第三代肥仔小食店

营业中

休息中

旺角肥姐已經幫襯咗好多年，但今非昔比、不復當年敢！而家只有D唔知嘅自由行會去排隊幫觀⋯聽講佢個仔，自稱第三代傳人，今日終於來到試吓，點知⋯ 不提也罷，－代衰過一代⋯今日諗住叫咗大生脹、同火雞腎試吓，但突然發覺原來佢都有王牌三寶，諗住同佢講不如要黃三寶啦，點知個肥仔仲惡過問佢借錢好大聲喎，到底你要乜嘢乜乜乜？我真係冇見過人可以咁樣做生意惡死到一個點⋯ D大生脹係淡而無味，佢嘅醬汁亦都不知所謂成件事九唔搭八，點知火雞腎仲差，都未解凍竟然可以俾人食垃圾中嘅垃圾，呢間嘢真係黑心啲工具期望佢執笠⋯

今日去買大皇牌，問幾錢先有個盒，佢話90蚊我話好，要兩個大皇牌，之後條女勁寸話兩個都唔夠90架……….差啲講粗口…………我都知，我都未叫完，都痴痴地，唔想做唔好做，以後唔會食，番到屋企發現臭既，有味，唔會再食，要買既就諗清楚。勁垃圾……….最慘比90蚊不如食其他店好過仲要受氣不得只，番到去全兜無食……….都唔係話比錢買野問題，係你態度同食物都有問題，下次一定一定唔會再買，要食都唔會食佢，以為自己好出名？咪玩喇

好耐冇去旺角食 夜晚經過尖沙咀呢間姊妹店(?) 冇旺角嗰間咁旺場 完全唔駛排隊 見冇試過呢間 買咗串細生腸($10)過下癮食落同旺角店一樣依然係清涼爽脆 醬都係差唔多味道 我覺得比平時喺旺角食嘅望落細串少少咁 要留意 買兩串先會有紙盛住呀 門口有擺垃圾桶幾方便值得一提係當日個女店員就真係好趕客 全程都係望住個電話睇片 同佢講完要咩 佢完全冇開過口講嘢 問要唔要芥末都係用個下巴嚟問 雖然買一串唔係咩生意 可能真係唔憂做啦一定唔會再嚟

幫襯第2次（真係唔係媽咪鍾意食都唔想再幫襯），店員嘅態度依然都係咁差第一次遇著個女店員講嘢冇尾音，黑口黑面，見到佢都唔開胃，好似我去乞食咁。第二次到個男嘅，講咗要個”大皇牌”佢之後再問我要唔要甜醬辣醬，由於佢哋店啲風聲好嘈，又隔住塊膠，我聽唔到，佢又係口黑面黑咁問多次。仲要佢容許另一對姨姨叔叔打我尖order食物🥲⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

大半夜也吃上了🌚大墨鱼🦑我最爱的还是这一口，脆糯嚼劲也不带一丝膻味，每嚼一下Q弹的大墨鱼就仿佛在和牙齿做对抗，弹的格外有劲🦷大生肠意外的新鲜，吃起来又是种脆爽的口感，配上酱香浓郁的秘制芥末酱，上头的瞬间有迸发出肉质的鲜甜🌶️🌸感觉他们家跟肥姐差不多一个味，不过他们家不用排队，价格也一样，可以冲！

今日經過尖沙咀厚福街，就試吓呢一間朋友介紹嘅小食，大概下晝五點去到都幾多人排隊，冇諗過呢一個情況，由於夜晚要喺附近happy hour, 所以我哋都食少少，試吓係咪真係咁出名！✔️墨魚，非常爽口而且凍冰冰嘅口感幾好食加埋甜醬同埋芥辣醬，非常適合夏天嘅小食，而且佢哋兩個醬汁溝埋係非常地夾，墨魚新鮮非常爽脆，非常鍾意食佢嘅魷魚！✔️生腸亦都做得非常乾淨，冇任何內臟嘅異味，整體發揮我覺得都唔錯，成個套餐都唔算好貴，$30有三款唔同嘅食物！

食完鬼金棒日式譚仔麻辣拉麵唔夠飽，專程行去肥仔度補補倉。見係附近又撞啱唔洗排隊就朝一朝聖吧，肥媽個肥仔第三代？甜醬芥辣仙女散花是但求其唧？謝檸檬瘋未傳人？唔夠大埔永利兩個後生仔有美學有耐性有熱誠續串續串細心地用掃平均鋪滿每粒滷水！成敗睇細節。整體質素味道都只係普普通通，不過不失一試無妨，香港米紙年？叫幾串都已經$80蚊，阿嬸sell我話買夠$100蚊送個盒？咩盒咁巴閉呢？無所謂就買夠$100蚊。原來只係普通膠盒。畫蛇添足拆晒出無竹簽串住，另外比獨立包裝甜醬及芥辣自己唧落膠盒一篤二篤點黎食，而浸係底浸住豉油既食物勁咸！其實要一串串續串續串輕掃薄薄豉油再平均搽滿甜醬芥辣，味道平衡先會好味架！浪費了。真係好討厭求那其唧上甜醬芥辣極之唔平均，依舊勁多甜醬幾乎芥辣！依舊勁多芥辣無甜醬、另外舊得醬油咸到死乜醬都無！我食開大埔間永利兩個後生仔真係用掃續串掃上薄薄一層芥辣一層甜醬，這些才是有誠意。雞腳，薄薄雞皮、爽爽腳皮，仲有趙唔到的白筋，真心無肉食，只損其腳趾咸味過下口癮。大生腸，腸壁厚而爽帶咸鮮，越食越過癮。墨魚，非常入味，嚥嚥韌韌帶墨魚鮮。火雞腎，厚身帶硬未夠爽甜。豬耳，硬硬不膠彈不爽脆，給多一

《$15 大墨魚》《$15 大生腸》旺角肥姐小食店就出哂名，尖沙咀肥仔聽聞係肥姐個仔開既，仲入選過「米芝蓮地道小食推介」，經過梗係要整番串過下口癮啦。當日去到大約晚上9點幾，好多受歡迎既商品都已經賣哂，但客人仍然絡繹不絕。今次就試大墨魚同大生腸，墨魚同生腸都超彈牙爽口，但就咁食就冇咩味，味道來源主要來自甜醬同芥末，特別一讚佢個芥末醬，食起黎好清爽而且刺激味蕾，但又唔會太攻，令人回味無窮。人均消費：under $50環境：6/10食物：8/10服務：6/10性價比：8/10整體：7.5/10

行過尖沙咀見冇乜人幫襯第三代肥仔小食店既皇牌套餐（$35）加餸，有細生腸、大墨魚🦑同火雞腎，同大皇牌套餐既分別係大皇牌套餐有大生腸，因為屋企人鐘意細生腸就買咗一set返屋企食，我剩係要甜醬唔要辣醬，成袋放咗入背囊🎒，好驚🫢漏醬出嚟。好彩返到屋企仲完整，屋企人聞到有臭味💩，應該係d醬，食落冇乜問題，好彈牙爽口

#20230817 🤍📍 第三代肥仔小食店 尖沙咀厚福街3號華博商業大廈地下G1號舖➖➖➖➖➖➖➖➖➖➖➖➖➖➖➖➖➖➖#細生腸 $10#火雞腎 $10💭 由細到大🐷都唔知呢啲個統稱係咩，所以叫佢地做橙色野😂佢有個皇牌套餐係加埋墨魚🦑價錢係同三款散叫加埋一樣，而🐷又食左野飽飽地就決定淨係叫兩樣，基本上串野係無咩味，完全靠啲醬，食呢啲精粹係甜醬芥辣全要，甜甜地又攻攻地鼻，加上天時暑熱係街隊串凍冰冰既野，正！.#尖沙咀美食 #🐷在尖沙咀 #🐷_食

話說去到檔口個時冇人排隊嘅，只係有個女店員同個男人喺度吹緊水。咁我就埋去買個套餐，我好客氣咁問佢收唔收$500蚊紙（我得一張500蚊）然後佢諗咗一秒，黑面+好串+極冇禮貌+冇尾音: 唔收! ！雖然個一刻好想話佢使唔使咁呀？不過最後吞咗。因為覺得同呢啲人講盞嘥氣兼嘈交。然後我收返左500蚊，走咗嗰一刻我覺得自己似係去佢舖頭乞食多個買嘢。我明白小店未必肯找500蚊，所以喺佢準備嘢食之前我都問聲佢，由佢決定做唔做呢個生意。但係佢回覆我都唔使好似叫乞兒過主咁嘅態度，就算幾好食都一定唔會再幫襯！

成日有堆人喺門口食、又長隊，難得今日行過冇乜人即刻閃去買。有單叫、有套餐，我都係穩陣啲先叫一串八爪魚先，店員好好禮貌問我要唔要辣醬，我話要辣醬，一食落去我覺得味道超正，主要係嗰醬真係好好味，甜辣酸適中，八爪魚又彈牙，我相信以佢呢一個醬無論點乜都咁好食，一定唔會中伏。我見都有唔少人點咗套餐，雖然佢舖頭細細，但都會好好咁樣隔離有晒tissue比你抺咀。至於價錢，雖然比起其他店算小貴，但真係好好味，值回票價 😘

我唔知係繁忙時間定係本身店員嘅服務態度係咁樣今日肚餓 經過呢間店舖諗住買個宵夜食咁岩遇到個女店員 出嚟已經黑口黑面咁我就問佢可唔可以叫個王牌套餐唔要大墨魚要其他嘢佢已經即刻就晒眉頭話如果唔要嘅咪單叫囉😂單叫唔係問題 其實係佢講嘢真係好細聲完全冇人聽到 我聽唔到問多一次已經即刻超級唔耐煩 其實你咁樣做生意嘅服務態度真係已經即刻非常反感本身肚餓都想食嘢 而家冇晒興致食冇咩事都唔會再去呢間買 就算啲人講到幾好都好服務態度差到咁樣 食完都一肚氣

今日天氣晴朗， 就去咗尖沙咀睇日落。 看完日落，當然去下加拿芬廣場一帶行下。 附近有條小巷厚福街好多飲品、小食賣。 由於疫情關係仲未可以係餐廳內食嘢，唯有搵小食嚟應付我嘅晚餐需要。行過見到一間綠色招牌寫住第三代肥仔小食店， 店還掛著米芝蓮2020及2021推薦街頭小食的貼紙，當然要試試。 係旺角時肥姐小食店已經出晒名，現在到他兒子肥仔創業，當然要捧下場。 鎮點之寶除了$40 大皇牌套餐 （內含大墨魚、大生腸、火雞腎），另外仲有$35皇牌套餐 （內含大墨魚、細生腸、火雞腎）。 由於下午5點已食下午茶，飽飽濟濟。所以選了皇牌套餐。 雞腎好爽好脆、估唔到雞腎都食到好重的雞肉味。細腸口感滑嫩、爽口彈牙有嚼勁。腸內洗得好乾淨，唔會有渣同苦澀味。 大墨魚，店主將佢切到一片片方便入口。 大墨魚入口爽軟幼滑，好有口感。 帶著淡淡的墨魚味。 各鹵味食物冰鎮後再配合肥仔自家製的攻鼻芥末醬同唔會過甜嘅甜醬。 完全啱晒鍾意刺激、味覺、觀感嘅我。

放工經過尖沙咀肚有啲餓，即刻諗起呢度有間好味小食，嗱嗱臨飛過嚟第三代肥仔度買小食，呢度出名好食，食咁多次水準唔單止保持到，仲越做越出色，抵佢長做長有。次次嚟到諗食啲咩嘢好呢，個人成日都有選擇困難症咁，不過好彩呢度同肥姐一樣有套餐揀，適合我呢啲有選擇困難症嘅朋友，我個人梗係㨂大皇牌啦，仲要加多串腸就可以食到好滿足，真係要Keep嚟住幫襯啊！墨魚新鮮彈牙，細腸唔會太硬，大腸大小適中，雞腎味道好正。一試再試，食完再食。