特純榴槤冰一上枱就聞到濃郁榴槤香！用榴槤肉打成綿密冰底 ，面頭鋪滿新鮮榴槤果肉，啖啖都係榴槤味，N種口感，榴槤控必食！花膠烏雞燉椰皇，甜品店竟然有養顏燉湯。原個椰皇燉到好夠火候，花膠厚身又彈牙，烏雞肉燉到超淋甜，湯底超甜帶有椰香。配埋白飯同小甜品，呢個價錢真係好抵食。楊枝甘露雙皮奶好有創意嘅fusion甜品！底層係好滑嘅雙皮奶，奶味好濃，面頭鋪滿楊枝甘露 ，有好多爆汁柚子肉，口感層次超豐富 。芝麻糊配湯圓呢個傳統甜品都非常好味，尤其係越簡單嘅甜品就越睇到師傅嘅功力。芝麻糊磨到超幼滑 ，湯圓皮薄餡多，裡面黑芝麻流心餡一咬就爆晒出黎，好好味。

奧海城有一間人氣高企嘅手工甜品，餐點主要分4大主題，包括冰。糊。燉。撈，各有特色。燉方面仲有足料燉湯，幾時嚟食都得。椰皇燉老雞｜花膠烏雞燉椰皇燉湯原來係配香飯一碗及小燉蛋甜品，不得不讚這個配搭不錯，只吃燉湯又怕不飽，加白飯剛好，又可以送湯料，一舉兩得。燉龍眼豆花冰夏日消暑首推龍眼冰，清新又消署，每口都吃到龍眼果肉，加入豆腐花，口感好豐富。芝麻糊雙皮奶主要雙皮奶係主角，芝麻糊份量唔會太多，但比例是剛好的，不會蓋過奶香，亦吃到黑芝麻。

今次特登黎到奧海城，試下依間由前米芝蓮甜品主理人經營嘅甜品店🥰 店舖甜品特地分為「冰、糊、燉、撈」四款，想食個豐富嘅可㨂「鎮店大滿貫」❤️ 全部都好地道風味十足👍 今次🐧 就一口氣同🐧🐧 朋友仔試咗以下幾款😚 糊❣️ 杏仁露配湯圓撈❣️ 焦糖布丁燉❣️ 桃膠椰子燉鮮奶鎮店大滿貫❣️ 草莓冰大滿貫🐧 就最鐘意草莓冰大滿貫🤩 甜品內附草莓冰、豆花、涼粉、芋圓、蓮子、紅豆、爆爆珠、班蘭和芒果河粉等多款配料🌟 五彩繽紛影相好靚🥰 食落口感層次豐富又刺激，甘甜味美又不會太膩👍 真心推薦😋🐧❣️ 店舖設有自助茶水區，有多款花茶免費提供，勁有誠意🤭 

荒謬地夜晚要開工🤷🏻‍♂️返工前同個好兄弟要食飽啲先相約6:30奧海城食甜品🍧今日晚餐就係甜品🍨🍧🥧🍮🍭龍眼豆花冰🍨清涼透心❤️龍眼非常清甜🫦豆花豆味香濃順滑👅唔捨得分俾人桃膠蓮子紅豆沙🫘陳皮蓮子紅豆沙就食得多😀唔用陳皮用桃膠令到紅豆沙杰身一點更有口感😋蓮子去晒心冇苦味👍🏻煲到軟硬適中啱啱好椰皇蛋白燉桃膠🥥我覺得係今晚嘅主角😍香濃椰汁配蛋白桃膠🥚超多桃膠🫶🏻美顏美肌美滿芋圓豆花西米露🫖芋圓西米非常煙韌彈牙😁配上濃郁豆腐花又滑又有野咬下👄飽肚感十足蛋白杏仁露🥚杏仁味超級香♨️蛋白細細舊軟滑棉密飲落去非常舒服🤤士多啤梨豆花冰🍓我哋最尾追加咗呢個甜品🍧因為粉紅色實在太靚啦🩷淨係打卡已經值回票價📸豆花椰果爆珠，好好味呀～甜品都可以做晚餐🍨🍧🍮🥚🍡今晚實現甜品自由😆

間餐廳真係滿分，味道同擺盤都好靚 💯，下次一定要再嚟🎉 今次我哋去咗間超靚嘅餐廳 🍽️，食咗幾樣超正嘅甜品😆=================Food list📌椰皇蛋白燉桃膠🥥🍑，呢碗真係好有型！椰皇嘅香味真係好正，蛋白滑到不得了，桃膠又彈牙，食落去超清爽，一口接一口，根本停唔到！🥄特純榴槤冰🍦💛，榴槤控唔可以錯過！呢個冰淇淋用咗超純榴槤，味道濃到爆，食完真係心癢癢，完全唔夠！😍雪山楊枝甘露❄️🍈，呢個真係超美！上面嘅雪山用椰漿做，底下有香滑嘅楊枝甘露，仲搭啲西瓜粒 🍉，夏天食真係無敵開心，心情瞬間好返！☀️芝麻糊湯圓🌰🥟，芝麻糊濃郁到無朋友，湯圓外皮Q彈，入面嘅芝麻餡真係好驚喜，甜得剛好，食完根本唔想停口！🤤

有無人明白有個好鍾意食糖水, 又有選擇困難症既女朋友係會點? 就係寵佢叫哂黎食, 所謂小朋友先做選擇呀嘛😂 實現一次甜品自由啦!我地2個都好鍾意食榴槤, 打頭陣就叫左榴槤大滿貫, 榴槤飄香榴槤大滿貫超多料, 有榴槤冰, 豆花, 芋圓, 班蘭河粉, 芒果河粉, 大大舊榴槤蓉, 仲有D爆珠紅豆, 勁豐富😋榴槤飄香就簡易版咁, 有豆花加爆珠, 榴槤蓉D 榴槤蓉好香濃, 跟埋D 榴槤冰一齊食, 唔會咁快膩, 芋圓煙靭彈牙食完凍既甜品, 每人叫左個熱既我個芝麻糊湯圓, 湯園芝麻香好濃郁, 配返個低糖版芝麻糊, 唔太甜幾match 椰皇蛋白燉桃膠, 好滋潤養顏, 好啱女仔食. 用椰水燉出黎既蛋白特別清甜嫰滑, D 桃膠好大粒, 有少少煙靭咬口, 好重骨膠原既感覺, 女朋友話食完臉豬都firm up 左. 哈哈. 最後我叫多個燉湯填飽個肚. 糖水鋪好少見有燉湯飲, 仲要配個白飯, 男仔既福音, 又陪到女朋友, 又食得飽. 個椰皇燉老雞湯都幾好飲, 好清甜, 真材實料, 有D雞肉, 蟲草花等配料, 可以配飯食. Happy wife, happy life, 今晚好滿足.糖糛 (大角咀)📍大角咀海泓道

⁑糖糛⁑經過奧海城三期見到呢間小清新嘅糖水舖，就同個女入嚟食少少嘢。Menu上分咗四類甜品「冰、燉、撈、糊」即係有熱有凍嘅選擇我女見到士多啤梨豆花冰$49 二話不說就揀呢一個，士多啤梨味一啲都唔假，配上淡淡嘅豆腐花中和返甜味。我自己就比較養生揀左熱糖水。椰皇蛋白燉桃膠$68，大大嚿嘅桃膠，再加上清心丸，香甜嘅椰奶配上蛋白感覺好滋潤。另外再點咗椰奶西米桃膠同榴槤飄香俾屋企人試😌爸爸大贊椰奶西米桃膠👅除咗甜品仲有幾款燉湯配白飯，花膠烏雞燉椰皇同樣足料，仲配埋一個紅豆布甸都好好食😍

係奧海城食完飯，發覺左呢間新開嘅糖水鋪，見到店面同餐牌幾吸引，就佢試下。餐廳設有室內室外座位，環境乾淨，座位闊落。餐廳以「冰、糊、燉、撈」各款手工甜品及糖水為主，主打「100%新鮮水果」的口號。楊枝甘撈楊枝甘撈即係港式甜品楊枝甘露，主要食材包括芒果、西柚、西米等。芒果超級甜，並有著濃郁嘅芒果香，搭配西柚嘅酸酸甜甜，西米嘅Q彈，形成多層次嘅口感，充滿豐富嘅咬感。芝麻糊配湯圓芝麻糊超級順滑，上枱已經聞到香濃嘅芝麻香。芝麻湯圓Q彈嘅湯圓皮與濃郁嘅芝麻內餡料係完美嘅流沙狀，讓人回味無窮。特純榴槤冰上枱已經聞到超級濃郁嘅榴槤香味，有一球大舊嘅貓山王榴槤肉，果肉金黃綿密，榴槤冰十分綿密，每啖都可以配有榴槤蓉，冰涼的口感，讓人感到清爽舒心，仲有加埋椰果粒同西米，豐富左整個特純榴槤冰嘅口感。糖糛大滿貫一聽個名都知道超級豐富，有：豆花、冰粉、芋圓、桃膠、蓮子、紅豆、西米、爆爆珠、班蘭同芒果河粉，配埋椰奶。芋圓煙韌彈牙，腸粉滑捋捋，西米同爆爆珠豐富左口感，食完好滿足。花膠烏雞燉椰皇最估唔到係，糖水鋪竟然會有燉湯套餐系列，我地嗌左花膠烏雞燉椰皇，配有白飯同埋精緻小甜品，紅豆布丁完全唔輸店內其他甜品，充滿蛋香

甜品完全唔好食，芝麻糊是苦的。而且服務態度非常差，侍應阿姐當你透明。 新張期間優惠宣傳是5折，去到話只有7折，並沒有這個優惠，那你們為什麼要做宣傳呢？ 以後唔會再幫襯。

奧海城三期有啲餐廳有點露天位,其實都幾舒服。呢個位最近新開左間甜品舖，甜品選擇算幾多！仲有燉湯添！！同朋友嚟食嘢又得,飯後甜品又得,又或者,why not both。餐廳既menu，以「冰、糊、燉、撈」為主題 。🍧🍨冰顧名思義啦，有各種唔同嘅冰或者豆花冰。比較令我驚喜既係佢有龍眼椰果冰❣️比較少甜品舖有。龍眼冰綿綿，好有龍眼清甜味，椰果煙韌彈牙。同x嫂比都真係有得揮！$49真心抵食！超推❣️🥣糊包括有紅豆沙、芝麻糊、杏仁露等等，可以加湯丸。芝麻糊唔會太甜，懷舊感滿滿。🫕燉主要講緊係燉蛋白或者雙皮奶，最驚喜嘅係佢原來有燉湯！🥥椰皇燉蛋白配榴槤 $69佢個椰皇蛋白個人非常讚賞😋👍啖啖蛋白混和左有椰香，清新又順滑，層次豐富，清甜滋潤！入面仲有煙韌椰果同粒粒西米，非常推介❣️加左舊榴槤球，榴槤控要尖叫！佢舊榴槤球超大！可能亦適逢係榴槤當造，濃香到爆！🐔🥥🫕燉湯都有驚喜！椰皇燉老雞湯頭清甜滋補，椰香濃郁但唔搶味，養生👍仲送白飯同甜品。甜品係一細杯嘅甜甜燉蛋配紅豆，$58，抵喎！其他仲有好多款甜品，冰粉、布甸、楊枝甘露等等，小小一間舖頭咁多選擇，仲有免費自助花茶誠意分滿滿！👍食多幾次都唔會悶。

新開糖水舖，同屋企人食完飯一齊去試試😚龍眼椰果冰(49hkd)非常好食，20分推薦😍是回憶中的味道，椰果爆珠好爽脆，龍眼味好香好清甜，不是糖精死甜味，優秀👍🏻芒果奶昔雙皮奶(35hkd) 是我近期食過最印象深刻的雙皮奶，芒果醬和奶味兩者都好出，奶超滑，完全冇氣孔，不會好heavy，出色👍🏻雪山楊枝甘撈(45hkd) 有一個芒果雪葩、豆腐花，西柚微微的苦澀味中和了糖水的甜，整體不太甜，經典中創新榴蓮冰大滿貫(78hkd) 榴槤迷必點，啖啖肉，好creamy口感好軟綿，滿足到三心兩意的你，腸粉滑捋捋，芋圓煙靭Q彈椰皇蛋白配榴蓮(69hkd) 蛋白嫩滑，滿滿椰奶香，椰子🥥不愧是榴槤的好朋友，榴槤忘返🙊Ps.店舖不設+1，都幾抵食，環境乾淨企理～#foodiblum甜點

朋友約我攞手信，就下佢喺奧海城搵地方食飯兼傾偈。我早到先搵地方坐住等，見地下果層有間新開糖水舖有甜品有燉湯都可以試下噃呢度仲有戶外座位，等天氣涼啲可以坐出面餐廳用橙色和淺木色調裝修、環境幾乾淨光亮，以「冰・糊・燉・撈」區分各款手工甜品及糖水亦有燉湯套餐，價錢幾公道，黃昏時分見都多住附近同放工嘅客人嚟食飯或買外賣。今次叫個燉湯套餐加幾個甜品，份量足夠我哋些牙○椰皇蛋白燉桃膠> QR code落單等約10分鐘，熱焫焫原個椰殼上、底下有個架固定幾穩陣。蛋白唔錯整得滑一滑好有奶香兼唔會太甜，真啱我哋口味。桃膠亦燉得夠透、柔軟滑捋捋，兩個人share good good●杏仁露配湯圓> 呢個都好jeng！有時喺街食杏仁露覺得有啲奇怪aftertaste，呢間又冇喎，朋友都話杏仁香得嚟幾自然又有奶甜口感滑，夠熱唔係溫吞吞。裡面有3粒黑芝麻湯圓，皮唔太厚幾煙韌，啲芝麻餡幾nutty呈流沙狀○香滑芒果冰> 食咗兩個熱糖水都想試埋佢哋啲冰係咩料。面頭啲芒果粒都幾甜，底部有芒果沙冰夠晒凍，仲有啲椰果同水晶珠，熱天食冰無得輸●花膠烏雞燉椰皇> 唔駛70蚊有燉湯有飯仲有個飯後甜

奧海城撒冒小面變成奧海城甜品店糖糛？？有點意外，本身想食面，突然變咗甜品店，咁啱撞到開業最後一日七折，既然來到就吃甜品吧芒果奶昔雙皮奶 🥭🍮上層芒果粒中間冰涼奶昔底下燉奶，嫩滑甜～ 楊枝甘露撈 🌊✨紅西柚粒+芒果粒芒果泥，個人覺得西米多啲就更好 特純榴連冰和榴槤冰大滿貫 🚀💛我哋中意食榴連，所以叫咗呢兩款，榴槤果肉都算多除咗成個榴槤球之外仲有紅豆🫘芋頭+黃色粉條+仙草凍等 龍眼豆花冰 🍯❄️環境很舒適，室內乾淨淡雅，也有很多戶外座位，約上朋友來坐坐唔錯