糖兄弟甜品屋

营业中

休息中

紫醉金迷 (椰子沙冰+紫糯米+芒果+小丸子)   40元  3.5/5分1. 椰子沙冰底的甜品好特别,刚好今天晚上有风,吃起来就会少少冻2. 甜品店算得上份量超多的外卖,拿回家吃相当重手3. 紫糯米较多,芒果都算甜,小丸子虽多却不太甜,如果可以更甜就好啦糖兄弟是柴湾难得的一间甜品黄店,今次终於有机会试到确实高兴。希望大家继续支持同路人,不要让蓝圈发大,每一元的消费都在协助手足~好食的黄店就多多宣传,多人支持的黄店就改去其他少人去的黄店,使每一间黄店都有足够的支持!

柴湾系有美食沙漠之称😂仲要搵一间又黄又好食嘅舖头 系非常之难😅不过上网睇到知道呢间系柴湾罕有黄到金嘅糖水舖 就点都要支持😋嗰晚九点几十点去到等外卖 原来系超级多人 去到嗌外卖佢话要等40分钟 虽然吓一吓 但系我照等 最多喺附近公园行个圈等 最後过咗20分钟之後我返去 再等多5分钟就有碗糖水 其实又唔使等40分钟咁多😅🍧紫醉金迷 $40个名都够哂吸引🤣入面超级足料 有芒果🥭、紫糯米、小丸子🍡个底就系椰子沙冰🥥真系成碗满哂架😍每啖都劲好咬口 小丸子好烟韧 芒果虽然唔太甜 不过冬天食芒果预咗啦😂成碗嘢系每一啖都好满足😍😍食完第二日已经好挂住紫醉金迷🥺

👉食饱饭除咗食生果🍊、饮酒🍻之外，糖水都系不二之选😉.糖兄弟除咗🈶️一般大路嘅中式糖水，仲有啲小食、自家设计嘅新颖甜点😁.📌紫醉金迷 $40 ～ 入面系椰子🥥沙冰底、紫糯米、芒果🥭、小丸子，成碗🈵️晒都系料，沙冰底同紫米好夹，紫米好🈶️益㗎，即时减低罪恶感😌。小力子够Q弹，原来全部都系friend嚟，捞埋一齐非常好食👏👉呢个真心推介，几冻都要食呀📣📌喳咋 $26 ～ 又系超多料，啖啖都🈶️豆，最锺意佢少甜～记得叫多奶‼️📌自家制芝麻糊 $30 ～ 见到都知系浓厚版，芝麻味真系好香，又绵又滑，食完感觉即时靓咗😍

据说系柴小杏街坊一定识嘅甜品舖，而家喺其他区都开始出名！之前买过佢现金劵，又做好多跨区送外卖，salute！最锺意佢芒果或榴槤小丸子同芋圆，好多料，啲料又烟韧，劲大碗好好食，次次行过都一定会帮衬！

位於柴湾区内少数有质素甜品铺。一至日都开净系开夜晚。今次就简左芒之恋人，贪佢有埋奶冻，一个价钱可以享受两款甜品咁😂奶冻够滑有奶味，质地唔会散开一pat野咁，夹埋d芒果冰食好好味。芒果肉又够大粒又甜。芒果沙冰底又够冻，加上爆珠椰果又唔会下下食冰咁闷，出奇地夹。虽然冇左堂食得返外卖，个冰底都够冻又多，所以拎到返屋企都唔会变晒水，佢仲出左其他新款，仲可以WhatsApp 落order ,唔洗系条街度等咁耐。

今日同朋友去咗柴湾乐轩台嘅糖兄弟食糖水，呢间糖兄弟经常一入夜就有人龙，非常受欢迎。入到舖头，地方虽然唔大，但胜在选择唔少，有热有冻，主打冰冻糖水，价钱都几亲民。我地分别叫咗四碗糖水：士多啤梨雪糕拉面、咋喳、杨枝甘露、芒果捞珠。士多啤梨雪糕拉面嘅"拉面"其实系蒟蒻面，好弹牙，再加上好多小丸子，每一啖都好有口感，仲有一球好大嘅士多啤梨雪糕。咋喳好足料，每一匙面有足量嘅豆，即使加花奶亦都唔会盖过豆嘅香味，值得一尝。杨枝甘露有好多芒果肉同柚子肉，每一啖都可以食到大量果肉，而且好有奶香味，夏天食呢道甜品消暑一流。芒果捞珠有大量茫果肉同埋爆珠，芒果嘅甜香再配合每粒爆珠被咬爆於齿颊间，营造出丰富嘅口感。佢地因为高调表态而饱受打击，加上受疫情影响，生意已经告急，大家经过附近的话支持一下。

本人虽然未曾发过甜品的贴文，但其实我是非常爱吃的🤤最近听到朋友说柴湾有一间新甜品店开张，便晚上和朋友一齐试下😋这间餐厅售卖不同的甜品，有中式糖水、沙冰、棉花冰、店家特式甜品及小食，款式众多，价钱合理，而且是真材实料👍🏻1. 喳咋 $26朋友点了热喳咋，因店家加入椰浆和花奶，所以带有浓浓的椰香味，而材料很丰富，有不同的豆、芋头和西米，整体上味道也不会太甜，赞👍🏻2. 榴槤忘返 $45我是一个榴槤控，所以有相关的甜品，我都一定会点，这个甜品有西米露、凉粉、新鲜芒果肉和榴槤肉，非常丰富，而且份量很多，非常满足🤤

因为一次朋友带路，由几年前已经开始食糖兄弟既芒果西米露，老实说我唔系几钟意食西米，但自从嚟左呢到就爱上了芒果西米露嚟紧都必叫芒果西米露，呢到既米露好特别地用上大西米，而且好烟韧有咬，煮得啱啱好，我喺出边从来未食过嘅口感，芒果分量多，椰汁比例好好，整体就系prefect 榴槤西米露有榴槤果肉，系榴槤控必食芒果小丸子用芒果沙冰做底，面头嘅小丸子亦都系非常烟韧，唔似得出边有啲会淋

约咗朋友喺柴湾食宵夜，最方便一定系喺乐轩台呢一度。呢间叫做糖兄弟，我哋叫咗烧卖，芒果小丸子，同埋朱古力心太软。先讲下芒果小丸子，我觉得佢个雪糕有啲似菠萝味，芒果份量都几多，依家唔系合时嘅时侯，但系都唔酸，小丸子份量仲多！我地3个人share 呢几样野都够晒。佢个心太软都超级大份，好似人哋Double size咁，味道唔太甜，流心效果未去到好似火山熔岩咁爆发出嚟，但系都唔错。每人大约20几蚊，抵食！

黎到柴湾夜麻麻想食糖水同几个朋友行到呢间野前面大家都未食过於是就决定一试虽然都12点几但系都系好多人一坐低见到张枱有啲细我哋都冇抱太大期望叫咗个西米露腐竹糖水同埋一个布甸咁佢上嘅速度都几快因为个布甸竟然真系一盒劲细嘅布甸竟然收我$28我朋友叫左个西米露同埋个腐竹糖水都算勉强过得去仲要坐喺店出边 夏天又多蚊又热食完即刻走 真系贴钱买难受讲真其实几平 不过质素真系好差 於我而言绝对唔会再嚟简单啲来讲真系想食糖水就唔好嚟呢度食啦一定中伏 其实附近亦有好多糖水舖完全唔建议呢间 唔信可以以身试伏

适逢中秋，当然要出嚟行吓！行到咁上下特别想食碗糖水，呢间糖兄弟一入夜特别多人食，大家都系坐晒喺铺头外面一边赏月一边食糖水，好有气氛！铺头细细，但系选择非常多，有热有冻，任君选择，不过主打冰冻糖水居多，至於价钱尚算适中。我叫左碗姜汁芝麻汤圆，老公就叫咗碗冻芒果西米露。老公碗芒西都唔错，芒果份量都多，而且好够甜，西米露亦烟韧爽口，非常有口感。至於我碗姜汁芝麻汤丸亦都唔错，汤丸皮薄、芝麻够香，不过略嫌个姜汁太过姜，搅到我饮左二啖已经饮唔落。

喺柴湾食饭唔够饱，系搭车之前经过街边见到好多人食紧糖水，咁我哋决定满足下第二个胃，听朋友讲糖兄弟糖水舖一向主打西式甜品，咁我哋梗系要试吓啦！头先食芝士唔够喉，叫埋呢个香脆焦糖芝士雪糕挞，当然我哋冇谂过会喺度食到超好质素嘅甜品，但心谂都应该唔会太差挂！所谓嘅香脆焦糖芝士雪糕挞，挞皮唔脆都算啦，仲要硬骨骨，完全食唔到个边，焦糖味呢…又冇喎！芝士雪糕又冇芝士味，仲要收三十蚊咁贵！唔好食！好难食！好失望！

是日到朋友家作客食饱饱寿搭车之际见到街边有间糖水店好多人为食既我地 见到咁多人又想试下我叫左珍珠绿豆沙凉粉味道其实普通 无咩特别但$26 份量多好似食黎食去都唔会食得哂

绿茶控必食 - 绿茶千层pancake 饼皮十分烟“un” 而且好重绿茶中间的不是cream 系云呢拿雪糕呀再入面就系红豆 绿茶+红豆呢个配搭想输都几难下次应该会试埋芝士tat

🍴晚饭完，行过见到呢间糖水甜品店坐满人，就8挂行去望下，望望下又热热地所以决定食返个甜品先返归😂 #根本就系为食罗 🍰。。👄绿茶pancake雪糕 $38 。👉开头睇个名以为系普通pancake上面放个雪糕球甘，所以一送上枱我仲以为佢地嚟错😅 原来系千层pancake个friend! 每层中间唔系cream, 而系雪糕😋🍦最中间嗰part就有红豆蓉做涵~。。佢当然无lady M嗰d甘薄甘高质(！？)啦，但每块pancake都唔算厚，都feel到佢用心去整既❤。。因为中间每层系有雪糕，所以都要快d食，尤其是喺坐outdoor. 每啖都冻冻地甘都几正，味道都唔会太甜，可能就因为整体比较淡口，所以中间加层较甜既红豆蓉。但就唔好期望pancake有浓厚既绿茶味啦，呢个价钱算ok啦~