米走雞Deluxe (已搬遷) 新店位置

一大班人最好就係去打邊爐, 這間第一次食, 座位闊大舒適, 果然係高級版打邊爐.梳化位超舒適,六人都不覺迫.食物款食奇多,價錢中價位,可以接受.唐生菜新鮮脆口, 不錯!來得一定要試個痳辣雞鍋, 愛食辛辣既一定沒有投訴! 雞肉夠滑夠辣美國大桶蠔, size大得嚇了一跳, 成個手板般大, 物有所值!各款丸子都做得不錯, 小豆丁一個人仔K.O.了整碟極上安格斯肥牛, 一食便愛上, 叫了兩個回合依然心動!一場來到, 難免要啤啤佢, 夠凍, 爽呀!這裡很衛生, 服務算不錯, 可以考慮再來幫襯.

岩岩食完，一肚火。一上泥，見又點哂火，又幫我地抄，好像好正啦，點知係咁難食。我地點咗大份既雞煲，先發現佢既奸計。佢既大份，並唔係一隻雞，所以有好多胸同埋好唔知點既部位。最重要係，已經唔係冰唔冰鮮問題，啲肉質係雞肉乾咁，無誇張。除咗又乾又硬又散，你係會食到佢係一早整好放咗好耐再整返熱俾你咁。點講好呢，，佢好像係好鞋好乾既咕嚕肉，係，無錯，係咕嚕肉，好像有層炸粉喺啲肉上面。講埋啲汁同個湯...真係好難頂。我明呢個世上除咗平時食開嗰隻重慶惹味既雞煲之外，係有其他既。但呢隻味...真係唔識形容，好奇怪。唔好同我講係創新...佢無花蕉八角，但係有好多好多洋蔥同辣油，係辣油，兜野係甜咖...你可以話個湯同個汁係唔岩口味，但個雞真係無良。佢都200幾蚊咖，攞埋獎咖....啲配料其實好好，尤其係脆脘腩，但個湯底咁...放咩落去都食唔落。無講笑，我地唔會特登哂錢挽野叫人轉返清湯俾我地，但我地真係做咗。啲配料都打包拎走，最好笑係，等升降機時見到人地都拎住打包盒。呢篇係我第一篇食評，可想知我幾嬲。

餐廳位處的渣甸中心有好多餐廳，於晚市時段響大堂排隊等電梯的人排到出街。餐廳內大部分座位都係梳化位，或一邊座位是靠牆梳化，座位寬敞，冷氣亦足，夏天黎食火鍋都唔駛食到流哂汗。由於想點多啲唔同食火鍋配料，所以點左個普通size的黃金芝士雞煲（$158）。餐牌寫呢個size夠2-3人食。芝士碎的分量可選小量、普通、激量，價錢相同。唔好芝士的，可揀無芝士碎都得。芝士雞鍋加入白色洋蔥、紫洋蔥、中芹、莞茜同乾䓤。上枱時雞件已熟，只需加熱令芝士碎溶化在鍋中就可以食。雞件滑、芝士香濃，配上洋蔥的甜，各種味道原來可以咁夾。食哂啲雞後，店員問我地想要加芝士湯底定清湯落原本食雞嘅鍋。我們怕芝士湯底會太膩，所以要左清湯。湯底滾起後，首先食手切特級霜降和牛（$288）。如網般分佈的和牛雪花，稍為在鍋中燙一燙後，牛味足，雪花油脂香氣充滿口中。日本廣島蠔 （$78）蠔身潔白飽滿，啖啖肉黑蟹子墨魚滑 （$88）黑蟹子煮熟後變左綠色。墨魚滑口感有啲似蝦滑，材料新鮮。鮮製韮菜餃 （$78）水餃皮薄，韮菜香口，推介👍

上星期行開銅鑼灣，突然之間想食雞煲, 問下d朋友佢地又ok, 打左電話上去，仲有位，咁我地就去左米走雞deluxe食雞煲。呢度仲有好多唔同嘅醬汁同配料揀，好似有辣椒粒、蔥粒、麻醬同辣椒醬等等睇吓個Menu，我哋就決定一齊一早落左個雞煲先等到佢滾起就有得食真係好香呀！！個芝士雞煲！！係雞肉嘅面頭就有好多大量嘅芝士，仲可以揀埋芝士嘅份量芝士仲可以拉到起司添雞肉好滑，而且骨又唔係好多，啱晒我另外我哋仲叫咗粟米，可以揀一份同半份嚟叫，咁我哋就決定叫住半份先，咁就唔使浪費啦！呢個係哈哈蝦中寶，面頭有大量嘅蟹子，佢係由蝦膠入面包住一隻隻嘅蝦，好爽口彈牙又有蝦既質感整體來講，呢度真係好舒服，又有沙發位可以坐，有deluxe嘅感覺！waiter會成日走過嚟問你，同幫你手食物又夠新鮮, 價錢又合理，真真正正嘅deluxe享受

今日朋友生日，佢見我早排食完雞煲，又話好想食，我地就係Openrice搵到呢間米走雞。星期六一早訂好座，唔怕要等位～呢到有黃金芝士雞煲同埋麻辣雞煲揀，鍾意食辣嘅我地梗係揀辣啦，不過小辣好啦😜食完雞煲就當然係打邊爐，呢到都幾多款揀，而且多手工餃，但今次食太飽試唔到。雞煲上枱啦！但未開得蓋住，要等佢焗多陣～之後就會有侍應嚟幫我地炒個雞煲，仲即時落埋個麻辣汁，啲辣味即時爆出嚟😍事不宜遲，試下個雞煲正唔正先（半隻$148）😋首先配料好豐富，好多好爽嘅洋蔥、京蔥、芫茜、辣椒等。半隻雞，雞脾都幾足，啖啖肉，但其他雞肉就好多都同啲皮分開咗同埋變到好碎好細嚿。可能因為即場炒雞嘅原故，好入味，又香又惹味，眨下眼就食晒！食完雞煲，我地叫咗手切新鮮牛頸脊（小$208）、粟米（半份$18）、娃娃菜（半份$22）、鮮炸嚮鈴（$48）牛頸脊鋪滿晒，擺得好靚，望落都好靚夠新鮮。雖然話係手切，可能刀工好，切得都幾薄😂味道方面，因為唔多脂肪，食落又夠牛肉味，good👍🏻粟米望落有啲乾，食落都無咩味，唔甜😕娃娃菜，有啲黃，但食落都幾甜👍🏻最正就係鮮炸嘅嚮鈴！夠大件同夠脆，口感一流！淥一下，腍得嚟又脆，吸晒啲湯😍一人食咗$

米走雞其實我由長沙灣開第一間分店嘅時候已經係佢嘅粉絲!當我知道佢喺銅鑼灣開分店，就已經率先試過佢嘅午餐，今次就試一試晚餐啦！見到個Menu比長沙灣總店多好多款式～咁第一時間當然係要點一個芝士雞煲($158)細!銅鑼灣分店仲可以揀芝士嘅份量！但因為要試埋其他材料所以我哋最尾都係揀返普通嘅份量就算了。落完單之後，店員就放低調味料俾我哋，醬料都幾多選擇喎，有成六款咁多～除咗芝士鍋我哋今次仲叫左日本廣島蠔6隻($78) , 特級雪花牛柳粒($138) ,生菜($22) 同埋蟹子墨魚滑($88) 芝士煲一如以往都冇令我地失望，雞件滑身而且芝士好濃再加埋大量嘅洋蔥感覺簡直就係絕配完成左芝士鍋之後店員會幫我地九方芝士湯底所以芝士味唔會變得好稀真係好貼心至於牛柳粒份量都好多而且牛肉真係好新鮮牛肉味好濃而且唔會靭值得一讚！另外廣島號亦都算新鮮熟左嘅時候都唔會好縮水墨魚滑亦都有質素鮮味之餘亦十分彈牙值得一提呢間店比起長沙灣總店嘅座位坐得舒服好多，而且亦都好闊落，可以係畀一班人過吹水嚟打邊爐既地方

我們2個人所以叫了一個細的芝士雞煲, 等大約10分鐘便上枱了。黃金芝士雞煲 $158芝士雞煲表面鋪滿芝士碎粒及乾蔥粒，非常震撼!等雞煲內的芝士慢慢溶化，個雞煲就食得啦。大約有二十件雞，仲要全部大大舊, 彈牙的雞脾肉俾芝士被完全包圍着，芝士味非常香濃，而且雞肉仲好嫩滑, 洋蔥格外地甜,   超級惹味!吃完雞，店員就幫我地加湯, 變成打邊爐。點左手切新鮮牛頸脊(小)($208)脂肪比例少、但肉質依然軟熟,  牛味很濃郁 ,  口感一流, 雖然是點了小，但是份量都不少。 鮮冬菇 $32鮮冬菇菇味十足，烚到軟身之後滑不溜口。竹笙 $38竹笙吸了芝士湯，變成很入味的芝士竹笙。 係全晚最好食最吸湯汁既材料，又爽口。雞子 $48不是人人敢吃, 但我同朋友都好喜歡雞子的口感, 好好食!翡翠苗(半) $18翡翠苗幼嫩, 非常新鮮。 只要焯一焯就可以吃, 一啖吃到, 不錯。 總括而言，食物幾好味，價錢又合理, 地方又坐得幾舒服。不過要肯定另一半都鐘意食芝士才好用芝士雞煲做火鍋。因為同平時打邊爐唔同，不是人人接受到。

喺友人嘅介紹下，收工特別去到銅鑼灣「米走雞」食雞煲！雞煲通常我都會選擇喺冬天食，三十幾度食雞煲都係第一次！未行入餐廳入面，已經見到有menu紙放左喺門口，見到火鍋配料選擇非常多，粗略一scan，已經心裏有數一陣order啲咩 入到店內坐低後，當然係先選擇食咩口味嘅雞煲啦！最後揀咗黃金芝士，芝士碎要普通。之後店員就放低調味料，供稍後打邊爐時使用！墊枱紙上印有食黃金芝士雞煲嘅步驟同注意事項，非常貼心根據步驟，雞煲一上枱，要先用大火煮沸；調至保溫，記得唔需要攪拌！然之後先吃雞件！細問店員，得知呢個雞煲係用上四種唔同嘅芝士炮製而成，芝味十足！每件雞件都被芝士包圍，再配上洋蔥作平衡，味道唔會太濃，食落亦唔會滯！雞件啖啖肉，唔會有太多碎骨，抵讚！食完雞煲之後，火鍋配料陸續送上。先來特級雪花肥牛$108。手打墨魚丸$68日本廣島蠔$78仲有紅薯粉$14店員將芝士湯倒入鍋裏煲滾，然後逐樣逐樣將配料放入鍋裏。先說牛肉，油脂分布平均，肉質細嫩唔韌，牛味亦非常濃郁！其次，手打墨魚丸果然名不虛傳，鮮味之餘亦非常彈牙！此外，日本廣島蠔帶有淡淡海水味，但煮熟後略為「縮水」！最後嘅紅薯粉煮熟後非常煙韌，非常Q彈！整

昨晚與朋友參加完維園集會後, 在附近揾晚餐食, 突然想起以前食過的芝士雞煲, 好味道的記憶直衝出來。所以就由維園行去此間餐廳食鸡煲和打邊爐。此食肆一如以往的清潔乾淨, 座位寬敞舒適。我們叫了一大鍋黃金芝士雞煲($198), 一客拉絲芝士條($48), 另外打邊爐用嘅物料就叫咗一碟豬潤($38), 西班牙黑豚肉($188), 手打五寶丸拼盤($88), 鲜製四拼餃($88), 半碟生菜($22), 半碟油麥菜($22), 半碟翡翠苗($22), 一碟金菇($32), 芝士($12),一個出前一丁($14) , 和分享一樽麥子桂圓啤酒($48)和一枝forest honey啤酒($48)。雞煲內的雞塊、芝士和切片嘅洋蔥滾起來很香, 惹味和很吸引, 鳼塊大件啖啖肉的味道亦很夾和不肥和稠, 因為有洋蔥伴食。吃完煲內食物加上新的上湯開始打邊爐, 各樣打邊爐食物就是新鮮、爽脆和鮮甜, 四拼餃新鲜爽脆, 手打五宝丸拼盤鲜甜, 西班牙豚肉爽脆香口, 入口有咬口。麥子桂圓啤酒有很濃郁芳香嘅小麥味道。

今日去到銅鑼灣，老婆想食雞煲就去咗這間，佢個麻辣醉雞窩就好像火酒雞咁，飲火酒咩，雞係冰鮮便時常識，但叫半只雞你全都係雞脾(下價冰鮮嘢)你地係咪做鬼佬生意架，我深信有食過雞煲既香港人去試你地個雞煲，百分之九十都覺得你差!哎我咪叫轉打邊爐囉，嘩!啲食物唔新鮮架，大佬呀你間店唔係做緊任食架，鱔片唔係爽既，脆骨腩唔脆既，牛肉仲衰過牛陣嗰啲，好像一班童子軍搞飲食，服務態度就一般般啦，都可接受既，都唔明啲人点比食評，食評係咪比錢架!

老人家愛上打邊爐，今次特意帶他來一起試新野，米走雞名子已夠過穩，怎能不試走雞?!食物款式選擇其多，有不同煱底選擇。我們點了芫茜皮蛋湯底和必食的辣辣雞鍋。和款丸類都很大粒足料，新鮮彈牙。生菜夠新鮮，老人家最愛。咸檸七都很有份量，老人家大讚。最好吃的莫過於這個特級雪花肥牛，牛味特香特濃，頂級至上。雲吞一流，皮薄蝦鮮!響鈴香脆，值得一嘗。配料十足又衛生，左上角的是麻辣醬，愛麻辣必試!整體食物質素可，價錢中高檔，座位闊落舒適，裝潢高級，是三五成群聚腳暢談之選!

友人推介芝士火鍋雞煲，二話不說跟朋友朝聖一番！火鍋配料： 麻辣醬好特別！不嗜辣的我也嘗了少許！舌頭有麻痺的感覺，可以讓我一試「麻辣火鍋」的滋味主角出場！ 激量芝士雞煲鍋！ 雞件很多，滿滿一鍋！芝士溶了便開餐啦！ 每件雞都有濃濃芝士包著，芝士愛好者見到會興奮到手舞足蹈！我們另外點了以下火鍋配料： 虎蝦： 超大隻！ 我見每桌客人都有點，可見質素其高！鵝腸： 爽口彈牙，不會碎「濕濕」，我們點了兩碟脆肉鯇腩： 推介！非常新鮮爽口又大條！和牛： 比較薄及份量少，但牛味重！如果份量多一些會更好雞子： 識吃雞子的人會識欣賞！這裡的雞子很鮮！其他火鍋店較少見！這間火鍋店用料上乘，值得再光顧！

麻辣雞煲好正 $148。麻辣味整得好好食。我地叫左bb辣。但我都覺得幾辣。一開波好大陣酒香味。仲用火燒。酒香出哂黎。推介: # 西班牙黑豚肉 # $188。肉質腍。好香肉味。好明顯隻豬生前食好野。肉質好香果味咁。本人覺得仲正過牛頸脊。仲要凍左食都依然咁好食。(5/5分)# 手切新牛頸脊# $298 。 一上檯就要食。牛肉味重。都好食。但一拖耐左食。蘇味變重!! (4.5/5分)# 五寶丸 # $88 (3.5/5分)# 哈哈蝦中寶#$118 (3.5/5分) 肉有一隻蝦。烏冬超不推介，因為是假的稻庭烏冬，煮一陣已經斷哂。Total $1100

雞煲放題近兩三年開到濫曬，俾我既感覺間間都係提供一堆質素低既食材任食，實在唔岩嘴刁的我。今日難得可以約到一班朋友去呢年好HIT的米走雞聚會，食材散叫但新鮮得多，呢個火焰雞煲單係賣相都值回票價。與其質飽個胃，點解唔索性貴少少獎下個胃?

本人各式各樣雞煲真係食得多但係芝士雞煲都係第一次所以都有啲疑惑因為會唔會好^流^呢？！依個雞煲唔會搞到好似漿糊咁好食比傳統食嘅雞煲冇咁熱氣食雞煲點可以冇酒飲炸春卷普通但誠意搭救不過不失嘅粟米豆腐又肥又大件放落芝士度有另一番風味響鈴好美味芝士魚肚你哋有冇食過要試吓淮山友人會食得好開心我諗應該好食啦但本人就不太好食就此作罷比較普通嘅牛牛還要叫貴少少嘅價錢先會好食啲冇午餐肉成餐飯都唔成事最後當然要食下蔬菜啦