影片
佢个个榴梿班CAKE又大件又低食生果好新鲜坐得好舒服呀...服务都几好糖水够足料,好大碗...好好食,好开心,好想快D番去食一家大细食完饭,散下步,再去食碗野
继续阅读
今日同朋友食完晚饭后, 例牌要食返碗糖水, B仔泛后食到闷, 之前见过有间叫"糖坊甜品", 即管试一试. 一行四人, 至靓𠮶位叫咗碗热绿豆沙 (真系估佢唔到 ), 靓女话都几好食, 因为起沙够.而圆碌碌本来要杧果黑珍珠, 但落单位Uncle话今日啲杧果麻麻地 (真系老实) , 所以转咗要蜜瓜, 问圆碌碌好食冇? 佢话好食, 因为佢钟意食黑珍珠......大只颜就叫咗鲜什果杨支黑珍珠捞(个名堂好似系咁), 卖相好靓 ! 又足料 !! 生果好多好大旧 (好似唔洗钱咁), 我地觉得如果女仔食又真系大旧得滞, 男仔就会啱啱好而我就要咗个鲜什果三色凉粉捞, 同鲜什果杨支黑珍珠捞一样, 卖相好靓 ! 又足料 !! 大碗到当饭食都得 可能新开嘅关系, 加上地段唔就脚, 所以帮衬嘅人唔多, 唔使等位, 坐得都几舒服, 一定会再帮衬试吓其他甜品同小食.
继续阅读
上个星期去咗元朗谂住食糖水, 经过炮仗坊, 见到有间新开的糖水舖"糖坊甜品", 就入咗去试下啦!估唔到好得㖞… 我叫咗个鲜杂果三色凉粉捞,好大碗好足料, 都系廿几元, 好低食! 友人就叫咗一个好特别的榴梿慕丝(因她超喜欢食榴梿), 她觉得好香好滑,正! 我唔系几食榴梿的都觉得好香,值得推介。另外仲叫咗个鲜杂果杨支甘捞同朱古力慕丝添!我地又叫咗D小食, 烧卖, 肠粉同肠仔, 烧卖好弹牙, 肠粉的麻酱好香, 听个老板讲, 麻酱同甜豉油系老板自己调配的, 唔系交来的, 所以特别好味 !如果下次去开元朗食糖水, 不妨试下呢开吖!
继续阅读