簡單主意 (已搬遷)

⭐️⭐️⭐️⭐️⭐️再訪Food Simple，鬼叫佢位置方便，坐好耐都得，尖沙咀食嘢不二之選，搵唔到第二間咁抵食了🙂‍↕️但係🥹❗️❗️❗️❗️❗️❗️❗️❗️聽餐廳員工講，佢哋視乎市道，好大可能做多最多一個月就結業啦。真係超唔捨得，喺香港完全食唔到類似既風味，唯有嚟緊幾個星期都同男朋友同屋企人過去支持。嘢食質素好唔好，好多時要自己試過先知，一啲奧客因為雞毛蒜皮既事就寫衰啲小店，連圖都無幅，純文字討論，其實對小店sssss好唔公平。我就唔講太多廢話喇，等大家自己參考吓啲美食圖啦💁🏻‍♀️…查看更多

個魚生飯啲飯係黐埋一舊爛飯嚟🤮🤮🤢🤢 好離譜 完全接受唔到 啲咖喱好明顯係即食包裝開出嚟 食到好忟 仲要加一？？？完全唔覺有咩服務 雖然喺尖沙咀唔算話好貴 但係呢個價錢食呢啲嘢我寧願食大快活 第一次嬲到喺度差評 真係好伏🤬👎🏻👎🏻👎🏻…查看更多

推介海鮮烏冬，性價比高。食材新鮮，兩隻大帶子。背脊係彈都係流心蛋，用心烹調！我仲加錢$ 10追加生蠔兩隻！一個禮拜食幾次我都得！我俾店鋪經理和員工大力支持！努力！…查看更多

尖沙咀搵食一向唔容易，遊客區租金貴，好多餐廳但係性價比唔會高，所以次次要喺尖沙咀食飯都會好頭痕。呢一日同👦🏻細細去開K11，喺加拿分道見到呢間「簡單主意」，睇落價錢都幾合理，就試一試啦！午市定食選擇非常多，分咗唔同類，比較特別係有素食定食，跟餐有沙律同麵豉湯/飲品。我哋揀咗吉列豬扒定食🍛，仲有中華糖醋猴頭菇🍄定食（素)🥬，跟餐要咗玫瑰圓肉茶同埋黑糖珍珠奶茶。🧀吉烈豬扒定食🍛 $70大大塊吉烈豬扒炸得好香脆，外皮粉漿算幾薄，唔會食到成口粉，跟椰菜絲同粟米，都算係正宗日式食法，不過點嘅汁就唔係日式果種醬汁，只係蛋黃醬，同吉烈嘢都係好夾嘅。中華糖醋猴頭菇🍄定食（素)🥬 $78或者可以叫做素咕嚕肉😅，揀呢個係因為Menu張相好吸引，實物上檯都冇令我哋失望😁。個汁就完全係咕嚕肉個甜酸汁，再加埋菠蘿同青椒，真係好似食緊咕嚕肉一樣🤭。飲品就算唔加錢都有唔同選擇，我哋叫嘅兩款飲品都只係加幾蚊，喺尖沙咀遊客區我覺得唔算貴，食物質素同服務都幾好，呢啲小店真係要多多幫襯支持吓👍🏼。…查看更多

平時食啲foodie介紹既餐廳，一係就中伏🤢，一係就食嚟食去都係嗰幾尾😪。今次難得同朋友敘舊，悉心挑選咗依間尖沙咀站D2出口附近嘅餐廳，一於就試吓自己運氣，睇吓小店會唔會為我哋帶嚟surprise🤭👉🏻tl;dr👈🏻讀緊依篇嘢既你，肯定就已經知道我俾咗好評。廢話唔多講，總之味道方面印象最深刻係海膽刺身、土佐豆腐、牛肉飯、咖喱炸雞烏冬，仲有吉列牛🤤 要食既話就試吓依啲啦，無介紹錯架喇😉~~~~我係一條有curveの分隔線~~~~👀In case你咁得閒睇長文，以下請繼續：我哋有4個人，就梗係叫咗好多嘢食試吓，刺身、天婦羅、串燒、烏冬、飯，幾乎menu上可以叫既種類都order咗🤰🏻先講吓個刺身拼盤入面既💛海膽刺身💛。我平時比較少食海膽，點解？咪都係因為中伏太多囉🥲。但係今次孤注一擲，勇於嘗試，個海膽竟然又ok甜喎？！係新鮮嘅😋 大推～就算係經常食日本嘢既朋友，可能都未試過💛土佐豆腐💛。之前喺其他舖頭見到要差唔多$70🤦🏻‍♀️，而呢間平好多就一於give it a try。豆腐炸過夠堅挺，伴少少辣椒蘿蔔蓉，連埋秘製醬汁一啖過食落肚，香味真係一試難忘啊大佬🤤💛牛肉飯💛大大份，仲附有隻流心溫泉蛋，篤穿隻蛋之後撈埋啲牛肉汁同飯一齊食，OMG❣講真，邊有咁多錢日日食咁多好嘢丫？"美麗新香港"，個個都生活富足，係我能力不足，收入不升反跌啫～ 但就算淨係為咗依個牛肉飯，我都一定會返嚟再食既😌💛咖喱炸雞烏冬💛有4件炸雞+薯仔蘿蔔咁，炸雞夠juicy，薯仔蘿蔔正常發揮，烏冬同咖喱比例啱啱好，唔會因為太少咖喱而唔夠喉，正❗仲可以追加一份小食，$15有兩塊三文魚，$10有兩舊炸蠔，相當抵食🥸至於💛吉列牛💛，識食既都肯定知價錢會比其他dish貴架喇。不過有budget既話一定要試啦，又有得玩吓自己燒，又可以打卡，仲要真材實料超級好食！無得彈呀喂😎 飲品方面呢就好得意架喎😂，雖然餐廳主打日式嘢，但竟然有成兩頁既台式飲品可供選擇🤯真係估佢唔到😲 我就嗌咗💛綠茶多多💛，幾清新，以前都真係未見過🙈 班friend除咗試咗💛芒果沙冰💛 (大大支🤨)、💛香芋鮮奶💛 (個friend話好濃好正🤔)，仲叫咗支名為💛"春鹿"💛既清酒大家share。入口淡淡甜香，啱晒我依啲lady😙，男性friend都話作為第二日要返工、只可微醉既選擇嚟講都算係不二之選🍶🐽後記🐽☝🏻食之前見到有食評話餐廳員工態度差，又話出餐慢，都咪話唔驚。當日有幸見到傳說中既老闆娘，係會講嘢快啲，但笑容可掬，我反而覺得有呀媽既感覺(?) 放鬆啲啦香港人，香港乜嘢都節奏快，講嘢快少少，無咗尾音，唔代表就係惡既～ 不過出餐有啲慢就真既，嗰日都等咗一段時間先食到。不過老闆娘幾乎係一腳踢，外加個員工負責送餐，都理解既。好嘢就係要等吓先有，係咪？香港人，共勉之。✌🏻個個都食兩餸飯，唔通個個都想食兩餸飯咩？！打工仔經常性食得頹，都會質疑自己咁辛苦係為乜🥱 日日都俾老細點，難得有得食好啲，做乜仲要俾foodie點🤥 相信自己，一齊發掘吓香港僅存既有heart小店啦💋…查看更多

可圈可點的日式便當趕住去尖沙咀睇concert，見app叫呢間有折，幾十蚊有個便當就買嚟試下鯖魚便當例牌配菜係日式甜蛋同淺黃色的醃黃瓜，俾啲食肥膩食物如燒肉啲人中和下個味覺，不過作為鯖魚前菜都幾好，算開胃。主菜鯖魚細細份，表皮燒得微脆，肉一般肥美啦，配啲飯啱啱好，飯份量有啲多，煮得唔算好腍，係我鍾意嘅味道當日去拎外賣，見堂食唔係好多人，但哥哥仔就好忙包外賣，我諗呢間嘢質素都算ok ==============================…查看更多

因為午餐見唔洗排隊等位，所以入左去試。入到去見到lunchtime 餐牌$70~$150/set 我同朋友各叫了一set..人均$75左右～叫左日式牛肉湯烏冬+日式雞扒飯。1. 日式牛肉湯烏冬：這碗湯烏冬，味道一般。湯底清澈透明，少少鹹。烏冬麵條煮得剛剛好，但唔係稻庭烏冬。烏冬不軟爛。牛肉正常。2. 雞扒飯：這道雞扒飯的份量十分豐盛，好飽如果食曬～雞扒烤得恰到好處，外表酥脆，內部保持著多汁的口感。肉質鮮嫩，調味恰到好處，帶有淡淡的日式醬汁香氣。正常味～唔係話好特別～整體不過不失，不過唔會再黎😂…查看更多

最簡單嘅幸福就係食好嘢！諗住Happy Friday 想同朋友食下飯吹下水放鬆下，就去左依間小店，結果朋友同自己都食得好滿足，令我想下次食嘅時候試下其他食物。😌 今次食左壽喜燒安格斯牛肩胛鍋、和風薯條、芥末漬玉子鰻魚丼、同埋山賊燒金菇牛肉，食物到枱嘅時候重好熱，每樣都好食🤤，價錢亦唔貴。店員服務質素亦都好好，老板娘介紹左支春鹿發泡清酒俾我哋，雖然平時少飲酒，但都試左，發覺好易入口，個人幾鍾意。🙈總括來講係高質嘅小店，可以再戰😆…查看更多

芝士抹茶用真抹茶粉，幾好味食左燒雞定食98蚊 雞皮新鮮脆 味道唔錯最後食左個定食既小蛋糕 好好食 尖沙嘴一間唔太起眼小店 隨便一試覺得幾好 下次會再來總共都係100蚊倒 環境舒適…查看更多

因為工作壓力太大，是日放工同同事嚟到尖沙咀嘅呢間小店，想通過美食搵返努力工作嘅動力💪🏻原本諗住小店嘅出品應該最多同大集團或者過江龍嘅質素差唔多，但最後無論係小食定係主菜既質素都令我喜出望外，因為又發掘到平民美食寶藏啦🤭實在懶得打字，想了解多啲關於依間小店既美食既話，大家可以睇以下照片！個人嚟講最鐘意牛肉丼、串燒同土佐豆腐🤤 其他都好出色，不過以上三樣最令我印象深刻～ 強烈推薦大家試試佢哋啊😎絕對係自費食評，而且可能好快又會再去啦，因為實在有太多菜式仲未試！希望 “美麗新香港” 可以有更多優質小店留守，等我哋依啲人生充滿不確定性既年輕一代可以得到些少心靈上既慰籍啦😌…查看更多

中午太熱不幸路過這店。 落單比其他三台早， 等了差不多四十分鐘只上一個餐。 其餘幾台上齊， 催了三次都話出緊。 系, 出外賣和其他台的 - 没錯。 個老板還出来凶我， 話生姜燒要炒。 當然炒，幾分鐘夠未， 至於40分鐘嗎 你當客傻的。 漏單就認 亂七八糟。 做吾住可以咪做。追了三次也hea 住話出緊。 其實幾好笑， 一路見一袋一袋外賣打包。 一台一台的送完餐。 只淨下我這台。 要我走起身時就送來。 我趕時間堅持不要， 也不願退單。 最后退一個餐 喝了飲品收22。 没一句歉意。 O 服務。 做吾住可以咪做。 難食到不得了。可以skip 佐服務咁差又漏單的店。…查看更多

去幫我朋友做嘢夜咗諗住叫外賣唔出去食，見到呢間啲嘢食好似都幾好，所以試吓。分別去咗玉子築前煮牛肉丼同埋滑蛋豬扒丼，牛肉飯個味道都幾濃味，飯亦都好足夠，牛肉飯係唔錯嘅，亦都食得飽。滑蛋豬扒飯個蛋亦都好滑，豬扒方面可能因為外賣冇分開裝嘅關係，嚟到嘅時候炸豬扒已經淋咗，豬扒本身冇問題，包裝亦都好，不過因為冇分開裝嘅關係個炸豬扒外面真係好淋，所以呢部份真係有少少扣分。另外驚住唔夠飽，所以嗌多份手羽餃子同埋兩隻溏心蛋，餃子味道冇乜特別，不過佢冇比到醋或者其他調味料我哋。糖心蛋味道還可以嘅，但係個人來講糖心蛋就比較偏熟咗少少。不過整體來講，如果有機會都會試多次其他食物嘅。…查看更多

餐廳係公司附近，經過過好幾次，覺得午餐款色好多好吸引，便當🍱五顏六色，好似吾錯，所以今日試下叫外賣先。外賣滿$200可以免費送上黎公司，吾錯。便當個樣係幾吸引, 有五,六樣小食配菜。可惜主角炸魚份量吾大，飯亦太多，加上冇汁，係送吾晒盒飯。一路食一路覺得好乾。午餐冇包飲品，要另外再叫。炸魚正常，都係炸得比較乾，可能凍左，堂食可能會好少少。我見到其他款式有咖哩系列，我唸呢個會好食好多，冇汁真係食吾到。…查看更多

其實我係尖沙咀返工，已經食過三次Food Simple , 每次都會覺得，咁唔起眼既店鋪，煮既野估唔到會有驚喜，係好食，但每次入到黎真係好少人，每次都有位坐。冇計 😂 門面太唔似日本野，以為係普通既魚蛋粉鋪頭。每次都係冇咩人，鋪頭安安靜靜咁上次已經聽到有其他客人話好食，所以今次一定會試哩個---漢堡扒芝士流心定食 $108不過餐廳menu入面冇話特別推介哩款定食，所以要細心d 要搵先睇到 😂😂果然係流心，而且唔會覺得好漏/好滯，配合埋蛋漿，口感同味道真係非常配合👍🏻👍🏻服務態度我覺得一般，中規中距。價錢其實以食物既質素黎講，我覺得係值既，但如果計埋地段黎講，同埋入面環境，我會覺得偏貴。所以我都唔會話成日食，但就一定會推介俾好少黎尖沙咀既朋友仔 😉…查看更多

本人在20/10/2022在這餐廳用膳,向圖中個呀姐點了餐牌上的一客鹽燒雞軟骨,餐牌上的顯示為2串,而標價的$22當中,未有指明雞軟骨的數量。其後該職員為本人送上一碟2串的雞軟骨,在進食第一碟後,本人向個呀姐落單加多一客鹽燒雞軟骨,即前後ORDER 了2客,共4串雞軟骨。 直至埋單比錢後,睇到收據先發現是$22/串,並不是餐牌上圖片顯示為兩串$22。於是本人便向個呀姐作出投訴，但是該女職員惡言相向, 指出餐牌上的圖片只作參考,而且餐牌並不是由佢去設計,故沒有責任作任何解決方案。仲同本人講畀唔起錢就唔好過嚟食嘢。 個呀姐仲要同我講，都未試過有食客投訴過呢個問題😅 之後本人深感受騙，報警求助。圖中為報案資料,警員到場後已查閱本人的用餐收據和該餐廳的餐牌,提議本人先作拍照留低證據,向海關投訴有關商品說明條例。已報海關跟進！ …查看更多