影片
食咗一半先记得影相， 章鱼船嘅寿司拼盘 可以睇得出材料优质. 88蚊有大拖罗食系边度揾, 寿司都系新鲜同埋 厚薄适中 ,细微如筷子及wasabi都睇得出店家 对质素嘅追求. 唯一缺点可能系开喺旧区 旧屋苑商场 唔系太多人知, 希望多啲人睇完呢个食评之后可以去试下佢嘅 寿司combo!88蚊食咗三文鱼两件赤身一件油甘鱼一件大拖罗一件 六件小卷
继续阅读
今晚要开OT, 同事提议帮衬荃湾，于是由沙田揸车出荃湾买外卖，得知此店开咗二个多月，都几多人帮衬，攞咗外卖返到沙田已经晚上九点多，正正兴高采烈开餐时，先发现少咗一个餐，好扫兴，于是whatapps通知返小店，谂住下次再补番个餐，谁不知老师细问我依家系边，咁我话响沙田😓点知佢话搭的士送番个餐俾我，我都半信半疑！点知真系半小时后，晚上十时多，Ricky姐姐亲身搭的士由荃湾送个餐到嚟沙田，我个吞拿鱼丼$88， 但由荃湾的士往返沙田都唔止$88！咁温馨嘅小店，真系好窝心🥰食物有质素👍🏻下次再会帮衬的。（P.S: 其实同事落单唔清晰：-））
继续阅读
行过见到有新食店进驻，决定买外卖返屋企试吓。今次只是试寿司同刺身饭。当时大约13:30，都有几个人等紧，order左一堆野，畀完钱，话要等30分钟，ok👌🏻冇问题。见师傅真系即场手握👍🏻，等下就等下。等嘅期间去左aeon行下，行左20分钟返到去仲未得，店员好有礼貌同我讲师傅整紧，等多阵。等了又等，total大约40分钟，一心谂住快啲返屋企开餐，点知⋯⋯店员同我讲唔够饭，只系整左午餐寿司7贯同三色丼，其他要再等20分钟或者cancel其他食物🙈晴天霹雳啊😩 店员都极唔好意思，到我出左店门都不停道歉。态度良好👍🏻我就cancel其他食物，带住两当餐返屋企啦。讲返食物，寿司7贯，醋饭酸度适中，用嘅系赤醋，饭有小小偏红，日本都唔系间间寿司店用，温度、紧密度控制得好好。唔会死死实实，唔会冻冰冰。刺身丼都系，唔系预制冻住。饭讲完，刺身都睇得出落本，新鲜，亦唔会薄切。会返转头帮衬。希望试业完可以缩短等候时间
继续阅读
新开荃湾小店🤤🤤🤤开左大约一个月😆我一星期去一次 食物新鲜好味 质素冇走样 又平 😍一家人去食 大人可以食刺身寿司细路仔可以食热狗同埋佢哋嘅特饮🤤🤤🤤唔使话一系就大人一系就细路两全其美🥰🥰🥰方便🥰仲有即开生蚝😍😍有啲即开海胆😍😍有啲即开赤贝😍😍热狗大大只多花款小朋友食得又开心🥳🥳平靓正食过真系返唔到转头🤤🤤🤤希望多啲新款式大众可以试吓高质日本餐又唔洗咁高消费 🤤🤤🤤🤤
继续阅读
之前经过见到装修紧，又热狗又寿司好少见㖞，今日行过见到试业中，担粗粗入去试下。😁佢写住热狗要等大约10至15分钟，所以先叫左个特浓芝士热狗。有手握寿司当然要试下啦，系咁咦叫左几件试下，再叫咗一杯乳酸绿茶。原来试业叫个小食特饮可以减$15，小食都系$15，咁即系送个小食，咁就叫多个吉列多春鱼啦。先嚟寿司，鱼生新鲜，比我想像中好。再嚟系吉列多春鱼，炸得几好，最紧要系唔油，讲真$15有5条接受啦。最后系特浓芝士热狗，味道都唔错，最欣赏个面包底，烘干左个面，少少脆，但系个包心仲系软熟既，呢个加分！呢间可以一试，我就会再食。
继续阅读