影片
以上资料只供参考，请与餐厅确认详情
某一晚去咗深水埗食晚饭，间餐厅叫做「粤莱轩」，晚饭时候佢需要分两轮时间食，因为真系几多人食，基本上如果你唔一早订位，Walk in真系冇乜可能，我哋买咗啲海鲜俾佢加工，最后做出嚟嘅菜就有豉油王大虾、椒盐濑尿虾、脆皮吊炸鸡、蒸鱼、红烧豆腐、咕噜肉、椒盐鱿鱼须、滑蛋牛肉煎米、杞子桂花糕。呢一餐饭我劲钟意一个𩠌，就系「红烧豆腐」，可能系我食过最好食嘅红烧豆腐，其他𩠌都几好，有啲就麻麻地🐔😅不过红烧豆腐真系大力推介👍🏻
继续阅读
今日要去深水埗买啲嘢，啱啱返完公司咁就落嚟揾间茶楼食个下午茶先再去行街。无意中揾到呢一间小茶居，因为要返公司攞嘢，所以屋企人先去揾位。好几张大枱都系搭枱，妈子嘅大忌。不过好彩佢都有张四人枱俾我哋。屋企人已经掂咗几多点心食住等，个点心拼盘其实都几抵如果一个人食一盅两件都系一个唔错嘅选择。个合桃包里便有合桃肉唔太甜几好，最紧要系啲点心蒸check嚟系热辣辣嘅～值得一赞。尖椒都好够辣，鲮鱼肉里便有虾米都唔错。表现比较想识小小嘅就系个萝卜糕冇乜馅料。同埋另外侯家嘅韭菜饺同埋海鲜卷有少少Hea。好彩后加𠮶个鱿鱼须够入味亦都好松脆。位置嚟讲要行返过去玩具街都有段距离，不过下午茶嚟讲同区比较都值得再嚟嘅。
继续阅读
深水埗粤莱轩，小店环境都唔错，系邻桌劲嘈，好彩佢地早食完，落得耳根清净海㟥花胶烧豆腐$178: 以小火炉暖住上枱，有鲍鱼、花胶、海参、豆腐同埋菇，丰富上汤浸时蔬$88: 豆苗清清地唔错金牌红烧乳鸽$58: 皮脆肉嫩，肉汁丰富，唔洗点野已好好味，正！椒盐蒜香骨$118: 炸得酥脆果皮蒸斑腩$158 ：唔系斑腩系头腩，多骨唔太like啫啫牛仔骨煲$148:热辣辣上枱，香气扑鼻，牛仔骨又软又入味，正芫茜鱼片豆腐汤$148:汤浓得黎唔油，够晒热辣辣，鱼片、豆腐同菜既份量都好多，又滑，好味送左桂花糕，晶凝通透好靓，有好多杞子、桂花同马蹄，清甜好味迷你寿桃包$54:蒸得唔够热，而店员又好唔识趣提左好多次「寿包」几时上、几时蒸之类，冇晒惊喜又唔好意头
继续阅读
餐厅场地不太大，有好多大枱，反而2-4人枱只有三张，不过座无虚席，不方便影相啦。我觉得等菜有啲耐，因为厨房似乎要等够定数目才煮，所以等菜期间见到好多同款菜会一次过出好多碟，有点等运到嘅感觉😑🍲 海参花胶鲍鱼烧豆腐 (HK$178)．呢个先叫，但是最后先上，不过幸好系足料的，仲有锅底有蜡烛暖住个𩠌，窝心嘅．芡汁好浓郁，捞匀到海参、花胶、鲍鱼和烧豆腐都入味😋．海参、花胶和小鲍鱼算煮得好腍，烧玉子豆腐好软好滑呀！🦑 椒盐鱿鱼须 (HK$108)．呢个最后叫，但先上枱的，虽然都等咗25-30分钟先有得食😑．鱿鱼须口感弹牙的，不过炸粉太多太厚，也没有炸前先腌过或调味，所以味道比较淡，要靠面头啲椒盐炸蒜粒和点豉油作调味，比预期逊色原本仲叫咗翡翠炒龙趸球，可惜我哋太迟叫，7:40pm已经卖晒啦，好夸张呀！😱只可以话，初次尝试，食物好坏参半。📌提提你：此店有收茶介 （每位$10），另外有收取加一服务费喔！
继续阅读
今日同朋友一行4人去试呢间粤莱轩南非鲍 $200 4只蒸的火候刚刚好, 唔会蒸到过哂龙,所以好爽口但又唔会靭好食呀金牌红烧乳鸽 $55正常水准, 唔会过咸冰镇咕噜肉 $178上枱哗一声, 好大碟份量好多, 我指好多冰😂咕噜肉都几脆, 配上三文鱼籽都几夹但冰上, 我个人麻麻地椒盐鱿鱼须 $108炸到劲脆, 鱿鱼须又肥美又大条, 略咸, 但都好好食金牌小炒皇 $128惹味之选啫啫鸡煲 $118上枱劲香, 鸡好滑豉油王炒面 $88面偏干身
继续阅读