米走雞Deluxe (已搬遷) 新店位置

入座坐下，就是餐牌還沒看好，先上六款豉油配料。餐廳的自創及獨家火煱湯底有兩款 : 黃金芝士及火熖麻辣，喜歡食辣，所以選了火熖麻辣(大)。 雞煲上枱時，鍋裡有雞件及配料，之後由侍應在客人面前落酒點火，這就代表火熖了， 隨後加入麻辣汁，想加幾多就幾多。 雞煲煮起來好香，食落有麻辣味夠濃，雞件一點都不少，而且肉質都幾滑，單單食一個大雞煲，再加點配料都已經夠飽肚，果然是不錯的雞煲之地。 米走雞環境坐的幾舒適，不止雞煲好味 ，而其他火鍋配料都不錯！雪花肥牛，雪花的脂肪都好明顯，食下時都有牛味，中規中舉。牛頸脊，相比雪花肥牛，單看賣相，脂肪比較平均一點，但其實牛頸脊更值得吃，因為牛味更出，口感又滑，真的是不錯的選擇。手打五寶拼盤，就是自家製的五款肉丸，粒粒有乒乓球細，可惜雪的有點太耐，所以口感有點實。響鈴，比其他食店的響鈴相比就是大大件，香脆得很，放入雞煲能吃出雞煲的味道，真的是值得一試。 良朋共聚Gathering 當然要吃得盡興，傾個夠本，首選一定係食雞煲+火鍋。米走雞不是第一次食，但要等齊朋友放工，而地點又就腳，才選上了銅鑼灣米走雞Deluxe。餐廳裝修亁淨整齊，面積大又夠光猛。坐在卡位，兩

星期五晚上4位朋友突然相約晚餐，其中一位建議吃雞煲，我即時想起「新xx」可惜太遲訂座已滿額，於是任由朋友選擇而我就於OT後join。原來他們最後來到了這間「米走雞」食一個芝士雞煲+一個辣雞煲。不吃辣的我唯有只吃賣外完全零吸引的芝士雞煲。雞一定是雪藏得太久，肉眼看已經又實又梅黑色，芝士又膩，感覺很反胃，入口雞肉完全無味，只得味精咸味和油味。之後加清湯變成火鍋。。。天啊，可幻想芝士已變杰但再加湯的畫面嗎？整個湯變成一層厚油於面，所謂的「金黃」就是因為這樣的油膩？？已經沒有胃口再放食物下去煮。。。至於這個凍豆腐，零味道、雪藏味、味道帶酸，我們吃了一口就放下。埋單每人約$300其實我可以有更多更好的選擇！當晚和朋友個肚都唔舒服！味精濃得個個到今朝仍然口渴！服務：零主動性，碟不換、水不添、叫不回應

之前去過太子分店，今晚再戰銅鑼灣分店。。。座位相當闊落舒適，先先望下餐單，點了一個麻辣鷄煲，之後再打便爐，未上菜先輕鬆火焰鷄煲果然名不虛傳，一上抬已經香噴噴，附上麻辣醬油，想幾辣都由自己控制，我地加左小小已經夠哂辣，鷄件夠哂入味，味道香濃！食完鷄煲加湯準備打便爐，點了幾款心水食品，自製響鈴是必試的，夠脆夠鬆化。打便爐牛肉也是必食的，入口腍滑。脆鯇是我的至愛手打丸夠大粒，入口彈牙，抵食！食完已經好飽了，三五良朋友小聚，一路食一路傾，好地方是也

同朋友來到渣甸中心，望住眼花繚亂嘅選擇，最後決定食米走雞！落大雨淋濕全身，都係食雞煲最暖身。坐低後店員很快就捧上調味醬盤，有蔥、辣椒、生蒜、熟蒜、芝麻等配料。我們選擇了二至三人份量的芝士雞煲，因為太愛芝士就選擇了激量，來到的時候有點被嚇到了。芝士份量十分多完全遮蓋了煲面，等了10分鐘，雞煲滾了芝士溶了，而且香味十足，每件雞件都被芝士包圍着！放入口芝士味濃郁雞件都頗嫩滑，我們兩人分別吃了七、八舊雞已經飽了，所以都沒胃口再吃其他肉類，只點了蔬菜、雜菌等配料。見到蜂巢豆腐個名咁特別，點了半份試試，原來是雪到結冰的豆腐！好過癮，而且用了較長時間淥，所有湯底精華都被吸盡！入口爆哂芝士濃湯，好滿足！手打墨魚丸又係要必試！夠爽口彈牙，有咬口真係好重要架！其他蔬菜、雜菌、豆卜處理得幾衛生，打邊爐最怕菜有沙有蟲的！而且菜可以半份半份點，不怕浪費。下次再試要叫多幾個朋友，雖然細雞煲係2-3人量，但其實4人食都夠，希望下次再黎可以食到肥牛啦！

同屋企人食飯，阿妹話要打邊爐，妹夫指定要食雞煲添。地點約在銅鑼灣，最後揀咗米走雞。一出life就見到好有特色的門面，入面座位都幾舒適。呢度以雞煲做主打，我哋就揀咗麻辣雞，先挑戰一下小辣。如果真係唔鍾意食雞，其實佢哋都有其他湯底嘅。至於火鍋料方面，海鮮肉類各樣都幾齊全，算係中等價錢。雞煲上枱時，真係嚇咗我哋一跳。店員會點火，製造紅紅火焰，當火熄左之後，先再加上一杯特製的醬汁。滾起後的雞煲香氣撲鼻，每一件雞都完美咁沾滿醬汁，麻麻辣辣非常惹味。不得不讚一件事，佢哋的雞煲做到每一件雞都十分嫩滑，唔知係點樣做到呢種效果的，犀利。打邊爐當然唔少得靚肥牛，手切肥牛油花算均勻，亦有好濃厚的牛味。可惜份量稍為少咗dd，可能始終係銅鑼灣地段啦。脆肉鯇腩亦都好新鮮，淥一陣就食得，口感好爽，打邊爐必備！呢度有樣嘢好特別，四寶丸就見得多，佢哋竟然有四寶餃。四寶餃分別係雲吞、水餃、韭菜餃、牛肉餃。當中我覺得雲吞最好味，皮薄得來餡料好新鮮，蝦肉大大粒。蔬菜方面，佢哋碟頭都算好大，圖中可見半份的粟米同生菜比起其他火鍋店的一份，係差唔多份量架。整體而言，我哋都幾滿意。始終銅鑼灣地段，能夠坐得舒服地食雞煲，埋單一位300

同事推荐的米走鸡，我再也不相信他们的品味了。。真的不好吃 鸡煲我是第一次吃，不知道该是什么味道。。但是主打的芝士锅，真是相当的腻啊我跟朋友点了小锅，吃到最后两人都腻的不行，让店员加汤，结果加的还是芝士，赶紧叫店员换了清汤（鸡汤）之后又涮了生菜和乌冬面解腻我猜想辣锅会好吃很多

第一次來米走雞，好有驚喜喎！我未見過一個「常滿」o既雞煲。叫左個火焰麻辣雞煲（小辣），玫瑰露酒令雞煲好有睇頭，而且食落有小小甜味，百般滋味；人家話「哈哈哈中寶」係必點之選，果然冇介紹錯，爽口彈牙，口感十足；最不得了嘅就係鮮烤響鈴，人生從來都未見過咁大條響鈴，放落個鍋度浸1-2秒，剛好吸收晒鍋中精華，超惹味，個芯仲係脆添！除了食物令我驚喜，環境同侍應的都不錯，下次可以encore ！其他邊爐料也不錯脆鯇腩都好考心機，唔可以滾太耐，基本上肉眼覺得佢熟，夾上來即可，尚算爽口牛頸脊牛味農，口感滑，很不錯。和牛可能食完牛頸脊好有驚喜，對和牛期望很大，而無想像中咁好食。翡翠苗配上甜甜的湯底，微微的辣，很有新鮮感，由於苗類比較幼細，不會感到很吸油

今晚想打邊爐，平時多數去開某間平靚正既邊爐，但男友話想試下新野，search到米走雞就即管同佢一齊試下。.男友話想食芝士雞煲，我一開頭聽到都冇乜期望，一黎我本身唔鍾意食斬到一件件嗰啲碎雞怕多骨，二黎坊間好多"芝士乜乜煲"面頭只係得少少芝士粒，冇乜料到。.一心諗住只順男友意願，點知個煲一黎......嘩！芝士粒份量真係激量！.到咁上下，待應會黎話你知食得，枱面有張紙教你應該點食。千期唔好多手諗住攪勻，就咁夾起上黎食，就最多芝士！.佢啲雞唔係斬開細細舊嗰種，係雞塊之類，所以我可以啖啖肉，唔太怕雞骨吉口。真係好多芝士，好"漏"！好正！食哂啲雞就可以叫待應加湯打邊邊。

是日家庭日，屋企人選了在銅鑼灣吃雞煲。他們選中的店裝修頗有格調，以黑色為主，較為前衛，而且座位亦已卡位為主。主打的雞煲非常精彩，雖然我們只點了微辣，但辣度亦十足。雞煲是馬上「着火」，藍藍的火焰令我們心情也升溫。店員的服務亦很周到，除了幫我們的點火外，也為我們不斷翻滾雞煲的材料，確保每件雞肉都能全面地沾上醬汁。經過店員在我們面前一番努力之後，精彩的雞煲就成形了。一份大的雞煲10分足料，鍋內起碼有20件雞。配料亦很足，雞肉很入味。火鍋料當中除了必點的牛肉外，花膠仔是很大的驚喜。＄88的花膠竟然有滿一大盤，放入湯內吸滿醬汁的精華， 10分惹味。而且花膠仔的質感很軟滑，煙煙靭靭的，大家都好喜歡。當然牛肉的質素也很不錯，輕輕一煮已經熟透，牛肉味道很重。這份餃子拼盤當中，竟然有一顆牛肉餃，從來沒有想到牛肉除了製成牛丸外，也可製成牛肉餃。除了欣賞他們的創意外，其實味道也真的很不錯，值得一讚。

朋友生日、揾個地方聚一聚，慶祝一下。朋友喜歡打邊邊，相約於米走雞去慶生。餐廳喺銅鑼灣樓上鋪. 地點頗方便。 環境也不錯。座位寬敞，安坐後，就開始order 湯底先。我地五人就 order 一個雞煲，一個沙嗲湯底。個雞煲好正，店員會即席炒兩吓先，香味十足。個雞煲食完可加水打邊邊。吾錯。 打邊邊至愛除左牛，還有𧐢。D𧐢好肥美👍我比較喜歡用白鱔打邊邊。當然吾少得 牛魔王至愛。牛肉脂肪比例均勻。厚薄適中，顏色鮮紅，非常新鮮。除了牛肉，仲有黑豚肉，同様是肉質鮮嫩。餃子同小丸子亦喺打邊邊不能決少。叫左咁多肉，要食番D蔬菜，粟米喺吾錯嘅選擇。今餐很豐盛，大滿足。呢個時候就到蛋糕出塲賀下壽星女囉。

今日一行五位為食腳到 銅鑼灣渣甸中心的"米走雞" C-DeIuxe食鷄煲和火鍋，朋友推介的，试試！ 來到米走雞内進見裝修簡單整齊光亮，西餐廳模式 座位寬敞……選了想試的…… 火焰麻辣雞煲 小辣~'雞煲賣相靚 ，在爐上加熱片刻，當工作人員將酒倒下即 冒出火焰，炒幾下可以吃了。鷄件果然不錯！ 入口肉質嫩滑 ！好惹味！不錯！值得一試！沙茶鍋…… 吃完雞煲再打邊爐~沙嗲味香濃，不太辣 咸度適中~火鍋配料選择多 ……日本廣島蠔……肥大肉厚，鱼皮，鱼皮餃， 蜂巢冰豆腐 響鈴……等。用料新鲜！也有小食……炸芝士春卷鬆脆，芝士香用來佐 啤酒也不錯！手切特級霜降和牛， 手切鮮牛頸脊， 西班牙黑豚豬肉試了以上三種肉，都肉質细嫩 ，小焯一下入口 甘香！很新鲜！白鱔片，脆肉鯇魚片 也很新鮮 ！冇腥味 鮮甜！邊喝 邊吃大滿足 ！米走鷄果然不錯！用料正！

上星期四，和家人相約了再去食芝士雞煲。但是，今次卻是去銅鑼灣的分店，這是奢華版的芝士雞煲芝士雞煲果然是我的心頭好，熱辣辣的雞煲，配上了大量芝士及洋蔥，香氣十足。而且洋蔥更能殺菌，芝士的份量也能選擇。雞肉每件也份量十足，很嫩，充滿芝士香吃完雞煲後，加入芝士湯便可以打邊爐，真是一舉兩得！我們還選了花膠及手切特級霜降和牛作為打邊爐的配料。花膠煙靱有彈性，充滿骨膠原的感覺. 和牛充滿牛肉味，新鮮的牛肉就是這樣！這個是我最愛這類的食物之一，就是芝士公仔麵。就是叫了兩塊芝士加公仔麵。本身湯已是芝士湯，再加上芝士片及公仔麵，芝士味道更加濃郁，煙韌的麵條加上芝士的香味，令人垂涎三尺

火煱對於香港人黎講真係無分凍熱天氣都有捧場客, 就講呢間, 七點鬆D已經坐左差唔多半場客聽個名都估到呢到係主打鷄煲, 好多客都係黎呢度食招牌黃金芝士鷄煲及火焰麻辣鷄煲, 當然仲有其他湯底以供選擇想食咩就係呢張火鍋配料到落單, 選擇種類都有好多, 包括:海河鮮, 肉類, 丸類, 自家手打鮮製類, 蔬菜/菌類, 仲有各類飲品/手工啤酒落好單後, 侍應就會送上各類醬料(醬油費 - $8/位)比你自己混醬雖知道黃金芝士鷄煲同火焰麻辣鷄煲係呢度既招牌菜, 但今晚想火鍋多D, 所以只點左呢度皮蛋芫茜鍋 ($68), 清清地易配搭其他火鍋配料, 呢個湯底材料除左有芫茜皮蛋外, 估唔到仲有紅蘿蔔, 粟米同豆腐, 啖湯除左飲落有芫茜皮蛋味外, 加多點清甜味, 仲可以有多樣配料食下, 幾抵食!白鱔片 ($88), 一客份量普通, 每片魚肉真係片片分明, 只需烚幾烚就可以食得, 幾有鱔既味道, 口感幾滑, 好快就比清碟了!火鍋又點少得唔叫牛(除非係唔食牛肉架姐), 呢度牛肉既選擇都有幾款, 如和牛, 雪花肥牛, 新鮮牛肉等, 個人黎講只鐘情呢款手切新鮮牛頸脊($208/小), 一客排列得相當整齊既牛頸脊"覆

聽聞銅鑼灣有間食芝士雞煲唔錯嘅餐廳，相約同事放工去試下。位於渣甸街渣甸中心3樓全層，方便就腳，環境淸淨舒適。嗜辣既同事見到隔離枱麻辣雞煲正在上枱開煲，竟然改變主意要食火焰麻辣雞煲我當然無所謂啦！😍食完雞煲係可以原煲免費加上湯打邊爐，火鍋配料有好多選擇。醤汁一定要加入香蒜碎同麻辣醬，好好味啊火焰麻辣雞煲半只隻（148元）雞煲上枱開火加蓋後要等15分鐘，有店員幫手炒雞。加上麻辣汁，再等一陣就食得，建議小辣已好夠。開蓋後香氣四溢，雞肉嫩滑，好入味。有好多洋蔥甜甜地，中和番麻辣既味道！食完雞後，店員加入上湯，開始打邊爐。食完麻辣嘢，我地轉口味清清地叫左蘿蔔半份（18元）、粟米半份（18元）、油麥菜半份（22元）、鱔片（88元）蘿蔔、粟米鮮甜，油麥菜鮮嫩。值得一讃係鱔片，爽滑中帶有油脂甘香，好肥美！下次想食芝士雞煲！

雞煲熱潮幾年前興起，有辣有唔辣，深受大家喜愛。米走雞推出的芝士雞煲反而好少見，今次特地來一試究竟。上面鋪滿芝士碎的雞煲看起來十分cheesy，雞件幾滑、整體味道完全不覺膩，四個人很快就KO了整個雞煲。建議再煮一下洋蔥，留待火鍋時吃較甜。可選擇加清湯或芝士湯作湯底。我們揀左清湯，先焯一下油麥菜同翡翠苗這些快熟蔬菜打個底。油麥菜$22好甜啊黑魚子墨魚滑$88，爽口彈牙廣島蠔$78 唔算超大隻但肉質肥美手切特級霜降和牛（小）$288油脂分佈好平均、薄薄的好軟嫩、入口即溶。三個人分都好唔夠喉、後悔沒點大份的！蜂巢冰豆腐$22則有點太硬，還是喜歡普通蒸煮滑豆腐。鮮製韮菜餃$78欣賞它餃皮夠薄、韮菜豬肉餡料亦足。最後加入竹笙$42，口感爽爽的、吸收晒湯底精華的味道！這裡有的梳化座位其實幾舒服、不過附近六至八人枱的食客不時大笑、大聲叫囂、甚為滋擾。希望各食客都能留意用餐環境，避免騷擾其他人。另外，這裡冷氣充足，記住帶多件外套啊。