影片
打风唔知食乜好，是但去咗附近商场揾食！见到呢间冰室有开，之前又未食过，咁就一于试试佢啦～✨米籽招牌米线简咗四川麻辣汤底，配菜好多种类，有唔同丸、肠仔、腐皮同埋菜类等，连猪牛鸡都有！但味道普普通通，唔系特别好食～✨龙虾米汤海鲜泡饭龙虾汤嘅味道唔错，令到饭嘅口感都几好！好足料，仲有鱼片、其他海鲜同埋木耳～✨爽脆一口鸡一口鸡热辣辣炸起，表面洒满辣粉，入面鸡肉几juicy～价钱唔系特别平，不过见佢打风都有开，算系咁～
继续阅读
晚餐过嚟食100分钟火锅放题🍲拣咗个养生药膳鸡锅 甜甜哋嘅汤头LEVEL 2嘅肉和海鲜选择都ok多个鱼片真系唔错！肉嘅味道都ok啦～特别推荐佢哋嘅虾滑、墨鱼滑👍🏻真系好鬼正仲有小食嘅鱼皮 口感劲爽脆🥰炸物嘅孜然盐酥花枝丸 都系好好味🤤最后记住要问职员拎雪糕啊！
继续阅读
今日来到位于天水围+WOO嘉湖商场，有一间最近开业不久的餐厅「米籽」，见到餐牌种类繁多，而且仲有台式饮品，所以我哋都想入去试吓。未知是否刚开业嘅关系，客人超多，门外都聚集了一批等位的客人，我哋都等了接近30分钟才有位可以进去😅✨卤肉一口鸡饭 $58老玉好香，鸡块肉质几好，有油香，炸粉不会太厚皮，饭嘅份量亦都多，呢个价钱嚟讲性价比都高！✨米籽招牌米线 $69其实这碗米线应该几好味的，不过原本我是order小辣，但系一上枱见到汤底，已经知道好辣，由于太辣真系食唔到嘅关系，所以再叫职员换过一碗🥹🥹由于同行嘅友人本身都系食开小辣，都表示呢个汤底呢种辣到应该已经系中辣或以上🥲🥲🥲✨小食咖喱鱼蛋正正常常！不过不失
继续阅读
嗌咗蕃茄汤，汤底味道奇怪，完全无蕃茄味。配料选择唔多，份量又少。孜然地瓜条，干噌噌… 无乜味，得油味。服务嚟讲，本身冇咩服务可言，除咗送餐之外，全部都系自助。应该系食过最差嘅米线…
继续阅读
嬲到第一次写食评啱啱开业𠮶排食物质素同服务态度都仲系几好，依家可能唔忧做，餐厅店员服务越黎越差𠮶日一个人入到去坐低准备扫QR code落单，唔知系咪佢地wifi坏咗连唔到线，间舖手机又收唔到信号，落单落咗成10分钟都落唔到，举手叫人落单啲店员又眼尾都唔望下你，当你冇到。咁我咪换过张出少少嘅台睇下会唔会收得好啲𠮶短头发收银阿婶一见我换台即刻行埋黎，黑晒口面好恶咁系度讲👩：「换台要同我地讲啊」我好声好气解释话头先𠮶张台落唔到单所以先换台👩：「你唔识叫我地帮你落？」讲完就西口西面咁走咗。隔咗一排出咗张单黎，话我落咗两个餐，我咪即刻同个店员讲呢两个餐唔系我落嘅，跟住个店员就另外帮我落咗单再隔咗一排个收银阿婶又行埋黎好恶咁大声讲👩：「呢两个餐系你呢张台落㗎，依家啲嘢食已经整好，你唔可以咁样浪费食物」我：「呢两个餐唔系我落嘅，我一个人会唔会落两个餐？」👩：「电脑显示张单系你张台落嘅，唔好讲咁多，你自己睇返纪录」真系谷鬼气，僵持咗一阵之后我实在忍无可忍我：「未整嘅话我唔要啦，咁嘅态度唔使旨意我再帮衬你地」👩：「好啊，你快啲走，拜拜」最后直接离开咗，亚洲国际餐饮集团同呢间餐厅可以列入永久黑名单，请埋啲咁嘅员工黎赶客，垃圾质素垃圾服务，唔系真系饿死都唔会再去食。个收银阿婶简直系极品，一啲基本礼貌都冇，唔识互相尊重，唔会问清楚发生乜事，有咩事一味净系识屈落个客到，发晒脾气，做得咁辛苦咁唔愿做就咪做，离晒大谱，简直荒谬，食餐饭俾钱你赚仲要咁样受你气，你冇嘢啊？
继续阅读