稻香 (皇室堡)

稻香 位於銅鑼灣皇室堡, 交通方便, 集團連鎖式食店,  食物品質有保證又抵食. 酒家面積大座位多, 有卡座, 方桌, 大圓枱.  侍應服務好.現正做優惠推廣, 晚市宵夜火鍋  8:30分後  3.8折   (假日也適用).    自助醬汁免費.     鍋底有多款選擇,  5 折收費, 我們點了 芫荽皮蛋鍋, 好足料, 不單有芫荽皮蛋, 重有馬蹄,   電磁爐火力夠, 每檯還設有 自動煲水機.  真週到.    [晚晚食住獎],  市民街坊都受惠.  安格斯牛盤, 每份 $68-,  真係驚喜價, 必食之選. 鮮活龍蝦原價 $138 一隻,  如果參加 推廣 藍妹啤酒   [一手任擸]  遊戲節目, 更有特價.   我們都幸運,   一手擸上  5 支啤酒, 換得 鮮活龍蝦減至 $78 一隻, 輕鬆好玩又抵食, 鮮活龍蝦, 立即開邊送上.啤酒伴龍蝦,  一樂也 !湯滾蝦龍靚, 大滿足.龍蝦有大鉗係波士頓龍蝦, 肉質清甜, 好鮮味啊. 接著火鍋食品, 一 一送到, 好豐富.   安格斯牛盤,    擺設整齊,  新鮮吸引:    有肥牛, 牛仔粒, 滑牛肉, 牛腩, 牛筋, 牛肚,  牛丸.叫一份兩人分嚐已足夠.   肥牛,  顏色鮮嫩, 脂肪分佈平均,  滾兩滾就食得, 牛脂香味濃,   肉質 鬆軟. 沾些醬汁,   辣/蒜/鹹/甜, 自己決定.鮮蟶子, 口感爽彈,  味鮮甜.  鮮鮑魚,  彈牙鮮嫩道, 十分可口. 豬肉丸, 潮州牛丸, 魚皮餃, 火鍋必食, 平靚正 !粒粒 新鮮.   爽口彈牙, 鮮味十足.  炸魚皮:   卜卜脆好大件, 一灼即食.  五福蔬菜籃:  有齊生菜, 娃娃菜, 蕃茄, 金針, 菰菌, 粟米, 南瓜片.蔬菜新鮮爽脆, 顏色鮮美, 夠健康.食材新鲜,  大家吃得津津有味.  伴上  5 枝藍妹啤酒, 大家慢慢食慢慢飲 !!  真開心.…Read More

蓮蓉兔仔包既外形好可愛，裡面係蓮蓉既餡，偏向甜。花生鳳爪炆得好林，入口即化。小籠包子皮薄又多汁。馬拉糕很鬆軟，奶黃包味道不過不失。櫻花蝦煎薄撐很脆，而且很薄。餃子也煎得很脆很多汁，燒汁也為餃子增加了不少風味。叉燒酥有牛油香，內裡既叉燒為叉燒酥增加左唔少風味。豬腸粉加了豉油、甜醬及麻醬，混合得非常之出色。瑤柱粟米粥煲得很綿，油炸鬼都很脆。…Read More

週五晚上心血來潮想吃火鍋，找到一鍋底半價優惠8:30後入座配料更有三八折，還能參加「藍妹啤酒$48一手任擸」遊戲半分鐘內單手抓啤酒，可以遊戲價$9.9起換購鮮活龍蝦宵夜時段的熱鬧氛圍增添樂趣，服務員熱情高效招牌花膠雞鍋湯底金黃濃郁，花膠軟糯Q彈，暖胃滋補鮮活龍蝦色澤鮮紅，肉質彈牙鮮甜，沾醬油更顯海味無牛不歡必食$68安格斯牛盤肉香四溢，超值無鮮不吃鮮鮑魚晶瑩剔透，口感爽脆，滿溢海洋鮮味:)午餐肉切片厚實，入口鹹香濃郁，簡單卻滿足…Read More

想食宵夜，同屋企人去咗稻香！8:30後係宵夜時段，仲要係3.8折！睇落都幾抵食所以就入去試吓～今日星期五都幾多人排隊喎！等咗一陣先可以入座！見到佢哋特別推介食➡️安格斯牛盤 $68‼️真係份量好多，而且有不同款式嘅安格斯牛嘅部位！入邊有辣同辣嘅牛㗎😍肉質鮮嫩唔錯👍🏻我就叫咗個菌皇竹笙鍋底，入邊有不同嘅菇類同埋竹笙！湯底夠晒濃郁。我亦都叫咗廣島蠔，墨魚滑，四寶丸，芝士腸，雪場蟹柳，炸魚皮，沙白蜆！份量都不少，而且亦都新鮮美味！最後我哋玩咗佢哋出邊嘅遊戲！用咗$48睇下一手可以拎到幾多支藍妹啤酒🍻最後都拎得四支！原來拎到四支嘅話可以用$88換購鮮活龍蝦一隻！…Read More

皮蛋瘦肉粥煲得好綿，啲皮蛋同瘦肉都好足料。叉燒包好大個，鬆軟好食。馬拉糕好彈牙，充滿着蛋味。馬拉卷都整得唔錯，黃色，有好香既蛋味。三色腸係蝦腸、叉燒腸同埋牛肉腸，有三種唔同既口味。…Read More

作為茶樓來講，點心做得太失敗了。連最基本的控油都做不好，炸兩的口感是海綿浸油包腸粉、七味豆腐，同樣又油又濕，連對面IKEA的炸物都炸得比它好。簡直“油物”中的“油物”，吃一口就退單了。預製菜就預製菜，可以諒解，但一間茶樓連油溫都不會控，等同開餐廳不會煮飯。蝦餃、燒麥的餡材料香味0層次，只能用貧乏兩個字形容。不是餡入面只有肉就得，蝦餃改善口感與鮮甜味的筍丁消失、燒麥中的冬菇。預製菜不是問題，問題是選品的水平太差。是大廚被炒，還是味覺失調？茶，這次是香片，質量欠佳。與同價位的茶樓比較，性價比極低。不貴，但同價位比它好吃，比它貴10%的茶樓，能好吃30%-40%。走的時候，全肚都是油，看完張單成了火上澆油…Read More

呢個粉果好扁，好可愛。啲奶黃包個皮都係黃色的，其他點心如陳村粉、鳳爪、馬拉卷、抄手、煎餃、魚腐等味道都不過不失。呢間茶樓係自己煲水沖茶的，點菜係用電子點菜，全自動化節省咗好多人手。#稻香 #點心…Read More

我同老婆經常嚟飲茶.留意枱面有好多晚市廣告.見到晚上八點半後.火鍋配料三折優惠.感覺有興趣.就一於同老婆嚟呢度.兩人坐張大卡位.蠻舒服.由於無食晚餐所以都叫了很多嘢叫了經典鴛鴦湯底.沙爹及芫茜.沙爹味唔算濃,可以在自助醬料區自己加.因為外出醬料有沙茶醬.配料叫了牛肉.鳝片.脆鲩片.聖子花膠仔.嚮令.菠菜.雞片等等仲叫了一樽啤酒.全部食材新鮮.花膠就稍為細件.其他都滿意.特別係脆鲩片.爽口彈牙.埋單都係$260.我哋住附近.工作也經附近.有機會再嚟…Read More

本身book左去食團年飯，點知屋企人病左delay 到呢兩日先食。一上到好驚訝，成堆行李喼擺晒喺走廊，行入去房都怕kick親。d碗筷基本上同冇洗冇分別，一層厚厚嘅油喺面，用熱水洗都唔甩要再用紙巾抹，食最貴嗰個滿屋宴，乳豬肥到得層肥膏唔見肉，連男士都哽唔落，龍蝦尚算正常，點知個炸蟹鉗唔知做乜包層杏仁片喺面，另外d餸全部都係唔熱，個紅燒翅凍到勁腥。個餐唔好食就另外散叫d餸，西蘭花炒帶子d帶子又霉又臭，叫個侍應搵廚房試，佢返黎話接受唔到陣味就退或換最後個餐仲有壽包，一咬落去有陣垃圾味好可怕。。真係以後唔會再幫襯。。…Read More

今晚得我同阿仔食晚飯。我哋行完維園，睇左盂蘭節活動…. 諗唔到食咩就諗住食平平，我哋就揀左等8:30pm 先開始嘅…. 稻香宵夜邊爐，一個餐只要$9.9 ，包湯底，但打邊爐記得仲要比茶芥呀我哋去左皇室堡冒險樂園同玩具反斗城玩左一陣，玩到7:50pm 就去稻香拎飛啦 我當然係2枱第一個，到左8:30pm 就可以入去了有兩個餐，一個係牛+雞+海鮮盤，另一個係海鮑魚頭枝竹+海鮮盤我就揀左牛+雞+海鮮盤有一碟大約有5片嘅肥仔有一碟大約有7-8 件雞件，仲有雲耳海鮮拼盤有兩粒蝦丸+兩粒墨魚丸+兩件魚+兩隻蝦+四粒蛽+兩隻墨魚仔+兩粒粟米+兩粒菇整體：牛唔硬，好味雞滑魚係鯇魚，我鐘意食蝦新鮮丸都好食我哋仲加左公仔麵 ，宵夜打邊爐有六折最後係$69 埋單，超級抵🤩…Read More

銅鑼灣皇室堡稻香首先去攞位又唔睬唔應，問幾次先有人嚟接待，到點菜嘅時候，問套餐啲嘢又唔知，問樓面優惠使用條例又唔知，咁畀優惠把鬼咩！貼錢受氣！稻香有時真係越做越差！…Read More

一間史上史無前例最差的酒樓食物上菜速度慢，坐低咗成個鐘都未有嘢食侍應服務態度差超級差行路慢到呢真係要叫啲老細督促下佢哋啲嘢食超級耐都未嚟肚餓嘅話，一定死食完飯想話攞個盒打包啫，又等半個鐘咁就死啦，香港時間就是金錢你啲嘢平但係其他嘢做唔足咁都冇用㗎喎建議你哋個個都唔好去去親一定死一定中伏叫佢加水死都唔肯加俾你總之完全冇服務可言啲嘢難食，你話好食就話啫做乜要咁樣作賤自己？出嚟食飯都係想開心啫今次今日咁嘅服務態度係唔得㗎…Read More

記得上次嚟呢度嘅印象麻麻哋，不過同事求其揀就再嚟呢個方便嘅茶樓飲茶其實覺得都係海港嘅質素比較好 而且冇佢咁貴添唔知係咪姜濤生日俾啲fans包起咗某啲菜式，今日好多菜式都冇囉竟然 只係12:30的時候，叉燒包呢個咁大路一定會喺茶樓出現嘅菜式竟然冇滷水牛腱呀，豬紅都冇 都唔記得，仲有啲咩係冇啦同埋好奇怪，佢個秋葵變咗做青椒咁樣 我哋都係對單先發覺 完全冇同我哋講😂😂不過都唔記得咗嗌咗係秋葵呢個燒味拼盤有啲搵笨除咗叉燒之外，其他嘢都係得個樣，主要係骨嚟嘅都冇咩用 一係就皮….蝦腸正常 白灼鮮魷太多油啦 唔知點解要load咁多油上去金錢肚好硬 豬腳薑我就覺得幾抵食幾大份好味！棉花雞竟然得上中見到嗰一份雞，但係冬菇就好大 白灼菜心，今次冇油非常好 上次記得好似有用油去灼埋單都貴 除返一個人都要200 但係質素不成正比我寧願去北京樓冇影相嘅山竹牛肉就幾香 XO醬蘿蔔糕就好似炸蘿蔔糕配啲炸粉 定唔知炸豆卜？ 同事完全唔知自己食緊蘿蔔糕。😂瑤柱灌湯餃就有粒真係瑤柱 不過入面好多肥豬肉變好油 有少量蟹肉，但係肥豬肉先係主角咁…整體而言呢度幾乎冇服務可言，從上次嘅體驗一樣本身想叫人加多個茶位都要自己去拎隔離啲碟 ….衛生都麻麻哋，呢度嘅廁所超級超級超級污糟 仲污糟過公廁….…Read More

稻香記得以前喺第二度食開，不嬲都係麻麻今次公司飲茶求其搵間諗住價錢實惠啲又喺皇室堡嘅 點知勁難食 冇服務得嚟有污糟 呢度全部嘢自助咁滯，都好難搵到一個人因為我哋想要啲醬汁價錢唔算特別平 我都係鍾意海港個friend想食叉燒就嗌咗 最快上枱啦但係賣相勁差，好有勢頭，因為有個盤喺下面好大個盤咁，但係叉燒係勁博新，唔係講緊師傅都工好，而係講緊嗰舊肉本身係好平好薄 又唔係肥又唔係瘦都唔知點形容，而且醃製嘅結果又唔係好味:(好差叉燒腸叉燒嘅份量都係少之又少 粉皮合格啦魷魚好多生菜墊底，而且生菜好多油，魷魚好似得三隻..咁前途正常發揮整體質素好麻麻，又多油…就算菜都係好多油甜品亦都唔好食，真係以後都唔想食稻香…Read More

唔知香港飲食業有冇檢討過自己嘅出品同服務態度呢？！肯定呢一間係冇！服務員鋪枱嗰陣時跌咗對筷子落梳化，竟然冇同我哋換過就擺番上枱俾我哋用。點完菜我哋叫服務員加啲熱水，服務員就叫我哋自己睇說明書，餸菜嚟到嗰陣時除咗個燉湯所有嘢都係凍嘅。燒乳鴿同蒸乳鴿係冇分別。後來我哋又叫兩個白飯，等咗好耐都未嚟我就同部長講點知部長話冇落過單。呢一餐真係食得好失望，不但服務極差食物質素亦都好敷衍地煮出嚟。再加上價錢都唔係好平…Read More