穴 (新城市廣場一期)

营业中

休息中

27/3/2021 星期六 首次光顧 這高級食肆(以為係)Lunch 貴一點（二人消費$1200)也沒問題，我首選 服務素質 環境 氣氛 以上三點達標食物自然不會差門口 接待處是一位 戴眼鏡的男性服務員☠️語帶 命令 呼喝客人 量體溫完全沒有基本服務態度 👎🏻不是迎賓 而是趕客 希望貴公司老闆們 要加強教育員工基本禮貌 不開心的消費經歷 不會再光顧 貼💰受氣

我們一行四人到這裏吃午飯。滑蛋吉列黑豚飯 $98吉列黑豚烏冬$98各叫吉列黑豚飯及烏冬，炸粉不是很厚的，剛剛好，但黑豚肉沒有豬肉味，這個價錢的話質素不算太好。炸廣島蠔飯 $88這個不錯，很好味。煮得剛剛好，不會太過熟。迷你飯餐$158每個餐和菓子一粒 （紅豆）

帶位安排混亂⋯⋯有檯唔安排，等30分鐘都仲話沒枱。似乎唔想做生意多。 經理，員工全黑面，客人問仲要等幾耐，個經理轉頭走咗去，廢事釆你。等待其間最少走咗4,5枱等客。 差差差

由於夜市禁堂食至20號，點都要支持吓食市叫個外賣返屋企食～行過見到指定食品有6折，單點都有85折，好吸引，而且好多人幫襯，所以都唔執輸～味道ok正常，魚生都新鮮，南瓜番薯好甜，好好味～張收據重有現金優惠券可以下次用，識做生意👍🏻~照燒雞扒飯$53~雜錦魚生飯$107~天㷌羅南瓜，番薯各$48

星期日中午食野周圍都多人，這間我們大慨等了30分鐘就有位了，地方大枱比較多，所以等得唔太耐。這集團餐廳一向都比較貴，近排因疫情關係，外賣好多優惠👍🏻 不過今次我們堂食🤪當初以為有優惠的午餐、最後唔多覺有🥴。我們叫了2個set, 都會配上前菜及沙律🥗，「吉列廣島蠔咖喱飯」吉列蠔剛炸出金黃色，配上珍珠米咖哩飯，味道尚可！☺️「吉列黑豚烏冬」大大塊的吉列豚肉，不會太硬，口感唔錯，烏冬麵是稻庭烏冬，份量也不少🤓最後也隨餐附上 「和果子」

晚上六點後外賣自取精選菜色有六折， 外賣全日八五折 。不過值得一提既係超多人排隊，等落order比較耐。 我六點零五分到大約等了15分鐘 才可以落order，不過值得等候，因為好好食。 魚魚生刺身好新鮮， 可惜最近沒有海膽以油甘魚取替。推介牛脷，好軟。卷物一般。特上刺身$137 六折的價錢。雜錦魚生飯$107 六折的價錢。酢麵豉軟牛脷$88（4片），外賣再85折牛油果軟殼蟹卷$88（6卷） ，外賣再85折芝士青瓜鰻魚卷$88（6卷），外賣再85折

真係好耐無食過日本野 趕得切限聚令前 食生日飯 好耐無返鄉下 壽星女揀左呢間 我地叫左咩呢？ 我地叫左魚生 燒羊架 牛舌 天婦羅 海膽配吞拿魚卷 炸吞拿魚卷 份量黎講3個女仔叫 ok講下食後感先魚生好新鮮得既最愛帆立貝 仲有海膽 好掛全日本天婦羅都好好食 個炸醬好薄 炸吞拿魚卷就認真麻麻 羊架燒得過左時間好難咬開既感覺牛舌就不過不失最後就係如果你想食壽司魚生佢係可以但係如果熟食呢就麻麻

朋友話想食日本菜又唔想去咁遠就去咗附近嘅呢間試吓壽司不過不失 同其他日式壽司都差唔多不過我覺得佢哋嘅刺身都算幾好食 幾新鮮而且切得厚 識落有魚油味 而且服務態度都唔錯 雖然未話去到好好食 但都可以試吓

🤩呢個套餐可以揀2款細丼飯或1個細丼飯+2款串燒，已包前菜沙津烏冬或蕎麥麵及甜品。我叫左蔥吞拿魚生飯😋雖則話個丼飯係迷你size🤭但其實幾夠飽，好多好多飯🤣🤣🤣吞拿魚舖滿面頭，幾鮮味又唔腥幾好食👍🏻串燒我揀左青芥牛柳粒，落左芥辣會太搶味🤪就咁食舊牛已經唔錯，肉質唔un牛味香😋另一串黑豚肉露荀，露荀有渣麻麻地😏豚肉唔知係咪堅係來自日本，正正常常，係油左啲囉😂😂甜品係紅豆和菓子😯我好少食呢類型既野，以為係煙煙unun🤣原來係實實地唔痴牙既，但對我黎講甜左啲🤭🤭總括黎講，呢個餐唔可以話好抵😎但勝在咩都有啲咩都試到，又前菜又飯又串燒又麵又甜品咁🤣好似我呢啲貪心而又選擇性困難既人最岩😌😌服務都幾好，上菜幾快，斟茶水都自動自覺，我覺得唔錯呀🤗

係呢間餐廳叫外賣自取就真係得受氣2個字！ 門口嗰個身形龐大 比較矮嘅女receptionist佢個樣串都算 態度仲奇差無比 語氣好似命令人咁 同我哋講話：我哋餐廳嘅外賣係耐㗎你哋下次唔好叫我地外賣啦咁好心你間餐廳就唔好推出呢d外賣服務外賣都要人等咁耐！咁入餐廳食要幾耐？我地只係叫左三份卷物等左半個鐘 比app顯示取餐時間耐左15分鐘而中間問過佢一次係因為app顯示已經可以取餐所以先問一下 就比呢個女人無禮對待！仲要比完外賣我地後啤住我地！好惡好恐怖請著呢d員工真係祝呢間餐廳好運

哈哈，一星期前經電話，手機apps甚至親身行去訂枱都訂不到的好一間 *穴居酒屋*，4人再約今日walk in 攞枱，幸好抱着不到黃河心不死的情神，今日卒之有先頭部隊攞到位喇，讓我們可以食到午市套餐 ~ 吉列黑豚御膳，燒鯖魚御膳😘有湯有白飯有前菜又有蒸蛋仲有甜品 😋😋吉列黑豚烏冬就只有前菜同甜品 😋先來個前菜 ~ 什菜配沙律醬，中華沙律，普普通通啦！吉列黑豚御膳 ~ 豚肉炸至金黃色，外觀已經好吸引，一啖食落去，外表不單至脆，內裏仲好juicy，加埋醬汁送那碗軟綿綿的白飯，真係一流，連平時不大喜歡吃白飯的我也全部食晒吉列黑豚烏冬 ~ 豚肉當然同配飯的一樣啦烏冬好彈牙，湯底唔錯，但鳴門卷就略嫌失色了，口感不不大好，朋友吃了一片就放棄其他了燒鯖魚御膳 ~ 鯖魚肉厚，燒得又香皮又脆，再配醬汁，都是送飯的好餸，有了這條鯖魚，當然朋友也將一碗白飯食晒落肚了御膳的蒸蛋，蒸得剛剛好，滑滑的，好有口感，好好味，我好欣賞御膳的飯後甜品，紅豆蓉水晶糕，唔係太甜，但夠凍都唔錯㗎我見到隔離枱食天婦羅餐都唔錯下次再光顧時，我要試吓再者，可能人手不足，員工對客人的態度還有可以再改善的空間吧

位於新城市廣場地下的「穴」係唯一一間我幫襯過超過三次嘅貴價餐廳，原因係佢雖然貴，但係食物質素有返咁上下，CP值都算幾高吓！嗰日約左一位好耐冇見嘅姊妹下午茶，傾談近況。我大約1:15到達餐廳撳定飛仔，等咗廿分鐘就入得，都唔算等太耐。一坐低就即刻打開menu睇啦！幾年前食過嘅抵食套餐原來仲有啊！就係呢一set喇！可以揀兩碗丼飯，或者一碗丼飯加兩款串燒，選擇頗多。另外仲會有前菜、沙律、蕎麥麵及甜品附送，熱茶更可以無限添加。原本話只有90分鐘用餐時間，但我地最後都坐到四點半先離座，非常正！三色丼，有三文魚、油甘魚同吞拿魚，新鮮肥美！海膽三文魚丼，海膽同三文魚都好新鮮好正！前菜及沙律蕎麥麵

「穴」趕住晚市10點前醫肚晚市放寬到10點，看似不錯，其實仍然趕頭趕命。每張台限坐兩人，餐廳變相要將客戶分隔，等位時間比平時多出一倍，當你以為就等到，原來餐廳已Last Order。看著很多等了很久最後吃不到的客戶失望離去。我們是幸運的一群，成功入座時已快九時，又要趕著十時前完成，實在無法享受一餐晚飯。看來下次要再早2-3小時來才行。講返食物質素，因為趕，都不敢慢慢享受，一人點了一客主食加盤壽司🍣就算。牛肉烏冬 $98烏冬依舊軟硬適中，彈牙有口感。牛肉嫩滑，維獨湯底不值這價錢。越喝越口喝，你懂的。和牛炒飯之前食過唔錯，翻點，和牛香味混在飯粒之中。飯炒得濕度剛剛好，不太乾也不太濕，保留飯的水份，令吃下去能享受到飯與和牛的香味交雜。特上壽司盛 $398點的時候，職員叫我點另一盤更貴的，說是飛機貨，但沒我想吃的在裡頭。原本想叫刺身，又賣光光了，所以選了這客，新鮮美味。最後想讚一下職員，看著她們一打十，態度仍然很親切。👍🏻👍🏻環境 🌟🌟🌟🌟食物 🌟🌟🌟🌟抵食 🌟🌟🌟服務 🌟🌟🌟🌟🌟穴地址: 沙田沙田正街18號新城市廣場一期1樓110舖電話: 22670633

最近無意中發現哩間食肆因疫情6點後禁堂食關係，下午6點後做6折特價優惠，之前已經想試，今次就趁機試一試先我地倆個叫咗海膽刺身配蔥吞拿魚腩卷，吉列廣島蠔卷，雜錦海鮮丼及特上壽司拼盤。海膽鮮甜味美，齒頰留香，有回甘；吉列廣島蠔卷蠔肉不夠，亦不覺有蠔味；雜錦海鮮大件夾扺食，有牡丹蝦，海膽等，而且件件魚香都生鮮；特上壽司嘅吞拿魚腩肥美，火炙左口魚群邊火焰令魚香更濃，海鰻肥大啖啖肉有微微燒香味，其餘都好生鮮。實在令人回味無窮應該會趁機幫襯多兩次

前排有同事生日，lunch就揀咗間日本餐廳同佢哋慶祝下🥰~🍁 迷你丼物配選套餐($158)呢個套餐可以揀兩款丼物或者一款丼物配兩款串燒，套餐仲配有前菜、沙律、烏冬或蕎麥麵同甜品💁🏻‍♀️最後就揀咗鰻魚丼配兩款串燒(牛肋骨肉&免治雞棒)同蕎麥麵😆迷你丼份量適當，鰻魚肉質嫩滑，配埋蛋絲同鰻魚汁撈飯一流，而兩款串燒都有驚喜，牛肋骨肉牛味濃郁又juicy，免治雞棒點埋日本雞蛋的蛋黃汁好惹味，略嫌雞棒上面嘅汁醬有啲咸🙈雖然啲嘢食係細細份，但係全部加加埋埋食完會好飽，而且樣樣都有啲咩都可以試下😚