粵藝館 (時代廣場)

营业中

休息中

今晚在時代廣場吃飯，這家中餐廳裝潢得體，空間感十足，最適合宴客或聚會。粵菜手工菜是家人最愛，聽說尖沙咀新店還有日式粵菜，有大海景，有機會再去。前菜是水晶花膠凍，加上啫喱醋，入口冰爽。⭐️瓦罉啫啫唐生菜一大鍋唐生菜，加上肉碎伴，唐生菜新鮮爽脆，加上肉碎更惹味。⭐️鰹魚花醉鮑魚 鮑魚熬煮得軟腍，入口軟綿綿的，不俗。⭐️一蟹兩藝: 皇室焗釀蟹蓋及炸軟殼蟹伴陳醋野菜沙律炸軟殼蟹炸得很香脆。皇室焗釀蟹蓋外面同樣炸得香脆，裏面是焗釀蟹蓋，外脆內軟。⭐️即燒無花果天下第一豬 我最喜歡就是燒乳豬，乳豬外皮卜卜脆，配上無花果醬汁，又香又脆，必試。⭐️不時不燉湯花膠肉湯味道清甜，大大快花膠，十分滋補。⭐️花膠天白菇菜膽 花膠配上香菇和菜，簡簡單單，健康美味。⭐️金沙鳳尾蝦鍋巴 另一道出色的就是黃金蝦配黃金米通。我很喜歡吃鹹蛋黃入饌的菜式，這道蝦肉味道濃郁鮮味，配上米通，既香又脆。⭐️楊枝甘露最後是甜品楊枝甘露，加上芒果粒，味道香甜。

水晶花膠凍$64食到裏面花膠碎同滿滿骨膠原，係工夫菜之一。佢既醋都係用果凍做成，配合一齊食有另一番口感。即燒無花果天下第一豬$348呢個重點推薦，食落非常香口 ，佢嘅皮好薄燒到好脆，完全無燒蕉，而且燒到剛剛到好金黃色。一上枱乳豬仲係暖，食落肉質好鮮嫩，而且好有油香而不膩。配有無花果醬識落去更加零舍不同。香煎原味蘿蔔糕 $68好足蘿蔔味，而且煎到金黃色剛剛好好。裏面仲非常足料，配上辣醬更加有風味。爆米鯪魚球$78，呢個真心好食，呢家真係買小見少。鯪魚球新鮮爽彈，一點都無魚腥味外層爆米花好脆但係一點油膩感都沒有，原全唔會油。食落去仲脆卜卜，做到外脆內軟。灌湯豚肉爆汁鍋貼 $88內面好熱辣辣嘅豬肉汁，一入口要小心一點。而且包到大大隻好抵食。水晶菜苗蝦餃$68澄麵同菜苗食得出新鮮製作，食落有口感。新鮮嘅菜苗非常之甜，鮮味十足。呢度嘅員工非常之細心，做事都會小心翼翼又會主動幫我們加水，服務一流。食完之後職員告知知海港城都開左一間粵藝館，嗰邊仲有海景睇添。

天下第一豬豬🐽🐽 粵藝館 每次經過時代廣場都俾呢一間天下第一小豬豬吸引 一路都想試吓天下第一豬有幾犀利朋友生日一於邀請埋佢一齊試吓 估唔到每樣菜式都非常之精緻味道有驚喜之餘 每道菜都感覺到廚師嘅心思涼子十八斬 （話梅醉乳鴿） 18斬究竟係乜嘢？原來係將乳鴿分成18份 涼子即係話梅 本身乳鴿嘅話味道比較淡將話梅攞嚟醃 酸酸甜甜非常之開胃乳鴿都唔會話老 都算Juicy 即燒無花果天下第一豬呢個小豬豬非常之期待 乳豬一個例牌有六件真係幾出色 特別係佢哋嘅無花果醬 乳豬個脆皮非常之脆 果然係即燒另外乳豬嘅口感好多層次 第一層係個脆皮 之後到第二層肥膏 再到第三層嘅肉 每一層都係唔同嘅口味 口感第一啖先食佢嘅原味 一咬落去 油香爆曬出嚟 之後再點一點佢哋嘅無花果醬 又係另一個風味 無花果醬嘅果香中和左乳豬第二三啖油膩雖然未必係天下第一 1️⃣但係都可以話喺香港食過頭幾位最好食嘅乳豬🐽🐽🐖🐖一蟹兩藝 ： 皇室焗蟹蓋 蟹蓋入邊有好多蟹絲 在配上少少沙拉醬 鮮味十足 另一藝 就係 陳醋野菜沙律蟹件 炸軟殼蟹炸得鬆脆 稍嫌油膩嘅時候再食啲陳醋沙律菜 又中和返 配搭得好不時不燉湯食完錢財梗係要飲下碗湯啦 不

今日中午去銅鑼灣見客 因為客人喜歡食中菜所以就去咗時代廣場嘅粵藝館食lunch 碗碟擺放非常整齊 而且都好乾淨喺疫情期間更加放心食用👍🏻裝修亦都好新淨 光線充足而且亦都坐得好舒服 食客之間唔會太迫食物方面一定會試天下第一豬平時通常都係去飲先有得食乳豬 估唔到喺時代廣場 中菜廳都有得食 😍😍天下第一豬 名副其實皮脆內軟 而且唔會好肥 乳豬肉非常之鮮甜 仲有肉汁！比酒樓食嘅更加好味！另外仲試咗辣味蘿蔔糕😻食得到一條條嘅蘿蔔絲 而且仲有好多配料例如係蝦米 乾瑤柱等等！好足料！豚肉小籠包 皮薄餡靚 超多湯！👏🏻👏🏻👏🏻通心脆脆卷 其實即係炸鯪魚球 配上脆米口感非常之特別 外面卜卜脆 內裡軟綿綿水晶菜苗蝦餃 最鍾意食啲有菜嘅餃子🥟因為感覺好健康 食多咗都唔會guilty 🤪最後仲叫咗個瓦煲啫啫唐生菜店員會喺面前即時炒熟啲菜 唔會過熟仲會保持到菜嘅爽口👍🏻👍🏻同時仲有熱辣辣嘅風味💯

中午到銅鑼灣時代廣場購物後，突然很想吃點心！看見「粵藝館」評價不錯，馬上去試試！餐廳裝修混合了日式和中式，高貴清雅，門外玻璃貼上了「天下第一豬」和一個大形火爐，十分吸引，門面光鮮， 梳化座位多，坐得舒適，樓頂設有中式藝術燈，美輪美奐，設有獨立房間聚餐。餐牌選擇多，設有商務午餐及套餐外，主打粵菜手藝及點心，款式多，另有中式小菜，花膠、參茸海味等。「天下第一豬」即燒無花果天下第一豬，外皮燒得夠乾身香脆，帶金黃色，肉質口感爽滑，肥瘦均勻，不感肥膩，十分出色。水晶菜苗蝦餃，我最推薦的點心，蒸得皮簿晶瑩剔透，蝦肉十分新鮮，爽口彈牙！每隻都很足料，菜苗鮮嫩，餡料多汁！灌湯豚肉小籠包，小籠包肉質鮮甜，皮簿湯汁頗多，咬下時湯汁爆發！香煎辣味蘿蔔糕，新鮮製作，有臘腸，原條蘿蔔，粗條狀令四邊都可以煎得香脆，加上辣椒油更加惹味！通心脆脆卷，即叫即做以菜絲做成的素春卷，質感鬆軟，外層香脆可口，內層配料軟熟，十分吸引！ 瓦罉啫啫唐生菜，份量大碟，好像一個小山，熱辣辣在你面前炒起，使用瓦罉能保持溫熱，帶點鑊氣而不油膩，保留水份和色澤嫩綠!飯後甜品點了楊枝甘露及萬壽果銀耳桃膠，楊枝甘露有柚子粒芒果粒，加上西米粒，口

時代廣場食野啲coupon 真係好抵🙈 今日黎食下呢間粵藝館，有得半價又幾抵食😁 早幾日係尖沙咀見到佢地開左海景新分店係海港城都想食，但尖沙咀好多人🥺所以都係銅鑼灣食算🤣.🍴水晶花膠凍（前菜）有啲似肴肉既花膠凍，雞湯味香濃，入口即融，中晶配以黑醋啫喱條，令鮮味更突出。.🍴即燒無花果天下第一豬$348即叫即燒既乳豬，肉厚皮脆多汁無油膩感，最二正係自製無花果醬有果香又酸酸甜甜，令到口感味道層次更豐富。.🍴瓦罉啫啫唐生菜$128惹味十分既啫啫唐生菜，喜歡佢生菜夠爽身，配以豬肉碎惹味十分。.🍴香煎原味蘿蔔糕$68食起黎外酥內嫩，帶有蘿蔔的甘甜，加上微微鹹香的調味，同埋條條蘿蔔絲👍🏼好出色。.🍴爆米鯪魚球$78粒粒米包圍著鯪魚球再炸，脆卜卜好滋味。.🍴灌湯豚肉爆汁鍋貼$88食呢個要好小心🤣因為真係會爆汁，鍋貼外皮厚度恰好，內裏肉球鬆化之餘再充滿大量肉汁。.🍴晶瑩鮮蝦餃$88啖啖蝦既蝦餃👍🏼 晶凝通透，皮薄餡靚。.用coupon真心抵食！點心高質又唔貴，天下第一豬真係無辜負到佢個名👍🏼👍🏼

前身係麒藝館，其實只係改咗名，入面嘅裝修同餐牌都冇轉到。無論係之前嘅麒藝館又好，而家嘅粵藝館都好，佢哋嘅主打都係「天下第一豬」。無可否認「無花果天下第一豬」（$348/6件）真係好好食。上枱時仲熱辣辣，皮脆肉嫩，肥瘦適中，醃料唔會太咸。無花果醬代替傳統嘅乳豬醬，味道精緻，中和燒豬嘅油膩感覺。晶瑩鮮蝦餃（$88）我食咗咁多年點心，第一次發生咁離譜嘅事！就係，蝦餃，竟然蒸唔熟！😱籠蝦餃賣相已經麻麻，夾入碗到就散咗。不過都正因為咁，我先見到入邊嘅蝦肉有兩節色。再細心睇清楚，原來有半隻蝦係未熟嘅！我同店員講，佢都有即刻道歉同話幫我哋再蒸過一籠，但係我已經唔想再食蝦餃，所以就話直接取消就算啦。手作松露燒賣（$88）松露味香濃，燒賣肉質鬆軟。開口叉燒包（$58）賣相一般，似微波爐點心，味道仲算可以。龍蝦湯鮮竹卷（$68）腐皮唔係太新鮮，有少少噏味。龍蝦湯只係一個有龍蝦味嘅芡，飲咗一啖就放棄。XO醬蝦腰炒腸粉（$68）味道普普通通，食到尾嗰幾條腸粉比較咸。灌湯豚肉小籠包（$44/2隻）小籠包肉質鮮甜，湯汁頗多。灌湯豚肉爆汁鍋貼（$88/4隻）鍋貼皮厚薄適中，餡料美味，而且充滿肉汁。總結，除咗「天下第

菜式精緻又特別👍🏻 服務好，環境舒適，坐得舒服😌 一間用心值得推介嘅餐廳👍🏻 特別鳴謝Arthur經理為我們推介菜式🙏 喜歡這間餐廳碟頭細，人少的話可以多叫幾款唔同菜式。

見到其他人高評分的食評，我同老公懷著期待既心情去品嘗，因為只有兩人，我們就問經理會推荐叉燒或第一豬，佢就話叉燒，因為比較與衆不同，另外再點佢地既推介-辣味蘿白糕、小籠包、鍋貼、點心拼盤，內有蝦餃、燒賣、和牛酥及炸鲮鱼球。首先送到係蘿白糕，好大碟，但係明顯用微波爐返叮，一邊熱一邊暖、味道還可以。如果少D油會更好。第二道送到係叉燒，望上去巳经有D驚，因為有5成肥，有D位係燶邊有幾好食既，整體偏爽同肥，欠缺肉汁。再來係小籠包，同老公一人一個，佢個個有好多汁，而我既就無汁，味道偏甜，以$22一個既價錢，呢個小籠包就真係唔值了。點心拚盤，只有炸鲮鱼球好食，其它就算吧！鍋貼，平凡普通，無特别🥲食後感，價錢算中上價格、食物size偏大，但味道跟普通酒樓無大分别，性價比低。

乳豬口感味道，無得輸。而且比一般燒焟店，酒樓的乳豬size更細小，就像剛出世的size，口感更鮮嫩，而且外皮新鮮香脆~即燒無花果天下第一豬 ~ 半隻 $698外皮脆卜卜，熱辣辣，全無油腻感，油脂和肉分佈得非常平均，室温食也仍然皮脆肉香，貴得有道理~無花菓蜜絲咕嚕豚肉~$168酸甜適中，非常開胃，但肉質一般~巴蜀墨魚鬚~$98微辣的炸外皮配彈牙墨魚，味道不錯~豆乳小米鲜竹翡翠~$138簡單而健康的食材和芥蘭配搭在一起，食物口感層次提升，反而更加感受到每樣食材本身的原味道食後感價錢偏貴，除了乳豬必食，其餘的菜式味道也沒太大吸引力，不過不失。

俾佢「天下第一豬」招牌吸引咗定位，我以為係食無花果長大嘅豬。咁特別，梗係要試吓。結果原來其所謂鎮店菜之一，「無花果天下第一豬」，係俾碟鹹甜混味無花果醬你點件燒豬肉。呢個無花果醬，其實都幾特別，香味、食味唔錯。但係嗰幾件燒肉，係脆皮、少肥、嫩口，就其實好多廣東酒樓都做到同級，甚至更好水準。試一次夠啦～

ig whatthefoodbobo 好西公主望入去玻璃窗見到師傅燒緊隻乳豬仔，就甘吸引左我入餐廳。💛先點左一壺桂花烏龍茶，聲稱健脾胃。淡淡花香又唔錯。💛既然佢牌坊係寫得天下第一豬，直接點‘’無花果天下第一豬”。例牌得6件，一咬落去個皮係脆，豬仔有肉汁配住甜甜無花果香，都算好食。💛亦叫左‘’唐酒花膠蟹肉蛋白‘’，花膠配蟹肉絲，蟹肉就無咩味，不過蒸蛋白非常滑，帶點酒香，如果酒濃一點更好。💛蜜絲咕嚕肉，肉質嫩滑，都同樣用左無花果煮，個人來說略甜，要提升番個酸啲度，粉略厚，未能達到很酥脆。💛甘粟竹笙羹 香甜粟米羹配埋竹笙，豐富左重口感💛估你唔到個胡椒海哲，微微辣非常爽口惹味。整體服務好，坐得舒服，燒豬仔也ok。