糖心軒

营业中

休息中

星期二平日放假陪媽咪飲下午茶，糖心軒係疫情時偶然發掘的，食過一次就成日掛住，不過，我多數飲早市/下午茶優惠時段😅 食物每次都唔會令大家失望，點心款式係就少咗啲，但所有上枱食物夠新鮮又夠熱，而小食及小菜款式都相當出色，炸物唔會馬虎。今日呢個下午茶，名正言順平價包參翅肚餐，實在大滿足，兩個人清晒6樣食物，抱住個肚離開🤭間中黎飲茶當獎勵一下自己，亦支持香港飯店，留港消費😉今次唯一有少少失落係食唔到蛋散，因為售罄。下次定必埋坐即點

[🇭🇰香港- 上環].🔻發掘左間食物超水準嘅中餐廳🤩 雖然主打食鮑參翅肚, 不過小菜嘅價錢都幾貼地👍🏻📸1️⃣ 雞湯金錢翅 - 現加有優惠每位限量一碗$48 (呢個價錢餐廳飲碗湯都唔得)! 翅嘅口感爽滑,必叫! 2️⃣ 蒜蓉粉絲蒸蟶子皇 - 蒸嘅時候岩岩好, 3️⃣ 炸子雞 - 皮超脆! 重點係用新鮮雞!! .🔻🍽 糖心軒📌 地址: 上環德輔道西28號宜必思酒店2樓.#tummysreadyatsheungwan #tummysreadyforchinese

以前都有幫襯過，覺得食物水準及服務都OK。今日再去幫襯，發覺又加了價，記得不久前已加過一次價。今日去飲下午茶，去到已經很多人在等位，結果要等咗成45分鐘才可入座，入到坐已經是三點多，叫了點心後，要等15至20分鐘才有點心上，到3:45還有兩個點心未上，請女服務員跟進，回覆是兩個點心都冇，於是另叫一個點心，回覆冇得再叫，女侍應表示已和櫃面職員查問為何沒有點心冇通知，現在再叫點心又不能下單，叫我們自己和櫃面職員查問，櫃面職員回覆點心已截單，着我們叫炒粉麵飯。不明為何沒有點心，冇人通知，再下單又話截單，啲咁嘅酒樓仲點會再有下次😤

那位女經理服務態度極差，我們定12位晚飯想要一車位，她說你定位的時候要先說，我想應該是洒家方面要問客人需要否，她還說係咁㗎啦，你想走就走，酒樓有呢D員工真係一定執笠，我哋呀食餐飯都7/8000元，唉！我知香港人點解要北上消費啦！大家有錢嘅，不如去第二閒服務態度好嘅餐廳食飯啦。真係未食飯都谷到爆。

餐廳没管理可言，場面好混亂，總經理去咗邊？今日几個前台經理只會先照顧熟客和電話訂位，現場拿位第三張檯卻等足一小时亦没解釋，食物普通，服務随便，環境和装修都有D舊，一定没下次。門口雖然有大把獎狀，現實的確是浪得虚名。

正當我哋嘅香港政府好努力咁呼籲香港市民留港消費嘅同時，香港竟然出現咗一間酒樓嘅員工好唔自愛咁幫自己老闆「趕客」！到底係邊間酒樓？就係喺上環宜必思酒店嘅「糖心軒」。以免各位誤會，有一點要同大家講清楚嘅，呢間酒樓並非宜必思旗下所有，只係出租形式。以下嘅經歷，令我終於明白點解香港人會選擇返內地消費，去外遊消費，都唔願意留港消費。朋友話想約去糖心軒飲茶，大家相約咗喺下午兩點嘅下午茶時段聚一聚。由於不設網上訂座，於是我打電話去酒樓查詢有無得訂枱（因為我試過其他酒樓都有下午茶訂枱服務）以下分別係我同4個接聽過我電話嘅女酒樓員工嘅對話👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻Call 1: 我: 請問下午餐時段有無得訂位？員工1: 阿靚女呀⋯⋯你覺得下午茶有冇得訂位呢？我,. 即係有定無? (已經著🔥咗)員工1: 下午茶收你咩價錢呀？仲有得訂位？如果有就做死我哋喇。我: 你依家咩態度？有就有，無你就答無囉，你講咁多無謂嘢做咩？員工1: 我好忙㗎⋯⋯(然後cut線)我即時著🔥🔥🔥到嘭嘭聲喇，於是我又再打電話去酒樓，今次係員工2接聽。Call 2:我: 我要投訴啱啱聽我電話嗰個職員，

點心正常發揮 可能坐房 有時想搵人無人樓面呀姐稍多嗲 提下之前order 都有d聲氣卑你聽下 （呀姐其實都記得之前落既order,卑到要既服務，無甩漏）倒水落碗倒滿少少都卑人話：‘’倒咁多 我攞唔到咖？‘’（心唸唔使講咁多嘢呀？ 有碟墊住 最多行慢少少都無乜問題吧）賣單仲衰 個四眼軍裝頭男人找錢時茶客攞晒d找錢 即刻哇一聲（無卑tips 唔使咁表現呀？）以家cost of living 上漲你既營運成本都上漲唔卑tips唔使向個茶客面前咁反應出來既？！呢d質素 如卑tips都覺卑得唔抵以家個市好返少少 就變到咁大口氣真係呢。。。。。感恩當下呢

同老公食左幾樣點心都好唔錯，蝦餃又大皮又薄，內餡有5隻蝦；炸鮮蝦雲吞都好出色，皮脆唔油蝦又大；腸粉薄滑；為左食翅邊等邊食，廚部食物要11:00後先有。翅都有4-5群，廚部即煲即上，味道適中。所有食物點心炸物都好吸引，雖然價錢比一般酒樓略貴，但整體質素好，值得推介。

老人家生日，揀選食中菜慶祝，就來了這間酒樓食晚飯。入內地方闊落，枱與枱之間有很寬敞的空間，完全聽不到其他食客的對話。樓底高，環境衛生乾淨，裝修感覺也新淨。客人都算多，目測都滿席。上菜速度都快，幾味餸好快上枱，服務都OK。講講食物，首先是小食，腰果烤得脆口，腰果顏色金黃，幾好食！雞湯金錢翅這個做緊差不多有半價的優惠，所以叫來試試。湯不濃不淡不太咸，洽到好處，翅肉多！炸子雞（半隻）皮脆色澤靚，肉厚大件而不韌，幾好！雜菜煲菜新鮮無菜渣，大棵多汁。蝦米大大隻，很少食到這麼大隻，湯底有菜清味帶點咸，不會太淡口。還有少許粉絲及切片菇。鵝瘦不太肥，皮亦脆，肉多。苦瓜排骨煲湯底加了點點胡椒，苦瓜大塊，排骨大件肉厚，燉得好淋，啖啖肉。😂湯底及苦瓜都很苦，但清清地，感覺很清熱。呢個瑤柱蛋白炒飯幾唔錯，唔油乾身，飯炒到粒粒分明，很香蛋白味！👍這兒有人參烏龍茶，飲落唔覺有人參味，不過味道都幾好入口，來食飯可以試下。最後送糖水，有兩款選擇。紫米露及綠豆沙紫米露材料比想像中多，有芋頭，西米，紫米等，不HEA。糖水亦不會像出面茶樓般很傑身，偏少少淡口但都夠味，作為最尾的甜品是OK的。綠豆沙的豆不算多但可以接受。總觀

之前試過中午茶市嘅點心，覺得唔錯，今晚約了朋友再嚟試佢晚飯，睇下水準如何？上環區晚市相對較靜，客人唔多，較靜局，擺位都較寬敞，兩個人唔可以試到太多，只叫了三款食物。惠顧晚市送燒味，今晚送嘅喺燒腩仔，皮都夠脆，五層肉腩仔，肥瘦均勻，有九嚿，份量足，都幾好食！清蒸老虎班，師傅蒸到啱啱好，肉夠滑，好掂！海皇豆腐煲，班片同鮮魷都夠鮮，豆腐夠哂滑溜， 熱辣辣好好味！魚肚泡飯，份量都多，有炸過嘅脆米飯，浸泡落去湯飯度有雙重口感，湯好鮮甜，非常好味

之前曾經有同事帶我來這裏飲茶記得蝦餃大大粒, 一大隻蝦在內, 還有煲仔飯, 煲底有微微的飯焦,脆卜卜最正還有迷你砂煲海參,花膠,魚肚聽聞酒樓老闆都是上環海味街的老細, 所以餐牌上很多鮑參翅肚的菜式 今晚歡送退休老板, 來試試晚飯有人想食冬瓜盅, 有人想食魚翅, 店員推介 冬瓜盅拼魚翅半肥瘦叉燒啫啫芥蘭煲欖角骨, 骨中帶點肥肉水煮牛肉, 麻辣味雖不算太濃, 但牛肉嫩滑麵醬唐生菜招牌當紅炸子雞, 皮脆清蒸龍躉旗, 食完即刻覺得充滿骨膠原蒜片牛柳粒, 蒜片才是最正蛋散, 有點失望, 好似兩日前的賣剩貨燴牛筋

糖心軒酒家前身係「魚翅城」, 創辦人鄺先生係專營鮑參翅肚， 家族在魚翅行業內舉足輕重， 所以雖然係嚟飲中午茶， 但點都要試下佢個足而二兩雞湯翅。足二兩雞湯翅， 呢碗雞湯翅足料不在話下， 個湯底都餚得好濃都， 真係物有所值。水晶蝦餃皇， 大大隻鮮蝦食得出好爽好鮮， 個蝦餃皮要攤凍少少先至夠煙韌。原隻鮮蝦腸粉， 鮮蝦腸粉入面啲蝦係同蝦餃一樣嘅蝦， 不過腸粉皮稍厚唔夠滑。魚肚蒸滑雞， 魚肚夠厚又夠淋，食得出係上等貨， 雞都好滑，味道唔錯。瓜子馬拉糕， 瓜子仁撒滿馬拉糕表面，糕夠鬆軟，甜度適中。今次用餐整體感覺良好， 希望下次再嚟可以試下晚飯時段嘅小菜。

【#飲茶精選🍵 】#糖心軒 今日假期想去一間中上價錢既酒樓飲茶，之前都有來過，係貴少少，一次半次冇乜所謂啦。#鮮蝦腸粉 保持高水準👍 腸粉夠滑，🍤大隻爽口，$46頂點頂瓜瓜🤣#沙爹土魷 應該係新出品，大點$38，味道幾好唔會過咸，質地唔會太硬，唔驚胃痛👍另外兩樣點心都好食但覺得比之前退步咗。灌湯餃冇記錯之前係特點，而家升格頂點，都算足料，不過今日個湯就比之前既淡口，唔知係咪入單時間較早（11點前）有關，湯未夠時間🤔沙律蝦春卷（大點）基本上次次都叫，脆口啖啖蝦肉好正♥不過今日食就係啖啖雜果💔蝦肉少咗。茶錢$15@，茶香味夠👍感覺好似比之前退步咗，之前明知佢貴都要去食就因為食物質素高，但如果差咗，又或者只係比平價酒樓好少少，咁就要再考慮。埋單$332，差唔多可以飲到三餐早茶🤔推介指數：5/10

2/5They use some special dried seafood with is good, but need lots improvement to really make it happen. I think they could do much better then this.Lots of flavour leaking. My bird’s nest taste like water. I think they didn’t drain out the water, so even I add the almond milk and syrup is tasteless.

上次試完糖心軒盤菜，家人都好滿意，一月是我生日，家人提議訂位去糖心軒吃！我記得糖心軒的海味質素好好，我想試下翅和鮑魚，所以訂位時順便訂了！今次我們吃的是海虎翅，海虎翅是魚翅中頂級的類別，翅針好粗壯！大家都知道處理魚翅的步驟都好繁複，所以吃到美味的魚翅都不簡單！海處翅用煲仔上，香氣撲鼻，熱辣辣！每條翅都好粗，質素有保證，而且翅的份量也不少，翅吸收了雞湯的鮮味，雞湯味道濃而不膩！翅的口感幼滑帶點爽口！第一次食到這般優質的翅，令人滿足！另一驚喜就是南非乾鮑魚，是28頭的！個頭都幾大，厚肉，切開看看，是溏心的！炆得非常入味，腍得來又不失咬口！慢慢咀嚼會感受到濃郁的鮑魚味！整乾鮑工夫好多，在這裡吃都是$480，絕對物超所值！另外點了一條瓜子斑，有點似東星斑，買開魚就知，瓜子斑不是常有，這條斑好新鮮，蒸得剛剛好，魚肉鮮甜！