影片
营业时间
今日营业
12:00 - 22:30
星期一至日
12:00 - 22:30
公众假期
12:00 - 22:30
公众假期前夕
12:00 - 22:30
以上资料只供参考，请与餐厅确认详情
食完饭准备落楼散散步，突然之间好想食甜品，见到呢间舖头嘅装修几靓就入咗嚟。一入到嚟店员非常热情同主动咁招呼我哋坐低，向我哋推介咗几款佢哋舖头嘅招牌甜品，我本身系榴梿控超级钟意食榴梿，就叫咗佢哋必食嘅特纯榴梿冰，一啖食落去超级惊喜佢有一大嚿榴梿肉喺最面头，真系啖啖肉而唔系平时食开𠮶啲打烂咗嘅榴梿蓉，而且佢嘅榴梿冰唔会成口都系冰渣，你只系会食到唔同口感同层次嘅榴梿，入边仲加咗少少其他配料，榴梿味超级超级重，好正！另外要大赞嘅就系佢个炖汤，好惊喜地原来有跟饭一齐上，我试咗用少少炖汤嚟捞饭，佢个汤火候好足，而且炖得好入味，乌鸡肉都炖到冧晒，落咗好多料落去煲，热辣辣好好饮。
继续阅读
特纯榴梿冰，成球榴梿蓉最吸晴，周围仲铺满椰果、底层仲有榴梿冰，呢个天气食就最啱！榴梿味都几强烈，味甜口感smooth，榴梿控必试！桃胶莲子红豆沙，焦点一定系起沙嘅红豆，香甜又软绵，加埋爽滑桃胶、软稔饱满莲子，成个甜品适中唔腻！当中仲加入果皮，成个红豆沙味加乘咗！红豆、莲子大小适中，如果要挑剔，桃胶可以细粒啲，配对番其他配料。椰皇蛋白炖汤圆最好食，椰香蛋滑，黑芝麻汤圆烟韧又有流心。蛋白有少少散，但搭配新鲜椰子肉，口感丰富同时好消暑！榴莲飘香主打榴梿肉，配合椰果、豆花，口感层次丰富！但如果中意够冻、消暑，榴梿冰就适合啲！
继续阅读
奥海城新开左间甜品店「糖糛」，佢哋除左招牌甜品外，仲有唔同嘅炖汤，价钱都好抵食。 特纯榴梿冰一上枱就闻到浓郁榴梿香！用榴梿肉打成绵密冰底 ，面头铺满新鲜榴梿果肉，啖啖都系榴梿味，N种口感，榴梿控必食！花胶乌鸡炖椰皇，甜品店竟然有养颜炖汤。原个椰皇炖到好够火候，花胶厚身又弹牙，乌鸡肉炖到超淋甜，汤底超甜带有椰香。配埋白饭同小甜品，呢个价钱真系好抵食。杨枝甘露双皮奶好有创意嘅fusion甜品！底层系好滑嘅双皮奶，奶味好浓，面头铺满杨枝甘露 ，有好多爆汁柚子肉，口感层次超丰富 。芝麻糊配汤圆呢个传统甜品都非常好味，尤其系越简单嘅甜品就越睇到师傅嘅功力。芝麻糊磨到超幼滑 ，汤圆皮薄馅多，里面黑芝麻流心馅一咬就爆晒出黎，好好味。
继续阅读
奥海城有一间人气高企嘅手工甜品，餐点主要分4大主题，包括冰。糊。炖。捞，各有特色。炖方面仲有足料炖汤，几时嚟食都得。椰皇炖老鸡｜花胶乌鸡炖椰皇炖汤原来系配香饭一碗及小炖蛋甜品，不得不赞这个配搭不错，只吃炖汤又怕不饱，加白饭刚好，又可以送汤料，一举两得。炖龙眼豆花冰夏日消暑首推龙眼冰，清新又消署，每口都吃到龙眼果肉，加入豆腐花，口感好丰富。芝麻糊双皮奶主要双皮奶系主角，芝麻糊份量唔会太多，但比例是刚好的，不会盖过奶香，亦吃到黑芝麻。
继续阅读
今次特登黎到奥海城，试下依间由前米芝莲甜品主理人经营嘅甜品店🥰 店舖甜品特地分为「冰、糊、炖、捞」四款，想食个丰富嘅可㨂「镇店大满贯」❤️ 全部都好地道风味十足👍 今次🐧 就一口气同🐧🐧 朋友仔试咗以下几款😚 糊❣️ 杏仁露配汤圆捞❣️ 焦糖布丁炖❣️ 桃胶椰子炖鲜奶镇店大满贯❣️ 草莓冰大满贯🐧 就最钟意草莓冰大满贯🤩 甜品内附草莓冰、豆花、凉粉、芋圆、莲子、红豆、爆爆珠、班兰和芒果河粉等多款配料🌟 五彩缤纷影相好靓🥰 食落口感层次丰富又刺激，甘甜味美又不会太腻👍 真心推荐😋🐧❣️ 店舖设有自助茶水区，有多款花茶免费提供，劲有诚意🤭
继续阅读
您可能会有兴趣的...