粵軒

营业中

休息中

中式餐館，裝修簡潔，簡簡單單點咗幾個小菜，價錢中規中矩，但味道真係好好味，乳鴿都算大隻，有肉味，梅菜扣肉，超好味，濃味得黎又唔會太咸，個牛仔粒煎米粉真係不得了，好味到差D叫多份，呢度D菜式真係有如傳聞，新鮮，份量多，D服務員態度都可以，食到7788，老闆娘仲笑笑口送甜品比我地，簡單幾個小菜，又過咗一個開心既晚上

中午點咗特色冰梅骨，上嚟咬落發覺豬肉不新鮮，夾帶一股臊味，老闆娘堅持講係新鮮豬肉，要求換另一種菜式，佢唔同意只係同意重新上一碟，但第二碟上嚟或者想掩蓋豬肉嘅味道炸到又老又柴，再次反映才同意換另一個菜式，咁就點咗個豉油王白鱔，上次去試過這菜味道還不錯，以為唔會中伏啦，點知今次上嚟一啲味都冇且份量明顯減少，另外點咗油菜上嚟又硬又老，兩碗絲苗米等咗好耐，但係上嚟係夾生嘅飯，算啦，唔想同黑面嘅老闆娘爭拗啦，兩人食付了277元未食飽，去圍一燒鵝再食過算啦

上次同屋企人來粵軒飲茶之後，小朋友也愛上了這的煲仔飯和甜品，鮮蝦腸粉味道新鮮，大大隻蝦，甜品有熱(熱的又夠熱)有凍(凍的又夠凍)，服務員又熱情，又主動幫我地加水，點心又好味，樣樣點心都食得出鮮味，正，值得推薦

午市細細碗湯飯78蚊，「上湯」太過鹹，方魚好似無煮過咁硬，牙都咬爆，係有幾隻蠔但都係唔抵食。牛肉球超削，蝦腸還可以，大熱天時，冷氣開唔夠，一定無下次。隔離大圍小館好太多了。

剛經歷了和親人的最後道別帶著傷感又不捨的心情 下山後 決定在大圍食埋英雄宴先解散由於我地親友太多 又是週末中午 所以都預先訂定地方 試過週末路過 都見到粵軒門口排哂隊 都係心大心細打電話去試一試先接電話那位女士 準確清楚咁 講解咗詳情感謝粵軒的配合和貼心的安排我地食咗3圍枱 所有員工都非常配合 動作亦十分爽快 真係值得一讚上枱既餸菜夠熱 食物新鮮 味道又好 份量又大價錢亦非常實惠都唔明 點解D人成日都話粵軒唔好出街食飯都係食物品質為重點在此感謝粵軒既安排祝粵軒生意興隆

已經有2，3年冇過大圍揾野食了，早兩日同屋企人潮聖圍方，順便去粵軒飲茶，用料份量依然十足，食材新鮮，更意想不到收銀員還記得我和家人，熱情和我們打招呼，聊天，下次還會再去

其實呢間舖頭已經唔係第一次幫襯，因為屋企親戚住喺附近，所以為咗遷就佢哋都去咗好多次，但係個事頭婆永遠黑住塊面對住啲客人，好似個個爭佢錢咁，真係好唔明，講真啦，呢啲餐廳冇裝修冇服務都係做啲熟客生意，真係唔明點解可以咁串咁嘅態度對啲客人，仲要好多都係老人家，香港地方想飲茶大把選擇啦，下次一定要說服屋企人絕不幫襯呢間餐廳👎👎👎👎👎👎👎俾錢消費仲要睇人面色，簡直不知所謂都唔係第一次啦，依家咁多人北上消費都唔係冇原因嘅

路經大圍，媽媽想吃點心，見到呢間小酒樓，差不多全場滿座，於是就試試佢芝士蝦球伊麵味道淡，片裝車打芝士味生粉水太多，伊麵亦都太淋。蝦球有彈性新鮮！沙律蝦角見每一台都會嗌，所以點左一客。餡料吃得出有西芹紅蘿蔔鮮蝦，十分足料。略嫌美中不足是作為炸物，只有邊緣地方是脆的🙃鮮蝦腸粉粉皮較厚蝦肉彈牙呀！蝦餃一籠兩粒蝦餃是大size, 一隻蝦餃大概由3至4隻蝦，蝦餃皮薄晶瑩剔透👍👍👍❤️❤️❤️所有菜式吃起來，蝦作為主角，新鮮彈牙，整體調味偏淡比較適合年長人士，注重食材原味。食物性價比低，茶位14蚊一位，略貴！有個師奶店員服務態度很差，語氣十分兇惡。😬😬我不會再次光顧。😗😗😗

👨‍🍳嘅手藝真係好得嚟嘅！剛去試咗呢間食店嘅外賣晚餐，心情興奮到不得了！首先，個百花炸釀蟹鉗整得咁好味，炸得金黃又唔油膩，啖啖肉嘅蝦膠又夠味又彈牙，仲有個濃郁嘅醬汁，食落真係爽口得滯😍。嗮豉油皇煎南非鮑魚更加係意想不到嘅驚喜，啖啖都肉厚彈滑，豉油香氣撲鼻，小朋友都話讚。至於上湯焗澳洲龍蝦伊麵，龍蝦肉質鮮甜，份量正，但伊麵就欠少少湯汁，不過味道依舊正👌。最出彩嘅可能要數蠔皇花膠扣鵝掌，以前總覺得花膠無乜味，但今次醬汁入味得嚟，花膠爽口得嚟有嚼勁，完全顛覆咗我對花膠嘅舊觀感！至於蜂蜜脆麻花，外賣都能夠保持到某種程度嘅脆口，甜而不膩，整體嚟講都算過得去😊。每樣菜式都做得幾有心思，尤其係古法紅燒潮州翅，魚翅滿滿，老少咸宜，晚餐過後，大家都食得舒心滿足，真係一頓滿意嘅晚宴！

一入到呢家舖頭，就聞到種種香氣撲鼻而來，特別係隻檸檬燒雞，外皮烤到金黃酥脆，摸一摸有嗰種唞唞聲，啖啖肉嘅部分就多汁彈牙💥😋。檸檬汁嘅酸甜好夾，真係開胃到不得了。然後叫咗個花生醬牛河，濃厚嘅花生醬香而不膩，齋食牛肉都好過癮，係我平時冇食過嘅特色版本，好正！跟住係個豉椒炒鴨掌，啱啱好嘅辣味，喺嗰啲噹噹嘅豉汁裡面游水，真係鮮到彈牙嘅境界，食落去爽口不已。試過好多次煎炒，呢次嘅掌尖真係屹立不倒🌟👍。話晒都信口開河，最撩人嘅，係間舖頭嘅氣氛。濃濃嘅人情味，隔離檯嘅人佢哋笑口哈哈，我哋檯就大快朵頤，真係喺港尋日常啲美味，食喺咀，快樂喺心✨。下次覆到來，我一定要試多啲嘅菜式！

因有事到大圍處理，就在附近揾食，因為遇上食晏時段，處處也是人龍，隨便找上這間飲茶，一坐下已經極速order食物，也得等上20多分鐘才上食物，肉鬆炸兩内的油炸鬼不是每件都脆，蝦餃是巨型版，有三大只鮮蝦，味道鲜味，但外皮不夠晶瑩剔透稍微扣分，時菜牛肉球味道可以，可惜墊底的西洋菜像重用似的，外觀很差，蜜汁义燒飽味道也合格，但飽皮有點黏口，馬孻糕本人覺得太乾，最後那款蠔皇鮮竹卷沒有吃，故沒有評語。總括是味道算合格，但價錢偏貴，因點心大多只得兩件，腸粉也只得兩條，而且因我坐的位置比較偏入，冷氣完全不夠，一邊吃，一邊滴汗，很辛苦，這個價錢我在其他酒樓一定坐得較舒適，而且侍應的禮貌也有大大的改善空間。

圍方都開咗一段時間，等佢矛咁多人先去行吓，當日星期日，人流都唔少! 唔單只圍方入面人多，連帶鄰近嘅餐廳食巿都爆場! 排隊人龍處處!唉.... 仲想話去飲茶食點心㖭.... 睇怕平時已經要排隊嘅粵軒，今日更加多人掛，但係..... 發生咩事! 去到居然有位! 連等位都唔洗! 馬上衝入去涼冷氣先啦!大大話話都成年無嚟過了!有位原因估計係....已經3點了.... 已過 Lunch time 黃金時間了....咁就出現另一個問題，就係趕客! 由步入餐廳到埋單走，都有強烈趕客感覺!點咗蝦餃，叉燒包，蒸鳳爪，黑椒牛仔骨，同蜂蜜脆麻花名叉燒腸.埋單$281價錢，絕對係一級收費啦! 記然係一級收費，咁就用一級要求去評吓餐廳同食點心質素.首先由天花，牆身以至地下都好鬼污糟! 牆身好多塵，我地一路食，D姐姐就一路掃地攪衛生趕收工! 以前幫襯就掛住吹水無留意環境，今次幫襯因為人客唔多，所以留意到環境問題原來咁差.點心方面，蝦餃用上原隻海蝦新鮮彈牙鮮甜，但蝦餃皮厚咗D! 留意一籠只得兩粒! size 又唔見得特別大粒!叉燒包平庸，無咩特別.鳳爪如果制作時炸得耐D，D皮同骨可以炸得更透的話，更入味.牛仔骨一係

Went to yuet hin for a birthday dinner. The food was acceptable but the environment was disgusting. There were several cockroaches crawling on the wall, near the tables. At one point, there was one on my plate, very close to the food. Considering the price of the food, the hygiene is simply unacceptable.

中午等位飲茶都幾快有得入去坐坐近門口，成日開門，都幾熱點心算貴，小炒同埋粉麵飯就正常酒樓價錢蝦腸好滑好大舊！燒賣好好食，勁大粒好足料好多蝦😍蝦餃都好大粒入面勁多蝦，非常彈牙難怪佢收咁貴雞絲煎米粉好特別，米粉煎到脆口雞又勁滑 再有少少汁咁佢仲有好多特別點心，黑白芝麻流沙球都好正，個皮好煙韌但又脆，入面流沙唔會太甜，好惹味！另外仲有茄汁炸腐皮卷，我覺得冇令件事加分，雖然幾特別，茄汁酸酸地好開胃帶屋企人食飯唔錯嘅選擇！

呢間嘢犀利，搞到我10幾年冇寫食評都要出聲。22/7 大圍圍方soft opening，公司有開舖，所以21/7 做開舖前準備，夜晚八點幾才離開。在附近找了這間飯店，見入邊都有幾檯人就入去食。20:30，一入去女侍應話佢哋收10點，我哋話冇問題，於是坐低。$28硬食前菜 - 啲鹽多到鹹你唔死嘅腰果薑蔥霸王雞- 一般，冇乜雞味，得D蔥切得幾靚家鄉釀豆腐- 豆腐有啲餿椒鹽九肚魚- 味道不錯，可惜一條九肚魚切開幾條來炸，細細條口感差少少加多一支青島一個白飯，三個人$611。侍應講嘢不是沒有禮貌，不過行為極之令人討厭。每碟餸一食完唔夠2秒就走來問我哋「係咪唔要喇」。最離譜嘅係碟雞，仲有隻雞腳同雞翼，都走來問我哋係咪唔要，我忍唔住望住佢同佢講仲未食完，當時時間係21:15，店入面還有幾檯客人在聊天。食到咁非常冇癮，見到每檯都有西瓜，都決定唔食埋單。埋單時都多口問一句乜有西瓜送咩？女侍應回答嗰啲係老細朋友。老闆人緣應該不錯，每檯都是朋友，不過我也確信，如果唔係朋友的話，咁嘅服務態度應該唔會有常客。我話過以後唔會幫襯呢間舖頭，亦都會同我朋友圈講唔好叫我嚟呢間食。做嘢做到好攰，都忍唔住要寫。寫完食評先