影片
招牌菜
系亚士厘道行左好几间食店，最后解定去楼上居酒屋一试 ~虽然唔系啲咩高级日本料理，但出品都几好，服务倘算殷勤，而且闲日唔会太多食客，坐得舒服、灯光柔和、气氛温暖，同三五知已把酒谈欢系个几好既选择。叫左支 500ml 既樱山清酒饮，HKD290。侍应攞住一盘酒杯比我地拣，而且款款不同，只得一只，我就拣左只圆点花纹既。一向樱山清酒甜味够重，入口容易，冻饮好清新。免费前菜沙律，点海鲜酱食加呢，有红萝卜、西芹、青瓜同椰菜，都可以啦。如果采用啲较多水份既蔬菜同埋温度冻啲好醒神好多。胡麻鲜蕃茄，一系 menu 度见到即刻想食，好多地方都有供应，酸酸甜甜又多汁，好开胃既前菜小吃。日本广岛蚝乌冬㶽，全晚最满意既一道菜，用热辣辣既铁锅捧上，咽靭滑溜口感既鸟冬，一食便知系手打乌冬，虽则未必系师父即日自家制，不过真系非常好味。日本酱油汤底加上大蒜、绍菜、什菇同唐好菜，好鲜甜。广岛蚝鲜嫰多汁又 creamy，浓郁鲜蚝味充满整个口腔，好正。手打乌冬加埋依个热辣辣既汤底，实在太好味，连食两大碗，朋友仔只食得一碗，so sorry 啊。细刺生并盘，虽唔讲得系非常美味鲜甜，但已经好好的了，百多元港纸乍。有带子、牡丹虾、鱿鱼、章鱼、海胆、剑鱼、三文鱼，七种。带子满意啦，都有啲甜味；牡丹虾呎码略细，新鲜度同口感未能逹标；鱿鱼够爽够腍口；章鱼太咸，个人不太欣赏；剑鱼反而几好，软棉棉，跟其他餐厅啲索索声既口感完全唔同，赞；三文鱼一般；海胆最正，好鲜味，配紫菜卷住食，好香甜呀 ﹗牡丹虾略厌 size 细左啲，个人比较喜欢大虾，口感会更爽更胶，正呀。带子如用上珍宝就更好喇，甜到无可想像。鱿鱼切片比切丝既口感会更好，依家切丝就食唔到鲜鱿鱼既黏口同爽脆感。我想相信如果有如此质量，价钱贵一点都无问题啦。鱼籽军舰，大大粒鱼籽，味甘甜，咬落卜卜脆，好有鱼油香味，好味。烧鸡心，有唔系即烧，只系反热之厌，因为只系微暖，唔系热辣辣，口感有点干、有点硬，同我系其他食店食开既爽嫰弹牙又多汁完全唔同。烧明太子酿鸡中翼，唔太喜欢明太子既味道，而且鸡翼都烧得太干，无肉汁。如果用鸡肝、鹅肝、猪肝、猪肉碎、门鳝鱼春或门鳝肝，味道会更鲜、更出众。三文鱼手卷，三文鱼条够鲜甜，都可以啦。如果加入青瓜条、牛油果或蟹籽，口感同味道会丰富好多㖞，依家有啲美中不足同有啲 dry 既感觉。依餐两个人埋单 HKD807，合理价钱，唔算太贵，满意又食得开心既一餐。
继续阅读
要上楼的居酒屋，楼底很高，台子不会摆得密麻麻，坐满卅人亦不迫夹。偏厅以珠廉相隔，街景与烛光相伴，浪漫好气氛，说悄悄话必有意思，同街的八王子及京世，就少了这点隐秘气氛了。试过餐前小吃野菜沙律，蘸自家调味面豉吃，正宗不过，之后又试了北海道白粟米，他们说是刺身，不作加热，营养无流失，味道亦特别甜美多汁，不用柴火，环保又健康。更多新店试菜分享＠恶男新居http://hk.myblog.yahoo.com/yahitemboy/article?mid=110
继续阅读
亚士厘道太多食肆了,见此店是新开,午市又无加一服务费,便约同事一起试新野.第一次来, 试了”牛肉煮蛋饭及稻庭汤乌冬套餐”, $50都几值价. 牛肉不是肥牛,鸡蛋的生熟程度刚刚好,蛋白可以滑到一吮入口. 乌冬亦烟韧,连面豉汤也很足料,不止豆腐咁简单.此新店都几值得试,因为service好兼冷气猛.
继续阅读
本身系烧鸟亭常客嘅我﹐今次有被呢间新店吸引呢! 位置几方便 好容易揾!小店容纳嘅人唔多﹐间隔几o岩开private party, 食物方面都几有创意﹐唔会觉得同另外食串烧嘅店一模一样口味试左好多款平时都比较少叫嘅串烧﹐其中一样系免治肉串﹐酿入软骨 质感丰富 唔会散收收﹐可惜好多款都唔记得影相...下次啦正体而言 系一间好值得试嘅新店﹐service好﹐waiter对食物knowledge高!唯独系sashimi方面要加于改善!
继续阅读