影片
以上资料只供参考，请与餐厅确认详情
食家推介
招牌菜
上次去了屯门乐啡，老细推荐了这间「米咖啡」。星期日便慕名而来了，真的是从港岛特登入西贡试味！本身只打算试一杯热咖啡同一杯冰滴，点知最后打开了新世界大门🚪首先，老细见我哋懵懵懂懂，对咖啡纯粹系门外汉，就叫我们其中一个先选一个产地，然后另一个选烘培程度。最后我哋一致拣咗黄金曼德宁作为「探路」。因为唔可以用手机，所以以下嘅温度系以记忆去记录。🫣我哋拣咗中深烘焙程度，好似系180度（如果记错，老板请原谅我）同埋深烘焙230度。虽然同一种咖啡豆，但系因为Roasting嘅程度唔同，所以味道嘅呈现系完全唔同。PS 老细唔系以浅中深烘焙嘅程度作为咖啡分类。180度（待menu覆核）：甘，舌尖尝到少少酸味，但系很夹。230度: 沉实，木质，待稍稍温度降下来更佳。冰滴（master’s selection): 一个月发酵，酒香明显，清甜。本人尝到「花香味」，老细笑说「这是你的味觉👅花香也分很多种喔！😂😂」虽然老细没用磅，冲咖啡同加水嘅时候亦都睇落去好随意，但系冲出嚟就真系同出边嘅好唔同。小惊喜：本身想试多一杯冰滴，但系因为我哋已经试咗同一只豆嘅两只唔同烘焙程度，老细推荐我哋试吓Ultra light 150度烘焙嘅味道，Menu仲要写喺甜嘅，咁我梗系即刻OK啦。150度黄金曼特宁竟然冲出了竹蔗茅根嘅味道，呢一次真系大开眼界🫢🫢🫢希望大家都试下咖啡的神奇变化吧❤️老细仲透露了熊本县arrow cafe就系超浅烘培偷师嘅地方🫡老细仲自费推出西贡tshirt，没加任何店舖logo👍
继续阅读
我最唔钟意坏人饭碗，但系呢间真系唔爆料唔得，千祈❌千祈❌千祈❌唔好去西贡嘅「米咖啡」咖啡$100几$200一杯，咖啡店内一个人都冇，都唔俾我坐咖啡枱前张吧枱，佢话因为我无一星期前book。我问系咪有客嚟紧，佢话唔系，不过就系要book。成个Menu写到懒深奥，什么青豆乜豆物豆，乜炒物炒，完全唔明。你问佢，佢一副专家口吻，讲完一大堆嘢嘅意思系「讲你都唔明啦，stupid orange 😒」比着平时嘅我，已经即刻起身出门口，但系𠮶日唔知做咩，觉得真系未见过咁差嘅例老板，真系想试吓佢可以去得几尽。结果系! 我当然做咗silly seven, 全程虐待我，唔准用手机，算！当你想顾客认真享受，但系你又唔同人交流，唔够人饮。佢手冲咖啡时,我企起身远距离望下，佢叫我坐翻低，佢话你见唔见到我喺吧枱前边啲「栋」咗啲版，就系唔俾你哋睇。我话我对咖啡有兴趣，只系想了解吓点冲，佢话你只系入嚟消费冇权睇我点整，消费者唔系大晒！「X$y@z;!7…..」 我心里真是爆了很多粗，开间懒专业嘅嘢，如果真心对咖啡有Passion，应该好开心遇到有兴趣嘅顾客。佢竟然全程以虐待顾客为傲😡可能自己物业，完全唔明点解可以做咁多年。我一生人，从来未遇过咁差嘅经验，亦系第一次出埋店名写劣评。其实件事已经一段时候前，但系谂返，𠮶种嬲仍然散不去，呢位老板虐待顾客嘅能力，真系地上至强。😡😡😡
继续阅读
正! 刚去完一间西贡的咖啡店，真系惊喜连连。首先落喉嘅北海道牛奶咖啡，简直得闲嘅意境，啱哂我呢种米字旗😌。咖啡既香浓又唔会太苦，奶泡轻盈得黎滑唔溜丢，饮落舒服得嚟仲有深度。再黎讲讲呢个Apple Crumble，焗得啱啱好，苹果唔会太腍亦不会太酸，配𠮶层酥脆啖啖都爽口。食之前仲以为会腻，点知食得越多越上瘾😋。最正系跟朋友share啲甜物，倾下计真系舒服死。最后忍唔住又点咗个Sakura Gelato，呢啲日本直送嘅雪糕咬落去微微桜花香，鬼马又清新，完全冇得顶💖。食咖啡店嘅菜色，其实都算平民化，不过味道同体验就绝对高级。老板跟我哋交流时真系热情，饮品食物跟佢嘅态度一样，咩个食咩个㩒心思，我会再嚟，定系会!
继续阅读
难得放假去西贡谂住自己一个叹杯好啡，路过见到呢间标榜自家烘焙，我都好支持本地烘焙所以撞入去一试。体验同其他客人差唔多，一入铺就要睇一大堆规条规矩。一坐低老板就拎menu过嚟，其实都唔系好明，因为同平时嘅menu好唔同，佢有自己嘅language ,我呢啲手冲初哥系唔会睇得明，当然佢都无特别解释，我呢啲社恐亦都唔想太多交流，基本上我就乱点，谂住抱持开放嘅熊度，睇下有冇惊喜。我点咗一款hawaii 嘅豆，menu标价为$180。成间铺得我同老板两个人，佢喺bar枱冲紧咖啡嘅时候，我又坐喺门口咁远咩都睇唔到，我当然拎部电话出嚟，掩饰我内心嘅不安。呢个时候佢就话，呢度唔可以用电话。你又唔系同我相处，我又唔可以同电话相处，我顿时唔知可以喺呢个空间做啲咩，惟有呆坐。呢杯咖啡无乜惊喜特别嘅味道，味道同我买炭烧咖啡嘅挂耳包差不多，或者我本身不太喜欢深焙手冲，未够道行欣赏。只饮到咖啡系好顺滑，味道并无$180嘅惊艳。佢唔俾我用电话其实有啲压力，虽然假期无繁琐事务要处理，现代人要拎电话出嚟系无意识嘅动作，需要自律一下先可以完全放低，所以被要求放下电话并没有等如放下烦嚣，带来只有更压抑嘅气氛。最后饮完都只想埋单走人，我明明点咗一杯$180嘅咖啡，佢最后收我$200。我系失败嘅社恐，无勇气喺咁压抑嘅气氛下开口问清楚，以为系加一服务费，离开再计一下，加了一都系$198，点解仲要收多$2？hawaii有两款烘焙，另一款系$220，应该不存在落错单嘅误会。咁就唔知系信用咭手续费，定系我拎电话出嚟嘅罚款。作为顾客见价钱有问题我照付款系我有问题，但佢都似乎有乱收钱之嫌，大家埋单请小心核实。相信西贡其实有好多更好嘅咖啡选择。
继续阅读
在圣诞连假的午后，我无计划下在西贡后巷见到了这店从极低调的店外，心中都预备了此店定非池中物，上openrice一搜，已对这店的店主性格，规矩，价钱心中有数，才推门入内细读house rule 后坐下，店主递上餐牌，解释规矩后离开等我下单我是个咖啡的门外汉，望完餐牌后，对餐牌上不同咖啡仍没有概念，于是问了一句：边种咖啡比较果味突出？店主答：“所有咖啡都有果味，视乎你定义“。我再问餐牌上所列出的两种烘焙法有何分别？店主答：“正如餐牌上列出的，每种烘焙法的时间和温度也不同“够了，我感受不到店主有兴趣和我作更多交流，于是我淡然叫了杯No.37, 我连咖啡名字也没记住，反正我不认为有任何作用。咖啡上桌后我品尝，感觉到有芝麻糊的香味，入口大概是酱莓味吧？但如果同$180一杯的craft beer 或红酒相比，没有同等级数的味觉震撼。埋单时店主亦没有问感想，公式化地收了钱就完结了。窥看了bar枱上的booking, 似乎一个星期也有一次的private booking.最后感想：1.有些店会将客人分成两种：须用心招待的熟客，和用来供养熟客的生客2. 会去Salt Bae 食超贵牛排的人或多或少有炫富心态3. 蔡澜名句: Omakase 把客人当蠢材
继续阅读