粵派燒味專門店

平时都钟意食烧味，唔同地区唔同价钱都会尝试。呢间舖头第一次试，系公司叫外卖，点左烧鸭腩仔饭冻柠茶。今次自己堂食，点左腩仔熏蹄饭热奶茶。平时午市人多都几繁忙，所以经过冇谂住堂食。今次星期六冇咁多人所以就入去帮衬。食物质素：我最欣赏烧腩仔，皮脆肥瘦合适。其他野都好食，有中上至到良好水平，份量冇偷鸡，对得起价钱。会再帮衬试埋其他款式。除左会奉上需要嘅酱汁，堂食枱上面仲有一甖姜葱油，可以自己滗，正！！环境：干净，员工有做好清洁，冇蛇虫鼠蚁！食物处理眼见都卫生。服务：极有效率！落单转眼就上菜连饮品，食完坐左几分钟，埋单原来只系过左唔够20分钟。店员接触左三四个，个个都有礼貌。结论值得帮衬！如果钟意烧味，可以一试..再试！已经急不及待食左一半…查看更多

今日第一次食呢间餐厅，叫咗个烧鹅拼油鸡 &至尊叉烧拼白鸡～结果 D烧鹅全部系骨+较皮，所谓嘅至尊肥叉变咗瘦叉+硬鸡胸！之后问下个职员，D烧鹅全部系骨无肉嘅？佢居然答我因为拼咗油鸡系肉，所以师傅就会配烧鹅骨😅再问我叫左至尊叉烧，应该系肥㗎，点解咁瘦嘅？佢居然答我至尊叉烧系肥或者淋，你呢个唔肥就系淋嘅😏我听完真系忍笑中～（乜肥嘅会硬咩？）最后见佢完全唔觉得自己有问题咁我就算啦⋯⋯绝对冇下次😒…查看更多

真心燥底要上嚟OpenRice写负评。我叫外卖，餐厅搞错咗单，成张单错晒咁送上嚟。当我同餐厅反映嘅时候，佢哋话咩安排唔到其他车手再送过，要我再俾钱重新order。唔理解点解系餐厅同车手犯嘅错反而要我哋自己出钱？我系消费者但被迫要承担佢哋嘅错误。更差嘅系，餐厅喺处理问题嘅时候，讲讲吓电话直接cut线，好过份，呢种态度真系极差。极度唔建议帮衬呢间餐厅，警惕其他顾客都要小心啲，希望你哋唔会遇到呢啲事！！…查看更多

之前都成日来买外卖烧味。今日又来买啦。今日买半斤低级叉烧店员叫我出面等其实门口得我同另一顾客等外卖，应该都唔阻人要买的客人一定会入来咁都好企系门口睇住师父斩叉烧我买平价半斤叉烧所以师父左执右执执够半斤俾我可能当时3点半怕卖晒？等堂食烧味客有叉烧饭食？切头切尾下次真系应该要出声或者，指定要一条啦…查看更多

用餐时间（2:29pm late lunch）前几年系九龙城返工，当咗呢度喺饭堂，不过近来转咗手，烧味师傅最近自己接手做老板，改名叫粤派烧味专门店，试一试睇吓保唔保持到品质。食物个人认为食烧味饭，除咗烧味重要，个饭底都系主角。首先，讲吓啲饭，呢度啲饭粒粒分明有咬口，个人认为好好食。叉烧饭保持一贯水准，叉烧腌得入味，肥瘦适中，加上少许㶶边，系以前个味道。喺九龙城福佬村道，俾$50几蚊食一个咁嘅叉烧饭，我觉得都算系咁。茶水☕杯热奶茶次次都食完饭先叫起，其实几麻烦（大家千祈唔好学lol）。热奶茶够浓郁够香，用黑白花奶，真系好少烧腊舖可以做到杯奶茶都正，难得️ ！出炉烧味呢间嘢都多人斩烧味返屋企加料，师傅密密烧，坐低半个钟都见到师傅捧咗盘油鸡出嚟，下次再试试其他烧味，睇吓系咪都Keep到。…查看更多