影片
星期三晚攰攰地，唔想煮饭就决定叫外卖. 本身我果区米线舖选择唔多，见到米痴线呢个名咁特别就决定试下。老公话要食饱d,就叫左个大窝过桥米线，入面有牛肉，猪润，炸酱，竹笙，肥牛，火腿等等, 再配返个麻辣汤底。望落个汤底唔算好红，食落亦唔算好辣，不过就好香好惹味，份量唔算话超级多，但就样样都有，好满足。我作为芫茜控就叫左个皮旦芫茜汤底米线，本身呢个汤底都好少见，有得㨂梗系㨂呢个啦！加埋猪腩肉同生茶，个汤味道几足，但又唔会好油，都唔错。猪腩肉同其他米线舖食既唔同，呢间无㷈过，但胜在个汤底好味，所以都几夹。另外我地仲叫左一个小食，就系拍青瓜，都几大份，好多青瓜同蒜蓉，几清新，只系有少少偏酸。下次大家食厌左d连销米线，都可以试下呢间。
继续阅读
今日下午茶系位于荃湾嘅荃湾中心，店名叫做米痴线系专门食米线嘅一间店舖，一坐低就即刻嗌咗个麻辣米线咁我叫𩠌就系鸡肉、蟹柳、同埋卤水猪软骨，同埋叫咗佢个四川鸡翼、蒜泥白肉，同埋加咗杯冻奶茶，价钱唔贵都系$90钟意食米线嘅你又行开荃湾𠮶边可以去试吓good
继续阅读
第一次食呢间米线,咁啱去朋友屋企叫所以外卖食, 佢话同谭仔差唔多,咁我叫返鸡肉萝卜 微麻辣汤底走青!!外卖差唔多等左15分钟左右就有啦~一试觉得都好好食,萝卜好淋好甜,鸡肉都好好食!!!!汤底更加正!!!事关朋友话佢D辣好劲,所以只系拣左BB辣,但都好够我食了~同埋试左土匪鸡翼,个人系觉得除左外卖淋左D外,个味系好食过谭仔0.0 另外奶茶都好味,我叫左多奶真系有多到! (因为唔系间间奶茶都冲得好饮)下次去佢屋企一定要再食!!
继续阅读
lunch time, 去叫左米痴线嘅外卖，叫4个𩠌原来已经要$80左右，（佢有太多位加钱，例如外卖兜加两蚊分汤加两蚊一个𩠌已经$12）（唔知以为去咗食拉面）不过贵还贵，但系你都俾返足嘅嘢我呀嘛，点知米线份量超级少，原来系一碗饭碗咁嘅份量，从来食米线，米线嘅份量系汤碗计㗎嘛，之后，最惨系𠮶啲𩠌全部都系缩水嘅，味道好一般，而且系食唔饱架！所以咁嘅价钱，咁嘅味道，都系食返第二间出名啲嘅米线啊，比较公道啲，价钱合理啲又好味啲
继续阅读
嗌咗个米线小辣，猪耳，猪软骨，豆卜再加三只土匪鸡翼埋单$58姐姐一早同我讲咗要10几分钟，我知道的，大约等咗12分钟左右，有外卖出，网上外卖 都有出，之后我又等到20分钟之后都仍然未见有嗌号码。但系枱面仍有2大袋，其中一袋有个客自行去check（知系自己已经拎走），于是我去睇，发觉系我嘅号码单，但系员工仍然冇叫过，真系激死人呀⋯⋯佢哋交接好有问题～明明整好咗，但冇人嗌号码要我白等到几时！🔥返到屋企先发觉原来个员工落漏单冇比到猪软骨～
继续阅读