影片
特色
适合大伙人
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
食家推介
招牌菜
呢一间小菜馆出品真系唔错，绝对系其中一间被忽略咗嘅隐世小店，我哋叫咗四样嘢四样都好好食。蚝皇虾子油皮超正，有皮炆得够入味，而且好软熟，呢啲功夫菜外面好少有机会食得到，虾子溶入油皮入面好和味。胡椒猪肚汤浸鸡亦都唔错，胡椒猪肚汤嘅胡椒味又唔会抢晒啲味，鸡都好新鲜，唯一缺点系少肉多骨，半只鸡份量都几大碟。豉椒牛肉粒粘米粉亦都系做得唔错，米粉煎得够薄够干身，啲煎米粉放面就唔会俾啲汁整到腍晒，牛肉粒亦嫩滑。大芥菜煲嘅芥菜新鲜好食，落咗火腩落去一齐煮，令到成煲嘢嘅味道更加出。小食系腰果，另外原来佢有两间舖所以都坐得几舒服，唔会好迫。
继续阅读
食物嘅味道系好好味，都第二次帮衬，是次帮衬是非繁忙时段，攞位嘅时候，职员问我哋搭唔搭枱，唔搭枱要等多一阵，等完入座之后，嗌完嘢食，食紧第一只包，另一位职员便安排人搭枱，当时我已经明言我哋系唔搭枱嘅，𠮶位职员态度极之恶劣，话而家冇位，有一位要搭枱，唯有安排喺你度。但系明明我隔篱𠮶两张枱已经买咗单准备走，佢都照样咁做。冇2分钟，隔篱𠮶两张枱全部走晒，搭枱嘅人都未落单，佢唔安排人哋坐过去，明明就系想偷懒唔执枱，强迫顾客。态度极之恶劣，以后都唔会再帮衬，仲要西口西面，今时今日个市道咁差，仲要咁样态度。
继续阅读
今日同几个朋友谂住北上🚃食好嘢，点知有个朋友话（大围）有间粤菜啲嘢几好食😁就决定留港消费支持1吓（香港小店）👏👏👏个朋友果然冇介绍错👍🏻佢哋啲点心真系有惊喜，最出色就系个「虾肠」🦐每只虾仲大过只5蚊银🪙，啲虾非常之爽口🍤。「山竹牛肉」啲牛肉.好新鲜.好松软.好有牛肉味，个伙计听到我哋讲嘢，仲话啲牛肉系每日新鲜打架，个样叻叻咁样😤。几个朋友一致肯定全餐MVP 1定系「咖喱鱿鱼」，咖喱鱿鱼每件都好厚，咖喱味好浓，最特别系碗底竟然有乌冬，如果再多啲乌冬就劲正啦。「豉椒牛肉炒面」啲面劲脆食到最后都好脆，牛肉一样系好新鲜，正👍🏻「黑椒牛仔骨」就非常之惹味，味道啱啱好，唔系好咸，全餐最普通就系「排骨陈村粉」啲排骨味道冇问题，陈村粉因用只碗太细豉油都放唔落👎「咸鱼肉饼饭」啲饭粒粒分明，啲肉饼够松软，啲肉味都好㶶，讲真呢间舖头啲牛肉同猪肉质素非常之高。最后仲食埋个甜品「焦糖炖蛋」🍮讲真，真系好好食👍🏻蛋味非常之浓，仲好食过专门整甜品嘅舖头。
继续阅读
今日去饮茶 我选择了粤轩希望试下点心 今日点咗芝士磨菇鸡批 香浓车打芝士味 焗到热辣辣上枱香煎腊味芋头糕 芋头大大粒 独有的粉糯口感 同我多年订购的贺年芋头糕一样 啖啖芋头香 绝对系我过年送礼既贺年食品首选 走唔甩 加多个靓正咸鱼肉饼饭 梅头肉剁碎再加上䱛仔鰔鱼 咸香无比 细细煲 份量一流黎多口甜点 迷你荳沙锅饼 外层松脆 内𥚃馅料十足仲有个迷你奶油鸡蛋焦糖炖蛋 表层薄薄一层焦糖 软脆互衬 冷热交织 好味到不得了值得一提既系 每年我都会来粤轩预定贺年糕点年糕 腊味芋头糕 仲有腊味萝卜糕今年都唔例外 一定支持希望粤轩今年会继续推出这些贺年糕点（ 撑 撑 撑 ）绝对系糕手粤轩
继续阅读
最近真系爱上食中餐，好彩有朋友带我黎觅食，食咗餐性价比高既中餐厅，之后会再带长辈过嚟食，佢哋一定会十分满意，呢度系老牌大围粤轩，屹立大围十多年以上，经历过十多年既风风雨雨，都有一定既信心保证，食品质数当然都了得当晚我哋一行3人，休鱼期后，我叫咗个豉油皇花竹虾，每人3只，个个都赞不绝口，再蒸咗条清蒸黑瓜子，滑到不得了，加埋D葱丝，真系好好味，叫多个姜葱蚝煲，一打开盖，姜葱味已经涌唒出嚟，D蚝又够肥美，正，嚟多个南乳豆卜炆斋煲，啲粉丝索满南乳汁，最后奉上小布甸我觉得一定要推介必食之选《豉油皇花竹虾》真系超级好食，大只之余仲好爽口，真系超级满足我谂我钟意咗粤轩喇！！
继续阅读