築地日本料理 (金百利廣場)

東京剛剛旅行回來，忘不了築地海鮮的味道，放工同朋友去sogo攞袋，路過銅鑼灣餐廳一帶，見到百利中心樓上鋪頭築地名字倍感親切，試一試無所謂。到達店前，未有人排隊。一坐低發現二人前的餐牌價錢很親民，298可以前菜，小食，主食飲品甜品都有。選擇的二人前餐牌。座位有提供消毒噴霧，好似回到疫情前用餐的感覺。前菜蟹籽沙律，橙紅色的*飛魚籽搭配清爽的青瓜絲，咬下時有「啵啵」的爆裂感，增添鮮味和口感。 作為前菜沙拉冰涼清爽。 小吃的燒烤拼盤有豬肉，有烤菠蘿，主食前的開胃小食。烤雞肉落返七味粉多返啲燒烤口感。黑蒜油豬軟骨拉麵 - 發酵過後的蒜，有焦糖般的甜味和濃郁蒜香，少了生蒜的辛辣，剛剛擺低的拉麵顯而易見在拉麵上淋的黑蒜油，視覺衝擊見到黑色油在湯面上的效果，軟嫩的豬肋軟骨，軟骨部分入口即化，不需要太大力咬，而肉質不柴。有黑蒜拉麵，當然會飲原味湯頭，再攪拌黑蒜油，讓蒜香融入湯中，豬軟骨可搭配湯汁一起食用，我會加七味粉增添風味。因為重口味。牛肉野菜壽喜燒經典和風的菜式，湯是甜的，當然，港式的壽喜燒同日本當地不同。因為日本食法鐘意沾蛋液，而港版好多日式餐廳都會直接將蛋擺入鍋中。可能因為日本主打無菌生蛋，材料不一樣，不過就算在日本食的時候我都系成個蛋倒入去，再攞肥牛沾下，🤣成個湯都會有蛋液的味道。餐廳招待的服務態度好好，帶位的男仔會介紹餐品，而另有一位聽障人士服務雖然聽不到她的聲音，但對方用她的行動表達了對工作的認真，會主動過來執台上甜品。可想而知餐廳的包容也令用餐的我們增添不少好感。買單加埋一兩個人300零元抵食，如果有join會員好似仲有籌分。…查看更多

我和朋友一向喜歡吃日本菜，今次嚟到位於銅鑼灣地鐵站旁，金百利廣場內的築地日本料理吃晚飯。餐廳裝潢以日式居酒屋為主，餐牌上食物種類很多，有刺身🐟、壽司🍣、燒物🔥、鍋物🥘、串燒🍢、拉麵🍜等。我們選了精選二人前套餐，已包含沙律🥗、小食🫕、串燒🍢拼盤、主食🥘、甜品🍰和兩杯特飲🍹。✨ 沙律（冰梅蕃茄沙律或蟹籽沙律）（二選一）： 🥗冰梅蕃茄沙律點選了冰梅蕃茄沙律，話梅味道滲入冰凍新鮮去皮蕃茄內🍅，既有話梅的咸酸味，亦帶出蕃茄香甜；加上黑醋拌沙律🥗，非常醒胃。✨ 小食（天婦羅、餃子、牛舌、鯖魚、紫薯餅、芝士年糕）（六選一）：🐮板燒香蒜牛舌上枱時仍然是熱氣沸騰的鐵板盛載着一片片牛舌🐮，外微焦內嫩，口感滑順軟腍。以洋蔥、香蒜、香蔥等配料烹調，香氣充分滲透，增添了豐富的層次感。✨ 拼盤串燒（菠蘿、雞柳、雞中翼）：🍢🐔雞中翼串燒雞中翼的外皮烤得金黃香脆，肉質鮮嫩多汁，煙燻的香氣讓每一口加添美味。🍢🐔雞柳串燒雞柳口感鮮嫩，搭配甜甜的醬汁，十分滋味。🍢🍍菠蘿串燒若以生果做串燒，個人最喜歡就係菠蘿串燒。菠蘿味道鮮甜多汁，帶點清新香氣。✨ 主食 ：（豬軟骨拉麵、叉燒拉麵、壽喜燒、石鍋飯）（四選二）🍜蒜香豬軟骨拉麵湯底蒜香味道濃郁，豬軟骨煮至軟綿入味；配菜有紫菜、木耳、粟米粒，加上軟硬適中的拉麵，十分美味。🥘牛肉野菜壽喜燒壽喜燒的牛肉鮮嫩，配合流心蛋、豆腐、秋葵、娃娃菜、香菇等，食材新鮮，香氣撲鼻，再跟軟綿白飯，已非常豐富。✨ 套餐還包括甜品（六選二）：有雪糕、奶凍和蛋糕可供選擇🍰 柚子蛋糕柚子的清香配合口感輕盈的蛋糕，非常適合作為餐後的清新甜點。🍰 Tiramisu蛋糕這款Tiramisu蛋糕的口感絲滑，咖啡的香氣與奶油的細膩完美融合。✨ 特飲🍹 巨峰乳酸梳打口感清新，巨峰葡萄的甜酸平衡得宜，特別適合消暑。🍹 荔枝乳酸梳打荔枝的香甜濃郁，帶有輕微的酸味，是我喜愛的夏天飲品之一。🔥總括而言，以日式料理來說，食物種類款式也多，食物味美，服務態度良好，價錢親民，期待下次再與朋友來享用其他食物。…查看更多

好耐冇食日本菜，於是就喺銅鑼灣搵啲小店支持吓本港經濟。三品豆腐一次過可以品嚐三種不同的風味，胡麻口味帶來香滑的感覺。海老彈牙，配搭柔軟的豆腐增加了層次感。而泡菜的酸辣又幾得意。冰梅番茄番茄鮮嫩多汁，冰梅的甜酸感使口感更加清新，最適合夏季享用。鹽燒牛舌牛舌肉質厚實而柔嫩，外層略帶焦香，內部多汁，令人垂涎。菠蘿串燒燒菠蘿外焦裡嫩，好甜香，唔錯。紫蘇梅醬雞柳甲一向都好鍾意食紫蘇，今次配搭雞柳，再加上梅子的酸甜，有獨特的風味。海之逸魚生丼有好多款不同的魚生，款款新鮮滑嫩，飯粒粒分明，性價比高。…查看更多

築地日本料理位於銅鑼灣，交通便利，餐廳提供多款抵食定食和刺身丼飯，刺身每日新鮮運到，鮮度有保證。三文魚海膽海丼：三文魚口感滑嫩，油脂豐富，入口即化。海膽質地綿密細滑，帶有濃郁的鮮甜和海洋氣息。壽司飯微酸微甜，Q彈有嚼勁，能平衡三文魚和海膽的濃郁風味。黑蒜油豬軟骨拉麵結合了濃郁豬骨湯底與黑蒜油的香氣，加上軟嫩入味的豬軟骨，是一款重口味且香氣撲鼻的日式拉麵。三文魚腩刺身味道鮮美濃郁、油脂豐富且肉質嫩滑。…查看更多

位於金百利廣場內的日式餐廳, 地方雖小, 但環境及座位都非常舒適, 而且充滿日式風味熟蝦壽司 $8一件🦐 蝦肉爽口彈牙, 熟蝦保留了鮮甜味道, 搭配微酸的醋飯, 餘韻繞舌清水心跳壽司 $38 🍣 名字非常特別, 以非常清甜的芒果, 覆蓋著以青瓜、蘆筍、牛油果等組成的壽司卷, 口感層次豐富, 味道清新鮭魚魚頭餃野菜鍋 $98 🍲 以鮭魚魚頭熬出的湯底香味濃郁, 鮭魚肥美但不膩口, 材料豐富, 有鮮甜的娃娃菜及白菜、細滑的豆腐、吸收盡湯底精華的金菇, 還有清甜的紅蘿蔔, 及充滿層次感的秋葵, 非常滋味的菜式豬扒煮蛋飯 $72 🍳 豬扒外脆內軟, 再加上軟嫩的煮蛋覆蓋覆蓋著米飯, 每一口都能感受到蛋香與肉香交織, 令人滿足甜品拼盤 $48 🍰擺盤精美, 完全是甜點控的夢境- 🍫 朱古力雪糕味道香濃- 🇮🇹 Tiramisu香滑又有層次- 🍊 柚子蛋糕酸甜適中, 清新解膩- 🥛 北海道牛乳奶凍口感軟滑, 奶香馥郁性價比非常高的一間日式餐廳👍👍😋…查看更多

位於銅鑼灣中心的這家餐廳，交通便利，提供8道菜的套餐，價格在500港元以下。從頭盤、煮食、炸物，到甜品和飲品，性價比高。服務生親切友善，會根據你的用餐速度，上下一道菜，並在鐵板幫你烹調牛肉。用餐期間，不時換碗碟。魚生拼盤，可以根據你的喜好更換不喜歡的種類。店內有一位已工作八年的聽障服務生，笑容燦爛，勤奮敬業，讓人印象深刻。這家店已在銅鑼灣營業十多年，足以證明其質量有保證。我一定會再訪這間小店。…查看更多

築地日本料理叉燒拉麵叉燒拉麵湯底濃郁，帶有醇厚嘅豬骨風味。叉燒肉質鮮嫩。拉麵口感彈牙，溫泉蛋煮得恰到好處，加上紫菜拌碗邊，係一碗精緻又正宗嘅拉麵。綠茶冷麵綠茶冷麵清新可口，麵條Q彈。上面撒上的芝麻與海苔增添了香氣，讓人感受到夏日的清涼，非常適合作為開胃小菜。清水心跳 - 壽司卷物清水心跳係壽司卷物嘅名，材料以芒果、青瓜、蘆筍同牛油果為主，色彩繽紛。每一口都帶嚟新鮮口感，特別係芒果嘅甜味同牛油果嘅奶香，非常配合。紫蘇梅醬雞柳串雞柳串搭配紫蘇葉，紫蘇葉嘅梅醬酸甜味突出，令整個串燒更加提味。築地甜品拼盤 當各種甜品令人花多眼亂，唔知揀咩好嘅時候，築地甜品拼盤，就可以一次過滿足晒。柚子蛋糕清新爽口，綠茶雪糕帶有淡淡嘅茶香，北海道牛乳奶凍滑順細膩，而tiramisu 令人感受到濃郁嘅咖啡香。草莓石榴熱情果梳打草莓石榴熱情果梳打，色澤鮮豔吸引，口感清新，草莓同石榴嘅酸甜交織，熱情果嘅香氣增添咗層次感，非常適合夏天。…查看更多

嗰日同媽咪shopping完之後又熱又攰，誤打誤撞就入咗依間日本餐廳，環境舒適，服務態度好好👍會再去～🌼三文魚腩刺身滿滿油脂，食落啖啖肉，非常肥美🤤🌼鮮帶子刺身帶子份量多，俾左好多粒，而且粒粒鮮甜🥰🌼汁燒魷魚筒推薦！性價比高，好大一條魷魚筒，好新鮮，易咬唔會靭，醬汁好惹味，送酒一流！🌼菠蘿串燒🍍菠蘿好甜好大舊，上碟仲熱辣辣，咬落爆汁😋🌼牛肉野菜壽喜燒咁嘅價錢竟然食到壽喜燒🥹溫泉蛋水夾埋牛肉超正，最鐘意個湯唔會太咸，最尾啲菜索曬啲湯都仲好鮮甜🤤🤤…查看更多

同朋友收工後喺銅鑼灣一帶搵日式餐廳，見到這間居酒屋八點後部份食品半價，優惠非常吸引，所以便進去一試。餐廳內部日式裝修，很有風味。店員隨即把進行折扣推廣的食品二維碼餐牌給我們，非常有禮。大部份壽司和花之戀都有半價，部份小食也有不同的優惠，建議想食的朋友8點後入座。餐廳有各式各樣的壽司，其中我最推介的是帶子花之戀和蟹膏花之戀，有別於平常的花之戀，口感和味道更豐富，魚生亦非常新鮮。醬燒雞柳串燒雞肉肉嫩多汁，照燒醬的比例不錯。芝士玉子燒嫩滑的玉子包着流心芝士，超級邪惡的配搭，加上鏗魚乾，味道和層次增加了不少，必點！汁燒魷魚筒原條魷魚燒得香香的，汁燒就能保持彈牙。石鍋鰻魚炒飯飯粒炒到粒粒分明，用石鍋想keep住熱辣辣，鰻魚炒飯真係好香。這間餐廳性價比很高，地理位置理想，絕對推介！…查看更多

早幾日同朋友random揾咗呢度食日本嘢，一坐低被佢個二人餐吸引咗，三百蚊有前菜，小食，主菜，甜品同飲品，好似好豐富咁就try try。最先到係飲品，難得熱焙茶latte有得叫少甜，上枱都夠熱 而且同凍飲對比都幾大杯，白桃乳酸梳打幾清爽。之後係個板燒香蒜牛舌，上黎嗰時個鐵板仲超熱，啲汁滾到jeh jeh聲，牛舌夠厚身，咬落去有嚼勁，蒜香味夠晒濃，啲洋蔥都好夠淋，索晒啲汁，連埋牛舌一齊食好正串燒拼盤入面有雞柳，波蘿同雞中翼。雞柳唔會鞋好juicy，波蘿好甜又多汁，雞翼都唔會太dry 調味適中唔算太咸食完一堆咸嘢後終於有個冰梅蕃茄沙律，啲蕃茄幾爽口，本身都怕個梅會好酸，但食落又還好，梅子味幾清新好開胃，啲沙律菜都新鮮，落醋又無沙律醬無咁肥。黑蒜油豬軟骨拉麵個湯底行啲，但表面嗰層黑蒜油都係好香，豬軟骨都煮得夠淋，啲肉基本上唔駛點咬都會甩出黎，佢拉麵係用幼麵，唔夠彈牙，如果用粗麵會更夾。牛肉野菜壽喜燒個汁正，甜甜哋又唔會太濃，牛肉片都算嫩而且夠肥，而且野菜入面有娃娃菜好夠甜，份量都啱啱好，不過意外地係配白飯，正常配烏冬會更好食，有飯食叫做保證食得飽😂甜品試咗豆腐雪糕同北海道牛乳奶凍，豆腐雪糕好香豆腐味，但係雪到好冰，staff都有提我哋放多陣先食。奶凍好滑，奶味都好出，兩樣都偏甜，但嫌甜就唔好食甜品 所以我覺得好好食🤣後來睇返openrice啲相先發現有刺身食，下次再黎應該會試下刺身…查看更多

今晚和女兒拍拖，來了她喜歡的銅鑼灣築地日本料理吃晚餐。我們6時抵達，店員已問我們是否已訂位，原來已差不多預約滿額，幸好我們已訂位。坐下後，看到啤酒正做買一送一優惠，確超值👍🏻我們叫了海之逸魚生丼，油甘魚頭鮫野菜鍋，及啤酒🍻~ 海之逸魚生丼：魚生有三文魚、油甘魚、北寄貝、帶子、蝦，鮮甜美味，口感嫩滑，還附送麵豉湯。~ 油甘魚頭鮫野菜鍋：頭鮫香甜惹味，營養豐富，魚湯清鮮。整體來說，食材不但新鮮地道，而且份量十足，性價比亦高，再上招呼親切，怪不得客人排長龍啊😋…查看更多

呢間位於金百利7樓嘅日式餐廳，都係聽朋友介紹就去試吓，入去見到晚餐時間好多人，好彩有book位咋😝🍣 海膽帶子卷餐廳提供多款壽司卷物，而小熊貓一眼就睇中咗呢個海膽帶子卷😍 除咗海膽同帶子之外，仲有青瓜，牛油果同蟹柳～ 食落口份外鮮甜同清新，作為前菜一流啊🐟 鮭魚魚頭鮫野菜鍋一上枱小熊貓就覺得好吸引，個魚頭好大個，下面仲有幾件，食落多肉多汁～ 有好多野菜同埋豆腐，配埋個魚湯飲好暖胃～ 最底仲有啲粉絲吸收晒歸餘嘅精華，呢個野菜鍋又健康又豐富～ 🐮 牛仔骨石鍋飯呢個石鍋飯偏向韓式嘅感覺，除咗牛仔骨之外，仲有泡菜，粟米等配料～ 而且附上一個韓式甜辣醬，加上醬汁後再將所有配料同飯撈勻，入口熱辣辣，亦十分惹味～ 食到最後仲有啲飯焦添，脆卜卜，正呀…查看更多

以前去東京旅行，點都會去築地朝聖，食最新鮮嘅魚生！雖然近年築地已退下火線，但喺唔少人心目中，築地仍然係新鮮嘅代名詞。而位於銅鑼灣嘅築地日本料理，同樣唔會令人失望，食材新鮮當然係基本，但原來夠晒抵食，性價比夠晒高，成為我哋嘅日式飯堂。三文魚海膽丼築地日本料理嘅廚師夠晒大方，三文魚係厚切，非常肥美；至於非常鮮甜，入口甘香嘅加拿大海膽，同樣驚喜。三文魚同海膽嘅份量十足，非常抵食，而且每個刺身飯都配有麵豉湯，飽滿度十足。極上築地魚生丼講明極上，梗係餐廳精挑細選認為最好最新鮮嘅海鮮配搭啦！極上築地魚生丼分別有三文魚籽、飛魚籽、赤牡丹蝦、三文魚、帶子、海膽等，款款刺身都夠晒新鮮！三文魚籽爽脆、赤牡丹蝦爽口、帶子鮮味十足、海膽成個木板咁上，份量十足，食晒啲飯都仲有好多刺身，下次再嚟都要叫返碗，真係好滿足。…查看更多

誤打誤撞地在這餐廳訂枱，結果是令人滿意。這間餐廳提供抵食的套餐，睇完餐牌後，我們叫了一個二人套餐。精選二人前的套餐，包括有冰梅蕃茄沙律，串燒拼盤，海鮮野菜天婦羅，牛肉野菜壽喜燒，义燒拉麵，柚子蛋糕。另外，我們叫了一杯凍一杯熱的柑桔檸檬蜜。冰梅蕃茄沙律的蕃茄，是用冰梅醃製過，口味清新，是比較特別，不過我又覺得，這樣會蓋過鮮蕃茄的味道。串燒拼盤令我們有驚喜。串燒有雞翼，雞肉串，菠蘿，啖啖有炭燒香味，好味！海鮮野菜天婦羅則稍嫌厚，也不夠香脆，有點遜色。牛肉野菜壽喜燒是阿仔的首選，食材新鮮，湯底好味，就算是放在面的雞蛋也看得出是靚蛋。論分量及食物質素，都是要給一個讚。👍😋义燒拉麵的义燒份量十足，麵質彈牙。細細件的柚子蛋糕也令我們覺得有驚喜。😋份量十足的二人套餐連加一，只需＄327，比我們今日午餐還要便宜。下次會和其他朋友再去幫襯。…查看更多

喺銅鑼灣想食個bruch, 又想食日本嘢，朋友諗到又去築地食，唔使我諗梗係乜都好。築地我都食過幾次，覺得佢CP值都高，不過食lunch 都係第一次。我叫左軍艦壽司定食配烏冬，雖然係lunch 套餐，軍艦的料一啲都無hea，好足料，而且亦唔唔係一般嘅三文魚，每件軍艦都係唔同，而且好啱我口味再加幾件加洲反卷，淨食壽司都差不多飽左。烏冬係迷你版，對我黎講啱啱好。朋友叫左咖喱燒鍋烏冬配豬扒，佢話咖喱好味，我食左2舊豬扒，豬扒夠脆唔油膩。我哋追加左2款小食，蟹籽壽司同炸餸子。追加小食每款$12好抵，分量都好足。2個餐(配飲品)加埋追加小食都只係$200內，我覺得好抵！…查看更多