第一蠔粉麵 (已結業)

上网见到呢间主打蚝嘅小店，特登去试下。鸳鸯蚝汤米线 $88一碗蚝汤米线有2只生蚝 2 只金蚝，只只都又大又饱满。肥美嘅生蚝咬落去好鲜美甜；金蚝就焗烤过，味道更浓郁。汤底就纯清汤，但我觉得咁几好，清清地突显返蚝嘅鲜甜。浓虾汤米线 $68汤底系好浓嘅虾汤味。新鲜虾仲要挑咗肠，赞！总结系好食嘅，但坦白讲，性价比唔算高。不过如果真系钟意食蚝嘅话，呢间小店都值得一试，亦相信唔会失望。…查看更多

原本打算放工去食下晚餐，就行到离呢间蚝粉面点，嗌咗个浓虾汤米线同埋蚝饼，虽然价钱唔算特别平，但系原来都比预期好食好多，啲汤好浓，啲蚝饼煎得好脆，店员都好nice，极推！！完全唔明点解会有负评。………………………………………………………………………………..…查看更多

今日收工去咗旺角呢间第一识过虾米线同埋个煎蚝饼真系好好食👍👍👍虾米线个汤底好浓😋😋😋煎蚝饼又够脆又香口啲蚝👍👍👍店员服务又好👍👍👍总括嚟讲大家值得去试一试下次我会试佢嘅金蚝我谂应该都好食嘅😆😆😆…查看更多

首先就好污糟每张细细嘅台都有食净人客走左嘅碗无执而楼面所有人玩紧电话第二系好唔忧做态度！由头都尾无一粒声，态度又散漫！然后啲蚝无咩特别，大小还好，因为佢话啲蚝大，所以要少一粒！但其实成碗嘢我都唔觉得夹！米线份量等于平时谭仔少米线，女仔食就还好！总括嚟讲，唔试唔系损失，价钱亦都偏贵…查看更多

早几星期食过虾浓汤米线同蚝饼觉得不过不失 ，刚刚落车经过未够2点下午茶懒得去第度谂住食个自选米线，配料无乜特别，谂住平平地叫一𩠌米线食下，门口餐牌系写粉面底$24，$8系菜、粟米etc，$11系芋头丸、墨鱼春卷ect....一心谂住叫个墨鱼春卷米线清汤$35落楼，价钱不过不失。呢间店最伏系落完单唔会俾单你住，上次都系，食食下先会队张单话你知几钱，但完全无谂住食个自选米线都会中伏。一坐底就直接叫左春卷米线，点知上枱黎左个牛腩春卷米线，断估都唔系肉碎底黎，同佢讲我系要春卷米线，之后佢换过一碗上枱，春卷由1条变成2条。当我一开始食嘅时候佢就摆张单响枱，我吓亲点解系$48，$24+$12+$12，春卷计左2次钱，我即时问老细点解会收2次春卷钱，佢嘅回应系「自选米线最少2𩠌嘛，你叫1个春卷得1条架咋！」ok fine....我半信半疑继续食，拎枱面张绿色点粉面纸睇下，的确系括住（最少叫2个𩠌），我就以为自己睇漏眼。到埋单出门口好奇心之下睇多次个牌，根本无写明要叫2个𩠌，而且春卷的确系$11......你话$48食碗米线系咪贵就见仁见智，但系呢个价钱，先唔讲同其他店相比，呢间店内好多其他选择，点都会抵过2条春卷米线！门口菜牌价钱错而且误导系事实野食真系好一般，如果我好似之前黎食蚝饼虾米线嘅心态就觉得唔算好贵，但今日我系谂住食过简单下午茶心态，整2条春卷仔米线收我$48，就真系好唔掂！好失望以后唔会再帮衬，大家记得睇路。:(…查看更多