影片
星期日同妈妈去饮茶，虽然门口好多人排队，不过两人搭台就即时有位，lucky!假日点心价钱呢间又唔会同平日差好多,不过就少左特价孖宝点心，散叫我同妈妈叫了六笼。凤爪虽然系必点，但呢间实在唔够味，大家可以唔使试；粉果就普普通通啦；呢个香芋紫米卷其实就系紫米露的味道，好香芋头味，烟烟um um ,好有口感，好食；呢个韮菜薄饼我好钟意食，入面全部都系韮菜加少少虾肉，外面好脆口，好食推荐；呢个薄饼我就麻麻，不过妈妈喜欢食呢种，我就另外再食了牛肉球，味道都系大众既～
继续阅读
在附近看健康院，然后来饮茶。点了个午市套餐，有一个主食及小菜。主食是蛋白炒饭，味道不是十分突出，平平无奇，幸好不太油，炒饭最怕油腻。小菜是上汤苋菜，汤底太咸，一般。
继续阅读
呢间酒楼下午茶点心价钱比同区的贵dd,但质素就有翻咁上下，好似叫个咸菜猪肚，其他酒楼最多比五六旧你，其他用咸菜塞爆比你，但呢间就用煲仔饭煲煲比你，里面起码有十几旧猪肚，猪肚够入味。 佢下午菜有个迷你小笼汤包，一口既size，一笼四个，皮薄多汁，加小小醋，一啖放落口，哗，个口爆晒汁，你唔怕热可以趁个包一上枱就食，仲正。 嗱，药膳凤爪你食得多，药膳猪手你食过未？第一次见几有新意，佢个药膳汤底依旧味浓带甘唔苦，食得出系药材味，猪手入晒味，可惜得四五旧，唔太够喉。 佢仲有个鱼肚鸡柳，同样药材汤底，但因为有鸡同细细只鲍鱼仔在内，所以令汤个味道变甜左，一样好饮，鱼肚够淋够多汁，但差在鸡柳太老，唔嫩口，略为失败。 至于虾饺烧卖就冇叫，一来佢唔向下午茶特价入面，二来佢特点正价贵，不过佢下午茶有菠菜虾饺顶替，都可以一试。 环境方面，因为佢向天水围最入面，真系唔行过都唔知，所以比较静，唔驶点排队，又唔会话好多人嘈住晒，电视比较少，因为佢整左个大屏幕向台上，大家一齐睇，睇到眼累仲可以透过佢个接近落地既大玻璃望下出面，望下出面d人都唔错。 价钱方面两个人食八样野，好似都系百七蚊左右，包晒加一茶芥。
继续阅读
今次轮到daddy生日，去新开天一商场饮茶，不过有点失望啊！去饮茶选小菜食，其实好难吾好食的，虽然我不是叫什么招牌菜，不过这间新开的酒楼真系要改善下。首先叫了椒盐鲜鱿，炸粉太厚了，不太吸引，叫了个小炒王，有啲配料比较硬，令到食落去不太爽快，有个枝竹火腩鱼腩煲，这个真系好冇水准啊，啲肉太肥，而且又实，枝竹又少，冇冇水准，最后赛螃蟹同埋瑶柱扒豆苗，呢两个中规中矩，还可以的，但总括而言，这个价钱不太便宜，完全吾抵食，真的不会再帮衬，而且服务生也没什么礼貌，也会大声在走廊说粗口，影响食欲。
继续阅读
今日同屋企人黎饮茶，叫左个凤爪排骨饭好耐都无黎，所有食物都上齐，其他枱都黎晒呢个饭，追佢单问佢有无落漏单，个女人check完机走左去，完全无交代系漏单定出紧，我地再问返佢，佢仲要好唔耐烦话：「追左厨房啦！」我爸话：「你落漏我地就唔要个饭啦！」佢扮听唔到走左去；第二单，两个职员追住大大架铁笼车，装满胶层架，一野冲过条路，我成张櫈比佢撞开左，我个人系坐左系到，我BB就坐左系我隔离张BB櫈到，好彩系我姐，如果我BB张櫈，仲唔成个人飞落地？！同佢地投诉，个个当没事发生，呢间野唔会再黎，不断搬住d垃圾车、货车系到冲来冲去，安全同卫生意识极差，食物又唔系特别好食！
继续阅读