影片
平时自己一个钟意你到乐富广场食饭，今日嚟到UNY嘅food court，记得以前细细个觉得呢间买章鱼烧嘅好难食，但从装修之后再帮衬，发觉好食咗好多。今日嗌咗一个银套餐，$55有四粒章鱼烧同埋炒面，仲有一杯牛奶抹茶。炒面有啲五花腩都几香口，章鱼烧啲粉都唔会太厚，牛奶抹茶呢个底好似有啲糖浆有啲难捞匀，但味道都唔错。food court可以用信用卡俾钱，有张会员卡附送，每$25就可以吸一个印章，储够好似有章鱼烧可以换，下次可以再嚟继续储。
继续阅读
呢间食过几次每次都好食，水准稳定见冇好评就黎写一写啦 佢既章鱼丸外面脆卜卜入面绵、章鱼肉又弹牙、又够热食到有啲姜米我觉得好好味看图：据知表皮脆卜卜呢种章鱼丸系「东京风」平时我食开葵广同旺中既章鱼无双果种软身啲、湿度高啲，系「大阪风」 可以叫set，有丸有面炒面味道都ok但比较细份，如图杯抹茶几浓茶味，但唔太甜既，欣赏 价钱方面就比较贵啦平时葵广食原味6粒章鱼丸都系30蚊佢8粒原味收$48、4粒$25抹茶如跟set加$8、单叫$15但想食脆章鱼丸都会帮衬
继续阅读
今日去开乐富广场，梗系即刻去食最钟意嘅章鱼烧，见佢做紧新推出嘅吞拿鱼明太子章鱼丸，梗系即刻要返八粒你试吓先啦！食完真系唔够喉！再叫咗四粒原味试吓，真系果然保持到水准外脆内软墨鱼够弹牙！
继续阅读
特登为左佢打第一篇食评！服务态度劲差！有单唔系去check，唔去整，系度倾计，唔问都唔落桨整小丸子等左半个钟有多中间见住佢哋错漏百出，一系将外卖Apps嘅order俾咗街客，一系就唔记得拎嘢饮比客其实呢啲都系可以避免既错，明白繁忙时间会好多单，但唔代表要客人忍受呢啲！三个店员好似发紧梦咁！之间完全冇沟通，有咩order又唔知。平心而论，价钱唔算平，食物质素，我个人觉得唔错，但系咁既服务态度真系唔需要有下次
继续阅读
自疫情爆发之后，都唔知几时先飞到出去外游食好西...幸好胜在香港还有日本海外分店，让人解解和食扫街嘅饥渴感，全港只有三间分店的筑地GINDACO，难得在乐富广场foodcourt有得食，银套餐$48 筑地银炒面+章鱼烧4粒落单时记得+$4加蛋，铁板煎蛋特别好食。章鱼烧比预期的新鲜热辣，味道合格，炒面方面，还是堂食比外卖热辣辣好食，而重点是order 前要望望有无现成整定左放系炉上，如果要食较高质新鲜的点都系等一等，始终是鲜做慢工出细课的好。👅美味: ⭐️⭐️⭐️⭐️/5💫回头: ⭐️⭐️⭐️⭐️⭐️/5💡性价: ⭐️⭐️⭐️⭐️/5
继续阅读