影片
换左女服务员主打，好贴心，食物左好多有粥面还有饮品都系很好。牛腩面特别好，份量足够，面烟un无可挑剔仲有景色及坐位之间距离理想，一家大小细去很好，早上去蛮多人，下次会非繁忙时间去
继续阅读
行山去到浅水湾，因为今日落雨人不多，如果天气好又是假期应该好多人在沙滩，这里沿着海边的食肆大部份是西餐，不过都有间中餐叫粥粉面饭，可以望住海景食中式午餐，$18一位茶，五位叫咗三款茶，茶壶够晒colorful，又够份量。点心有蜜汁叉烧包、萝卜糕，萝卜糕好足料，食到萝卜，其他叫了小菜，杨州炒饭、沙茶金菇牛肉煲、干炒牛河牛肉够林、肉碎四季豆送饭一流、白饭鱼蛋饼好味👍，质素都几好，够晒镬气，热辣辣，份量又多。价钱同去尖沙咀酒楼食差唔多，今餐都几满意。
继续阅读
又系三年疫情冇嚟过，又系突然间钉一声想嚟重温一下，朋友放工响湾仔，揸车去浅水湾都好近啫😜浅水湾都有啲唔同咗，之前出面边有咁多表位泊丫 朋友放7:30入到去都差唔多八点，其实𠮶一带都好静下㗎喇，夜晚仲边有人会专登去食饭丫，始终系高尚嘅地方，附近嘅人都应该习惯咗chill同埋慢活. 夜晚黎得都应该系有车阶层或者住附近啦。入到嚟得一台，客人侍应话俾我哋知，净系得返小菜粥粉面𠮶啲，因为负责嘅厨房大佬已经收咗炉，等我哋仲一心谂住嚟食粥粉面添！☹️冇得选择唯有叫两个𩠌啰，价钱当然比出面市区贵，其实都系食啲普通小菜-咕噜肉同埋豆腐茄子煲。味道系唔错嘅，可能我本身钟意食酸酸甜甜嘅咕噜肉。个豆腐茄子煲其实都好味嘅，系太多油俾我哋睇到好似好邪恶咁，但系整茄子又预咗佢系多油嘅～因为佢哋好似赶住收工，咁我哋又费事阻住人哋，所以匆匆忙忙食完就走人！冇办法chill住嚟食味道依旧感觉走晒😔 而家好多以前食开嘅舖头都好似变咗系咁样，有啲唏嘘😔
继续阅读
小有食的咁清淡...话说因为重感冒病咗3日，原因系新年日日出街日日玩辛苦过返工，终于一起身就头重脚轻发烧流鼻水狂咳，竟然都唔系Covid , 只系重感冒...covid 真系好难中，就黎唔洗带口罩我都未中过😆一训醒突然好返，流水咳完全无晒，立即冲出去暖下个胃✔️✔️✔️乖乖地唔敢再大鱼大肉😂粥好眠而且粘度均称，味道淡而有味，同浓味嘅炒面好衬， 一啖面一啖粥妙极妙极大✔️如果就咁单独分开食系唔会有口感+味道嘅碰撞。
继续阅读
27/4/2022 炎热的星期三，沙滩受疫情影响，暂时封闭，喺浅水湾想食中式餐，梗系嚟呢度啦。见佢餐牌有点心，有小菜，有粥粉面饭，好多选择。我哋拣咗 二人点心拼盘，有鲜虾春卷、鲜虾腐皮卷、蚬蚧鲮鱼球、鲜虾炸云吞，够脆口。再叫咗咸道水角，热辣辣，涨卜卜，好食。香煎萝卜糕，配以甜酱，辣酱，刺激食欲，正！上汤水饺，啱晒热天，有一些汤水湿润，水饺皮薄虾新鲜，美味。坐室内叹冷气，可以望出外面，难得好清晰见到沙滩及海景，真正连环境都享受埋。侍应招呼友善，给人客舒服的感觉。值得推介！
继续阅读