米炊

第一次帮衬，平日时间夜晚7:00，地方阔落，坐位舒适，适合聚会聊天，食物价钱150-250，有套餐同单点选择，主要食滑旦饭配𩠌，饭底有日本米同日本谷米同蔬菜底选择。牛腰柳同汉堡扒过熟，有嚼口。牛脷算是当中比较好。…查看更多

12点45分午饭时间，前面两对 2 人，跟住系我同同事3人。一开始餐厅入面明显有一张 4人台已经空置。前面两对用 15 分钟先后入座，𠮶张4人台依然空置，唔知以为系under reservation。我前面𠮶pair 二人入座 5 分钟后，终于到我入座，但竟然系安排坐𠮶张空置咗 20 分钟以上嘅台。真系令人无语😒点解唔一早就安排我地入座，明明前面都无 3 or 4 人嘅情况下？我无办法理解呢间餐厅嘅喺繁忙时间嘅安排。…查看更多

📍 今次嚟到人气米饭专门店「米炊」，主打自家制汉堡扒配日式咖哩～虽然餐厅环境舒适，但服务略显慢热，叫人有啲小等候。不过食物质素真心唔错，完全补返分数！✨⸻🍛 自家制日式咖哩饭用上 雪梨、苹果、洋葱、番茄、芹菜、甘笋、薯仔等蔬果 加印度香料慢煮，入口系经典日式咖哩嘅甘甜浓郁风味，完全唔辣，小朋友都啱食！同绵滑嘅米饭 + 流心蛋一齐食简直系完美配搭🥹💛⸻🥩 特上烤牛腰柳牛腰柳偏瘦但出奇地唔柴，肉味浓郁，熟度啱啱好～如果可以拣五成熟或生食版本应该会更juicy，啱晒钟意牛味重嘅你！🦆 慢煮香烤鸭腿今餐最大惊喜！低温慢煮令鸭腿内里保持嫩滑，外皮微脆带点油香，肉汁爆满、肥美juicy，绝对唔输俾法式鸭腿🧡！⸻👀 虽然餐点出色，但人手安排明显唔足够，叫人时常等好耐，有时好似「无视模式」开咗咁，希望日后可提升下服务质素！…查看更多

谂住同朋友坐得舒服啲，就拣呢间餐厅。点知。。。。。入到去食物系冻嘅，除咗汁系暖嘅。我相信一般煎鸡扒同牛扒都要10-15分钟先会上, 但系我系惊喜到5分钟有嘢食，其实真系质量。 仲差过一般连锁嘅快餐店。到块炸莲藕簿片心谂应该喺脆卜卜热辣辣，点知系谂过啲过期薯条。 叫咗一条鱿鱼须， 好明显系翻叮，韧𠮶条橡筋。 我应该唔会再返嚟，亦都见到呢个品牌唔会再考虑。非常极之失望。…查看更多

今日同女朋友去食中午饭。因为因为放假去街，所以冇乜所谓。平时唔会食咁贵，去到附近见到佢有春季套餐、牛小排蛋包饭、咁就入去食。因为未食过，所以问侍应几个问题例如个餐点样计？餐饮系啲乜嘢？负责𠮶位小姐回答得唔系好耐烦、语气态度都几差。啲嘢食嚟到嘅时候又多油。其实个味道唔错嘅，不过太肥腻。埋单嘅时候就咁攞张单过嚟又冇个盘、找钱嘅时候又就咁拎咗啲钱过嚟。我睇过成间餐厅大部份嘅侍应都好后生而且表现出嚟一啲都唔专业、态度又差。真系唔值得$200一个餐。一定唔会再帮衬。…查看更多