米線王餐廳 (已結業)

之前见到呢间野开张，念住揾日试下。记得我之前行过，决定下次都系唔会黎。但今日......落雨天，同事话食米线试下新开呢间，我话上次我睇过，但唔记得咩原因我唔会选择黎呢度食，结果比次机会佢啦。去到都有8、9成入座率，座位唔会太迫，但睇睇个menu，哗，想走啰。26蚊个汤连配料，7蚊一个𩠌，即系一𩠌落楼33蚊，同区价黎讲﹐除非你碗野超好味，否则绝对唔值。同事点了鸡丝蕃茄汤底 : 7蚊一个𩠌，唔会太差吧?! 噢，点知出黎系鞋 及"un"的手丝鸡，似系煲完汤用啲渣丝开咁。虽然系咁既quality，但都系比左一小撮。汤底ok，有几旧蕃茄，但未到超浓汤，所以，个汤唔值廿六，个𩠌更加唔值7蚊啰!!!!!!我点了猪软骨麻辣米线 : 有麻辣味，但唔令我上瘾，比言覃人子或巴蜀猪排黎讲，比下去。配料亦好求其，两粒花生，同葱丝，同酸菜芽菜，但都系少量。都系果句，唔值26蚊。猪软骨有几旧，但都系薄切，不过比我同事好啰。唔敢话佢值唔值7蚊，但肯定唔系抵食啰。埋单一人三十三，一𩠌米线，都讲下个米线啦。无咬口，系煮唔够会爽，煮得耐会腍果种，我今次系腍，无米线的弹牙口感，都系差。提一提，佢有个8𩠌套餐，有贡丸，生菜，鸡肉红肠，鱼旦，鸡排，腐竹，同唔知咩，呢啲𩠌，佢收59蚊啰，仲要饮品另计，死未。佢场细细，伙记好几个，舖租又应该唔平，所以佢唔收呢个价点做?! 但系...唔系呢个quality啰。…查看更多

我不是想做甚么食家,只是这家店的服务真的差到不得了今天下午进了这家店只想随便吃个午餐落单时,我足足说了十次个侍应都听不清楚,我只是简单的叫了3个1𩠌米线,好都听不到....好沮丧再叫了豆浆...来的是热得出烟的豆浆三十度的下午的今天实在不想喝...请侍应换冻的,她说没有...点解唔一早讲??最好笑系我叫了可乐后,来了冻豆浆拿可乐来的时候又大力掷在枱上小姐你唔钟意可以唔好做,我又没迫你...唔知佢老板知唔知自己的店服务咁差?…查看更多

日日搭巴士返工，行过开o左一间食米线o既地方，所以就带o左同事一齐去试下。入到去，被迫要同人share坐，因为小二话lunch hour要留返4位台，算啦~ 一睇个menu，一个酸辣汤底米线已经22蚊，如果加𩠌就由6至7蚊不等，本宫觉得佢d𩠌好贵，不过所叫o左2个𩠌，鸡翼同鱼腐，仲叫佢走芽菜、韭菜同葱...一o黎到已经心知不妙，冇走到葱，d鸡翼又细又要隔过夜，鱼腐又好油，一食落去d油出晒o黎... d米线仲大获，系又硬又爽，好似食濑粉咁....本宫一食到唔饿就停，最后去o左泰昌食蛋挞...http://hk.myblog.yahoo.com/ultrabearhk/article?mid=583…查看更多

去左米线王，知道新开张，　叫了一碗酸辣米线加招牌腩肉同猪软骨，　顺便叫一杯珍珠奶茶解渴。　值得一赞系佢有台式饮料提供酸辣米线：够酸，辣味差一点，　不过酸味似单纯下醋，　酸菜的酸味唔突出。米线比较爽身，　个人喜欢腍一些，　腩肉唔错，　好味，　最紧要唔系一大旧肥膏，肉占九成，　肥只有约一成。　猪软骨就失望，　太干身。珍珠奶茶：　茶味唔够，　奶比较多，　珍珠比例还好，　当然同街边的台式舖比就梗系冇得比…查看更多

今日下午到这间店初次外卖午歺(之前未食过)，点知一肚气。我约1:05到店外卖，买了1个2𩠌米线及1杯珍珠奶茶，合共付了43元(心想都不平宜，但新店不妨一试)，等到１:20想吹吓佢，但见到入面的伙计好似做到乱七八糟(可能系新丁)，眼见15分钟结胀约4张单，收银都要用计数机慢慢计，外面等位的人由10多个走剩4个，伙计都要走到柜枱看记录后再叫号入座，于是我做好人费事再追佢哋，最后等多几分钟:(，终于见到我的食物出来，我便自行到柜枱应领，点知收银就问个伙计我付了钱未没有，当时我立即起火起，对收银说我已付了钱，仲系你收的，我见只得1单外卖，而自己负责收钱都唔记得，还要问人真奇怪？最后我都无理佢拿食物走人。回到公司已经点半有多，打开食物后火又来，入面少了个𩠌(值6元)，打电话叫佢退钱，虽然肯退，但又要我行多转，而米线味道都是一般，相信我唔会再帮衬。…查看更多