米泰 (荃灣廣場)

⁂⁎◝#荃灣🇭🇰 新開精緻抵食泰國菜⁎◜⁂.是但係多野食既荃灣廣場搵左一間泰國野 唔洗等位就入左去食 環境唔錯 坐得都舒服食物質素都ok 價錢唔貴😗.✧米泰生蝦 $88鍾意佢用每個細玻璃杯裝住啲醬汁浸住隻生蝦🦐一黎擺盤靚 二黎生蝦可以更加入味醬汁調味唔會太辣 酸酸辣辣好開胃.✧啖啖蟹肉咖喱 配薄餅 $158蟹肉同咖喱既比例唔錯 每啖咖喱都配到蟹肉唔會得少量蟹肉 而且薄餅本身已經配埋唔洗額外加錢 薄餅都有四大塊 已經剪開左一半😆.✧馬拉盞炒通菜 $72不過不失既馬拉盞炒通菜 份量都幾多 幾大碟食落少少辣 又唔會蓋過本身蝦醬既鹹味 幾惹味.✧香蕉烤餅配椰子雪糕 $72烤餅係好煙韌既口感 入面都包住好多香蕉唔會太甜 雪糕就無乜椰子味 唔夠出.✧香茅青檸薏米水 $36好飲👍🏻 薏米水唔太甜 薏米都煮得夠腍有咬口 好岩夏天飲可以消暑解渴！..*･゜ﾟ･*:.｡..｡.:..｡. .｡.:*･゜ﾟ･*𝘙𝘢𝘵𝘪𝘯𝘨: 3.5/5𝘙𝘦𝘷𝘪𝘴𝘪𝘵: maybe*･゜ﾟ･*:.｡..｡.:..｡. .｡.:*･゜ﾟ･*𝘍𝘰𝘳 𝘮𝘰𝘳𝘦 𝘪𝘯𝘧𝘰𝘳𝘮𝘢𝘵𝘪𝘰𝘯:📍米泰🗺️荃灣大壩街4-30號荃灣廣場3樓.…查看更多

同一地點去年在此食泰菜，今天來也是吃泰菜，不過店名已換上另一家，這也沒關係，食物好吃的，不論是那家我還是會惠顧的。店內裝修以木為主，簡簡單單，配置一些綠色植物作點綴，散發著熱帶風情，坐位佈局多元化，有卡座，有圓檯，有長檯，無論人多人少都可找到合適的坐處。今晚我們五人，安排了一張六人檯，也坐得舒適。看餐牌食物選擇多樣化，我怕煩，看到有四人套餐，有小食，再有四個餸一個湯，食物的品種也合大家胃口，於是就選了這套餐。小食拼盤，本來餐牌上寫四款，不過上檯時見到多了一款炸豬皮，炸得乾身，沾上醬汁也好吃。其餘四款小食有：香葉包雞，雞肉嫩滑，炸春卷，鬆脆，炸魚餅，有咬口，燒菠蘿，酸酸甜甜。整盤小食都做得不錯。椰子雞湯，奶白色的湯底，湯味道濃郁，口感綿密，不是水汪汪，湯內有足夠香料，椰條，香茅，香葉，足以把整個湯的梛香散發出來，一小個車哩茄又帶出小小酸甜，增加了味道的層次。泰式黃咖哩牛肉配薄餅，黃咖哩不會很辣，入口綿滑，牛肉十分嫩，容易咀嚼，著仔也掛上咖哩汁液，配上薄餅同吃十分滋味。薄餅烤得香脆，上檯仍有熱度。鐵板泰式青胡椒炒海鮮，這一款菜式有很多配料，大量蔥蒜，海鮮有魷魚，青口和蝦，蝦仁爽口，青口大大隻肉，但魷魚就較細條，炒完有點散。醬汁調得好味，味道是不錯的。菠蘿海鮮炒飯，海鮮就是蝦仁，爽口，配料有腰果，肉鬆，提子乾。飯夠乾身，入口粒粒分明。木馬拉盞炒通菜，菜葉綠油油，入口嫩。餐飲方面，想要熱泰式奶茶，但沒有提供熱的，只好要了凍的。飲起來也夠茶味，甜度適中。整份四人套餐，五人吃也夠飽肚，而且套餐內每項菜式選擇都十分多，總會選到合意的，大伙兒出來吃飯也吃得開心。…查看更多

[米泰食評]於2025年5月25日晚，和朋友看完電影後，我們選擇了新開的泰國餐廳—米泰。在晚上7時，餐廳外已經排起長隊，顯然香港人對新事物的興趣依然旺盛。不過，等候時間還算合理。我們點了四人套餐，份量非常足夠。啖啖蟹肉咖哩配薄餅 🥘這道咖哩的香滑口感令人驚艷，味道甜而不膩，適合各種口味的食客。然而，蟹肉的鮮味似乎稍顯不足。薄皮酥脆的薄餅與咖哩搭配，若能再熱一點，口感會更佳。小食拼盤 🍍拼盤包含炸春卷、香葉雞、燒菠蘿和炸豬皮。每一樣小食都展現了泰國的街頭美食風情。炸春卷外脆內嫩，香葉雞則帶有獨特的香氣，燒菠蘿的甜味與炸豬皮的鹹香形成對比，讓人一口接一口。冬陰功大蝦湯 🌶️這道經典的泰國湯品料十足，包含新鮮的海鮮，如魷魚、青口和剝殼的蝦，湯底酸辣適中，香氣撲鼻，是寒冷天氣的理想選擇。泰式酸辣青檸烏頭 🍋‍🟩 [必點]這道菜的酸辣味道讓人一試成主顧，烏頭魚肉質鮮嫩，搭配青檸的清香，十分開胃。這是餐廳的招牌菜之一，值得推薦。馬拉盞炒通菜 🥬這道炒菜色澤鮮綠，保留了通菜的鮮嫩和脆口感，炒制得恰到好處，讓人吃得爽口。泰式鮮蝦炒金邊粉 🍤金邊粉較濕身，鮮蝦的鮮味與金邊粉的滑順相得益彰，加入了青蔥、豆芽、花生、辣椒粉，增添了酸甜辣味蕾。香蕉烤餅配椰子雪糕 🥥甜品部分，香蕉烤餅外脆內軟，搭配椰子雪糕，口感豐富，甜而不膩，讓人感受到熱帶的風情。芒果椰汁三色糯米飯 🥭這道色彩繽紛的甜品用三種顏色的糯米製作，淋上香濃的椰汁，搭配新鮮的芒果，味道香甜可口，是完美的結尾。整體而言，性價比非常高，雖然有些菜品需要額外加購。值得注意的是，因為餐廳剛試業，服務上有時候會稍慢，職員反應不夠迅速。地址:荃灣大壩街4-30號荃灣廣場3樓350-352號舖…查看更多

第一次光顧這家餐廳，午市套餐選擇多，亦可追加其它小吃，服務員態度優良，環境尚算不錯，價格合理，點了蟹肉黃咖喱飯，蟹肉沒有餐點上的圖片那麼多，但還算可以，咖喱的味道有點偏甜，感覺不到有咖喱的辣味道，可能需要調校一下味道，泰式奶茶只有凍飲，沒有熱的選項，如果有，就更加好了，上菜的時間恰到好處，根據餐廳服務員所提及，泰式薄餅是現造的，口感相當不錯，唯份量有點少，如加多一點點會比較好整體來說，是值得一試的餐廳！…查看更多

今日嚟到荃灣廣場發現有一間新開嘅泰式餐廳 環境寬敞 坐落舒服 啱晒一家人嚟食 🧑‍🧑‍🧒‍🧒佢嘅下午茶餐都好抵食 可以另外再加單點 menu勁多款式 泰式明爐烏頭🐟酸辣湯底熱辣辣浸住烏頭，魚肉嫩滑無腥味，吸盡湯汁精華！超開胃。淡淡蟹肉咖喱🥘咖喱汁濃滑，蟹肉份量足又鮮甜，撈飯食一流，都可以叫埋蒜蓉包或者薄餅，吸盡咖喱汁先夠滿足！鐵板泰式青胡椒炒豬頸肉🐖呢一道冇咁common 唔係平時既普通燒豬頸肉 青胡椒粒辛香突出但唔嗆喉，夾埋洋蔥、同醬汁爆炒，鹹香中帶微微辣勁，送飯都無得輸～👍米泰 (荃灣)荃灣大壩街4-30號荃灣廣場3樓350-352號舖…查看更多

泰式料理是我們經常光顧的，當然水準也有參差，今天遇到一間很不錯的，食物好、服務也非常好。行過「米泰」門外，五時多也差不多客滿了，我們見到有個二人餐價錢幾實惠不防一試。二人套餐有好多選擇，街頭小食我哋選了「泰式炸魚餅」 以魚肉為主要食材，加入泰式紅咖哩醬、檸檬葉等，口感彈牙，非常美味。「香芒牛油果素菜米紙卷」清新爽脆，芒果肉香甜。「泰式黃咖喱牛肉」 香濃的咖喱辣度適中，牛肉稔滑，咖喱汁配上薄餅真係一流。「菠蘿海鮮炒飯」炒飯爽身用料新鮮，新鮮菠蘿那些微甜又有質素不錯的大蝦。還有兩杯飲品，橘子色的泰式奶茶融合咗茶湯煉奶同淡奶，入口順滑。…查看更多

話時話，我今日去食飯，大約12:00到，我見到餐廳入邊有20張枱係空嘅，我心諗明明見到大把位都叫我攞飛我嗰下真係呆咗，小姐仲要話就等佢哋執埋嘢埋枱先至俾我入去，前面仲有四張枱喺度等緊。喂大佬，你都可以安排人哋坐一啲吉咗嘅位度㗎，仲要出邊係企咗好多人，阻住人哋行，係因為條通道出去就係行人天橋，有好多人出出入入。我唔一定要等張卡位，但係至少好似散咁啲人入去先啦。仲要我坐低咗5分鐘之後間餐廳已經full左。喂大佬你驚冇人幫襯咩，做完員工態度咁差啊你到時真係冇人入嚟你啊真係搞笑la.…查看更多

廣場新開嘅泰國菜🇹🇭剛剛裝修完，座位及環境真係坐得好舒服😌二人餐 $388 幾抵食‼️前菜揀左個生蝦，爽口新鮮，配上泰式醬汁，酸酸辣辣好開胃👍🏻‼️雞肉沙嗲串燒得兩串，略嫌唔夠喉，如果每人兩串會滿足啲‼️主菜咖喱牛肉配蒜蓉包，香濃椰汁味好惹味，為咗唔浪費個咖喱汁，叫多一碗白飯🤣🤣成碟清晒‼️主食選擇中，徘徊菠蘿海鮮炒飯同埋炒金邊粉之間 。最後選擇炒飯，菠蘿提子乾好多，炒飯好乾身 。二人餐配埋兩杯飲品，三個女仔都好夠食🙋🏻‍♀️…查看更多

因為天氣太熱，甘岩入嚟商場就見到呢間新開既泰國餐廳，木製傢俬為主題，氣氛頗令人喜歡！加上時間尚早，我哋就決定入去試吓！我哋叫左船麵、海南雞飯、豬頸肉同埋泰式奶茶。服務員叫左好耐先有人理，食物等左好耐！船麵算好足料，可惜味道鹹左啲！海南雞飯既雞滑身，但醬汁就少左青醬，失望！！豬頸肉如果可以脆少少會好啲！泰式奶茶太過甜了！香港人咩都要少甜，呢個甜味已經過咗啲。食完呢餐飯真係要飲好多好多水，依家人人都追求健康飲食，少糖少鹽，我諗下次都唔會再食喇！…查看更多

今次去咗呢間裝修好有特色嘅餐廳食飯，真係大開眼界。餐廳入面有好多綠植裝飾，仲有個好吸睛嘅摩天輪造型架，上面放滿咗小食，好得意。食物方面，最深刻印象嘅就係呢碟炒肉片，肉片炒得好香，鑊氣十足，搭配嘅蔬菜都好爽脆，食落好開胃。另外，個金色嘅火鍋都好特別，雖然份量唔算好大，但兩個人分享都幾夠。火鍋湯底好濃味，涮嘢食落去好正。仲有碟炒長豆角，豆角炒得青翠，味道夠晒，食落好爽口。整體嚟講，呢間餐廳嘅食物質素都唔錯，環境又好舒適，好啱同朋友、家人嚟聚餐。下次有機會一定會再嚟試其他菜式。…查看更多

米泰泰驚喜午餐最近到訪「米泰」，主打泰式風味的食堂，環境輕鬆味道正宗！🍛 紅咖哩泰式炭燒豬頸肉飯 豬頸肉炭香撲鼻，外層微焦、內裡軟嫩彈牙，配上紅咖哩濃郁醬汁，辣中帶甜、香料味飽滿！🌿 青咖哩泰式香茅燒雞扒飯 雞扒厚度足夠，燒得焦香可口，青咖哩濃郁但不膩，帶有椰奶香與香料的微辣感，即使怕辣的朋友都可以輕鬆接受。🌟 整體評價 「米泰」的泰式咖哩系列不單味道貼近地道，更將炭燒風味融入其中，十分有誠意。價錢合理，下次會再試試其他招牌菜式！…查看更多

行去荃灣廣場，見到呢到開咗間新嘅泰國嘢，於是就打算試下，嗌咗個蟹肉咖喱飯同炸春卷。蟹肉咖哩飯蟹肉份量還好，畀我想像中多，咖哩醬質地較黏稠，味道麻麻地，椰奶味太重，整體口感單一，缺乏層次，春卷外皮過厚油膩冇口感，內餡寡淡無味，咬咗啖就冇再食，總括黎講，應該就唔會再來食第二次。間嘢又唔係一無事處嘅，值得讚既係餐廳裝潢幾chill，融合泰國傳統與現代元素，木質家具搭配暖色燈光，營造出溫馨雅緻的用餐氛圍，可惜我著重嘢食嘅品質多啲。…查看更多

上星期同朋友們臨時決定求其係荃灣廣場揀咗食晚餐。意外地覺得都ok wor👍🏻👀我哋3個人揀左一個2人晚餐。套餐包括一個前菜，兩個小食，一款主食同2杯飲品首先小食揀咗炸雞翼，飲品就揀咗凍0T同泰式奶茶香港人無乜人唔中意食炸雞翼，碟雞翼炸得都香口爽脆。 杯凍檸茶同泰奶就正正常常 之後揀咗香芒牛油果米紙卷，清清淡淡 所以顯得個芒果肉好甜 都算係有加分既再黎就到 黃咖哩蟹肉薄餅E碟意外的好食，如果中意勁辣既人未必滿意 但對於怕辛辣既人絕對無問題，香甜可口 好好食。 我同朋友係食哂薄餅外 用埋個咖哩點個米紙卷同送飯😂😂最後我哋主食叫左個馬拉盞炒飯配雞肉串燒個飯都炒得夠鑊氣 好好食😋。唔會係個d濕淋淋既炒飯 不過分量再多少少會再好， 太少分量唔夠飽哈哈綜合黎講 餐廳食物質素可以接受，員工既服務態度都算主動友善 會定期過嚟問使唔使fill水👍🏻我覺得都幾岩一家大細去食，荃灣唔想周圍搵野食既 可以試吓e間， 🤭…查看更多

網上見到呢間好似唔錯，今日假期就嚟試試。二人餐點嘅食物都唔錯，個咖哩蟹肉配薄餅，如果可以多兩塊餅就好啦，因為啲咖哩分量好足🤣如果要講不足，咁就係，佢手寫單會漏單..我哋係五點幾第一轉入嚟嘅，點餐時兩杯嘢飲遲遲不上，問咗先發現漏單..隔離台差不多時候入嚟，又係漏咗單...…查看更多

今日午餐同老婆拍拖，試新嘢⋯一坐低原來要叫人落單⋯⋯有好有唔好叫咗兩杯泰式奶茶，其實點解可以咁甜，飲慣港式真係有啲唔慣⋯⋯不過可接受之後到米卷上枱，不過上枱之後記得快啲食，否則皮貼皮一夾就散⋯🤦不過啲芒果粒幾鮮之後上綠咖喱豬頸肉飯，少少辣都幾好，不過不失最後若要拎埋The point分數記得埋單時講因為要出去門口counter 去「Do」🙄…查看更多