米記 (已結業)

超大塊豬扒飯豬扒又大又厚，夠jucy ，又吾會un 食完一定夠飽大件夾抵食另外試過佢嘅雞扒同牛扒份量一樣好大，但普普通通都係得豬扒係值推薦😅👍🏼又大又厚。仲有配菜…查看更多

見到好多人話呢間要排隊, 同埋由於店員人數少, 所以要等得耐D先有得食, 於是我同老公決定搵日少人D就去拜訪一下! 西冷牛扒黑椒汁($118)就算唔點汁都幾JUICY, 火侯控制得好好, 7成就7成! 份量又夠大!蜜糖芥末焗雞配焗薯($88)雞件已切好, 方便入口。配埋特製的蜜糖芥末醬, 好惹味!跟餐有湯配蒜蓉包蒜蓉包好脆, 是剛剛烘好的! 札肉沙律擺盤好有心思, 札肉有醃過, 酸酸的好開胃!店內應該只有老闆一人一腳踢, 見到有人寫食評時對他好似有D意見。希望大家對小店多多包容, 體諒一下。…查看更多

朋友說「米記」晚市也座無虛席，今天中午路經，當然要去品嚐一下。因為鋪頭不大，所以lunch set的選擇也不太多，但都足夠。今日餐湯係南瓜湯，湯好夠熱，不像平日的西湯好厚身，濃度介乎中湯與西湯之間，好飲。「香煎三文魚韓國燒烤汁」好香口，魚皮是脆脆的，三文魚肉好香，好有魚香，配上韓國燒烤汁 又幾另類的配搭，效果不錯。「米記厚切豬扒」應該係推介，出得「米記」兩個字當然要試吓啦。厚厚的豬扒你以為會比較實，其實肉質柔軟，一啲都唔會硬，而且豬扒本身已經好入味，點些燒汁或者 不加汁醬也可以，二款唔錯的午餐。在我哋用餐嘅時間，顧客絡繹不絕，下次要來品嚐一下佢哋嘅晚餐。…查看更多

寶靈街裏面有間隱藏左既小店好多時經過見到距都係落住半閘，今日終於有緣一試，試過後終於知道點解:):)餐廳比較細，所以枱與枱之間空間較窄:):)但依個真係無辦法，香港地小店空間大概二百呎倒，所以只有一個吧頭，但係放滿哂各式各樣既威士忌，紅酒，目測應該都係客人帶去既存酒店鋪近門口有掛左一副醉生夢死既書法做裝飾，好搶眼之後仲發現有副飲飽食醉係收銀處飲飽食醉，醉生夢死夫復何求餐牌好簡單，午餐就1-5，晚餐就A-H我入去一坐底，老闆已經問我食咩！？我只能答距，我可以睇下先嘛十秒後老闆已經再問多次，甘我就揀左個焗雞肉蝦干忌廉汁意粉其實去到依個階段我都已經有少少...跟住再望一望間鋪，原來由煮食到水吧，侍應全部都係依一位銀髮老人家一手一腳處理，敬佩之情，即刻由心而發正當我唸一位老人家一腳踢，煮出黎啲野会係點之際，餐湯經已黎左:):)先試塊蒜蓉飽，點解無蒜蓉既！？再一試個南瓜湯，有來好有水準打爛左既南瓜蓉，非常香濃，調味做得好好，雞湯同忌廉比例都好好依個焗雞扒蝦干忌廉汁亦好特別先試一塊雞扒，算是嫩滑，外皮香脆:)每一塊都有蝦干既香味，但又食唔到有蝦干原來老闆將蝦干打爛之後，混合忌廉汁一齊去焗幾新鮮既做法意粉方面都幾有咬口，唔会煮到快餐店甘淋哂我見其他顧客好多都嗌左個米記豬扒，偷聽到其他顧客都話好食我下次都要試下一個人的午餐，埋單七十蚊倒食物水準好唔錯見到好多食評都話老闆服務態度有待改進，其實如果得一位老人家一腳踢，繁忙時間又真係難啲可以做到笑面迎人既:):)我果日两點幾去食，食完啲食客開始減少既時侯，我見老闆都会同人客有講有笑…查看更多

 寶靈街上一間不顯眼的西餐廳。西餐多數都係88-118蚊之間，包餐湯多士 生果。食物質數對得住個價。我叫左一塊西冷，汁多肉質不過不失，可以話好食過花乜金乜果D。涷檸檬茶有驚喜，推薦飲用。…查看更多

之前同朋友經過依頭 見到依間鋪 貌似幾靚仔又吾貴 決定下次試下點知一試就有啲失望了😕我地叫左一個 回鍋羊肉意粉 同 牛扒配薯蓉/先講講服務：serve我地既係一個白頭髮男人 佢全程都黑口黑面 態度都好一般甚至連放底碟食物都幾大力下😂總而言之食客們都感到吾太舒服((因為後來有另一枱食客都俾佢禁既反應嚇到))上菜太慢 等成半個鐘先到/食物方面：非常一般先黎個餐湯 個餐湯一上既時候係深紫色我同朋友討論係紫洋蔥定紫椰菜既時候原來係紫薯！！！係紫薯湯啊！！！首先個顏色己經吾吸引然後個味係又咸又甜我個人黎講就覺得幾怪😂不過大家有興趣都可以試下的沙律有少少hea 以為會係凱薩沙律之類既野 原來係青瓜+青提子+罐頭水蜜桃 再加少少汁...回鍋羊肉意粉 意粉係煮得好食的 好有咬口 吾會過淋 讚！陣味係羊腩煲既味 都好食牛扒配薯蓉 我個人黎講覺得個牛幾好食 不過我叫5成熟 塊扒一邊係5成 一邊得3成 血淋淋 一路切一路見到個漸變色禁😂但我覺得除左依樣 味道係好食既！但薯蓉係無乜味 無咸味 又無牛油味 係好健康既味道我地另外加左個芝士蟹肉蘑菇 當我期待係大啡菇既時候 原來係細細粒個啲蘑菇🥺不過味道正常飲品都正常/同朋友既feedback就係無咩事吾會再黎老闆態度事小 野食質素令人感到失望為大再者佐敦依頭都幾多好野食 依間真係吾會再黎了😕😔…查看更多

睇到好多差既食評，老闆唔禮貌，食物質素差，我想只係個別，米記一向都好多食客幫襯，小店廚房唔大出菜係慢少少，可以接受，老闆態度唔好? 唔係呀幾好笑容下，仲怕我食唔慣個熏魚，仲同我講笑話似豆豉鯪魚咁，更係唔係啦，不知幾好味，係大骨唔食得咋，幾十蚊價錢，有咁既質素幾唔錯下餐湯南瓜忌廉湯，味道清淡好有南瓜味，個多士好脆下熏魚同平時食開既味唔同，$48/份又唔貴，下次可以再叫沙律係邊桃/楊桃/青瓜配黑醋汁，又清新又健康主菜忌廉辣汁軟殼蟹意粉 ~ 個味道幾特別，好多磨菇粒，隻軟殼蟹都幾大隻，好少可我成碟清晒粟米汁帶子忌廉意粉 ~ 好清新好多粟米/磨菇，本來想食牛扒既男友都話無叫錯…查看更多

有次同朋友黎過晚餐，印象唔錯諗唔到食乜，又返黎食過位置唔當眼，我都差少少miss左佢各自叫了set dinner有餐湯，沙律，主菜，餐茶餐湯來了朋友一看，中湯黎嘅？！我忍唔住問一問老闆老闆話有豬肉，合掌瓜，雜菌我🤔🤔🤔笑了，fusion菜？沙律係正常嘅沙律主菜一個是黑松露帶子意大利粉正常帶子煎得幾好但意大利粉無黑松露味另一個主菜係西冷扒五成熟配意粉五成來了起碼八成忍唔住同老闆講換一塊係浪費，但差太遠了格離枱同樣，一塊五成變七成，一塊七成變八成五成的同樣換了，但換完都係七成熟😂無再叫換了😂😂意粉無味，但未至於凍但因為呢塊扒，我下次不會來了…查看更多

平日無論午市或晚市經過都人滿滿的今日12:30已到門前等候, 大概15分鐘就可入內。- Set Lunch Menu - 餐湯 蒜蓉包南瓜湯超香濃而且滑滑的, 完全無渣蒜蓉包就比較普通, 是熱的但蒜蓉味不足❤️另外由於朋友未到, 但老闆係無Request的情況下, 先上我的, 再等朋友到達時才上他的可能某些人眼中是基本事, 我卻覺得是貼心事- 香煎比目魚柳配香檳忌廉汁比目魚爽滑, 魚皮香脆, 而且魚肉不會鬆散, 口感不錯- 香煎美國安格拉斯西冷牛扒朋友的Medium Rare, 肉味濃且份量足食物質素與價錢$82 成正比有突另每set附餐飲一杯希望有機會與其他朋友試一下晚餐😊…查看更多

去附近做完野差唔多12點，好耐無食過米記就諗住去食個early lunch, 諗住時間尚早，就算食完都應該未到食lunch繁忙時間，一入舖頭時見到成間舖得2個人分別坐2人枱同4人枱，有個白頭髮嘅男人問我幾多位，我示意1位，佢竟然叫我去2人枱搭枱（呢個時候見到仲有2張2人枱），我咪問佢「咁早都要搭枱？😧」，點知佢竟然話「你遲早都要搭枱架啦！🤷🏻‍♂️」，但跟住我話「咁我唔食喇🙄」就轉身行出去，跟住佢竟然話「你鐘意囉🤷🏻‍♂️」其實俾我坐住2人枱先，人多要搭枱我絕唔介意，我入去時仲有起碼廿個位，但你已經要我搭枱，仲要語氣極差！本身好鐘意呢間餐廳，亦都介紹過俾好多朋友去食，我唔要求要好好服務態度，亦都明白小店人手不足，但而家佢係「你唔鐘意咪唔好幫襯囉，我而家唔憂做，多你一個唔多，少你一個唔少」嘅態度，雖然好鐘意食佢啲食物同環境，但因為呢件事我決定永久black list佢😡…查看更多

好耐冇黎。。見朋友們話中菜有D悶。。即諗起米記見佢近排咁麻麻嘅食評，心諗死啦會俾朋友們寸爆。。但又覺得以往咁多次米記都冇令我失望。所以決定照去。一行6人，叫了3份2人套餐湯及 蒜蓉多士。。ok..冇走樣兩款沙律亦好味。。pass頭盤雞中翼。。好香口 惹味正忌廉汁青口。。大隻又creamy 正扇貝因為得兩隻。吾夠分。。爭取的朋友話好好味pasta 意大利飯 軟硬適中又有啲汁好正兩個意粉的好好味主菜因為冇咗豬手，改了厚切豬扒，兩大塊，好juicy及滑。。正正正比目魚、。。我一向怕腥。。但佢好 香脆乾身..正牛扒。。。五成熟仍有少少血紅色水。。。唯一要彈係肥膏厚咗少少。。仍要俾個正餐飲。。咖啡，凍檸茶。。正正常常要代老闆平反。。。有人話佢寸，冇禮貌。。我黎咁多次。。老闆待客作風貫徹始終。。木口木面(但吾係冇禮貌)。。佢習慣慢條斯理你快慣咩。。你可以去隔離澳牛。。5分鐘快食仲有一樣。。痳煩大家去之前要打去訂枱。。佢每晚只做一輪枱。。我七點到得我一枱。。期間有三對客人想walk in但仍俾老闆推左想食平靚正西餐。記得要book枱啦P.S. 帶酒係免開瓶架。。埋單平到朋友以為我計錯數…查看更多

這家食店位於佐敦，裝修簡單也可以說環境舒適，過去一年也去過幾次，以前食物質素服務都可以接受，價錢算是中等。如果閣下對裝修有要求就唔應該去，地上有個大洞放一塊木板作解決之用，請高踭鞋的女士要留意。今天下午到達，客人不多不用等位。一如以往點菜但呢嚴重失望以後唔會去。上菜速度慢可能由於係新鮮烹調嘅緣故，這㸃可以理解，但今次好像是特別慢，最後不知不覺等到睡着了，約40分鐘終於見到食物，賣相ok ，心以為等了那麼久是值得的⋯⋯一客煙鴨胸薯蓉及青口意粉，初放入口中味道感覺色香味俱全。但口感就出奇地差，感覺好似食隔夜餸，意大利粉是生的，唔知係咪最近生意唔好，還是換咗大廚，最後兩份餐都差唔多冇食過，非常難食服務又差。見到客人滿意只係答左＂我地係咁㗎啦＂可能我唔識食啦，但係作為一個專業嘅食店係咪應該要你會客人嘅感受呢！咁有性格唔怪得知你哋唔使等位啦。…查看更多

之前都食過，覺得幾好，但今次真係唔可以忍，落單後等左半個鐘，一個青口意粉，一個鴨胸薯蓉。意粉又硬又粉，我只要求煮淋少少，個侍應歪曲事實話我地話唔熟，又話佢地d意粉係咁。鴨胸薯蓉d鴨胸又乾又嚡，同隔夜燒鴨冇分別。重點係可以我坐近廚房，廚師大發脾氣。我唔會再嚟食囉…查看更多

環境氣氛不錯 服務態度優良 食物相當高質素 水準超出預期 食物新鮮 醬汁調味剛好 配搭起來 簡直完美 相同價格 外面好難再搵到 強烈推介 下次一定再來品味 。。。。。。。。。。。。。。…查看更多

係佐敦街頭唔知食咩好，行下行下見到間西餐廳價錢似乎唔太貴就膽粗粗入去試下。餐廳好細，能容納嘅客人唔多，由一位叔叔擔任樓面同水吧。我地揀咗2人餐。講真，呢個價錢你唔會諗住好大碟喇，但實情係估你唔到嘅好大碟嘅凱撒沙律。有一陣我地食唔慣嘅味道，所以我同友人都淨好多，事後叔叔話應該係鯷魚味我地食唔慣水牛雞翼6大隻，我到見到簡直o咗嘴 哈哈，本來我係一隻都唔食嘅，但都幫手食咗兩隻，係熱氣d，但味道係唔錯嘅咸豬手，又係大大件出面食單叫都要$200 喇，真係好抵食。味道算不錯，最抵讚係佢配蘋果蓉，未試過咁食，好新鮮又出奇地原來咁夾咁好味仲有三文魚意粉，都好唔錯架埋單，兩個食到頂住個肚…查看更多