糖川餐廳 (已結業)

新蒲崗 糖川餐廳椰撻仔 $6/4件🌟就嚟三點三啦，做咩好？😂就梗係食番個tea慰勞一下自己啦😜🌟食咩好？食椰撻好唔好？🤣呢間茶餐廳既椰撻係mini size 架，一囗一個，啖啖椰絲，仲有d蛋糕仔feel添🍰上層椰絲烘得焦脆，怎叫人不心動呢💕💕💕🌟下午茶時光🌟💕#reneespk💕 評分：😈😈😈😈😈#tasteoflondoninhk #tophkrestaurants #lunch #hkfoodie #hk #hkig #hkfood #weekend #alphaconcepts#love #food #foodie #hkfood #hkfoodie #eat #around #the #world#is#my #ultimate #goal #gain #weight#ufoodhk#hkblogger#support#girly#hongkong#椰撻#coconut

本來，我只係想食個新鮮出爐嘅菠蘿包（$6），再加一杯熱奶茶（$16）。但我見到早餐（$30），加多$5轉菠蘿包。咁就不如比多$13啦。最後，我後悔了。其實以早餐選擇黎講，呢度都幾多嘢揀，亦夠彈性，鍾意點轉都得。不過，味道方面就始終差咁啲。薄如紙嘅炒蛋同火腿，雞蛋冇乜味道。豬潤有浸騷味，我食咗幾啖就放棄了。奶茶唔夠滑，飲到底有少許澀味。全餐唯一一讚係新鮮出爐菠蘿包，始終呢度有焗爐整麵包冇得輸，菠蘿皮好鬆脆，早知我就應該淨係食麵包算啦PS呢度衛生麻麻地，早餐黎食，地板都唔係太乾淨。強烈建議外賣出爐麵包

貌似一間普通嘅茶餐廳，覺得佢比較出色既係佢既麵包，佢自己有自家焗爐，可以去到嘅時候睇中邊種麵包出爐嘅時候就食果種！我比較專一，淨係鍾意菠蘿油！食麵餐的話可以走餐包加錢轉其他麵包。庵列和奶茶水準相當唔錯！獨男獨女之選，應該唔會太大份之餘，價錢都唔算太貴

特別喜好有自己出爐麵包的茶餐廳,今天竟然給我碰見這間，供應非一般麵包款式的茶記! 例如流沙雞尾包, 三寶包(紅豆/吞拿/?忘記了), 法蘭克福腸包, 等等我選了較健康, 外形似手功麵包店出品的提子合桃包. 合桃與提子比例平均,麵包表面焗成金黃有嚼勁,麵包也滲出麥香,很有驚喜!

之前去食過一次常餐，真係有點失望。今日再經過，朋友們話想試下，咁唯有俾多次機會😂今次就不錯了👍 干炒牛河炒得好香，不油膩，值得推介👏炸雞脾沙律亦不錯，份量足👌原來呢間野炒野正d

今日去到新蒲崗時有D肚餓，隨便找左間茶餐廳坐底食野。點左叉燒公仔麵餐，有D失望! 叉燒有D硬，唔好味。個奄列水太多，完全無蛋味 可以一讚的係菠蘿油不錯! 其實無期望過要點好食，不過以比普通茶餐廳貴DDDDD的水準黎講，真係唔多得😂

成日都有叫外賣，但是有幾次都送錯餐，送錯都算啦！照要，但是有次送錯得有點過份，本身不吃得牛肉的我地，點知送哂牛肉比我地，搞到我地無得吃。我地知送外賣的人好辛苦，所以無打去罵，只好叫過第二間吃，同將送錯的餐貢獻比垃圾桶。跟著無再叫過呢間野啦！

見佢地係一般茶餐廳嘅裝修格局，價錢都好親民^^晚飯時段同男友叫個二人小菜套餐，包兩個小菜，中湯白飯同野飲，真係好豐富佢哋小菜嘅選擇有成幾十個咁多，有海鮮，鑊氣小炒，煲仔菜等等，我哋諗左一陣先揀到～ 《臘腸蒸雞》臘腸幾好味，蒸雞都幾入味同嫩滑，冇乜雪味～《金銀蒜粉絲蒸勝瓜》勝瓜幾新鮮，驚訝啲蒜蓉多到好似肉碎咁，不過都幾香，加埋粉絲，用黎送飯都幾好～另外佢哋份量都幾多，所以價錢都幾抵

平時經過，今日來食早餐，結果好好好失望！食材唔新鮮，扒類煎完油到飛起，通粉都好唔ok，浸到軟曬。成個早餐都非常難食！唯一可取係杯奶茶，真係中伏！以後一定唔會來！

安排位置好快 叫左個常餐A叉燒烏冬配火腿奄列餐包烏冬係讚歧, 好難得但份量好小 應該得一半正常份量但個湯算清 無咩味精叉燒都好味 吾算肥料火腿奄列好足料 好多火腿個調味咸左小小 蛋煎得好香搞到我想叫多個餐包就有小小干 牛油小無平時果d咁香我覺得食物質素吾錯但價錢就吾抵食

今日下午我們去咗新蒲崗爵祿街嘅「糖川餐廳」食午餐！我們叫咗日本北海道3.6牛乳健康套餐、脆皮菠蘿包3.6牛乳炒滑蛋套餐同常餐！日本北海道3.6牛乳健康套餐嘅3.6牛乳炒滑蛋炒得好嫩滑，味道亦好香濃，芝士火腿湯通粉嘅通粉都幾彈牙，加埋芝士令味道幾香濃！北海道3.6牛乳脆皮菠蘿包3.6牛乳炒滑蛋套餐嘅脆皮菠蘿包面層相當香甜香脆，包質亦好鬆軟，蕃茄濃湯滑牛肉通粉嘅湯底唔算太濃郁，但牛肉嘅肉質都幾嫩滑！常餐嘅蜜汁叉燒出前一丁麵質好爽口彈牙，叉燒嘅肉質都幾鬆軟，火腿奄列煎得都幾香滑！

糖川餐廳地方坐位唔多，通常都係4-6人枱，公司閒閒地都8個人出去食飯，好似食到呢間野,我睇過門面好似出名3.6北海道牛乳什麼的，剛好那天公司的人不知跑了去那裡，得閒我們2個人食飯，就試下新野。我點左個常餐，我ABCD樣選擇，我叫左沙嗲牛肉跟烏冬，烏冬唔洗加錢，感覺比較抵。仲要送埋熱飲，有跟火腿奄列及牛油餐飽。一上枱見到外觀一般，包是我切開的，但是味道方面，火腿奄列又整得幾滑口喎，吃落都幾香，普遍都算合格。烏冬唔係CHEAP野果種，都係幾彈形，但是我有點覺得沙嗲牛肉的份量偏少，女孩子會剛剛好，男生一定不會飽，而且味道有點淡，沙嗲味不夠香辣。

呢區除咗翠X，夠膽賣$40個牛乳餐，想試好耐。$40包杯奶冇嘢飲揀，加多$8嘅餐就有菠蘿包同有得揀嘢飲。我唔好菠蘿包亦食唔落，於是杯奶比咗媽咪，媽咪個$36豬膶通粉餐杯檸茶就比我。個炒蛋唔夠牛乳香亦唔夠滑，但都唔錯。個餐包，平時坊間茶記又硬又乾我唔食，呢度質地鬆軟又香甜我就食哂。意粉剛熟夠硬夠彈，落咗芝士好香，全餐嘅亮點。食咗嚿豬膶係厚切，稍熟但都幾好。其實呢度個咸餐包我經常之前一晚買定，第二朝用焗爐烘熱夾煎過嘅腸仔同生蕃茄，超級好味。似乎包類比打正旗號嘅招牌菜牛乳更出色。