粵翠軒 (已結業)

今日同女友去青衣城行街!在眾多食店下~因為女友話想食中菜~所以入左呢間試下~我地點左:鐵板密汁叉燒:雖然份量係唔多~但真係幾好味!三色桶飯:好普通既一個飯~見佢幾得意~所以試下!鮮魚羹:不過不失!淑鹽9肚魚:炸粉唔會過厚~幾適中~蟹肉xxx伊面:份量夠2個人食~d料都好多~唔錯!三杯豆腐煲<~~(我女友叫的~同埋係最好食的一樣^^")呢個煲食到最後都仲有熱力@@"d 店員服務都ok~時不時都走埋黎勘茶~環境都幾舒服不過價錢貴左少少~埋單$3xx!

自從此店裝修之後再從開, 感覺上完全不是之前那間那回事, 可能我不懂得欣賞他們的裝修啦, 經覺得古古怪怪的, 說回食物, 一般來說, 味道還可以的, 價錢就真係完全無競爭力, 試過有一晚去食晚飯, 當大部分商場的其他食肆都排哂大隊, 唯獨是此店則門庭冷落, 一去就有位了, 入到去之後大致都知道原因, 人家$68到$78左右已經可以食到的一斤白灼蝦, 佢都係$68, 不過是半斤啫, 味道? 唉, 基本上白灼蝦應該都不講求甚烹飪手法, 只是該次食到的卻不是新鮮的, 真是哭笑不得, 收貴過人, 仲要比劣質食品客人吃, 席上還點了碟菜和一個湯, 碟莧葉的渣多到要中途放棄, 湯話係雞湯, 但又找不到雞肉, 只得猪肉, 極度失敗! 此店結束前應該都不會再去第二次.

嗰晚行過見到有個$118二人套餐，可以叫二個餸和一個羹或者一個炒粉麵．嗰晚叫咗一個帶子蒸豆腐，一個脆肉瓜炒魚塊和一個竹苼海鮮羹．D餸好快就到，可能當時唔係太多人幫陳的關係．嗰羹雖然杰不過無嘜料，嗰帶子蒸豆腐只得四嚿，嗰帶子重要係開邊，其實只得兩粒帶子，真係唔抵食，另外一個脆肉瓜炒魚塊size就正常D．有4嚿魚塊而且幾滑都好好味．總括來講這個餐標價雖然平，不過食落都唔係禁抵，D餸又細碟，又要茶錢，小食和加一．試完一次就夠，不會再來食這個餐．

Last week, we were celebrating a friend's birthday and brought a birthday cake to the restaurant, so that we could have the cake after dinner.We were stunned as the waitress presented us the cake the way we brought it in--inside the box with the strings still tied and, of course, candle unlit.We were stunned again when the waitress asked us if she should lit the candle for us while asking us for a lighter.We were even more stunned when after she lit the candle, she told us that having non-Maxims

06年幫襯的~ 宜家補寫返食評先~ ：P同男友假日黎飲茶~ 坐的是窗邊位~ 夠光猛~坐位夠寬敞~ 地方亦都好乾淨~一坐得係咁畫點心~鳳爪、流沙奶王包、蝦腸、炸蝦雲吞、燒賣、章魚XX煲仔飯！所有o既點心都做得好好！蝦腸夠滑！鳳爪味濃不太油、炸蝦雲吞好多蝦！唯一！唯一「章魚XX煲仔飯」！對於我黎講！唔得！因為有馬蹄o係裡面！本人一食到馬蹄"o尋"味就會反胃~ 所以成煲我男友一個人食哂~(一.. 一" ) 好慘~ 不過佢都話好好味o既~

元宵前夕舉行金豬年逗利是大行動+開年飯,地點選擇左呢間鄰近金豬父母家又品評唔錯既中式酒樓,除左想方便準媽咪之外,另一原因係呢度有湯圓食。環境尚算不俗,有個落地大玻璃窗,不過夜晚就無大作用;地方唔算太大,只係檯與檯之間擺得太密,某d座位會有d迫。套餐唔多合心水,九大一小最後勁叫八餸一湯,砂鍋飯任裝。雪梨雪耳煲瘦肉湯:老火湯煲得幾夠火候,因為連雪耳都煲到半溶,令到湯都有點立口;湯渣內雪梨、豬肉份量唔少,湯味頗濃,而且雪梨清潤,絕對適合大家飲用。鐵板蜜味叉燒:由侍應即場將黃豆、叉燒、蜜汁放入鐵板後即時煙霧瀰漫,好有氣氛又好有油煙,幾位honhon食到應晒,真係難為幾位喇!!!叉燒加上蜜汁味道偏甜,肉質偏淋,講真食味應該同普通蜜汁叉燒分別不大,呢個絕對係貪得意之選。豉汁帶子蒸豆腐:豆腐好滑,帶子薄薄一片,材料本身味道清淡配上惹味豆豉汁之後就變得好味。桶子豉油雞:食左件雞胸都唔係好孩,豉油味道偏甜,味道幾ok,而且隻雞唔太肥,最高興有d沙律菜食!o者o者咸魚芥蘭煲:另一好有氣氛菜色,芥蘭翠綠鮮嫩,加上咸魚碎,好香口。露筍煙鴨胸:露筍大大條但無渣,而且獨有露筍香味幾濃,煙鴨胸味道一般,勝在唔肥,雖

男友預先打電話留座，用了PJ名義留位，份外親切。今晚是我們第二次幫襯，整體上進步了不少，尤其是service。我們encore了上次做得唔錯的清湯牛腩煲($68)，素菜就要了南瓜麒麟豆腐($58)。清湯牛腩沒上次出色，白蘿蔔同牛腩都唔夠淋，好在湯底依然keep到清甜唔油膩。南瓜麒麟豆腐卻意外地有水準，南瓜不會蒸到過淋，豆腐嫰滑，最掂係個南瓜sauce，用了雞湯做base，非常香甜。飯桶J今曰特意試了這裡的健康飯：白米溝入紅糙米、粟米、腰豆。每碗$15蚊，幾貴，但口感豐富，有咬口，啱我胃口！甜品要了蛋白杏仁茶($14)，偏稀，杏仁味弱，蛋白煮到溶哂，非常麻麻。整體上粵翠軒是一間令人吃得舒服的中菜廳，是街坊的好選擇。

晚飯就食過幾次，而且水準都幾高，飲茶就未試過，所以上個星期六抱有好大的期望專登試吓下午茶．同其它幾間酒樓比，這間比較少人．一睇張點心紙，就有d失望，點心種類唔多，款式少．而且連普通的蒸魚頭同埋奶黃包都無，如果想點心款式多，都係去聯邦好d．

新裝修後先至第一次幫襯，都預左比較貴。不過presentation真係同一般酒樓好唔同，間唔中去食一次都ok。最靚嘅係「水煎蝦餃」，不過食落好肥下，都係正常果d好d。另外「西米布甸」居然跟一舊cheese cake!!! 真係起出望外!!不過點心款式唔夠樓上間「聯邦皇宮」多，如果想食傳統野，呢度就唔係幾啱喇!

和家人來飲茶, 比較早到, 等了15分鐘就有位了.點了十多款, 方魚肉碎泡飯不錯, 其他的蝦餃燒賣腸粉田園蔬等, 味道就比較普通了.有一道菜點了沒上, 有一道沒有點則上了.環境餐具等俱佳. 服務普通, 特別是幫我們埋單的侍應, 態度差劣.

是日飲早茶食0左蘿白絲酥餅，腸粉，馬拉糕，同雞包仔。好多點心都要11點後至供應，所以都唔多選擇。蘿白絲酥餅上臺時已經有一粒反轉0左，唔知系0米跌0左之後擺\番上碟。腸粉OK。馬拉糕弄得唔鬆軟。雞包個包好實，一系師傅手勢有待改進，一系就系隔夜包。冷氣開到好似停屍間0甘，我0地食完都拿拿聲要走，因為實在太凍，浪費0左一個大好星期天本來可以歎歎茶，歎歎報紙。唯一可以贊既系，台椅擺\放好整齊，唔似一般酒樓0甘亂

俾老友放了飛機，立即call老豆媽媽出來食飯。星期六即興訂位，竟然可以安排有落地玻璃海景位。裝修後未o黎過，只聽講價錢比以貴o左。麻醬茄子-由於我本身唔食茄子，只試了一細條，我就覺得唔夠麻醬香味。鐵板叉燒-雖然我要了瘦叉，但肉質不失鬆軟。連老豆唔鍾意食瘦叉都認為唔錯。可惜D汁唔夠蜜味，而墊底的黃豆最好食。紫蘿咕嚕肉-咕嚕肉炸得唔夠均勻，有脆有唔脆，但甜酸汁調教得恰好，不會成漿糊狀，子薑份量亦不少，好醒胃。鮮蘆筍配南瓜汁-這味菜其實做法好簡單，只sale買相；南瓜汁好甜，亦有鹹蛋王香味，兩者非常匹配。蘿蔔清湯腩-真係非常之清，蘿蔔唔夠腍唔夠入味，牛腩亦有點兒韌。初時以為裝修過後，買點只係新裝璜的環境及食物的精緻買相，原來內裡亦下過功夫呢。

講的是雀籠點心。過去季度業績還不錯，與teammate一起食飯慶祝，地點就是粵翠軒。　同為美心集團的茶樓，這裡賣的是較高級的點心，如燒賣會有鮑魚，蛋撻又有燕窩碎等，與八月花是有相似之處，不過環境就較光亮明快。　茶樓點心來來去去其實都是那幾款，餐廳肯放心思在包裝及造型上，食客又確會依得開心點。雀籠點心固然是我心頭好，$108有九款不同點心，幾值得一試；又其他幾款精美點心如魚翅竹笙餃、柚子煎埋仔亦是形味俱美。還有小菜的蒜片一口牛柳與涼拌海哲鮑螺片也不錯!　可侍應不太理人，服務有改善空間。然而，整餐飯都食得輕鬆自在，值得俾笑臉；又，再次多謝manager，知道好boss難求，我會繼續努力!　P.S.臨走見很多人在外面排隊，原來下午茶(平日2:00pm開始)點心差不多平一半的~

On 10/8, I went this resturant with a friend to hv dinner. The decoration is so high & clean. The menu is not so many choice. We ordered three dishes:-1. 乳豬拼叉燒拼鵝2. 雜菌炒豆苗仔3, 菠蘿炒飯We was so full..and need to take away the half fried rice. The taste of 菠蘿炒飯is not so good as the rice is to wet and soft.Overall is ok la.

剛搬到荃灣，完全唔知附近有乜好食，上openrice search咗一陣，決定試吓粵翠軒。是日為星期五晚，頗爆場，好彩有訂位。裝修唔錯，不過啲冷氣機好似有問題，積水隨時會滴落嚟，非常不合衛生。我同男友叫咗：鮮腐竹白果浸菜苗、清湯蘿白牛腩、竹桶菜飯、兩碗白飯。首先上枱的是竹桶菜飯，食哂，啲餸都未嚟，三催四請，個鮮腐竹白果浸菜苗先上枱。立即落order兩碗白飯，可惜的是個浸菜苗已被我倆清得七七八八，嗰兩碗白飯先由侍應緩緩送上。嗰兩碗遲來的白飯也差點等不到那珊珊來遲的清湯蘿白牛腩。唉！對我哋呢對視白飯如命的情侶來說，這餐飯真掃興。話雖如此，粵翠軒的清湯蘿白牛腩處理得也真不錯，蘿白清甜無渣，牛腩炆得夠淋，湯底一點不油膩，難得。