影片
以上资料只供参考，请与餐厅确认详情
前排睇到有间私房菜 简。儿。蒸 食粥底海鲜蒸气锅 + playhouse, 听落好似好普通, 但只要5️⃣个人就可以预约, 仲要系包场 (系! 成个场系你, 🤩因为店家一晚只做一枱客!).. 咁吸引, 一于约赵bb 班朋友仔去玩去食喇!店家有几款海鲜餐价钱选择, 但款式每次都唔同, 因为店主会喺预订当日先去街市买材料, 确保新鲜👍🏻我地拣左最平既套餐 ($398), 而小朋友只计小童价有一人一大碗牛肉乌冬! 小朋友食饱饱就可以玩, 大人就慢慢叹个海鲜餐呀!🤭个餐计埋个海鲜粥底有8️⃣道菜! 元贝 / 龙虾 / 鲍鱼 / 蚬 / 龙趸 / 牛肉卷 / 虫草花蒸鸡! 全部都好有睇头, 好新鲜, 鲜甜... 系真心好食!🤭(一定次次唔同架, 一定有惊喜🤩)🛝玩乐方面, 除左有小朋友至爱既弹床, 波波池, 滑梯.. 仲有电动麻雀, 唱k.. 全部都任玩架! 虽然地方唔算好大, 但小朋友玩得好尽庆, 大人又可以食住睇佢地玩, 大家都好舒服!👍🏻📍地点 : 简儿蒸荃湾德士古道168号德丰工业中心一座21楼10室
继续阅读
听朋友讲，呢度有得食蒸气火锅同有个游乐场比小朋友玩，所以去左试下。整体来讲野食都几好食，个扇贝同龙虾都好新鲜，滑鸡就咸小小，但食落都好滑，时间拿捏得几好，同d员工都好有礼貌，会同小朋友玩，会准备埋野小朋友食，等小朋友食饱先到大人食。到我地食既时候，小朋友出面玩 。入面仲有得唱歌同打麻雀，唱k方便真系要赞一赞，个音响真系几令声，仲有得山左个房门，唔会嘈到d小朋友玩，分左2个地方，好似有大人既天地同小朋友既天地。去到最后切蛋糕，会主动过来帮手影相，帮我地分好埋蛋糕，几细心，赞的👍🏻 加油喔💪🏻
继续阅读
朋友介绍黎咗呢间 “儿童游戏室+蒸气锅”, 我地今次要咗 “简” 海鲜餐, 5个成人, 4个小朋友加2个工人姐姐都食得好开心好饱! 小朋友食儿童餐, 工人姐姐食其他餐! 首先系叫小朋友同工人姐姐开餐先, 小朋友食饱休息阵就可以去玩, 工人姐姐可以睇住D小朋友, 之后就轮到我地大人开餐!我觉得呢个餐好抵食, CP值高, 可能因为系小店, 食物质数控制得好D, 摆盘又唔HEA, 唔似出面连锁店咁! 而且可能系工厦关系, 价钱都抵D, 最开心系5个人就可以包场!!! 老板话佢日日去街市入货, 绝对新鲜! 我劲推介马友, 杞子虫草花蒸鸡! 腌肉调味十分好, 蒸的时间又岩岩好, 真系好香好嫩好好味! 老板仲送咗 “上汤蟹王酱菊花豆腐” 俾我地, 所有食物都好有诚意, 睇得出老板好用心去制作! 有D相唔记得影, 下次帮衬个贵餐再影过!小朋友劲开心, 因为有大大个波波池, 又有弹床同滑梯俾佢地玩, 我地成人组可以打牌, 又可以唱K饮下酒! 老板十分nice, 没有收开瓶费, 请佢饮返杯就OK了, 结果我地同老板饮咗成晚! 我推荐呢个地方系因为大人同小朋友都食得好开心同好饱, 小朋友可以放电, 大人又可以放松, 因为5个人可以包场, 所以系食得放D开心D, 又唔洗惊D小朋友失控嘈住人!
继续阅读
我其实已光顾3次，每次既朋友都是尽兴满腹离开。人地问我是否Party Room?我就觉得系私房菜似d。Menu 有3个选择，我通常选［简］，份量都已好足够。仪式感的重要重视仪式感的你应该喜欢，因为虽然是蒸海鲜，但碟碟都有摆盆，有海鲜，有蔬菜，有颜色，有故事。所以只是影相打卡，话题都够你讲足一晚。但当然，海鲜新鲜，点煮都好味。小朋友唔驶理老板每次好细心，先用儿童餐队饱d 小朋友，继而就让小朋友在弹床，波波池玩。大家就食得安心又放心。开瓶费合理老板话开瓶费就系请佢饮酒，酒逢知己千杯少，所以每次来都系喜出望外。希望这个属于你餐厅既食评，让你Keep On 继续努力。
继续阅读