粵點軒

营业中

休息中

山長水遠喺新界東去新界西北遊玩，好似去玩之前選定咗呢一間茶居食過午餐。嚟到嘅時候見到佢出邊排咗幾多人，個心突然灰咗一下。因為帶住兩個老人家，驚排得來佢哋會攰。好彩啱啱返枱，等咗一陣就可以入去。不過人手唔到，都需要啲時間去擺檯，加上前邊有枱七個人入座望落去就比較踢腳啲。好在食物質素同埋d茶㗎質素完全平復咗我剛剛入嚟嘅心情。黃沙豬膶腸粉好薄皮，豬潤蒸到僅僅熟，時間拿捏得好好。另外個牛雜份量雖然少咗啲，但係炆得相當出色入味，蘿蔔都係入口即化嘅。另外，黑蒜燒賣甘甘甜甜呢個配搭幾特別。炒粉麵雖然細碟，但係少食多滋味，個豉油王炒麵，好乾身又唔會成口油。個子薑皮蛋蝦春卷，呢個簡直係刺激左個味蕾，呢幾樣食材配合埋一齊相當匹配。甜品方面，沙翁好鬆軟。其實嚟係想試佢個拿破崙，好彩佢貨源充足唔需要落定單都有得試。其實拿破崙都幾蝦人切，用熱水濕咗把刀切落入，個餅皮卜卜脆，聽聲就知佢有料到。試埋個味就不得了，佢唔係兩層都用上芒果肉，有層係用咗哈密瓜， 反而有種清新㗎感覺。安裝唯獨係個雞紥賣相有少少甩轆，蒸爆左口。不過整體用餐屬於超高班水準。事次用餐為自費，希望下次平日放假可以過嚟試埋佢啲一人餐。

1. 皮蛋酸薑芝麻蝦筒這道菜非常特別！皮蛋搭配酸薑，味道清新又有趣，讓人驚喜。蝦筒的外皮酥脆，裡面鮮嫩的蝦肉加上香香的芝麻醬，口感層次豐富，一口接一口根本停不下來，我很喜歡!2. 招牌牛油蛋菠蘿包這款菠蘿包有驚喜！外皮金黃酥脆，裡面柔軟，牛油的香氣撲鼻而來，蛋黃的味道也特別濃郁。這個包能讓人感到幸福滿滿，絕對不可以錯過！3. 黑蒜松草豬肉燒賣這道燒賣很有創意！黑蒜的獨特風味讓燒賣變得不一樣，搭配松草的香氣，吃起來很清新。4. 懷舊芝麻卷第一次吃懷舊芝麻卷，每口都充滿黑芝麻濃郁的香氣，簡單卻讓人感到滿足，吃完後讓人

呢間餐廳 我已經再次番去食 😋😋😋👍🏻👍🏻👍🏻第一👍🏻 環境舒服 乾淨衛生第二👍🏻👍🏻 服務態度好第三👍🏻👍🏻👍🏻 食物非常好食 材料新鮮點心款式選擇好多 如果有選擇困難症 一定會好似我咁 簡曬成枱都係（哈哈😆）因為賣相真係非常吸引🤤🤤 單單就係佢個 ‘脆皮鮮蝦腐皮卷’ 每一舊都有隻蝦 我已經覺得呢間小店 非常有誠意 又脆 又香口😳 酒樓真係比下去（個人感受）其實樣樣都好好食 我下次再再再再去 會試埋其他野😚 推薦👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

地點方便 近yoho 形點商場🩷🩷新開主打食點心的茶樓，茶壺下有蠟燭暖住，，，唔怕茶好快凍，，好有創意！想叫曬全部點心試試，因為叫咗幾樣都覺得好好食，點心好精緻，材料好新鮮！個人十分推介沙翁 好耐冇食過 熱辣辣 唔會好甜 腸粉好滑 漲卜卜 燒賣蝦餃都蒸得好好食 尤其有一個黑蒜燒賣，係岀面未食過，幾得意，，，甜品好多選擇，拿破崙，楊枝甘露都好足料估唔到，，，，仲有個煲仔飯的飯粒都啱啱好！😘另外店員又好好人，，，好好服務，，，環境乾淨，好推介大家去試下下次一定會再去試其他點心

🍽 餐廳：粵點軒📍地址：元朗好順利大廈1座9號，地下57﹑65﹑66﹑68A本身冇諗住寫食評，所以冇影到相。不過想支持下好餐廳，都係出一篇啦！響雞地新開的點心店。$88套餐價，有燉湯、蒸飯、黑芝麻卷，呢個價錢同埋環境，真係好抵。燉湯要讚！是日係花旗參燉老雞湯，熱辣辣，有花旗蔘味，感覺好正氣！最重要係好飲！蒸飯好好食，唔會蒸到d飯一pat野咁，入面用料都唔錯唔hea，我老公大讚鳳爪排骨飯係佢食過以來最好食嘅！黑芝麻卷好食，好濃芝麻味！黑蒜姬松茸豬肉燒賣幾特別，姬松茸好香！臨尾叫埋兩個甜品，失傳塘沙翁，好少地方造啦，即叫即整！好香蛋味！外脆內軟，唔會好甜！雪燕芒果椰汁奶凍，正正常常，上面有雪燕都唔吝嗇，個人覺得芒果有啲酸，下面椰汁果凍都ok,唔特別。食到9點幾先走，所以影相果陣冇咩人，本身7-8:00去到都有4-5枱客食緊。服務態度好好，有招呼有禮貌。光線鮮明，裝修雅緻大方。

一個人行行下去了元朗雞地到午餐，見到帶金色的門面，係新派的飲茶，仲有午市套餐便入去試下。我嗌左個堂食套餐，有港式老派咖喱焗雞飯/新派芝士焗糯米雞配 原盅足料燉湯＋甜品 香濃芝麻卷我睇中咗原盅足料燉湯同埋香濃芝麻卷，跟住嗌咗港式老派咖喱焗雞飯，每位客人都要計$12一位茶芥，所以套餐加中式茶等於$80我點了個普洱，中式茶會附上小火盆暖個茶壺，十分細心。首先上了原盅足料燉湯，裏面有很多湯料，飲落清潤。港式老派咖喱焗雞飯，面頭鋪滿芝士，咖喱味不會太濃，飯係炒飯底，份量都足。香濃芝麻卷是凍食，不會太甜，味道幾好下次可以再叫屋企人一齊嚟飲茶

送完小朋友返學路經見到開咗一間新嘅粵式飲茶，一於帶埋屋企人嚟試吓！今次叫咗唔少嘢食，飲茶點少得蝦餃、燒賣、叉燒飽、鮑汁雞腳、鹹水角😋仲叫咗豉汁蒸鱔煲仔飯、雲耳蒸雞飯同鮮蝦腐皮卷同埋見佢窗上貼住嘅奇妙沙律蝦脆卷同沙翁。鮑汁雞腳炆得好腍好入味👏🏻不過沙翁可能個油唔夠熱？入邊炸得唔透，係唯一要挑剔嘅地方，其他食物都好高水準💕

嗌左燒賣同叉燒腸燒賣有大大隻蝦，好食，拍得住大brand叉燒腸入面好多叉燒，腸粉皮唔厚，有d 咬口茶都好好飲，新式d 有茉莉花茶仲有蠟燭烘熱d 茶，幾細心服務都好好，環保乾淨整潔不錯不錯，元朗小有用心點心館

知道呢間新餐廳最近開咗，所以過嚟試餐廳闊落新淨，都坐得幾舒服叫咗職員推介嘅蒸鱔，嚟到之後就連唔食鱔嘅，我都覺得好好食最後成功爭取到一舊其他已經俾男朋友食曬可想言之幾好食其他點心都好出色，燒賣用料食得出有誠意。甜品食咗沙翁同楊枝甘露，楊枝甘露非常出色！除此之外，佢哋嘅辣椒醬亦都令我一試難忘後尾先知原來係自家製

小妹第一次寫食評,平日都好懶食完就算,但今次因為避雨意外遇到嘅新店真係好值得分享!!鋪面偏新式,茶底揀左白牡丹(因為未飲過,又ok清香),可能夜晚兼唔算多客,幾岩我地一行四人慢慢傾計,服務員態度幾好冇趕人冇西口西面,又好主動幫我地換骨碟,搞到我地都有啲唔好意思講返啲食物,真心高汁,有豬潤燒賣腸粉沙翁果類懷舊點心(但今次冇叫haha)試左皮蛋酸薑蝦酥(好味平日好少見,應該算功夫菜?)、銀鱈魚煲仔飯、乳鴿(影都影切,被個fd食左-.-但好入味都有肉汁嘅)P.S.甜品好出色!!黑芝麻卷傳統野(終於唔洗去齋鋪先食到,入口即融feel到芝麻蓉,好推介!!)仲有個水果拿破崙,好驚喜,估唔到中式點心鋪會有得食,仲要唔欺場,鬆化又脆,同埋同埋鋪面嘅珍寶藍莓大到手指公咁(今次終於影得切)仲要係甜的今餐真係多謝落雨下次經過Yoho附近會再戰的.係一間對得住價錢同食物質素嘅點心鋪

Yuet Dim Hin 粵點軒 📍元朗鳳攸南街9號順利大廈地下假日經過元朗鳳攸南街， 在芸芸餐廳之中，想不到最近新開了一間很不錯的港式點心店和粵菜餐廳。 飲茶食點心現在不一定要去茶樓，這間點心店食物質素頗高，能感受到新鮮出爐的味道，衞生環境和招呼都很好，決定在這裏介紹一下。🍽️ 粵點鮮蝦餃 (Shrimp Dumplings) 四件蝦餃做到大小剛好，外皮晶瑩剔透夠薄身之餘也夠煙韌。每隻蝦餃皮上都有七至八褶的褶數，鮮蝦🦐入口亦彈牙鮮甜。🍽️ 懷舊蒸燒賣 (Traditional Siu Mai) 四粒燒賣有大大粒蝦肉🦐，餡料充足，味道也鮮甜爽口。🍽️ 豉汁蒸鳳爪 (Braised Chicken Feet)豉汁蒸鳳爪質嫩爽口，雞爪控必吃~ 味道鮮香入味，軟爛脫骨，比茶樓的更好吃。🍽️ 咖哩魷魚 (Curry Squid)這個咖喱魷魚🥘未必很健康， 但肯定好好味。咖喱汁很香，爽口的魷魚配上同樣爽脆的潮洲魚蛋，比平常配上蘿蔔更惹味。🍽️ 失傳糖沙翁 (Sugar Egg Puffs) 三件小時候經常在酒樓吃到炸蛋球 (糖沙翁)，很少地方還可以吃到這款懷舊小食，想不到能在這裏遇上，而且份量非常充足。

前幾日路過見新開左食點心嘅舖頭，今日星期日黎試下。11點幾黎到唔使等位，店員好有禮貌，茶係用小蠟燭熱住。2個人叫左3個點心，1個粉麵，1個甜品。樣樣都唔錯，雞扎係用淮山卷住唔係腐皮，入面有雞，豬肚，菇，魚肚。(唔記得影相)墨魚餅好彈牙，夠鮮燒賣比出面嘅點心店(工場貨)好食炒面好乾身楊枝金露花奶味較重，啖啖都有芒果肉，柚子肉店員介紹點心係廚房即做，冇味精。的確食完唔覺得口渴，食物都唔會話好濃味，不錯。下次會再嚟試其他嘢

最近同朋友去元朗行街，經過見到有間新開嘅手工點心店，於是就入去試吓😜然後發現有驚喜！！樣樣野都好食好新鮮，個人認為比起出面酒樓更好食，值得一讚嘅係香煎墨魚餅食得出真係用上新鮮墨魚去整，脆皮鮮蝦腐皮卷都好足料，真係咬落啖啖蝦肉🤤仲有糖沙翁都外脆內軟蛋味濃郁，懷舊小食，值得一試！仲有樣很推薦大家叫嘅係芒果楊枝甘露，足料好味👍🏻😋服務態度友善，坐得舒服，鐘意食點心嘅我今餐真係大滿足😋💕💕

呢排唔想煮飯 就落街食飯 無意中發現呢間新開張的點心小館 中式傳統點心（蝦餃燒賣）應有盡有 連芝麻卷 沙翁都有 最驚喜的有好多特色點心 黑蒜姬松茸豬肉燒賣 皮蛋酸薑芝麻蝦筒 招牌銀鱈魚煲仔飯 我最怕點心會重油膩感 同埋食落好濟 但呢間點心小館的食物味道恰到好處 店家全人手製作 無味精 非常推薦🤍 最令我意想不到的是 點心類別居然有鮮果拿破崙！！！ 藍莓大大粒 好甜 千層酥好鬆軟，唔會一切就散 最重要無油膩感 忌廉甜度岩岩好 唔會太甜 🤤🤤服務方面 侍應態度非常良好 留意我地坐一段時間 主動更換茶壺茶葉 唔會飲飲下 變左飲無味茶😭真係好細心下次一定再幫襯佢地 多多支持本地餐廳

聽聞係手工點心，真係食得出更加精緻好味，唔係一式一樣既酒樓翻熱點心不過最驚喜都係乳鴿同甜品！乳鴿入味又juicy,甜品既水果好高質最後只記得影其中一個甜品～下次會再食