粥地海鮮粥底火鍋

第一次去食，聽朋友推介去，環境一般食物一般 選擇少 清洗得算乾淨 新鮮 份量一般員工態度都是一般 連最後很期待的粥底都不是十分好吃沒有想回頭再吃的原因價錢亦不是特別便宜有啲失望…查看更多

好少寫食評，呢間真心推薦諗住求求其其打個邊爐反正出面打邊爐都$300+覺得食海鮮抵啲估唔到呢間啲海鮮唔係講玩笑真心新鮮，隻蟹鮮甜到不得了幾隻蝦仲生生猛猛識跳生蠔大大隻，貝殼類冇得輸老闆娘同店員都好細心一坐低心諗風口位好似好凍喎都未出聲，店員就即刻問我係咪好凍已經拎住個遙控教緊風口位去咁多間餐廳食嘢真係從來都未遇過侍應咁主動咁細心仲詳細解釋，放隻蟹先熬耐D，D湯會鮮甜D食物煮幾耐，用咩火候見你食到咁上下仲會自動幫你加小小水見你食晒啲海鮮，就會自動上埋其他餸俾你有隻大碗俾你放唔要嘅嘢見差唔多滿就幫你倒垃圾，起碼倒咗三次老闆娘好健談，見佢同隔離枱傾得咁開心我哋都傾埋一份難得仲可以感受到街坊食堂感覺而家好少地方做到食物好食，有服務，有質素，有人情味小店難做，所剩無己，大家多多幫襯，撐下小店…查看更多

沒有水，要收錢，海鮮貴，份量少，座位明明有卡位，但唔比，真心唔好食。好伏。D蝦唔新鮮，灣曬。In my opinion. The restaurant is poor. No next time …查看更多

一行十人，試吃了大埔粥地海鮮粥底火鍋，估不到超驚喜首先來的鮮雞湯湯底，裏面的雞好嫩滑好好吃。吃完雞之後，便加入了各樣海鮮吃火鍋。嘩! 估不到海鮮份量又多又新鮮，再加上多種自選配菜，牛肉呀，餃呀，丸呀... 樣樣都係有水準的。最後到個粥底，啲粥入哂所有食物的味道，又香又甜，總之冇得輸啊。當然最重要係價錢親民，酒水也不貴，服務員熱情又有禮。其實唔一定要上國內消費，才可得到稱心滿意的服務。多些留港消費，支持像這間有誠意的小店，也很味美快樂。大家入開嚟大埔，必食推介啊…查看更多

熱情招呼 生猛海鮮 軟綿粥底 係老闆宗旨平日大埔聚會嘅我地 好多時都係隔離街雞煲今日天氣特別寒冷 所以想再食暖身啲嘅粥就去試下舖仔細細 都望入去係迫爆人嘅粥地位置係 天后宮後面 一行酒吧中間入到去 店員安排我地坐卡位 再熱情介紹餐牌講解比我地聽點樣先令到個粥底最好食聽到我都忍唔住話等你安排啦 其實有三款套餐 每款都可以單點 無須要點齊 一款係海鮮極上套餐 有七款海鮮 配搭粥水 粥水圖片奶白色 較為清淡 第二款係藥膳雞煲 配 粥第三款老實講忘記了 我地點左即炸響鈴配雞醬唔錯 炸到卜卜脆 但唔油膩有分大 （8件）同細（4件）藥膳雞煲食完響鈴 啱啱好 雞煲上場啦 一打開蓋就聞到好重藥材味 同埋好足料呷左啖湯 湯頭好鮮甜 雖然係用藥材熬煮 但完全係苦澀味 反而多左份濃香鮮甜味另外 雞件份量多 講真淨係雞煲部分食左半個鐘雞肉嫩滑 完全吸收晒藥材味 又鮮又補身七款生猛海鮮包括蟶子 花甲 蝦 魚 蟹 鮑魚 帶子食到中途 就上檯啦 每款睇落都好新鮮同好大隻店員會幫我地放兩隻蟹落煲到滾 吸收鮮味到後期滾到差唔多就可以食埋隻蟹佢總括而言 以上海鮮都好鮮甜 肉質彈牙媲美得上專食海鮮嘅大酒家另外 套餐仲包括自選五款火鍋配料我地自選左 牛柳粒 豚肉 墨汁墨魚丸 油麥菜 花膠仔 牛柳粒要快淥 唔係會縮到好細粒豚肉肉質嫩滑 唔肥 亦無雪藏味墨汁墨魚丸 爽口彈牙 之後咬開仲爆汁 不得了花膠仔 都係唔建議淥咁耐 好爽滑主角登場啦 ～ 將綿綿嘅粥底加落去集合左海鮮 肉汁 菜味 嘅湯底 嘩 真係好鮮味 入口軟綿 不過都係個句 要趁熱食 因為凍左 就會變左一餅野 同埋無乜味 💛 舖頭都係只收現金 祝生意興隆啦 入多啲靚海鮮🤤…查看更多

二人份量嘅粥底海鮮，上枱時覺得有啲失望，因為數量都唔多，但係收緊198 +1一位。每樣海鮮只有一至兩隻，隻蟹都好細隻。牆上面有張紙寫住話啲蝦好生猛，建議用隻夾夾住，但係我哋嗰起嗰幾隻蝦都係死的蟶子細得唔乾淨，上枱時已經見到有沙，我仲自己用紙巾抹咗佢。明白小店經營困難，但係我哋兩個人各自叫咗一杯嘢飲，埋單$482 ，其實食得唔飽，性價比好低。 有啲比較平價嘅海鮮例如蜆，建議加返多啲份量。 食粥底火鍋，最後食粥底嘅時候都食到有沙….海鮮唔吸引已經好難令人想再下一次幫襯。不過想讚一讚職員服務幾好，一入嚟已經有介紹，而且收拾速度快。…查看更多

#20230708 💛📍 粥地海鮮粥底火鍋 @congeehotpot 大埔舊墟直街30號美利大廈地下9號舖➖➖➖➖➖➖➖➖➖➖➖➖➖➖➖➖➖➖#2小時海鮮粥底火鍋 $198#星期五至日公眾假期及前夕 +$20.🥢 #7款時令海鮮 🫧 #大蜆 #黃金蜆 #鮑魚 #元貝帶子 #基圍蝦 #肉蟹 #泥鯭 💭 呢間並唔係一開始就比粥底去打邊爐，而係比左兜清到近乎水既湯底淥左海鮮先，係咩海鮮無得揀既，視乎當日舖頭點比😛不過都離唔到有款蟹🦀有款蝦🦐有款魚🐟其他貝類，官方係建議一開始落晒啲蟹熬到尾，但發現如果多少少人個煲落晒啲蟹都無晒位😂所以食食下決定留幾件係煲算，其他夾起先，海鮮全部都好鮮味，唔使湯底都無所謂👍🏼.🥢 #自選5款配料 🫧 #美國精選肥牛 #冠軍牛柳粒 #黃金花枝棗 #牛柏葉 #鮮雞件 💭 呢5款係自己揀既，推薦肥牛，肥瘦平均唔會過肥😋牛柳粒重牛味而且鎖得住肉汁，不過淥個時間難掌握，好似淥極都未熟咁😅花枝棗都唔錯，雞件係因為揀湯底時無加錢揀雞煲所以揀，同牛柏葉一樣正正常常咁，唔會難食又唔算太特別.🥢 #3款時蔬 🫧 #芋頭粒 #南瓜粒 #粟米 #蔬菜拼盤 $48#手chok墨魚滑 $78💭 原本以為3款時蔬可以有菜食下，原來係用尼熬粥架咋，官方仲話要煲到爛晒個粥先會甜，即係無野食到於是叫左個蔬菜拼盤🥬份量唔多，好似係一人份咁🤏🏼墨魚滑彈牙，同樣都係細份量，發現呢間個餐好抵，但散叫野食就有啲唔抵🫣用清水打邊爐食到最尾會有啲飯放落去，煮多一陣就可以有粥食架喇😛.#即炸響鈴 #細 $38#鬼馬雙星 #細 $39💭 兩樣個細份都有4件，個鬼馬雙星其實係啲滑釀落油炸鬼度，🐷就覺得唔太夾，反而個響鈴十分吸引，即叫即炸，點雞醬食仲好味過淥落去😋呢間野啲位比較窄，坐得唔太舒服，逼得濟啲店員都經常倒瀉野，好彩唔係熱水🙈大家要小心⚠️.#大埔美食 #大埔黃店 #🐷在大埔 #🐷_食 …查看更多

見呢間評價都唔錯 就叫左二人份海鮮餐外賣 一送到黎 哇左聲 好新鮮！ 佢仲加左D裝飾係上面 望落好吸引好想食 豉油蔥花辣椒碎蒜乜都齊 最掂係隻蟹同埋加配生蠔 超大超肥美 洗得好乾淨 食得好滿足佢會跟餐送多五款自選配料 都好好食 唔馬虎 個牛肩肉一試難忘 墨魚丸都係油麥菜都好好食 真係樣樣野都好好食 最後食埋個粥就飽到唔洗郁價錢都好抵 兩個人食海鮮餐埋單400蚊都唔洗 :)即叫即做即送 好有心做 回覆亦都好快好有禮貌 多謝哂:)多謝佢送埋個響鈴俾我地 呢間野絕對會再encore 支持…查看更多

冬至夜家人臨時起意想出街食飯，搵到呢間即日仲可以預約，就決定嚟試下。揀好要咩粥底，餐廳已經馬上為我哋送上7款海鮮，海鮮非常新鮮，雖然餐廳有豉油醬料，但完全可以唔洗用都夠味道。等我哋差唔多食晒啲海鮮，餐廳會再將我哋自選嘅5款配料上枱，唔洗驚啲肉味會遮咗海鮮嘅鮮甜。餐廳員工會一直留意大家個鍋，適量加水，等我哋食到後段，再幫我哋落埋啲蔬菜同粥底。用滾過海鮮同肉嘅湯再煲粥，個粥真係特別鮮甜！冬至關係，餐廳仲贈送薑汁湯圓，非常暖心！…查看更多

本來想食鍋心，因為冇位，過左呢間小店食。星期六 $218+10%.1️⃣ 7款海鮮：魚、蟹、蝦、蜆、蟶子、鮑魚、帶子2️⃣ 5款配料：豬肉片、牛肉片、一口牛、牛柏葉、娃娃菜.食材味道OK，然而份量真係細，每人只得：👉🏻 2塊魚、2-3隻蜆、半隻蟹、2隻蝦、1隻蟶子、1隻鮑魚、1隻帶子👉🏻 3片豬肉、3片牛肉、2塊一口牛、2片牛柏葉、半棵娃娃菜、一塊粟米.嚴重唔夠食。加上主食係粥，消化快，食完5分鐘已經落返5-6成飽 💔 要去食多個甜品先夠 😢.如果想加料，都幾貴，一份娃娃菜已經要$32。😅 前兩日我食快樂小羊，鋪頭超靚裝修，加半份娃娃菜先$11，有一大碟。一比較真係輸幾條街 😅.飲品都貴，冇供應茶水，叫野飲最平要十幾蚊。.店內環境一般，茶記裝修。座位逼，兩個人只比了半邊檯 😢.總括而言，在太和區收取此價錢，冇環境可言，又食唔飽人，就算味道OK，都真的不太滿意 😢💔…查看更多

平時好小寫食評，今次都想分享下，今晚同朋友經過，見到有間細細間嘅粥底海鮮火鍋，朋友話疫情以前好旺㗎呢度，但我眼見得2枱客，好，又即管試下，入到去，店員都好有禮貌，有慢慢解釋有咩選擇，我同朋友選咗藥膳雞海鮮餐，258一位，餐嚟到，店員教點食，首先食雞，再食其他，啲雞真係好滑，好好食，到7款海鮮啦，食得出係新鮮嘢，唔錯，到5款配料，坦白講，有誠意嘅，特別推介牛同個腐碌卷，好食，最後食到個粥，好食到痴線，我食咗3碗，真係好甜好鮮👍👍👍👍當時有個員工同佢傾咗一陣，我估佢係老闆，講到疫情，能夠維持營業已經唔容易，如果再一波，可能都會頂唔順，唉，如果係咁，真係好可惜，有質素嘅小店已經買小見小，2百幾蚊，真係唔貴，我自己比較少入大埔，希望粥地頂得住，我會再嚟幫襯，都會叫大埔啲friend多啲幫襯…查看更多

呢間想試好耐，見啲食評都唔錯，所以就book左平日去食基於成日食雞煲食厭左，我同男朋友二人就只係簡左$198淨海鮮粥底，啲海鮮有7款，雖然份量唔多，但我覺得質素唔錯，以呢個價錢係值得一試👍🏻。由其是蟹好多膏又鮮甜🤤啲自選配菜，個人認為一定要簡牛 因為幾重牛味🤭重點就一定係食完海鮮之後既粥底 非常鮮甜 而且個色澤完全係充滿蟹膏既橙黃色！總括然而，以價錢黎講 值得一試 👍🏻👍🏻海鮮鮮甜 而且職員服務唔錯👍🏻…查看更多

今晚第一次到餐廳食飯，一坐下，店員就問是否第一次來，跟著拿了套餐餐牌介紹，指有藥膳雞煲+粥底/惹味雞煲+粥底（$258）兩種選擇，叫我們盡快選擇其中一個套餐，當時內心欣賞員工的主動，但當落完藥膳雞煲+粥底，再細看選擇餸的下單紙，才發覺原來有淨粥底火鍋（$198）的選擇，而員工未曾提過，當即有不誠實/上當的感覺，海鮮是新鮮的，其他食材也可以，但這感覺真的不良好，期望餐廳日後有所改善。…查看更多

📍粥地海鮮粥底火鍋 (大埔)🔗大埔舊墟直街30號美利大廈地下9號舖————————————————————————經朋友介紹下，我們去了食粥底火鍋🍲聽了員工介紹，我們叫了藥膳雞煲同海鮮🦞（$198）.海鮮相當新鮮🐙，店舖內有告示告知海鮮應被煮熟相應時間📃我哋叫咗奄仔蟹，海蝦，蜆，鮑魚等海鮮，種類尚算多元化🐙享用火鍋後，職員會添置配料再下粥，令粥底有極度鮮甜，帶有海鮮的鮮味😍.我們特別推薦墨魚油炸鬼，他們都是新鮮炸起，而且相當惹味😍.可惜既係店舖空間較細，位置比較擠迫，二人一台就剛剛好🤣😉😉.美味指數🥰：7.5/10儀式感指數😉：6/10性價比指數📍：8/10會否再來📃：YES…查看更多

非常好食嘅粥底火鍋，d料都係用時令海鮮，所以有d會因時節而轉其他，佢有埋指引話比你聽d海鮮要先落邊d恰幾多秒咁，仲提供埋秒表比你計時，不過由於成班人都係一d心急人黎 所以都係冇計到時，用感覺去食🤣🤣佢d份量係跟人頭比，所以人多食d海鮮就多癲食完都食唔到個粥🤣🤣🤣最精彩係個粥，所有海鮮嘅鮮同甜落晒去d粥到，食落去好滿足呀，不過記得唔好恰太多肉類，因為d肉味落左去d粥到就食唔到鮮味，破壞左個味道…查看更多