簡品堂

营业中

休息中

之前被佢哋嘅開心果糯米糍驚豔到，今次決定再試下呢兩個蛋糕仔，一個係oreo味，一個係tiramisu味。我對於oreo任何甜品都冇抵抗力，今次試呢款，比我想像中甜，oreo味亦唔算突出。反而tiramisu味有驚喜，咖啡味夠突出，而且同cream嘅味道夠平衡，唔會太搶。

今日行過麵包店睇下有咩啱食，就見到呢個新出嘅「大甲芋泥麻糬肉鬆包」正！我三樣都鍾意食😂返到屋企沖杯西式茶，慢慢嘆…第一啖咬落去滿滿嘅芋泥會從四方八面擠出來🤤好有芋頭味，而且軟綿綿咁，麻糬就覺得太小了，面頭嘅肉鬆都正常味道，整體而言，你要好鍾意食芋頭先覺得好味，因為真係好多🤣🤣

天水圍都開咗呢間Fresh Fresh 面包店，見到最近佢旺角東分店果間有得買麻薯波波，即刻幫襯下先！點知發現原來呢間分店係冇QQ波賣，所以就買咗一袋嘅包包啦～紫薯麻薯波波💰HK$25 外面果層係普通面包，裡面嘅餡料偏少，但係麻薯口感夠煙韌同埋紫薯蓉都好夠綿密，整體感覺唔會好甜，如果餡料有多啲就更perfect啦～

(*˘︶˘*).。..簡品堂 Fresh Fresh Bakery.:*♡農曆新年快到了,大家都在辦年貨,這天襯去簡品堂排麻糟QQ球( 啊啊, 旺角那間真的很火熱!超多人排~)新鮮製作的麻糟QQ球, 超多款式有咸有甜，--Cheese、Oreo、紫菜肉鬆、抹茶紅豆、Mocha黑芝麻等等等, 個個都脹卜卜這次揀了開心果味, 味道甜甜的,---最喜歡還是Q彈有嚼勁的口感, 好吃好吃--順道買了賀年曲奇禮盒和花生角~賀年曲奇禮盒款式超多的,有朱古力也有牛油曲奇, 綠茶薄脆也很鬆化-整盒曲奇也十分好看又好食。~花生角手工製造, 食落口感鬆脆~-另外也十分推薦士多啤梨西餅和楊枝柑露雪媚娘,雪媚娘冰皮外表皮Q彈, 配酸甜的楊枝柑露蛋糕很開胃。啊對了, 口乾還有港式絲襪奶茶, 茶底濃郁也有花奶的滑度, 十分推薦簡品堂 Fresh Fresh Bakery旺角東站B出口閘外MKK1號舖

難得入天水圍探朋友，路過見到呢間舖個甜品櫃，好似幾吸引！於是買咗一件芒果蛋糕同一個mochi,味道方面都幾好，甜度適中，鍾意食啲cream, 但略嫌蛋糕有點乾。下次試埋啲麻糬波波先……

放工時間見好多人買仲要一人買幾包上網search個名話出名人手製作拉絲麻糬見到貼左個牌拉絲芝士最受歡迎即管試吓一拎上手唔對路，咁淋嘅食落唔係麻糬，係包同埋無拉絲再睇番原來同出名個間爭一個字所以我都諗唔明點解咁多人買

要去朋友家中作客，冇理由兩手空空，因為有幾個小朋友，所以就決定買甜品比佢哋食。買咗三個布丁同兩個Mochi-朱古力布丁非常濃郁嘅朱古力味，濃郁到有少少可可嘅苦味，好食！-焦糖燉蛋布丁相比其他兩個布丁個Texture 係流質啲，可能因為有蛋所以好滑，焦糖味亦好香。-益力多布丁去到嘅時候得返兩個，以為好好食，所以賣淨兩個。食落唔係益力多味，感覺有啲假。-草莓雪媚娘裏面有士多啤梨、海綿蛋糕、士多啤梨味嘅cream，忌廉有啲甜好在有海綿蛋糕同粒士多啤梨嘅酸味中和。-芒果雪媚娘同樣都係有海綿蛋糕、芒果忌廉、芒果肉，芒果肉不新鮮。

疫情關係其實媽咪一再強調唔想大搞，一嚟社會氣氛都唔多開心，二嚟都要防疫減少外出。不過話晒「登陸」都係人生一個里程碑，點都要搞吓花臣先似樣🤪我哋幾姐妹行街果時見到呢個蛋糕已經覺得好啱媽咪🤣🤣花花造型啱晒花痴媽咪🌸🌸而且直接俾$$媽咪夠晒實際，收埋喺蛋糕入面玩得又唔怕太無禮貌🤑我知造型蛋糕俾人嘅印象都係「好睇唔好食」，不過呢個真心係靚得嚟係好味㗎！食到新鮮嘅蛋香，我揀咗芒果餡，都好足料😋😋呢個已經係第二個幫襯嘅蛋糕嚟啦～當然造型關係有cream就少不免，但都算少甜，造型蛋糕嚟講我覺得算好食～蛋糕入面啲錢都係店家幫手預備，只需要入數俾佢哋就ok! 乾淨又方便！個綉球花燈仲可以保留做裝飾，真正有得食有得玩呀～

呢個蛋糕用黎影相一流3個小朋友同一個月生日，用呢3隻豬仔代表佢地啱啱好，佢地3個小朋友見到個蛋糕都好開人，而且味道都唔錯，入面係黑森林蛋糕，有少少啫喱係入面，外層係薄白朱古力，唔會太甜，小朋友都食得

前幾日訂咗個鮮雜果盛宴 非常失望！首先我講左話要個少cream無朱古力嘅蛋糕 然後店員話鮮雜果盛宴得外面有幾塊朱古力同可以成塊攞走 問佢入面咩餡 佢就話全部生果 得好少cream好正 不停強調無乜cream 於是我就訂左 結果之後去攞至話無大朱古力 然後出面變咗成層cream仲加白朱古力碎 本身都好唔滿意 結果返去切開 入面啲忌廉同蛋糕一樣厚！所謂好多生果都只係得幾粒！ 成家人心情差晒！ 非常失望 唔會回購 會同身邊人講唔好買！

籃莓芝士蛋糕🍰依個蛋糕芝土味好濃，一開頭以為佢係籃莓味嘅芝士蛋糕，點知原來正係得面頭個三粒籃莓，之後下面就完全係芝士蛋糕，佢就冇乜特別，而且食到一半就好’樓’，因為佢好甜又好濃芝士味，成個蛋糕都勁甜，我個人就唔中意太甜，不過中意食甜嘢嘅人就會中意

今時今日咩都係#相機食先 㗎嘞#蛋糕 🎂當然唔會例外啦適逢兩個靚女#生日一定要揾個#靚靚蛋糕同佢地#慶祝 啦咁啱見到#fresh fresh 有D靚蛋糕仲要係#平 梗係要試啦呢個#巴黎鐵塔 🎂都只係$298蛋糕餡可揀#什果 #黑森林 #芒果我就揀左黑森林嘞🎂拎出嚟兩個#靚女 都#讃 好👍🏼話#好靚 個鐵塔有電#會轉色#影相 #拍片 都#正切🎂食我仲估呢D都係影相用途為主但#食落 又有#驚喜 喎D#cream #好滑#馬卡龍 唔算太甜我食嗰個係#芝麻味 都幾香以住訂呢D🎂通常食唔晒🙊但今次呢個我地9個人將佢全部食晒雖然唔係特別#出色但係算係過得去唔好嘅係想加個#生日牌竟然要加$40 #太貴我就選擇唔加自己整個名牌😬😬