糖一

营业中

休息中

平日收工去 約上朋友過嚟食甜品 店鋪不是很大 但桌子挺大的 可以約上一大班朋友過來吃甜品👍🏻•💛世一冰鍋（1-2人份）$1081️⃣首先要揀冰鍋汁底 店員推薦金奶茶汁/芒果汁 我們選擇了🥭芒果汁（+$10）2️⃣之後要選擇冰鍋底料推薦仙草、豆腐花3️⃣最後選擇配料芒果🥭、哈密瓜🍈、三色芋圓，椰果•冰鍋上枱後 店員會加入乾冰 哈哈 太夢幻了芒果汁好濃郁的芒果味豆腐花超嫩滑 仙草都很Q嫩 三色芋圓又是QQ的😋現在應該正是芒果季節 芒果真係好甜🥭😍🥰哈蜜瓜都很爽🤍椰果都特別多😋•小食都真係唔錯～💛蒜辣雞翼尖好入味 個汁同B仔差唔多 辣得上癮💛甜蜜糖不甩Q軟口感的糖不甩 加上花生、黃糖粉等

今天吃了多芒小丸子河粉，很不錯👍特別是雪糕，點睛之筆！多芒小丸子河粉打造視覺盛宴，新鮮芒果爆汁酸甜，手搓白玉丸子軟糯Q彈，椰香河粉柔滑彈牙。最驚豔是雪糕配焦糖脆脆，豆香醇厚與微苦焦糖在舌尖跳華爾滋，堪稱神來之筆的味覺層次！就是要等十來分鐘

收工行過這間紅磡小店開咗一段時間睇到裏面嘅人唔同晒唔知有冇驚喜試試佢簡單叫咗個黑白芝麻糊果然驚喜食得出係手工製作甜度適中，最重要食得出就芝麻香味配豆腐花，非常夾下次再試吓其他產品

呢度之前幾好 , 之後一直都麻麻地前排經過 , 見到唔同哂D人 , 試多次楊枝甘露個芒果汁終於都似番樣  掂桃膠仙草都OK綠豆沙 係起沙既椰汁可以再甜D係出餐慢左D , 等左10分鍾先出到 

呢間舖頭點解要整埋啲糖水都唔係人食嘅。楊枝甘露淡而無味，擺明係溝水，完全冇芒果味。入邊嗰啲西米唔知佢浸咗幾耐發大到好大粒。同埋啲西柚肉係冇㗎！！！我諗如果大家喺香港食過楊枝甘露呢都會知道呢碗一定係呃錢。合桃糊好明顯係用粉沖嘅。點解我會知道？因為呢仲有一粒粒啲粉喺嗰碗糖水入邊啊。仲有個鮮奶涼粉桃膠係苦嘅，食完仲肚痛！！真係好難得有一間糖水舖每樣糖水都係咁難食㗎其實佢有冇良心去做生意？佢過唔過而得去㗎？

一入門口 已經feel到冷氣不足 嗌左個心太軟 佢話要12分鐘 結果我啲朋友食完都未到 同佢講我地等咗好耐 末班車都快要走了佢就以惡劣嘅態度去同我地講「等唔切咪幫你cancel佢囉」 然後俾我啲朋友見到轉個頭用粗口口型罵我們 紅墈最差糖水舖（事發緊急沒有任何照片）

剛才和朋友食完宵夜，打算嚟個飯後甜品，一開始嗌個椰汁香蕉西米露，佢想餐嗰陣時同我講冇晒香蕉，直接俾咗個芒果西米露我，但係我對芒果敏感，於是就同佢講叫佢cancel再嗌第二個心太軟，佢話12分鐘，結果等咗半個鐘個餐都未到。最後因為要趕尾班車同佢講cancel，佢直接問候人老母，已經好聲好氣同佢講。食物質素又低，嗌個腸粉係硬嘅，啲芒果係酸嘅。椰汁西瓜西米露啲西瓜係沙嘅。甜品舖本身冷氣又唔夠，上一手用完張有血嘅紙巾就咁擺咗喺枱面，我哋個餐到咗都冇人執走，勁bad trip

教會桌遊查經後食糖水，地膽揀咗糖一，入座得一枱，之後坐滿，我揀咗椰汁🥥雜果黑糯米（$35），其他人揀芝麻糊（$33）同腐竹糖水（$34）。我碗雜果黑糯米痴到一餅咁，賣相一般，雜果有哈蜜瓜🍈、火龍果、芒果🥭同西瓜🍉，點知哈密瓜🍈變壞咗，有叔味，我大聲同店員講，店員試完厨房哈蜜瓜可能都覺得有問題🤨，就換過兜俾我，變咗version2，大兜咗，火龍果變咗紅色，好飽，埋單時見我兜delete咗，但店員加番落張單度😅

今日第一次幫襯呢間糖水舖，買咗咋喳同埋楊枝甘露做飯後甜品。喳喳我哋加咗芋圓～全部糖水都叫咗凍嘅。喳喳好難食，啲豆同埋花生全部都未煮腍，完全食唔到咋喳嗰種啲豆好綿滑嘅口感，個糖水底好稀身，三個人食都覺得好難食！食到一半都掉咗！楊枝甘露係好少少，但係都係好難食..啲芒果係OK嘅，但係佢啲西米煮得好腍，同埋又係好稀唔似楊枝甘露嗰個質地，連我老公平時唔會掉嘢嘅都食淨一半！以前呢個位做嗰間糖水舖都幾多人食，冇諗過轉咗手之後咁難食！我竟然唔記得影相⋯好彩有張收據！

火鍋就聽得多，甜品冰鍋又聽過未?🥢糖一甜點冰鍋(2-3人份) $148我地order左鮮椰汁，涼粉，仙草，豆腐花，小丸子，三色芋圓，芒果，蜜瓜，蜜桃，茘枝椰果，蘆薈。鮮椰汁唔會太甜，仙草比較嫩滑，涼粉比較有咬口，小丸子好煙靭🤤，三色芋圓有咬口又唔會太粉👍🏻，芒果有少少酸，蜜瓜爽甜，蜜桃同茘枝椰果都應該係罐頭黎🙈🙈🥢糖不甩軟糯口感加埋香口既花生椰絲😋😋如果再多D粉會更好😆🥢西瓜涼粉西瓜可能未當造，所以唔甜，冇特別🙈🙈整體黎講味道一般，但冰鍋造型特別，打卡一流😆😆評分：味道：⭐️⭐️⭐️️環境：⭐️⭐️⭐️整體：⭐️⭐️⭐️————————————————————————

2022最後一日去食紅磡出名甜品鋪點知真係鬧劇一埸入到去點完野之後過咗一陣老闆出嚟話雪櫃啲嘢冇哂 叫咗一枱人走由入座到叫餐用左30分鐘我地叫左楊枝甘露同心太軟然後芒果賣唒 心太軟overcook變咗實心蛋糕係史上最難食嘅心太軟最難忘嘅倒數Very disappointed about this restaurantI’ll never go again, it is totally the worst ever I have eaten in HK.P.s見到deliverwoo人等左一個鐘都未拎到訂單真心慘

新しくオープンしたスイーツ、ないか探してみると、一番の魅力はごまシリーズのデザート。 注文するQRコードがあっても、上野のスピードはとても速いです。ごまアイスクリーム ごまスープボール ごまペースト夏に特に美味しいごま餡が凍っているので甘すぎず、かみ砕いて、量は多すぎず、ごまのりがよく、すりごまと一緒に食べられます味が濃い。

同朋友食完飯 覺得要食埋甜品先夠🤣紅磡好多甜品舖 不過未試過呢間 所以就一試我哋7個人 叫咗3樣甜品 🤩🤩🤩人均都係大概$36 正常價錢芒果小丸子樂園 $56正常甜品樣 有芒果肉粒+芒果汁＋芒果雪糕＋小丸子＋椰果+豆腐雪糕個人覺得個芒果味都幾夠😝但食完芒果再食豆腐雪糕就唔太食得出豆腐味 有啲可惜 同埋小丸子有啲重粉嘅口感鮮奶桃膠芋圓燒仙草（朱古力雪糕）$50強烈建議呢個唔好叫朱古力雪糕 😕其實朱古力雪糕就咁食都正常 但溶咗 撈埋啲鮮奶食就冇哂味 啲桃膠 芋圓 同仙草都多份量但成個味真係唔好食😞😞😞糖一甜點冰鍋（2-3人份）$148呢個冰鍋好啱打卡 入面有鮮椰汁涼粉、仙草 小丸子、三色芋圓、蘆薈、芒果西瓜、哈密瓜、芒果椰果、芋圓珍珠可以揀奶茶/豆漿 我哋揀咗奶茶啲生果都正常甜度 但係個奶茶完全唔夠味😣結果食落口 好似食緊生果杯 😗😗😗總結就係叫芒果味嘅甜品實冇死 呢間甜品舖應該唔會encore 啦😳😳😳📍糖一（紅磡）

新開甜品，諗住試下有無伏，最吸引係芝麻系列甜品。有QR code 落單既，上野速度都好快。芝麻雪糕芝麻湯丸芝麻糊夏天特別啱食，芝麻糊係凍既，所以唔算太甜，芝麻湯丸有嚼口，份量就唔太多，芝麻糊好杰身，食得出係磨出黎芝麻味重。紅豆冰雪糕好食！推薦！椰子味好濃郁，絕對唔係茶記紅豆冰，紅豆好霖。

前幾日，星期日同老公拍拖去食糖水，試一間紅磡嘅新糖水！估唔到人來人往，餐廳可能啱啱裝修，所以坐得幾舒服，嗌咗兩個甜品！1.黑白王子入面係紅豆、涼粉、椰汁西米露、豆腐雪糕呢個配搭好穩陣，豆腐雪糕味濃！好有口感！2.椰皇芋圓湯圓估唔到原個椰皇上，入面有芋圓、湯圓！本身以為係燉椰皇，原來係椰奶溝椰青水飲落去個味道好椰，濃稠，個湯圓幾好食❤️芝麻湯圓，食得出椰皇好新鮮，肉都不埋黎食😎😎如果芋圓再多啲就好，口感更豐富！