影片
因为工作既缘故，几日后再临坑口，朋友拣左另一间TKO Gateway内的餐厅 - 筷赏地点都就脚既，因为TKO Gateway都近坑口站，就系地下果层街市旁一个集中左好多食肆既区域。环境大致整洁，灰色水泥地，装潢以黑白灰做主调，深啡色木枱，部分枱与枱之间有藤木屏风相隔，天花无特别去装假天花遮住喉管，有意／无意地营造出工业风格。服务就尚可啦，收银员都nice，茶餐厅的话，个人唔要求伙记会客客气气食物方面，选择众多，碟头饭常餐汤乌冬粉面样样齐，简单概括就系大件夹抵食。我拣左牛乳滑蛋盖饭 配 牛扒 转意粉，味道中规中矩，但四十几蚊大大碟包埋野饮，CP值高。朋友点左一个日式炒乌冬，无影到相，味道中中庭庭不惊艳。另外点左个西多士，呢个西多要赞，因为佢好食过好多茶记出品既西多，重点系一啲都唔悭家，够多酱多牛油多炼奶，食到佢里面搽左大量花生酱！埋单齐头＄120， 食到捧住个肚走，适合长期粮尾人士。
继续阅读
lunch time系坑口，唔想食太贵多数都会去帮衬呢间。抵食之余又够快，而且食物质素都几好。快餐餐牌日日都唔同，就算日日lunch黎 都唔怕冇选择👍。餐厅入面都算多位，就算要等位都唔花太多时间，而且仲有吧台for单人食客。白汁炸鱼柳意粉 $42 送餐汤 冻饮+$3埋单都只系$45 已经食得好饱意粉有捞茄酱轻炒，就咁食都已经够味。白汁明显太多，连块肉都见唔到😂。炸鱼柳&冻啡都系一般茶记水准。但呢个价钱真系好抵食😋值得推介。
继续阅读
今日去开将军澳𠮶头，就去咗最就近嘅TKO Gateway解决午餐~ 由于商场地下果层food court得好少餐厅可以坐低食，于是就拣咗呢间良心店。我叫咗一个常餐，黑豚猪扒乌冬，转乌冬要加两蚊，$44包埋热饮同埋火腿奄列蒜蓉多士，价钱都算合理。黑豚猪扒算稔，乌冬正常, 起码唔系平价乌冬, 加埋个奄列多士同埋野饮，份量都唔少，女仔食都会几饱下。呢间餐厅胜在上碟好快，啱晒啲赶时间嘅朋友，但就唔好对食物嘅味道有太大嘅期望。
继续阅读
今日打咗两场波3-4 单车馆5-6 坑口中间有一个钟头时间咁梗系同frd去 Chopchop食嘢啦！佢哋都系第一次去，佢哋本身食咗lunch所以剩系一人食一个包🤭佢哋两个比嘅评价都系：「好好食」！烟三文鱼都唔少，仲要系沙律菜🤪$28 仲要送热饮🤭我就冇食过任何嘢就去咗打第一场波，咁中间一个钟时间梗系去食我最爱嘅滑蛋牛扒！不过今日唔想食饭就食咗意粉😜意粉除咗林咗啲之外都好好食！唔想食饭可以试吓转意粉或者薯条，我实证过两样都唔错㗎😌牛扒食落唔似有比松肉粉乸过！仲有好多肉汁🫶
继续阅读
良心小店，除左主餐牌，日日都会有唔同既ABC餐供应，价钱亲民，跟汤跟餐饮。唔使落街睇餐牌，唔使打电话问咩餐，只要追踪佢地社交平台 就知个日会有餐食，岩哂我呢d心大心细加懒人。每次叫我都会叫餐食因为只有ABC餐先有餐汤跟， 个罗宋汤真系好好饮，单点好似十几蚊（试过有次好想饮，叫左碗）。食物质素，份量，卫生等等都好好，饭，意粉，薯菜任你拣！仲要咁亲民既价钱真系唔系周围有，所以都真心推介！ 绝对要支持👍🏻
继续阅读