影片
以上资料只供参考，请与餐厅确认详情
呢间舖头点解要整埋啲糖水都唔系人食嘅。杨枝甘露淡而无味，摆明系沟水，完全冇芒果味。入边𠮶啲西米唔知佢浸咗几耐发大到好大粒。同埋啲西柚肉系冇㗎！！！我谂如果大家喺香港食过杨枝甘露呢都会知道呢碗一定系呃钱。合桃糊好明显系用粉冲嘅。点解我会知道？因为呢仲有一粒粒啲粉喺𠮶碗糖水入边啊。仲有个鲜奶凉粉桃胶系苦嘅，食完仲肚痛！！真系好难得有一间糖水舖每样糖水都系咁难食㗎其实佢有冇良心去做生意？佢过唔过而得去㗎？
继续阅读
一入门口 已经feel到冷气不足 嗌左个心太软 佢话要12分钟 结果我啲朋友食完都未到 同佢讲我地等咗好耐 末班车都快要走了佢就以恶劣嘅态度去同我地讲「等唔切咪帮你cancel佢啰」 然后俾我啲朋友见到转个头用粗口口型骂我们 红墈最差糖水舖（事发紧急没有任何照片）
继续阅读
刚才和朋友食完宵夜，打算嚟个饭后甜品，一开始嗌个椰汁香蕉西米露，佢想餐𠮶阵时同我讲冇晒香蕉，直接俾咗个芒果西米露我，但系我对芒果敏感，于是就同佢讲叫佢cancel再嗌第二个心太软，佢话12分钟，结果等咗半个钟个餐都未到。最后因为要赶尾班车同佢讲cancel，佢直接问候人老母，已经好声好气同佢讲。食物质素又低，嗌个肠粉系硬嘅，啲芒果系酸嘅。椰汁西瓜西米露啲西瓜系沙嘅。甜品舖本身冷气又唔够，上一手用完张有血嘅纸巾就咁摆咗喺枱面，我哋个餐到咗都冇人执走，劲bad trip
继续阅读
教会桌游查经后食糖水，地胆拣咗糖一，入座得一枱，之后坐满，我拣咗椰汁🥥杂果黑糯米（$35），其他人拣芝麻糊（$33）同腐竹糖水（$34）。我碗杂果黑糯米痴到一饼咁，卖相一般，杂果有哈蜜瓜🍈、火龙果、芒果🥭同西瓜🍉，点知哈密瓜🍈变坏咗，有叔味，我大声同店员讲，店员试完厨房哈蜜瓜可能都觉得有问题🤨，就换过兜俾我，变咗version2，大兜咗，火龙果变咗红色，好饱，埋单时见我兜delete咗，但店员加番落张单度😅
继续阅读
今日第一次帮衬呢间糖水舖，买咗咋喳同埋杨枝甘露做饭后甜品。喳喳我哋加咗芋圆～全部糖水都叫咗冻嘅。喳喳好难食，啲豆同埋花生全部都未煮腍，完全食唔到咋喳𠮶种啲豆好绵滑嘅口感，个糖水底好稀身，三个人食都觉得好难食！食到一半都掉咗！杨枝甘露系好少少，但系都系好难食..啲芒果系OK嘅，但系佢啲西米煮得好腍，同埋又系好稀唔似杨枝甘露𠮶个质地，连我老公平时唔会掉嘢嘅都食净一半！以前呢个位做𠮶间糖水舖都几多人食，冇谂过转咗手之后咁难食！我竟然唔记得影相⋯好彩有张收据！
继续阅读